一起果醬 (已結業)

上次試過 Let's Jam 的下午茶嚟開山林道就來嘆個靚早餐先 ~~點了份 6 號早餐 ... 自選果醬厚多士 + 細火腿湯通粉 + 飲品 (HK$40)+HK$8 升級了杯 latte自選果醬揀了熱帶風情，很足料有很多水果粒，熱情果、芒果、菠蘿、木瓜 ...多士好似烤得有點過火，好彩厚切，只是表面有少少焦入口仍然香脆鬆軟，配上香甜的果醬和水果，味道清新滋味火腿湯通粉細細碗，湯底是濃郁的磨菇湯，裡面仲有愛吃的粟米粒 ~~一早有杯靚靚拉花的咖啡飲，心情都靚啲，呢 HK$8 抵比嘅 ~~** 以上分享是以我的口味、體質和情況作出分享及感受，一試 / 合用與否請自行決定

約了朋友未夠鐘 ...就在附近的 Let's Jam 嘆個下午茶先 ...星期五的下午來到 ...食客不多，不需要等位，直接入座 ...有 7 款 Tea Set 供應由 HK$48 - HK$78，包了一杯 HK$36 的飲品 來到 Let's Jam 當然要試店家的招牌 ... 自家製作、無添加的果醬儍媽點的下午茶餐，食物和飲品都加入了佢地自家製的果醬 ~~→ 鮮果乳酪厚多士 + 凍桂花雪梨茶 (HK$58)鮮果乳酪厚多士厚多士塗上香甜士多啤梨果醬再鋪上滿滿的水果粒 ... 香蕉、蘋果、奇異果和士多啤梨仲有脆卜卜的脆片和酸甜的乳酪醬，味道清新開胃 ~~凍桂花雪梨茶用店家自家製的桂花雪梨果醬調製而成杯底有很多果肉，記得攪匀才飲，入口清甜滋潤，但桂花味不太突出** 以上分享是以我的口味、體質和情況作出分享及感受，一試 / 合用與否請自行決定

一起果醬真係聽得太多人講今日決定真係要會一會佢！.環境都唔錯有小小復古既感覺晚餐set都幾抵食有沙律🥗餐湯🥩主菜🍮仲有甜品！一個女仔去食真係飽左😆.慢煮黑毛豬鞍扒有驚喜呀！我中意細薯仔同露荀呢個配搭！個汁仲要係自家制蘋果醬！.整體真係好好食！仲見到每枱人都叫九公格多士！🍞配哂9種果醬！好吸引！下次一定幾飽都要叫！

💛💛💛係貼滿連儂牆嘅黃店推介尖沙咀同西貢都有分店嘅let‘s jam 一起果醬小編已經回食過好多好多次全因俾佢哋嘅自家製手工果醬吸引😍果醬控必試以下嘅幾款推介：❣️❣️玫瑰蘋果醬單骨雞翼（$45）平時蜜糖雞翼就食得多真係估唔到果醬配雞翼都咁夾😳仲要冇蜜糖咁甜🤫淡淡的玫瑰花同蘋果香食落去覺得好清新又開胃😍黃金蟹肉軟殼蟹意粉（$119）作為好鍾意食鹹蛋黃嘅人 對住呢一個意粉真係毫無招架嘅能力🤩加咗鹹蛋黃 令到成個意粉更加香同惹味而且軟殼蟹炸到又脆又金黃 😳唔怪得係餐廳嘅招牌菜🥳龍蝦汁海鮮意大利飯配 （$129）🦞一上枱覺得個擺盤超靚兩隻蝦超大隻😍 仲有兩隻大青口同帶子另外係佢個龍蝦汁真係隔好遠都聞到 超香濃🤤而且個risotto 唔會太硬身 煮到煙煙銀銀岩岩好 果醬厚多士（$32）作為餐廳嘅人氣食品真係名不虛傳🤩成個多士分為九格😛每格都有唔同口味嘅果醬有士多啤梨、橙、蘋果、雜梅啱晒花心又想試多啲唔同果醬口味嘅人呀🤪

