一素食譜

营业中

休息中

觀塘東廣場有唔少食肆，大部份都幫襯過，今次決定試間未食過嘅素食店。一坐低，見唔少人叫車仔麵，我驚唔夠飽，於是叫咗素咕嚕菇菇飯。咕嚕肉由麵根製成，口感真係有啲似肉，至於味道呢，由於個咕嚕汁實在太酸啦，主導咗味蕾，所以到底似唔似肉其實都冇咩所謂啦🤣。其他配料有菠蘿，青椒，生菜，車厘茄，薯仔等，都算豐富。飯底主要係白米加入少量紅米，感覺都健康少少。份量我覺得係適中嘅，不過男士應該會唔夠飽。跟餐嘅好似係赤小豆湯，味道較清淡，一貫素食店健康行先嘅做法。

食晏，未試過，諗唔到食甚麼，就諗住試一次啦。但之後冇再幫襯首先野食，正常，味道一搬，咸左小小，但都可以按受。最大問題係服務，本來都冇問題的，等緊外賣個陣，個阿姐問要唔要餐具？ 第一次問都懶得答佢，跟本佢再問，我就忍唔住問佢，你唔比餐具我點食？跟全個阿姐仲係度話有些人自備餐具的。我心諗，你做外賣店的，連外賣餐具都要慳。如果我有自備會主動講啦！再講，一套餐具值幾錢，你賣比我都55元仲要冇貴價野，肉都冇舊，真係都應該好好賺啦，呢的小錢都要同客計較。反轉頭，我唔要餐具唔同佢會收小我錢嗎？這店的服務態度和印象都好差，即使幾想食素都唔會再考慮呢的舖頭

平時收工去開觀塘做facial之前都會去東廣場醫下肚先，素食譜對我黎講就係一個唔錯既選擇。本身我就好鐘意食車仔麵，而呢間素食車仔麵提供既餸都係蔬菜同豆類製品，可以食多d菜，非常好。湯底方面我通常揀番特調天然湯底，因為轉湯冬陰功或者麻辣湯底要加5蚊同8蚊，就唔係好抵。特調天然湯底就係味增湯底，比較清淡，重口味人士可能會覺得唔夠味，我就覺得清清地，無味精，飲完無負擔嘅感覺幾唔錯。麵底我就揀河粉，條條分明。最推薦紫豆卷，腐皮包住紫菜炸過，香口又吸湯，豆乾有滷水香氣，茄汁都新鮮軟滑。另外加左6蚊要左杯凍豆漿，係無糖，豆味唔算好香濃。

難得今日放假 ，約左朋友黎觀塘買野，行左幾個鐘都肚餓啦，上網搵到素食譜，舖名玩食字幾得意，一於黎試下我地兩三點黎到，舖入邊唔算多人，第一次黎觀塘東廣場，商場比較舊式的，素食譜嘅同層有好多唔同嘅餐廳見到呢度有車仔麵食，另外仲可以轉飯底唔想車仔麵模式咁揀餸嘅話仲有飯餐，價錢都好平最後我揀左車仔麵蔬食車仔麵 （麵+湯底+三餸）麵款有幾款，餸嘅選擇都好多，我揀左紫菜、紫荳卷同芋頭丸，三款餸我最鐘意紫荳卷，脆卜卜嘅豆皮夾住紫菜，真係好正😋不過麵嘅份量就少左啲，食完唔算好飽 ，只係止一止餓同埋餐廳係開放式，商場冷氣唔係好夠，食曬成碗都未吹乾到岩岩行過黎時流嘅汗不過計返價錢都算抵食嘅，想間中食下素嘅朋友經過時都可以試下👍

久唔久都會想食吓素食車仔麵，原來東廣場都有🥳座位唔算多，朝早11:30 嚟到得一枱客，另外東廣場冷氣唔係好夠，要用心靜自然涼大法🤐三餸車仔麵($38) 有幾款特別嘅麵可以揀，我試咗地瓜麵，真係有啲地瓜味😳 再加$6 叫豆漿，係無糖呢🥰餸方面超級推介芋頭丸同紫豆卷😍 芋頭丸入面有芋泥感覺有少少似食緊甜品😋 紫豆卷有紫菜卷埋一齊好好食😚 茄子就冇乜特別不過有好多塊除咗車仔麵素食譜仲有飯選擇，下次可以試吓😙

