一粥麵 (愉翠商場)

营业中

休息中

今朝突然好想食蘿蔔糕，所以去咗一粥麵食早餐，夠曬滿足。 雞扒、火腿、 超滑炒蛋，配蘿蔔糕，再加多個牛肉通粉，點埋杯熱奶茶，好飽，正到不得了， lunch 都可以慳番了。

話說本人今天六點途經這裡，因為巳是六點關係，所以本人只是點了一隻咸肉稷和一杯豆漿，其後本人在進食，而我旁邊有另一位客人在，不過他巳食完，他只是在用IPad睇電視劇，而座位上只有一個擺放冰凍奶茶的膠兜和吉杯，其後本人也食完咸肉稷啦，但是豆漿還未飲完，但是很有趣和令人生氣的是有一個負責收拾餐盤走來問我還要不要?跟著第一個問題就是為什麼旁邊那個客人的冰凍奶茶，職員不去收走先，我仍然沒有食完就走過來收走，而且還要第一個想收走我不讓她收，跟著不夠兩分鐘，另一個又走過來收。最令人氣憤的是其後找到水吧經理投訴，其後那個女經理也在我離開的時候也駡那兩個女員工以後小心，但是那兩個女員工居然當著客人面前駡回那個女經理，我真想問一問羅銘盛是如何訓練下屬的

上星期五晚，當日我有啲唔舒服，去咗一粥麵（愉翠苑分店）食皮蛋瘦肉粥。皮蛋瘦肉粥上面放有花生和蔥絲，即使令碗粥既樣貌有所提升！皮蛋瘦肉粥裏面主菜當然係皮蛋，皮蛋和瘦肉都藏在粥底，所以要攪勻食先有味道。粥入面大約有一隻皮蛋嘅份量，皮蛋味道都OK。入面嘅瘦肉絲應該有用鹽調過味，都算有少少肉味。不過我就覺得粥沒有太多皮蛋嘅味道。皮蛋有皮蛋味，粥有粥味。🙈如果佢哋可以一齊煲耐啲，相信味道應該可以提升！簡單來講，有進步空間。

星期五睌上，由於不太肚餓，又趕住去上堂，去一粥麵叫了一碗雲吞麵醫肚。事關一粥麵唔使等位，好快就有得食。始終都係快餐店吧望落一粥麵既雲吞門都幾大碗，仲有兩條菜心和一些韭黃喺上面。見到啲青菜，人都開胃啲。佢既麵質雖然並非超級爽口鹼水麵，但係都唔算太「林」，都OK。雲吞麵裏面都有成五粒雲吞，每粒裏面都有一隻蝦同埋爽口豬肉，味道鹹香，加埋辣椒油一齊食，都幾好味㗎！佢份量啱啱好，如果唔太肚餓，都夠食飽㗎啦！

於 2017 月 12 月 23 日，晚上約 8 點 20 分，我食左呢碟炸兩：我見到佢嘅第一個印象係，嘩，落咁多豉油，搞到啲炸兩淋哂，一定好難食。點知一食落去，原來唔係我諗咁簡單。佢嘅淋，唔係因為豉油，因為一咬落去係水汪汪嘅，唔咸，但好多熱水，好似你用毛巾索左好多熱水，跟住你咬落條毛巾度，係咁嘅口感。我果刻第一反應唔係嬲，係唔相信自己嘅味覺，我竟然又再食多兩舊，結果當然係一樣。我自問個人想像力都好豐富，但係我都諗唔到佢係點整到咁嘅。做左咁多年人，我唔係未食過難食嘅炸兩，應該話經驗所得，多數炸兩都係難食嘅多，食得都預左。但呢碟野唔係難食咁簡單，如果虎豹別墅有機會重開，我希望佢哋除左原有嘅落油鑊、勾脷筋等場景外，可以加入“食一粥麵濕水炸兩”，以警惕世人切勿浪費食物。由於食左幾舊，我都費事拎去換啦，就食剩如圖中咁多。但走嗰陣我好有衝動想同啲職員講，問係邊個整呢碟炸兩嘅。我唔係想大興問罪之師，事實上果陣我度火已過。我係真心想問，你做得廚師，你係有你嘅專業知識，你知道浸滿熱水嘅油條係有幾難食，既然係咁，點解你仲要整啲咁嘅野比人食？或者直接啲問，你係咪今日 last day? 但隨著我冇問到而

近排愛上了健身，但多是孤身一人。為了去附近的體育館，間中會逛附近商場選擇晚餐。適逢今晚母后也有空，她順道和我先一起晚餐後，我自己才去做運動。母后和我想吃得清一點，簡簡單單，便來到這間「一篤麵」。她點了雲吞麵，我則是雲吞炸醬麵，而因為平時出街少吃菜，所以我們也加了個菜。餐來了，好大碗麵和菜。麵身算彈牙，但雲吞很迷你，雲吞內的蝦不彈牙，也沒甚麼鮮味，而且餡很少。菜份量十分夠，十分抵食，只是有點老、黃和有渣，但都很足夠地滿足小弟想吃菜的心願。我選的炸醬麵，炸醬算多及夠味，令我有點想起兒時的「西西雲吞麵」，我很「開胃」，很快便吃完了。簡簡單單一餐，「一篤麵」的定價、食物質素和一般快餐店「大X樂」、「大快X」差不多，但有後者沒有的用餐選擇。頗欣賞「一篤麵」的這個市場策略，難怪也越來越多分店了。

