影片
港铁金钟站 F 出口, 步行约6分钟
继续阅读
电话号码
28663381
营业时间
今日营业
11:30 - 22:30
星期一至日
11:30 - 22:30
以上资料只供参考，请与餐厅确认详情
食家推介
最近經過灣仔又嚟咗食呢間「一碗麵」，雖然貴咗啲，但係嘢食的確幾好食。之前睇過啲呢度啲review 話牛肉麵同醃篤鮮麵係必食嘅，所以今次就跟足啲推介試吓呢個配搭係咪真係咁正。先講個牛肉麵，個湯底真係勁濃郁，飲落去暖笠笠，至於個牛肉煮到超級腍，基本上一咬就散，完全冇咬唔開嘅問題，仲有淡淡嘅藥材味，食落好舒服。麵條方面亦都好有咬口，配埋個湯一齊食簡直一流，唔怪之得咁多人推介。再嚟就係醃篤鮮肉麵，個麵亦都係呢度強推嘅。個湯底好鮮甜而且唔會太油，飲落去好順口。鹹肉、豬肚同筍子嘅組合真係唔錯，尤其係鹹肉，鹹度啱啱好，配埋湯底食令到個鮮味好出，層次感好豐富，每一啖都好滿足。雖然啲嘢食食係好食，每一次嚟都唔會失望，不過最後都想講返價錢方面確實唔係平。如果淨係想追求性價比嘅話，呢一間未必會係你嘅首選，不過我就覺得如果唔介意俾多少少錢嘅話，間唔中對自己好啲食下好西，呢間就都幾值得嚟
继续阅读
Went to this noodle resto with colleagues for lunch..I got Dried Oysters and Pork with Noodles. The portion was huge and the noodle included lots of Bok Choy. The broth was clear with intense dried oyster aroma. The pork was a bit rough though. My colleagues ordered Farm Chicken and Green Vegetable with Noodles. Not sure about the flavour coz I didn't try it, but the amount was generous as well. .Although the dish was huge, it was quiet expensive for a bowl of noodle. To me, it may not be that outstanding that can reach such a price.
继续阅读
上次去咗間傳說中嘅美食天堂，真心冇踩雷！首先，個蒜香牛肉麵嚟嘅時候味道揮發得嚟就令人垂涎三尺🤤。牛肉一口咬落去，嘩，又嫩又多汁，真係滋味十足。面條自己都寫明咗係手工嘅，咬落去嘅韌度同滿口嘅牛肉湯汁完美融合，絕對係面控嘅夢想！然後，跟手試咗個金華火腿撈麵，簡直係震撼啊！面條滑而不膩，啲火腿就香噴噴嘅，鹹香刺激住响舌尖嗰陣，真係令人回味無窮。不過，講真，最正嘅應該係個酸菜魚麵，湯底鮮呀！加埋啲脆脆嘅酸菜同滑溜溜嘅魚片，完美！整體嚟講，食物質素好高，分量又足，保證食得開心又飽肚。下次有機會，肯定要再嚟打個卡，重溫下嗰種簡直喺舌尖上跳芭蕾嘅美味體驗！🥢🍜👍
继续阅读
中式麵館位於灣仔星街，位置比較清靜，有點自成一角的味道。三蝦麵signature 👍一上枱就聞到好香既蝦味。蝦湯底味濃，贏晒。再配有蝦仁和蝦米仔，搭幼身麵，有一點點日式濃蝦拉麵感覺✨️牛肉麵湯底有點似台灣紅燒牛肉麵，肉味濃而質感嫰，不會塞牙，又易咬開👍，再加豆卜，麵條亦係幼身麵。蒜泥白肉白烚半肥瘦肉片，上面有大量醃菜，再配上大量拍青瓜襯底，醬汁好似有點蒜素鵝腐皮脆卜卜，多腐皮少配料，素鵝就係食腐皮，非常好👍。上枱時已加醋調味，冰冰涼涼啱夏日。加埋枱面樽辣油，都幾好食
继续阅读
真係唔知係我叫錯定係佢地個雞燴麵係咁嘅Style, 一佰蚊一碗麵今時今日唔算貴，但可以話任何一間上海麵店一定比佢好食好好好多。首先，燴麵係燴，淋係必要。另外，雞胸-舊舊都算，但可否比小小誠意用心做，淡而無味，可能有人話個湯底好味，但以我個人而言，係成碗麵的敗北，sorry, 真心唔識欣賞。此外大熱天時，究竟有冇開冷氣都成疑，雖然問你，你話啱啱開，但真係唔見有風吹囉。今時今日仲可维持到的小店，一定有可取之處，希望下次（如仲有）再幫襯可改觀。
继续阅读