一粥麵

营业中

休息中

好多個週末都食咗麥當勞做早餐，所以今個禮拜想食吓啲粥同腸粉做早餐。佢嘅腸粉好滑，可以配自己喜歡嘅麻醬同豉油。另外仲有我鍾意嘅其他瘦肉粥，真係一個好配嘅組合。食完呢兩樣嘢唔會太飽，但都提供到足夠能量俾你去完成早上嘅工作。

到午餐時間今日又係公眾假期時間又尚早，大部分餐廳都仲係做緊早餐但附近得一粥麵做緊午餐所以就入去試下假期時間雖然多人，但好快都等到位坐睇完menu 就自己去自助落單太太食個滷肉雞扒飯，加菜芯，冰鎮奶茶我就食個福建炒飯，加菜芯，熱檸茶可能因為早餐午餐交界所以都等咗一陣，大約十分鐘左右就出哂兩個餐取餐時員工態度都好好，會叫我哋小心攞，同埋有講 ‘多謝晒’滷水雞扒飯，加菜心，冰鎮奶茶滷肉雞扒飯，好食，叫多飯真係有多菜心就正常發揮冰鎮奶茶，叫走甜真係有走甜福建炒飯加菜心，熱檸茶個炒飯都大碟，食哂就夠填飽肚店員收餐盤時都有禮貌咁同我哋講多謝哂以呢個價錢，有咁樣嘅食物質素同埋服務，算係咁啦，會再幫襯

呢個係我第一次寫餐廳嘅食評，接下來我會記低呢碟人生中食過最難食嘅乾炒牛河。呢碟乾炒牛河嘅河粉係冧滋滋咁浸係油入面，牛肉就無味的。牛肉同河粉係一pat野咁係口腔裏面，油膩但好神奇地，係無味道嘅。大家有無試過食過好難食嘅野，食完心裡面不期然掠過一絲憂鬱呢？呢碟野就令我有呢個感受。ps. 真係好難食啊！！啊！啊！啊！1！！

今日隨便入咗一粥麵食lunch,隨便點咗車仔麵，加齋腸套餐，本來我都唔鍾意食齋腸，但係呢個齋腸卻有驚喜，唔係普通平時食開嘅齋腸，呢啲齋腸係比較柔嫩薄身，都幾好味，成碟都食晒，好滿足，車仔麵就正正常常

一向好支持一粥麵。不過原來真係每一間嘅出品差距真係好大。昨天途經調景嶺，見一粥麵餐牌相當吸引。買回家同家人一起晚餐。打開見到就飽咗喇，買了一個茄子豬扒煲~裏面得幾條茄子+黑鼆鼆豬扒，還有一個咕嚕肉~一合傑撻撻嘅醬汁六七粒咕嚕肉，以後都咪搞。

8月3號放工，作為一個普通嘅打工仔辛勞咗一天嘅工作之後，對於晚餐嘅要求我諗都比較下降，所以這個快餐都係一個唔錯嘅選擇，我今晚嗌咗呢個係連鎖快餐店嘅煙燻魚嘅菜飯套餐，雖然味道比較普通但我都覺得已經好足夠！

今天清明節，天氣不錯，炎熱，太陽🌞放假一天，與家人一起前往將軍澳 拜祭 掃墓，聊表心意下午三點多，有啲肚餓，就在附近「都會駅商場」 一粥麵，來個下午茶☕️，順便休息一下這個套餐幾好喎😊 河粉 、雞翼 、飲品 $33一小碗河粉，蔥粒多多，河粉一般，不夠滑😀白色魚旦 兩粒 …彈牙 ，口感不錯三塊魚腐，厚厚 啖啖肉湯底清淡雞全翼 😋 大大隻，炸得香 ，皮脆肉嫩，賣相不錯奉送熱飲，凍奶茶 另加 $5玻璃碗放上冰塊，奶茶在中間，味道適中，香滑 😋

個煲入面d羊腩得嗰幾舊，如果入面唔係有兩個飯我仲以為我叫錯咗一人份。d羊仲要大部分都有肥膏，食咗成煲都唔覺得自己有食咗晚飯。難道個煲值100蚊以上咁犀利?我真心唔覺得呢煲嘢值188蚊。

服務質素大跌，記得以前上菜速度及服務態度幾好，但係宜家越來越差。買外賣等左好耐，將d飯由廚房枱面拎出來嘅服務員居然可以拎起碟飯，發呆一陣將碟飯放番係原位。幫d外賣盒合埋個蓋，1分鐘合1個，明明出面等餐嘅客人好多，完全係無視人流特登放慢手腳做野。包外賣個陣上一秒講要齊醬油甜醬麻醬辣醬，下一秒就見到個服務員擺包醋入個袋，攞完外賣check先知佢原來冇擺麻醬同辣醬，仲要4個餐淨係俾3份餐具。希望能儘快改善。

曾經一粥麵係我呢頭最鐘意既早餐店見好耐無食一食出曬事第一啖食個蛋 老既 鞋既同以前滑嘟嘟既蛋 完全完全差十期九千里再食蘿蔔糕 都算真正 （都好難難食）再食吉列魚柳 返炸嘅感覺皮肉分離，個皮還皮，魚餐還魚無下次🥺