車仔面就食得多，第一次食素既。38蚊3個餸，我就叫左粟米，茄子，紫菜卷。而麵就叫左菠菜麵。加左6蚊既凍豆漿。豆漿率先進場，飲落豆味濃郁，覺得好似一啲糖都冇，成件事覺得好天然，過於健康咁。原先以為菠菜麵會好似蝦子麵嗰啲咁會令到個湯底有啲味道， 點知個清湯真係好清， 建議重口味人士加錢試其他湯底啦！至於啲餸都畀到我幾大嘅驚喜，一開始估啲粟米係會切件有芯果種，但原來係用咗粟米粒，對於鍾意冇骨落地嘅人就啱曬啦！另外嗰兩個餸其實一啲都唔清淡，茄子嘅皮仲係紫色，一路食一路滴油出黎，應該用咗好多油去煮。而紫菜卷就似係炸腐皮加紫菜，算係響鈴個朋友啦，所以都油油地架！

上次試過食蔬菜車仔麵，今次就先埋佢嗰啲飯，叫咗之前好想食嘅咕嚕菇菇飯。啲汁酸酸地，又唔會好似平時嘅咕嚕肉咁咁甜，都幾啱我胃口，夏天食就幾開胃啦，啲菇嘅口感都幾似真嘅咕嚕肉，又炸得幾脆，幾香口。

好開心淨係東廣場已經有至少三間素食，而且質素唔差，今日去咗呢間素食譜，佢有蔬菜車仔麵或者一啲特色飯餐。我就叫咗蔬菜車仔麵，個湯底係用麵豉湯做，佢特登話係天然特製好似好有特色咁，可以好似車仔麵咁嗌三款餸，都係$38 ，我叫咗茄子、秋葵同埋紫菜腐皮卷。個紫菜腐皮卷都幾香口，揸得趣卜卜，茄子呢就係癲嘅，好香不過就有啲油，秋葵都幾好食。仲有得揀波菜麵、地瓜麵、太陽面、河粉等等，都幾多選擇，我就揀咗菠菜麵，識落都有菠菜味，算係幾難得。仲叫咗杯養生茶，加$6 ，飲落好似係涼茶咁，都OK好飲。值得encore。

觀塘區嘅純素選擇唔多，但係呢間好好味又抵食。位置都算方便，所以特登走來試吓三樣配菜我揀咗紫菜卷，滷水豆乾和冬菇，全部都好好味。個湯底好清甜，好味又健康，我成碗飲晒。再配埋杯無糖豆漿，成餐飯營養豐富又有蛋白質，好適合食素嘅人👍🏼😋

聽說觀塘這間純素車仔麵好久，這天難得來這頭就把握機會試下，車仔麵有多種健康麵條可以揀，湯底好飲配菜又足料，價錢又唔貴真係幾抵食，難怪咁受歡迎！除了車仔麵之外，素食譜也有多款素食飯餐，每日養生茶都真係幾健康。素食譜位於東廣場地下，由地鐵站行過去都好近，一入商場就會見到。場內仲有好多其他素食選擇，之後會寫另一篇詳細介紹。素食譜店面唔大，入面總共只有14個座位，亦有很多人會買外賣帶走慢慢食。蔬食車仔麵只賣 HK$38 真係幾抵食！除了麵之外，亦有一系列素食飯餐，選擇都幾多架。店內亦有賣一些方便素食產品，方便素友買返屋企食。第一次來先試試純素車仔麵，麵 + 味噌湯底 + 三個菜 只賣HK$38，觀塘區物價來說都幾平。車仔麵不包飲品，另加 HK$6 配茶或凍豆漿。蔬食車仔麵 HK$38 (VEGAN)菠菜麵 + 特調天然湯底 + 茄子/紫豆卷/豆卜車仔麵看起來雖然唔算好大碗，但配菜份量都幾多喎，茄子豆卜唔係只得一兩件，紫豆卷脆脆的夠香口，仲有幾條生菜食下。主要用味噌熬煮的湯底幾清香，唔會太鹹又無味精，真係應該飲埋佢。我揀的是菠菜麵，麵條偏寬身，咬起來較軟不算彈牙，有微微清香，麵餅份量唔多，吃完一

