一粥麵

营业中

休息中

4月1日當日公司有很多事做，到左食飯既時間，和茶餐廳相比下都萛座得舒服，但個感覺就好同大家樂咁，應該係同大家樂同一個集團。當時已滿座的一粥麵，幸好人流去得快，找到位後我立刻排隊買飯食。 我就叫左一碗帶子咸瘦肉粥 $24.00  轉凍飲+3.00，帶子咸瘦肉粥都唔錯, 粥底夠綿.  吩咐百厭仔要舀落碗仔分開食, 佢一舀已大叫: 粥裡面真係有帶子BB架. 哈哈! 正傻瓜! 凍檸茶另附糖水, 可自己調配甜味。雖然個名轉左，但係經營手法也是快餐店.什麼都要客人自助。

是日老公作病, 所以諗住食粥清下腸胃, 由於冇得選擇, 只有幫襯呢間大家樂集團的粥舖~ 艇仔粥有新鮮魚片(好多骨)、魷魚、豬皮、花生, 好似係得咁上下料, 冇肉碎, 感覺好單調, 根本就係什錦粥, 間間都唔同料, 執果個人鍾意落咩料就咩料..............個粥又好似水咗D~ 黃沙豬潤粥豬潤都有4-5舊, 而且舊舊都煮到好熟, 咁都好安全D, 但口感就實咗D, 唔夠軟滑, 但冇內臟果D味道, 個粥又稀咗D~ 叉燒腸叫咗叫蔥, 但變咗韭黃, 唔知本身有冇? 但個腸粉都叫OK, 但就唔係薄皮, 係好厚皮, 又冇乜叉燒~ 炒麵林咗D, 又唔夠味, 要落番D甜醬先叫食到幾啖..........外賣返到嚟, 我都覺得有D唔妥, 個袋裝咁多嘢, 個底係冇放紙皮, 咁樣邊度穩陣, 一定會倒, 結果真係, D粥倒到成袋都係, 搞到D餐具沾哂粥, 好彩老公話佢拎得好定, 所以都唔係倒咗好多, 不過佢話包嘢果個亞姐唔知做乜, 有D那西, 而且本身個裝粥個蓋應該蓋唔實, 所以先會搞成咁, 所以佢地D外賣包裝真係唔夠專業, 更加唔夠安全, 包完就算咁~

星期五晚好多地方都冇位, 係呢度仲有位, 所以都冇選擇................上次試完個粥, 今次試第樣, 估唔到八點幾已經有宵夜餐, 一於叫嚟試試~ 鮮蝦雲吞麵可以選鮮蝦雲吞麵或者菜乾豬骨粥, 因為上次試過呢度d粥, 所以今次試下個麵~ d雲吞都算幾大粒, 入面都見到有完整的蝦, 但好勁鹼水味~ 個麵都好彈牙, 反而冇雲吞咁勁鹼水味  蔥花叉燒腸可以選蔥花叉燒腸或者香煎蘿蔔糕, 今次先試個腸粉先..............完全唔得, d腸粉林到一pet嘢, 唔知係蒸得太耐定係個粉漿唔得, 你係唔想放佢入口lor~~ 楊州炒飯即叫即炒, 但明明見到佢放咗出嚟, 又唔叫人拎, 都唔知點做嘢, 而且碟炒飯完全唔食得, 油到死, 未到底已經令立立, 食到底更加見到成層油碟底, 而且又冇乜味, 仲要唔係平, 都係茶餐廳好食好多~

是晚唔係好舒服, 好似想作病咁, 所以嚟食碗粥, 希望冇咁油膩會好d啦~呢度都幾光猛, 但卡位只有幾張, 而收銀就响正入口位, 人一多D就會阻住個門口, 等人入唔到lor~~同老公一人一個粥, 再加多1碟炒麵, 個粥就唔錯, 但個麵就唔得lor~~ 豬肚肉碎粥豬肚都幾多, 可能豬肚冇味, 所以加d肉碎去吊下味, 但其實都係執料加粥, 都唔係再滾, 所以都係冇乜味, 但好在個粥底都唔錯~  炒麵又林又碎又冇味, 我食咗1啖已經唔想再食~ 黃沙豬潤粥呢個貴少少, 應該係即叫即滾, 所以要等下先有, 豬潤好大塊, 不過唔un, 而且又唔會滾到好老, 又或者生到出血水, 熟到啱啱好, 而且滾咗d味出個粥度, 好好味~

粥麵店在呢頭其實真係一個真係冇的; 大家樂看準了才開此店吧, 也很合理.店係唔細但食過兩三次,都係午市, 勁多人.一般麵廿幾 , 撈麵三十幾, 煲仔飯及粥餐都係30幾蚊, 略貴.食過幾樣, 都和大家分享一下.粥係ok 既, 夠味, 即整的, 夠熱, 不過食完係有d 口渴;炸兩條油炸鬼好脆, 唔算油, 讚.大豬女友的煲仔飯, 雞滑, 飯入晒味, 飯焦不多, 不算太油, 也合格.餐牌好大張相的牛腩撈, 牛腩夠晒入味, 其中係一舊有d 堅韌, 另外的幾塊卻很好.蘿蔔冇渣, 也讚, 不過成三十幾蚊, 真係唔平.個冰鎮啡, 出面冰鎮, 入面仲加冰, 想點呀?服務方面, 太多客人, 好踢腳, 但阿姐已好盡力收盆.出菜唔快, 兩次都要等10分鐘.同埋個顯示牌, 每有餐攞, 都要display 晒 "以下號碼, 請到櫃面......." 成行字, 最後才出d number, d字出得又慢, 聽倒有聲, 再擰個頭過去, 都要等4,5 秒才出號碼, 頸都攰!如果係一個長期顯示d number 既display 會好一點.