影片
以上资料只供参考，请与餐厅确认详情
食家推介
豆腐花舖門外寫滿各式各樣嘅豆腐花配搭看似專業 選擇多被門面吸引之下 買左2碗外賣返屋企同家人分享冰糖豆花缺乏豆香 未算滑溜亦唔夠甜 失望薏米銀杏豆花 原本以為係即叫即片但原來只係係雪櫃拎出嚟再係上面加d薏米...薏米夠軟身但冇乜味 未算特別依度既豆腐花價錢並唔算便宜味道亦唔出眾相對之下荃灣幾蚊一碗嘅豆腐花真係性價比十分高
继续阅读
今晚係附近食飯～記得廟街附近有間好抵食豆腐花舖～係媽咪雞蛋仔隔離咋！～舖頭細細～但都有得堂食～！不過餐廳環境有d「速食」～所以大家如果要gathering可能就5太方便～～🤣🤣佢係有好多5同豆腐花嫁～仲要價錢好平！～e+仲要買二送一～！！好抵喔～😱😱😱所以一路食都一直有人買外賣走～🌟凍豆腐花（$12）（🐥中間）🌟薏米銀杏豆花腐（$12）（🐥左上角）🌟薑汁豆腐花（$12）（🐥右上角）豆腐花好豆香味～但就5夠滑！～冇九龍城公和咁滑～但咁ge價錢真係極抵～🌟腸粉+魚蛋+燒賣+豆漿（$27）我地仲叫多左碟小食～但質素麻麻～腸粉雖然聲稱用鵝油～但5滑🤢🤢🤢魚蛋又麻麻地～燒賣又好麵粉～5推啊～～🌸🌸🌸🌸🌸🌸🌸🌸🌸🌸🌸🌸🌸🌸🌸🌸豆腐花值得食！咁ge價錢性價比好高！～但小食就5推啦～🤣🤣🤣
继续阅读
夜晚行過油麻地，喺一豆花食碗薑汁豆花做宵夜。舖頭細細，一張大長枱大家自由入座。基本上都係一人一碗豆腐花，凍熱都係$10，有芒果榴槤既就貴啲。揀咗最傳統既薑汁豆花，冇諗過薑汁係自己唧落去，呢下有啲怪怪地。薑汁味唔算濃，但豆花幾滑，好大碗。試下冇壞，唔試又冇損失咁囉
继续阅读
早幾日食完飯之後覺得唔係好夠飽，突然諗起已經好耐冇食中式糖水，就一邊行街一邊睇下附近有冇糖水舖。路經主打豆製品既「一豆花」，望一望menu覺得價錢ok就入黎試下我叫左熱芝麻糊豆花，始終中式糖水都係熱食好食😛豆花唔算太熱，暖暖地易入口，好夠滑溜；但芝麻糊就略嫌有少少稀～另外，朋友叫左淡奶豆花，我都係第1次聽豆腐花+花奶呢個食法，平時都係加黃糖或者薑汁，就叫朋友比我試下，點知兩者竟然係出奇地夾，下次食豆腐花又有多個選擇！
继续阅读
有日去旺角買小小野 正想搭車走的時候見到呢間豆花店即刻好想食豆花就叫左碗熱薑汁豆花$8 好抵 糖同薑汁可任添豆花都夠豆味 幾滑 味道幾好有即場食的企位 好方便食完滿足地歸家走 推薦！
继续阅读