一素食譜

营业中

休息中

在KT 午餐想素食都算多選擇，豐儉由人。這一家素食館近公司，似茶記，自助購票，一人一份，簡單快捷。和同事一個月內兩次幫襯，所以把上一次映的相也一拼放出來。Menu 簡單，選擇不多。兩次我們都揀碟頭飯:五行疏食: 賣相吸引有心思，同事話味道偏淡。南瓜素扒: 素扒香口好味素叉燒青疏: 叉燒好甜，但乾咗D咕嚕菇菇: 同事話普通，冇乜特別所有飯底都是紅米飯。但對我來說，份量少了一點。食味嘛，只可以用"清"字來形容。其實另外除了碟頭飯，還有車仔麵選擇，或者下次試下。

第一次食點五蔬秋葵紅糙米飯 不錯的。 我發現完全沒有即棄用品。另外叫左凍檸茶少甜 點知有鐵飲管 深感意外 令支持環保的我大為讚嘆。 另外素菜湯很家常feel。第二次點南瓜蔬菜素排，排很像炸餅，外脆且味道好。另叫豆漿竟是低糖，很讚。對健康素食和環保的堅持，在這東廣場，除咗evergreen, 我搵唔到第三間lu.今次係我第一次留食評，很想為這些有心人做d 野。因為本人經常在外食野，健康環保又廉價的餐廳實在難搵。希望像這樣既餐廳愈開愈多!!

甚少踏足觀塘, 如果唔係約咗朋友去附近睇戲, 其實真係唔會去。早咗去, 周圍逛一下, 順便食lunch。最近食肉多, 決定食一下素。誤打誤撞, 行到去東廣場, 見到呢間, 價錢都合理, 就坐低咗。叫咗車仔麵 --- 地瓜麵 + 秋葵 + 雲耳 + 冬菇 + 珍珠貢丸 + 鹵水豆乾, 生菜係送嘅。地瓜麵好幼, 幼到似 angel hair, 好滑, 但冇乜味, 好彩湯底夠味, 唔太鹹, 食得出蔬菜甜味, 配埋地瓜麵啱啱好！秋葵 同 生菜都好新鮮, 翠綠嘅！雲耳 同 冬菇有燜過, 好入味, 唔似得有D冇誠意嘅餐廳, 求其整熟、淡荗荗.......... 雲耳係靚嘢, 爽口嘅, 形狀有D似貓耳朵。是日例湯係老黃瓜赤小豆, 我至愛！足料, 我連渣都食埋, 哈哈！見到素蛋撻, 忍唔住叫埋嚟試下。店員會幫你加熱, 雖然係番熱, 又冇用蛋或奶, 但出乎意料地味道ok (雖然個樣麻麻地, 哈哈)。整體水準不俗, 價錢亦公道, 好有heart嘅小店 (肯定冇用味精! 因為我食完唔口渴, 哈哈), 唔錯！ 下次再去觀塘, 會再去幫襯。

喺香港要做素食的確唔容易，尤其是觀塘咁多食肆、咁多競爭，要突圍而出，一係靠食物，一係靠平！坦白講，「素食譜」兩樣都唔達標，先講食物質素，一客咖哩雜菜飯套餐，食材無特色︰薯仔、芽菜、西蘭花、蓮藕、豆腐卜，都算入味嘅，但咖哩汁唔特別香濃，只係例牌味道；紅糙米飯係健康嘅，不過同咖哩唔多夾，用白飯或者薄餅會更好；至於個湯，相信係自己煲，亦無咩味精，但味道真係太淡，亦無咩鮮甜味。整體而言，食物質素好普通。 至於價錢，呢個套餐盛惠45蚊，一啲都唔貴，但以食物水準嚟講，性價比低，唔算抵食。 餐廳方面，餐廳喺東廣場地面，地鐵站一出行大約5分鐘就到，算好方便，而環境亦乾淨企理，加上可能因為食素，通常都唔多人，所以比較安靜。都係呢句︰食物質素至係王道！

$38三餸車仔麵，選了秋葵蘿蔔芋頭丸波菜麵，加$6有飲品。配料選擇多，自家天然湯底好味，感覺足料但唔會鹹。有附送生菜芝麻，抵食！感覺很天然健康的食物，店員亦友善！

tried their $38 vegetarian cart noodles (w/ 3 choices toppings)...i got okra, eggplant & mushroom "gong" balls (it's like the pork version but the pork is replaced w/ tofu based "pork" and inside is flavorful mushroom bits).  it came w/ a soup base that tasted like homemade soup and some lettuce.  they had like 5 choices of noodles and i picked their spinach one.  portion is small, mind you, but great for afternoon tea or a light lunch.  only gripe is there could be even less oil (i think the eg