第一次於openrice寫食評。上班前經過，外賣了一份腸粉餐 （牛肉腸加奶茶）。問清楚不需要排隊交飛，等了15分鐘，忍不住問樓面要等多幾耐?點知A叫我問B,B呼喝我問C,C又叫我排隊交飛。期間員工又瘋狂互罵，黑口黑面。等了近20分鐘，腸粉終於整好，奶茶又要另外追多3次，超過5分鐘才整好。員工手腳慢不緊要，但真係又懶態度又差。最終上班近乎遲到，其餘顧客亦有相近遭遇。腸粉超難食，奶茶味道亦不倫不類。請改善。

從來未試過六點後食肆禁堂食， 冇得煮飯嘅人就唯有靠疫情下嘅外賣 。这晚有一個奇景，餐廳門口逼滿人買外賣， 餐廳樓面燈火通明， 但一個顧客也沒有～ 實在係有點詭異。講返個外賣先，這一區要吃飯的人囗真係夠曬高密度。 優惠套餐7點已經開始好多少菜都售罄。推廣中的冬瓜盅套餐 ，$88可自選兩款小菜連兩碗白飯，茗茶，加十蚊送多一款小菜， 滿100蚊再有九折。 唔使一百蚊，就有三款小菜，一個迷你冬瓜盅！ 仲有一份油菜，唔錯呀～冬瓜 盅內嘅湯係另上， 都唔錯嘅不過返到屋企都唔係太熱。 材料有蟹柳，蠔豉，肉丁。。 有時間的話可以舀冬瓜肉吃，夠解暑！蜜桃冰梅骨味道唔錯 ，排骨炸得香口， 唯分量較少 放平都填唔滿外賣盒～香煎蓮藕餅肉餅唔算混入太多粉， 不過明顯係煎到好燶， 唔係香口嗰隻燶， 有馬蹄粒 ，仲有勁多芫茜， 我對芫茜唔抗拒，不過我都覺得太多滑蛋粟米魚塊份量較少， 好厚嘅粉漿，又炸得唔夠鬆化， 水準普通。加了腐乳通菜$8通菜較老，淋上的腐乳醬最為惹味～總算試過， 但質素未去到 第二日都想再吃～方便快捷填飽充飢最佳選擇。此店經裝修後換然一新 ， 比起以往又舊又 昏暗唔多乾淨嘅環境， 现在食得比較放心

最近在細心回想，發現其實一粥麵都不錯👍🏻一次過介紹下午茶和晚上打邊爐！先講晚餐單人邊爐🙌🏻由於多人，都等了一段頗長時間，比選擇了至愛的酸菜魚😝睇顏色都知，湯底夠足料，酸菜魚都入味，不過一開始有搞笑野發生，當肚餓之際，想打開蓋食時，發現只有配菜沒有魚😂可能太多人，手忙腳亂下沒放最重要的魚！於是叫姐姐加回湯中。我地仲叫了一個粥底火鍋，海鮮質素算不錯，最後先食粥底都有鮮甜味喔～下午茶餐🥳睇中左個無骨雞腿好耐，終於可以一試！配搭撈粗，飽到想嘔！雞腿肉意想不到的大和多肉，新鮮炸起，食完感覺熱氣內疚呢🤣下午茶時段都多姨姨叔叔來吃的喔～👍🏻

即炒的西芹魚塊，有5至6塊又乾又嚡的雪藏魚，鮮味、腥味、魚味全欠奉，只有木口木味，單靠調味芡汁帶出食物的味道; 西芹份量都算多，加入紅椒增潻色彩，紅綠交配，味道還可以，兩者都有點腍身，但無乜脆口。既然是外賣就唔好諗夠唔夠鑊氣啦。附送的白飯都算正常，粒粒分明，未至於太硬或太濕，又或者未熟。但最不能接受的是，買完飛要等30分鐘才取得食物，催極都無人采，而廚房一直出堂食的食物，等極都唔出外賣，趕時間就真係大鑊。

放假有時真係好懶唔想專登走出去食，咁啱一粥麵最近有花膠雞粥底火鍋，睇落好吸引，所以就落腳係到食！😛係櫃枱買咗冇幾耐，職員好快就為我們送上火鍋。我地自己出去拎咗醬汁，我加咗蒜同葱。火鍋睇落啲配料幾多，十分豐富！🤤除咗牛肉、魚同魚蛋之外，當然唔少得蔬菜、烏冬，同埋重點⋯⋯醉雞啦！🐔 醉雞唔洗煮好耐就熟，肉質嫩滑，直頭令我食第一啖個陣 umm 一聲❣️超級推介，大家一定要食。 烏冬唔使煮太耐，如果唔係會太淋，冇咗彈牙感覺。魚我放左係隔上面由得佢蒸，可以直接享受佢嘅鮮味。味道都算唔錯，肉質幾滑同鮮甜。🐟呢個火鍋雖然只需大約 $60 ，但是食到好飽，性價比極高。各個配料都做得相當唔錯，值得大家一試。