一粥麵 (已結業)

老公去買外賣，客人唔算好多。明明買兩個粥加點心嘅早餐，返屋企打開一睇，竟然變咗一個粥加三盒點心！唔通叫D客買外賣要打開check一次先走得？！可唔可以專業同專注D呢？！

早上取的免費報紙久不久會有一粥麵的coupon午餐可以減$3，通常有的時候才會去現在，外賣自取滿$100用八達通付款才9折條件有點苛刻，必須要夾三個同事才超過，太難吧幾乎每次也點這個香酥上海排骨菜飯配肉燥四季豆 - $43集團式的食材一定安全，有三大塊豬扒菜飯有些小薑粒四季豆有時很老，有時一些頭尾位很多根部咬不下順帶一提，可能近沙中線地盤關係店內環境衛生較差店內有很多蒼蠅飛來飛去而且回收食物的姐姐經常做不及座位有時地盤人士坐完很多污積

上兩星期要去會展睇concert, 放工遲左, 所以就去左附近嘅一粥麵快速醫肚先我叫左個紫菜三寶麵, 魚皮餃同魚蛋都唔錯, 似平時打邊爐食開果D, 紫菜份量好多下, 不過味道就麻麻, 有D鹼水味, 成碗麵嘅份量都唔算多, 所以晚餐來講食完都唔係太夠飽><於是我就另外叫多左個叉燒腸, 不過個叉燒腸我亦唔多推介, 因為好乾! 就算加左豉油都係一樣乾, 而且冇咩味, 就好似食緊奇怪嘅粉團咁><男朋友叫左滑雞煲仔飯, 呢個飯雖然係等得耐左D, 不過就真係比我食嘅麵同腸粉好好多, 個飯都幾夠味, 雞仲有D咸, 加埋少少豉油同臘腸都幾香幾好食. 不過就有少少燶味, 可能蒸得太耐, 最底嘅飯焦都幾好食~總括來講, 食物質素一般, 要快速醫肚嘅話叫左飯都不失為一個選擇~

做野趕住去食Lunch諗住快快食個麵但結果最後我等左20分鐘有多因為見到好多人等我行過去排隊啦但係個阿姐話要等叫Number先拎餐所以我搵左位係度等等左20分鐘但都未見有我個號碼其實有少少躁因為食完又要趕住去做野啦之後我行出去問個阿姐有未? 因為趕時間已經等左20幾分鐘然後佢應該將返工既壓力發洩曬係我身上係咁一輪咀係度講你投訴我啦你投訴我經理啦冇師傅呀今日你要投訴投訴我經理啦我地全部唔識做架我收咁既人工又唔係做咁既工作量我份人工好低架咋我地唔識整架無限LOOP睇黎佢應該受左唔少壓力然後就即刻整比我其實佢6一6就拎上黎我見呢堆野佢即整都用左唔洗5分鐘然後食食下野又聽到個呀姐叫出去同收銀果個係咁嘈係咁罵收銀果個睇黎佢平時受左唔少壓力*2我隔離個女人同我一樣等左20幾分鐘然後佢食左 一半都唔夠就急急腳走左睇黎趕住返工所以趕時間就自己諗了

一粥面既下午茶都似乎幾抵幾多元化, 2點開始就有!個豬扒包好吸引,  就叫左個餐揀銀針粉做配菜下午茶時段來說, 衣度人流中等,  等5分鐘都己經叫號碼拎得餐豬扒夠軟夠多汁有驚喜既係,  除左葱之外, 個豬扒包仲有花生碎!!  "濃濃肉汁你都想吔番啖"(有無人知依句係歌詞xddd??)另外銀針粉都好好味, 食包之餘有樣野熱辣辣濕濕地咁!goodddPS:      過左幾日有再去食多次, 個水準差左, 可能個日人流超少(人太多唔得人太少都唔好,  覺得  turnover少左啲野無咁新鮮<  好似快餐店啲薯條咁) 粉同肉都有少少overcook.  所以都要睇下撞唔撞到佢整得好嗰日

真係忍唔住又要寫多篇食評，如果唔係落雨就腳都唔會黎呢度食個快餐。員工做野慢都不在話下，態度差真係一個好大既問題。收銀員提供不正確的解答，明明之前講過話可以再用張印花咭，但今日又話唔用得，仲叫客人"你自己睇下啦！"，真係成肚火！另外呢間餐廳d運作真係好亂，由你下單到領取食物起碼要25分鐘，對於一間快餐店黎講真係好慢！見咁快人下單又唔安排多點人手，搞到客人企出餐廳外吹風。對呢間餐廳真係失去曬信心，差差差！