《一粥麵》，向來給我的感覺就是《大家樂》的粥麵店版。如果我只說早餐，可以話兩者幾乎是一模一樣。不過，中午同晚餐，《一粥麵》既路線就的確偏向粉麵飯粥這四大類。是日，探完老媽子病就同阿爸二人來到愉翠苑找地方食飯，食完就搭巴士走。我們一行入商場，第一眼見到的，就是《一粥麵》。我老爸其實是有少少鐘情《一粥麵》的，所以他二話不說就入來了。一個粥，一個炒麵，就是父親的簡單午餐。皮蛋瘦肉粥，粥底夠綿，但我可以說，不是我食過最綿最香的粥底。其實這粥，很酒樓的行貨feel。算做過得去啦。而個炒麵就夠濃味既。我要了一個扣肉飯。味道是正宗的，可是，肉不夠肥，吃得唔夠爽，是一個小小的不足。之後是一杯奶茶，普普通通大家樂的貨色，不過不失。簡單一粥麵一餐，一般般啦。

做做做，做到下午4點先有時間食野！人已經由不停打鼓到唔識餓喇！但又唔可以唔食野喎，所以就平平地、近近地去一粥麵食個平價下午茶入到店，一貫連鎖店裝潢，下午茶餐牌選擇唔多，所以隨意地叫左個雞翼奶醬多配凍檸茶首先，睇張相都覺得唔慌好食，著實不吸引甚至中伏！先說雞翼，味醃得唔好，雞翼外皮帶有微金黃色，肉質都不俗，唔會整到過火又韌。奶醬多，屋企自己整都好食過佢！花生醬及練奶份量少，麵包烘得唔夠，唔鬆軟及外皮唔脆！杯凍檸樂，加左冰都唔凍，費解！總括，真心劣食但又鬼叫佢平咩。

話說一早落街去坐Bus 必經免費街頭派報紙站 我會囉上bus睇 無意中睇到一粥麵推介煲仔飯 好耐無食啦 心中喑喜今日lunch決定去食先 再望落去竟然有coupon套餐減$3 雖然不多但都叫著數嘛 同事讚我叻女 最後話陪我去lunch添我選擇左蠟腸滑雞煲仔飯連鹹檸七 $48 扣減$3 coupon即係$45 好抵 因為現時lunch食一餐都要幾十晚 麥X勞也需三，四十蚊啦 蠟腸用上半肥瘦不會太硬有少許油香 滑雞真係滑醃得好入味 重點煲仔飯嘅飯焦 香脆不過有點兒"痴牙" 還有兩大條菜 加埋煲仔飯豉油 特別夾特別好滋味 唔錯 份量都足夠原罐七喜+鹹檸冰底 真係性價比高 夠晒滿足另外一款係排骨鳳爪 也是不錯之選 排骨入味兼淋 鳳爪就普通炸鳳爪

本人巳有差不多大半年沒有光顧這裡，今天晚上不知道食什麼好?結果看到它們的消夜選擇還可以，便要了一碗皮蛋廋肉粥和餐肉炒麵，本來服務還可以，但是到埋位時發覺水吧沒有給筷子和匙，結果又要到水吧再拿，至於食物方面，碗粥水到唔水。

近期有項目在沙田，為免遲到，一般到預早到達目的地，然後就在附近吃早餐。今天就來了愉翠苑一粥麪。早餐款式配撘多，中西粥麵腸粉飽點樣樣俱全。我就點了魚塊粥+生煎飽+炒麵+咖啡。粥底夠绵兼清甜，味道適中，飽可以（當然不是生煎），炒麵不乾也不油，味道可以，可以多點芽菜就完美，最後來杯醒神咖啡。對比傳統茶記或快餐店，來得用心經營，細心客服。

夜咗返屋企！無乜食野地方選擇啦！不如去一粥麵食，呢段時間有特價餐食！同埋可以用6蚊加埋一碗糖水！皮蛋瘦肉粥～有皮蛋，瘦肉，料嘅分量唔錯，粥底不潔不稀，恰到好處！腸粉賣相唔錯！但質感麻麻！我最欣賞係個喳咋糖水～落足料，有紅腰豆，眉豆，其他什豆，仲有香濃既椰奶，不太甜，不太淡，啱啱好，仲幾大碗！但係外埋就少了一半！？

三十幾蚊叫左清湯牛坑腩面，牛腩好林，但係食落都幾咸。牛腩份量多，比面仲多，岩晒食肉獸。加$6可有一碗渣喳，都幾大碗，啲水多過料，渣喳既靈魂戶頭就欠奉，味道甜得濟。總括泥講，味道太重，如果可以淡反啲就岩反鐘意健康既都市人。

估不到的進步今晚去咗愉翠苑商場既一粥面食晚餐，叫了一碟楊州炒飯，今時今日呢個價錢算係接受既，加多$6，仲有一個糖水。講起碟炒飯都唔錯，竟然有六隻蝦，面積像一元大，蝦既質感一般，但係不算差，只係不夠彈性爽口！碟炒飯有葱，有火腿，有叉燒，味道不錯！以四十幾蚊呢講！藉得一讚！加$6多一個渣喳糖水，味道不太甜，有很多豆，煙煙韌韌，有花奶，幾香甜！

因為想食炒滑蛋同蘿蔔糕所以叫左呢個炸魚炒蛋配蘿蔔糕,如果唔係可以揀配厚多士。講番個炸魚,份量都幾多,只係個炸粉皮有D厚,同埋炸到好硬。食既時候都幾考牙力!炒蛋呢,有小小似無料奄列咁,,口感似食緊蛋皮多DD蘿蔔糕雖然係新年食品,但其實一年365日都可以食到,蘿蔔糕比較軟滑又夠足料,味道可口,較適合香港人口味!