一虎

营业中

休息中

星期六收工前趕到食呢間假日要排隊的拉麵店，午巿的最後兩個客😌😌一虎特選-所有配菜都有齊，有紫菜, 竹筍, 黑木耳, 大量葱花, 溏心蛋做得好好非常流心-有自家製辣醬另上，可自己調配辣度-自家湯底, 十分濃郁的豚骨香味海老虎-湯底係秘製蝦味噌，非常非常香濃！真的食得出大量蝦熬出來的味道-櫻花蝦係精髓，份量極多，每口湯每口麵都食到櫻花蝦香👍🏻-加左$10要海帶，爽口，整碗麵更添口感煎餃子-豬肉餡料，煎得唔會太油膩

首先因為麵嘅款式真係好多，好多都好似好好食咁，猶豫咗一陣，最終決定食赤虎(辣)同埋生啤。落咗單先醒起唔記得點🥟，所以麻煩咗店員加單ꉂꉂ(ᵔᗜᵔ*)>。店員都非常友善冇嫌麻煩咁幫我加/改返張單。真係唔好意思。🍜嘅湯真係好好味，而且又夠辣，啱晒鍾意食辣嘅我嘅口味，麵同叉燒都同個湯好夾，隻蛋蛋係追加嘅（赤虎本身唔含🥚)，隻蛋同埋個湯一齊食好。食到一半加入七味粉、辣芽菜、白芝麻之後，層次提升，直到食晒都好有滿足感。🥟亦都非常好食同夾個麵，再配合埋杯冰凍恵比寿生啤。幸福度爆晒錶。🍜🥟🍺☜完美組合〜♪

📍一虎 (灣仔)📍灣仔廈門街23號地舖🟡黑虎拉麵$103（黑蒜油加濃豬骨湯）🟡一虎特選$145（4塊叉燒、筍、蛋、木耳、紫菜）灣仔係有好多拉麵店，但係要水準穩陣又好食嘅拉麵，一虎一定係其中一間必食！今日超鍾意食拉麵嘅朋友過嚟，之前已經食過，但係決定今次試吓特選，乜都有，口感非常豐富！超級滿足！一虎同黑虎拉麵一如既往，保持水準，豬骨湯底body好輕身，唔會好膩，值得我哋嚟第3次！下次都會再嚟！

試過唔同店舖嘅拉麵覺得呢間嘅湯底好啱口味除咗足料．即製有份量味道香濃．亦唔會太鹹店舖雖小．但每碗都用心製作✨海老虎蝦味噌湯底濃郁加入大量櫻花蝦可選擇 粗/幼 或 軟/硬 嘅麵質配上薄薄嘅叉燒肉嫩不柴追加木耳．口感爽彈✨檸檬拉麵初次品嚐加入新鮮檸檬嘅湯底味道出奇地配搭味道清新亦不油膩玉子軟滑流心．值得追加✨餃子即叫即煎嘅餃子熱辣辣好有溫度餃皮煎得金香．肉汁豐富配搭拉麵嘅最佳小食見到有期間限定嘅柚子拉麵都好吸引下次再嚟一定要試

疫情過後，香港市道還未復甦，有一些熟悉的店舖都捱不住，突然間有點感觸，亦希望寫下自己熟悉多年的餐廳，希望吸引更多人去消費，盡力保存小店。灣仔嘅一虎拉麵，我已經不知不覺光顧了好幾年。佢嘅拉麵同餃子都好出色，亦都吸引了不少外國遊客。一虎拉麵以自家湯底為主，豬骨湯底濃郁鮮味，每一口都能夠感受到豐富嘅味道，雖然味道香濃，但是一點也不油膩。而另一款赤虎拉麵是大阪人氣嘅選擇，味道是激辛味噌，好適合愛食辣嘅人。一虎可以讓客人自行選擇麵的種類和硬度，分別有幼麵和粗麵，如果你唔知揀咩，可以選擇廚師推介，由廚師決定，一定唔會讓你失望。麵質方面，咬落去有嚼勁，還做到湯汁掛麵的效果。配上香蔥和爽口木耳，口感層次更豐富。兩碗的叉燒是一模一樣，肥瘦適中， 十分大片，豬肉慢煮煮得夠嫩滑！而糖心蛋入面十分流心，人都醃得夠入味。除咗拉麵，亦叫了煎餃子，外皮煎至金黃酥脆，內裡嘅餡料夠juicy ，即叫即煎十分熱辣辣。如果坐吧枱，可以欣賞廚師製作拉麵的過程，望落亦很治癒。