今日復活節假期帶小朋友去搭小輪過海，見肚餓又有一粥面，當時2點左右，諗住之前食過其他分店都幾好食咁入去食，咁就大穫啦，，，我地叫左幾個餐，其中有個牛腩面轉河粉，買個陣收銀姐姐都話要等20分鐘，咁我都ok，到25分鐘後見都未有叫號碼就出去問，個經理就話未有，我再等多個幾字，再去問佢先同我講話冇河粉，要轉米粉，佢就先話再做比我，咁我企定定起度等佢整，等左2個字問有未，佢話冇整到我真係未試過食快餐會等咁耐我地2點去到佢地準備轉下午茶，冇咩選擇都不是問題，叫左佢地個香茜魚粒粥同手打肉丸粥都幾好食我等緊野見個經理都5知做緊咩咁，佢幫手出餐出到亂哂龍，不過試過咁樣一次我諗短期內都5需要再幫襯

是夜的三人行到了一粥麵，我們不吃粥不吃麵，各點一客飯分享來吃，抵禦寒流。小人從來都不知道罐頭都可以做煲仔飯的，卻未想到效果也未為太差。豆豉鯪魚的豆豉和汁流落到飯裏，不用加豉油亦很惹味，排骨則少肉，更有點靭。臘腸雞煲不論臘腸或雞都頗柴，油份不足，焗得不夠透，飯還飯餸還餸的，猶幸加了豉油一起送入口中，口感還是豐足的。接連兩個煲仔飯之後，小人要了客菜飯。菜飯裏菜的份量應可多一些，豬軟骨很腍，一咬即化，味道不過不失。可能因為天氣凍，對於這幾個飯餐，我們還可以接受。

做完野同同事去左附近一粥麵食早餐貪佢中西式都有，可以滿足我地唔同既需要我叫左炒麵點心拼粥套餐炒麵都炒得幾乾身，唔會太油但燒賣只係魚肉燒賣，有點失望如果係豬肉燒賣就更好啦！皮蛋瘦肉粥皮蛋都幾靚好多料！朋友就叫左西式早餐佢塊魚柳仲大過塊面炸到脆卜卜，十分抵食蕃茄湯通粉都好濃郁，入面仲有鮮蕃茄有誠意！

本身對一粥麵既印象已經唔好，因為經常都聽聞衛生環境麻麻，不過因為就腳，於是決定俾個機會佢。去到收銀櫃位，點了一個"牛腩粒河加炸兩餐"同一個常餐。第一個餐要等，第二個餐可以直接去food bar取餐。我發現d職員工作十分混亂，整左好耐先出到一個餐。取了餐後才發現收銀員落錯單!!我點的第一個餐是"牛腩粒河加炸兩餐"!不是牛腩河!!!於是立刻走去同收銀員更正，但收銀員好似唔多明白自己落錯要回番差額俾我! 搞到又擾攘左一輪!終於我將新既單交俾food bar，好可惜職員在彼此惡言相對，請問你地可唔可以正經地工作呀?你叫d顧客可以點呢? 因為食飯時間得一小時，我不禁提醒職員快點，但職員卻對我大聲呼喝"你想點呀?"這是什麼的服務態度?肚裡滿是屈氣，食咩都無味啦!

今日全日响會展開會，中間得半粒鐘，都是鼠出黎呌下氣。本來想去元氣，點知盪失路。見裡面咁多新巴司機同地盤工人，應該快靚正，即管一試。叫左個艇仔粥加炸兩。炸兩真係一種好神奇既食物，你見到佢响個餐牌上面，就好自然想叫，但係十次有十次都係中伏，依然希望今次係例外。落完餐，唔駛三分鐘就有得攞，答案好明顯。先講個粥，真係超無誠意，擺明係放尐料係底然後淋個粥底上去。好多粥舖都係咁做，但人地個粥底係好綿同埋有淆過，但係我面前呢個似潮州粥水走米粒，又稀又無味。至於尐料有魚片有魷魚同有隻蝦，都係乾同無味。仲有食完之後超口渴。至於個炸兩，我成日都話你無誠意整唔該你唔好放响個餐牌引人叫，一係你寫明「唔駛等」俾小小暗示等人唔好叫。即係心裡永遠期望個炸兩係新鮮炸起再用布拉腸粉即刻包上去就上檯。好可惜，十次有十次都係整定，所以唔駛等。起初見個牒，嘩，同王子飯店咁既氣勢，諗住呢次得啦。點知一咬落去，又係一條濕水綿條好似食緊發泡膠，仲要有尐油益味，唔係琴晚包定都係今朝一早，唉，又中伏。