在觀塘食LUNCH 已經非常難找位置坐下，今天人比較飽飽滯滯，於是去了東廣場找東西吃。行過有一間素菜叫素食譜，就買了一個面回公司吃。我點了南瓜面，紫豆卷、木耳及茄子。價錢又夠平一碗3餸蔬食車仔麵只需要$38。想不道一打開同事都說非常香，湯味道香濃清甜，感覺非常健康。南瓜面細滑、偏幼而且軟身，呈淡橙色，比一般麵條感覺較輕盈，但唔會太清淡。

🔹蔬食車仔麵 - 鹵水豆乾、珍珠貢丸、紫豆卷+ 菠菜麵💰$38👅🌕🌕🌕🌑🌑6/10啲餸基本上都係豆製品，所以食落都比較似😂 個人鍾意紫豆卷多啲，因為有紫菜係入面，食落香口啲😙 另外個菠菜麵都幾好食，幾滑幾彈牙，同埋冇菠菜味🤣 個湯都好飲，幾清甜，整體食落幾fresh 唔會有罪疚感👍🏻🔙回頭指數: 6/10🔅湯底仲有麻辣同冬陰揀，想重口味都得🤟🏻🔅除左車仔麵，仲有飯餐，可以留意下👀

東廣場有幾間素食小店，呢間係最近門口嘅一間，有得堂食主打蔬食車仔麵、五行蔬食養生飯、咖哩秋葵炒飯貪佢既係良心店，價錢又夠平一碗3餸蔬食車仔麵只係$38採用特調天然湯底，但可轉其他湯底有一般麵條同特製麵條揀例如菠菜麵、蕃茄麵、地瓜麵數數有15款配料任揀，加$8可多一款配料今次自己揀咗地瓜麵，配搭蘿蔔、芋頭丸、紫豆卷湯底似味噌湯，微鹹，唔算重味，有清香感，可以飲埋而地瓜麵偏幼、軟身，呈淡橙色比一般麵條感覺較輕盈，但唔會太清淡蘿蔔軟嫩鮮甜，無渣，紫豆卷係腐皮感芋頭丸就幾驚喜，內餡係芋頭蓉，綿軟幼滑，微甜熱飲加$4，加$6可試吓小店自製嘅養生茶當日係香橙南非國寶茶，茶包配上一大塊香橙，有茶香橙香味滲透茶內，好特別

位於觀塘東廣場～呢度係覓食嘅天地🥰好多間店舖都食得，飲品店、手卷、鹹水雞、羊肉米線，連素食都有，😘真心係天堂。 之前想寫呢間食評，但果時未係openrice 搵到佢，依家有，可以補返XD我第一次係食"咕嚕菇菇飯" (下圖）因為外賣，始終會凍左，但味道仍然唔錯，炸菇菇都幾多，酸酸甜甜，幾開胃，而且唔會過酸😉 附送的湯，都好濃，好多豆係入面👍之後再食過車仔麵，真心好味。湯底用麵豉湯，好特別😍 豆味香濃，唔會好鹹～特別要推薦💕紫豆卷～ 炸得好香脆，但絕對唔會成口油😀另外蘿蔔無渣，冬菇好入味。附送紅豆薏米水，岩晒女仔飲💕👭另外，朋友下午茶叫了原味春卷，同樣，香脆唔油膩， 食落好香，帶少少甜味，👍呢款反而幾驚喜🤣車仔麵點餐紙，供參考☺️

晏晝叫左個素食車仔麵，佢個湯底係麵豉湯幾特別同埋好飲！我平時唔係幾鍾意麵豉湯但食完啲麵都飲哂！佢唔係好油嗰種嘅湯底同埋飲落都幾順喉～ 我叫左菠菜麵，餸就有紫豆卷，豆卜同蕃茄。佢比得好足料！有成4、5舊豆卜！同埋佢個紫菜腐皮卷都好好食！ 我叫外賣佢會幫我分開湯同麵，免得啲麵淋哂～又抵！係我想一食再食嘅車仔麵～