灣仔可以話係拉麵嘅一級戰區，間間都大有來頭、有過江龍之稱，而一虎在這之中也有一番人氣，拉麵口味種類感覺上比較多款式，期間限定柚子味噌拉麵好似都不錯。今次黎到主要想食返2款人氣拉麵，分別係一虎嘅定番拉麵，自家製豬骨湯底唔係行好重油脂感路線，反而係適中，唔會淡又唔會太咸，一種幾中和嘅味道。溏心蛋幾出色，外面醬汁味道入味蛋黃呈半流心狀態，另外推薦辣芽菜無限添加☺️另一碗，檸檬拉麵，湯頭以秘製檸檬醬配上豬骨湯，再加上幾片新鮮檸檬，飲落鹹中帶微酸幾清新，平衡返豬骨湯嘅油脂感，而呢款拉麵就只跟咗叉燒冇跟到溏心蛋🥹小食基本上只有煎餃子一款，外皮煎到焦脆金黃色，醬汁甜酸甜酸咁，唔錯🙂‍↕️

夏天有點熱但又想食拉麵有啲矛盾點算好？🤷🏻‍♀️我會揀清爽口味嘅拉麵咁就食得更開心啦～今日去左⼀虎食因為知道佢有款檸檬拉麵感覺好吸引！😍檸檬拉麵用左⼀虎嘅秘製檸檬醬加自家豬骨湯混合而成檸檬嘅清爽完全將豬骨湯濃厚嘅感覺蓋過味道唔會過酸啖啖清新而且檸檬香味會隨住熱湯蒸氣散發清爽怡人😍就算夏天食都唔會有負擔👍男朋友貴為豬骨湯忠粉只會獨沽⼀味揀左⼀虎嘅定番拉麵豬骨湯濃但唔膩👍而且特別配幼麵麵身爽身清左⼀碗仲可以再加麵溏心蛋仍然高質入味不過鹹蛋黃完美流心晶瑩透亮

喺灣仔附近見到 #一虎 門口好吸引，入到去餐廳，感覺好像日本的小小拉麵店一樣。好有歸屬感💞人情味🤝點餐是自己填寫，可以選擇多蔥或者多麵等等！麵軟硬度都可以選擇，好適合喜歡食軟麵的我！🍜海老虎拉麵一上菜，好多櫻花蝦，差不多佈滿成碗！我還加了特製辣醬（另上）辣醬➡️麻麻地，做得好開胃！湯底加上秘製蝦味，非常濃郁！每一啖都食到櫻花蝦，大滿足！🍜檸檬拉麵秘製檸檬醬跟自家製豬骨湯的完美混合，再配上新鮮檸檬。檸檬可以令豬骨湯底減油膩感，所以好清新鮮甜。

這家一虎是同事帶我來吃，他說之前吃過好好味的，小店的裝潢簡單卻很有日本風情，桌椅佈置簡單舒適，雖然店面不大，但整個空間保持得很乾淨整潔👍🏻好多配料可以加入拉麵他點了赤虎拉麵。試了一啖那湯底，濃郁的豬骨香氣及少許辣味十分驚喜！湯底口感濃郁順滑，充滿了豬骨的鮮甜味道👅我點了鮪魚拉麵，湯底則結合了魚介和醬油的風味，每一口都係鮪魚的鮮美和湯底的濃郁，粗麵條口感好好仍然保持著彈性，叉燒好嫩！流心蛋好入味！還有海苔、蔥花和溏心蛋等配料，讓整碗拉麵更加美味豐富～

有一阵没吃日式拉面了，倒不是对它多痴迷，只是很享受在拥挤明亮的小店里安安静静埋头嗦面的治愈。·一碗热腾腾的拉面很快在期待中出现，一抬头是冒着新鲜热气的面档，店不同，但那瞬间的温馨却很固定。·湾仔的一虎和鸟华亭是姐妹店，前者主打豚骨汤，后者主打鸡白汤。鸟华亭我很喜欢，但因为不吃🐷，所以一虎原本没打算去，直到某天路过种草了Vegetarian Ramen.·小众拉面探索了不少，但素拉面真是第一次吃，这里甚至还有Vegan全素版本的选择。挺意外的，印象中向来是碳水和油脂拉满的拉面，难得能成为一种healthy food.·更让我好奇的是，无荤腥的食材是如何撑起了追求鲜味的汤底？又是如何把一碗素拉面卖出了比豚骨拉面还要高的价格？·吃完觉得，确实是有几分功底的。·汤底用了昆布和洋葱来吊出鲜味，咸鲜得恰到好处，多一分则齁，少一分则寡。浓郁的口感可以与传统豚骨汤相媲美，但又没有荤拉面的滞腻，毫不犹豫喝得干干净净。·份量感觉比大部分香港的日式拉面都要足，面条充满朴实细腻的嚼劲，配菜更是清清爽爽，浸着热汤脆爽鲜美地下肚，满足。