夜晚係港灣道泳池游完水肚餓之下去左隔離呢間一粥麵食個魚蛋河淨係一碗粉價錢都算可接受，但加汽水就要加大約6－7蚊粉麵水準算正常水平，而正常份量就只係勉強足夠。加汽水既價錢雖然好貴，但係河粉既質素就冇令人失望！聽朋友講個食麵既話個麵都好有口感。而我就覺得D魚蛋魚片質素都好高，河粉亦唔會太lum。但個人建議加底先比較夠飽。環境方面，呢間鋪係港灣道果邊，比較近會展同港灣道體育館，不過夜晚都幾少人，所以坐得幾舒服，同朋友食既話都適合傾下計！但唔知係咪因為臨近收鋪，一入到去收銀處一個人都冇，等左一陣先有人出黎收錢，而坐低後亦見周圍幾張枱都冇清。整體黎講都算一間唔錯既粉麵店！係泳池或體育館做完運動既話可以去試一試

今日身癢，大熱天時，行到滿頭大汗去玩搭渡海小輪返工。然後更身癢嘅係唔去附近東海堂買麵包早餐，竟然走去一粥麵。嚟到一粥麵，見到$27魚柳炒蛋早餐，仲要平過大家樂(佢最近加咗價，由$27.5加到$28)。其實佢兩間都係大家樂集團，但係同樣食品竟然平$1，咁梗係要食佢啦！當個餐到手，望落個樣真係都幾大差別。唔單只個樣，原來食落都好唔同...先講塊麵包，個樣都係一塊普通嘅烘咗嘅多士，但係咬落我以為自己係一條「金魚」，口感似食緊餵魚嘅麵包，完全無咗麵包應有嘅煙靭。再講塊魚柳，無乜魚味，淡口，同大家樂塊魚柳相差太遠。最後到炒蛋，齋睇個樣，都算係我比較喜愛嘅煮法，唔係大家樂那種半生熟嘅炒蛋。點知食落...竟然可以無乜味，應該話連蛋味都無乜...仲以為係自己條脷病咗...總括嚟講，如果只為飽肚就無乜所謂，至少唔會食壞肚。不過同大家樂只差$1，下次我都係選擇大家樂罷啦~起碼仲有啲味道，係哩度合埋對眼真係會唔知自己食咗乜落肚。我諗哩度好似舖名咁，只係啱食粥同麵...

今早喺地鐵見到佢呢個"30蚊必食套餐"promotion, 又咁啱想食清D，所以lunch time就來試試。"30蚊必食套餐"有三款的: 1)皮蛋瘦肉粥+炒麵，2)牛腩河+炸兩，3)好似係雲吞麵+油菜，可以mix & match的，另外熱飲加$3，凍飲加$9。我今日要咗個皮蛋瘦肉粥+油菜，無要飲品，大約等咗10分鐘。以30蚊黎講喺灣仔區食到個Lunch，其實真係好抵，個粥都幾足料，我見到人哋個炸兩都好似幾靚。

成年後較為少吃京都炸醬麵，近兩次吃的日子都在之前發生一些不愉快事件，世界上真是有這些機緣巧合吧…應邀出席了紅酒展覽後，天下雨下得狠，尤如我當時內心的心情，不開心便吃吧，但在此之前又有另一樣令我鎚心的事件發生，結果我走到了一粥麵。一粥麵的水牌上，不單止賣熱粥、腸粉、湯麵，居然還有煲仔飯、海南雞飯、乾炒牛河賣呢！ 可惜是不開心的心情令我不想吃飯，我唯獨對「炸醬麵」所吸引！（然而炸醬麵及炸醬雲吞撈麵只是相差4元）就是這樣我點了京都炸醬雲吞撈麵，沒有買飲品因為熱飲加$6, 凍飲加$9。一個托盤上，左邊雲吞上湯，右邊京都炸醬麵蛋麵幼身，無鹼水味，質地有少少彈牙，應該是所謂的銀絲蛋麵吧～  今晚的炸醬頗甜，肉絲幾韌，根本不適合我當時的心情，因此撒一把鹽再加一些每張枱都有一樽的「一粥麵」XO辣椒醬，弄一個適合自己的味道來。攪兩攪XO辣椒醬已知與普通辣椒醬不相同，味道有瑤柱的鮮香，指天椒的辣性强烈，蝦米的增鮮。三粒短尾雲吞，一口一粒，皮稍為厚，內餡有蝦肉、半肥瘦豬肉、蝦籽，味道鮮美但不夠爽口，配合大地魚上湯、韮黃碎，好喝之餘也沒有味精。吃飽以後，心情好了點，不過天依舊是大雨頻頻，還是乘巴士上歸途吧!