Ichihu and Shenhu are also the twin tigers of the Wan Chai ramen scene, with a constant stream of people. Moreover, the value of operating in a harsh environment becomes even more precious. As for her most special lemon ramen, I still prefer the more direct original flavor and spicy flavor. The former has a rich pork bone broth base, with a fresh, sweet taste that is sufficiently sticky, while the latter has a moderately spicy kick, enjoyable to eat without overpowering the flavors of other ingr

呢間拉麵喺灣仔利東街出口隔離, 我哋係平日收工大概六點半左右到, 唔洗點樣排隊 餐廳入面大概有十五六個座位, 但係坐bar 枱為會稍為逼小小 因為呢間餐廳我哋都唔係第一次嚟，我哋兩個人一坐低就嗌咗一個檸檬拉麵同一個一虎特選拉麵 佢哋係填紙仔落單，基本上都好清楚 。填完之後大概 唔使十分鐘就上曬兩個拉麵 🍜🥢一虎特選 $143一虎特選就乜都有，木耳絲同筍就正正常常，啲叉燒我覺得有少少太瘦唔夠肥同埋唔夠入味，但係撈埋啲湯一齊食係ok嘅。個糖心蛋就做得好好 ，呢個拉麵整體嚟講不過不失 🍜🍋檸檬拉麵 $106檸檬拉麵本身除咗上面嗰幾塊檸檬外，個湯底都加咗檸檬汁，所以食落好清爽可以平衡到豬骨湯嘅油膩感 ，呢一款推薦可以一試 兩個拉麵其實都係用豬骨湯做湯底，但係檸檬拉麵就落咗幾片新鮮檸檬，湯底都睇得出佢有好重檸檬味 係幾開胃 兩個面都揀咗普通硬度，一虎特選就揀咗粗麵，因為佢哋個湯本身唔算好濃好稠，粗面會比較掛湯食落好味啲仲有一樣嘢一定要提既就系檯面上面啲配菜係任食既，特別係個辣芽菜，我哋兩個人每次嚟都食咗兩罐，如果唔系驚唔好意思我地可能會食多兩罐呢間餐廳整體嚟講食物質素ok，服務員都有禮貌同幫得手

純粹搵嘢食個陣行過 見到好似ok wo,, 咁就入咗去試下,, 咁final都真係ok ge.叫咗個期間限定ge柚子拉麵, 赤虎拉麵同一碟餃子。全部份量都唔錯ge。柚子拉麵我覺得ok ge, 湯底我覺得有dd濃咗d, 無咗柚子清新個種口味, 不過ok ge。 我friend試完覺得幾清新, 佢幾中意。不過le個拉麵d配料無咩, 我覺得差dd ge (有蔥, 有dd柚子。)。同埋我碗d叉燒... 有d老有d硬。唔好味。赤虎拉麵就我個friend叫ge,, 雖然我本身唔係太食得辣, 不過我幾中意, 覺得幾香 仲有返d木耳做配菜開心d。相反我friend食開辣嘢, 佢覺得都好味 不過係一般辣ge口味, 無咩特別。餃子我地都幾中意。佢個樣煎得金黃, 不過食落唔係脆皮個隻。但皮都唔厚, 而且都有肉汁。另外中意佢地有得自己夾下d小前菜食下, 有薑 芽菜同唔記得咗咩嘢。不過我淨係食芽菜, 而芽菜係幾好味ge (d味有d似公仔麵d味粉)。Total 食咗252。Overall 嚟講幾好ge, 可以encore ge, 下次會想試檸檬拉麵 希望會清新d。

趁個天氣仲未係好熱，繼續食拉麵，四小龍。一虎，先講份量，都算多，蔥多，木耳多，湯底就一般。鮪魚拉麵，這個好得閒，好重吞拿魚味，個湯底清得黎，魚味濃同特出到。隻蛋有煙燻味。

從未食過咁鞋，咁柴嘅叉燒。首先塊叉燒薄，薄唔係問題，但你塊叉燒薄得嚟又鞋口，又要乾，又要成舊柴咁樣樣，好難食！！麵普通都唔普通，好似X記訂翻嚟果啲麵，完全無自己嘅特色。份量仲要極少，3個男人去食，兩個完全唔飽，有一個加底先夠食。個湯唔鹹，有啲甜。收成3位數食咁嘅拉麵！差另外叫咗個餃子，不過不失，個醋有啲出色三個人埋單成380$只此一次，無下次！完全唔建議去食。我相信同價位的話，香港嘅選擇比比皆是。