呢間小店喺西貢見過但次次都爆場無機會試🤪今次嚟開呢邊可以試吓佢嘅早餐🤩芝士流心蛋多士🥪厚方包鋪滿芝士，流心蛋香滑，雖然係外賣但依然嫩滑煙鴨胸流心蛋忌廉通粉湯底濃濃忌廉湯味🤤通粉軟硬適中咖啡☕️雖然唔知咖啡用咩豆，但香濃不苦澀👍🏻👍🏻優質奶茶都好香滑🧋環境優雅舒適，坐低慢慢食都幾chill,職員都有禮貌，眼見好多熟客幫襯🙆🏻‍♀️每份早餐約$40！但食物質素絕對唔會失望，最驚喜係杯咖啡☕️

出名手工果醬嘅餐廳🍴有得食又有得拎返屋企慢慢嘆。主打西式菜，不得不提係呢度嘅燈光環境都相當唔錯，影相po ig 可以完全唔晒用濾鏡！#士多啤梨烤豬骨燒完骨淋上自家製嘅士多啤梨jam，微微酸甜，中和咗肉味，而且燒得啱啱好，口感唔似柴，伴菜、薯條都好齊夾大份，配上特飲—蜜糖檸檬水，滿足視覺飽腹之慾。插支竹製飲筒，環保又有新鮮感。#蟹肉意粉配沙律比較多人推薦的熱門菜式，自覺評分不高不低，佢係一個set, 有得揀沙律/湯。沙律少有地灑上芝士，味道正常。紅湯比一般落嘅料唔同，對於鐘意食湯渣嘅我嚟講，呢碗湯係飲得過。#芝士蛋糕食落有沙感嘅冰，懷疑雪藏咗一段時間，不值得加錢試。

已經第四次黎食，大啡菇茶餐真係好好好好好味！芝士肉醬個味好夾沙律都好新鮮好好味。加$9有個香菊黑枸杞，都係超重菊花香味，就算加左水都好好飲唔會話好淡😀店員非常好服務態度，會不時問你需唔需要加水

一直都無食過一起果醬！印象中由初初係西貢已經好出名大排長龍，直到開多咗分店先有機會試到。但體驗麻麻地！！閒日入到去只有3枱客，有幾張枱未執。由於我地唔急，又想坐卡位問咗一問waitress可唔可以坐埋邊未執枱既卡位，佢即刻著咗火！‘未執呀！坐個張或者個張啦！’我地嚇咗一嚇，聽佢講坐咗佢指既其中一張枱佢之後拎menu過嚟我地都睇咗幾耐，因為未食過又搵唔到邊到揀果醬口味同唔敢叫佢嚟落單最後佢過嚟幫我地落單，叫完自選果醬厚多士餐，佢問乜果醬，我地問佢邊到可以睇？佢話‘後面囉！’其實知樓面得佢一個佢真係好忙，但我地又無催佢，做乜要咁惡死之後個waitress要拎放咗係架上面個牌照比人睇，佢直接係客人望住情況下無除鞋踩上卡位張櫈伸手拎多士唔脆唔熱仲好軟熟唔似烘過應該睇得出呢個好好多，夠熱又脆口，但味道一般般。野飲都好飲既，但再食都唔會再嚟呢間分店

本身前一日book咗8:00收工去食，食飯當日，大概7:00左右，佢哋職員打嚟話8:00張枱俾唔到我，要我改7:30，7:30都未收工 點食？就咁佢哋話冇辦法，就取消咗我嘅booking。book咗位都變冇枱😂個刻真係好嬲，如果唔肯定有枱，點解又接受客人booking? 道歉唔係大晒，浪費我嘅時間，仲要食飯前先知冇枱，搞到又book唔到其他餐廳，好狼狽，好彩唔係咩節日慶祝，如果唔係都幾難搞😅

間舖頭座位唔多，係小店feel，深色既木系裝修，雖然坐得唔算鬆動，但都唔會太迫😀叫咗個all day breakfast同蟹肉鹹蛋黃軟殼蟹意粉🍝 全日早餐值得提一提係個厚多士好鬆軟，加埋上面果醬一齊食，係絕配。啲菇用左啲香料炒，好香好好食~我哋叫嗰個全日早餐有個iberico pork butt，都唔錯，不過可以煎得再juicy啲🙈個意粉配搭又係唔錯🐵少少中西fusion🙈食落嗰個鹹蛋黃味唔會太搶，但有鹹蛋黃香，佢再落咗啲洋蔥同cream，件事感覺西式番。😂個軟殼蟹炸得好靚，好鬆脆，個size同蟹肉嘅份量唔吝嗇🐷黎到一起果醬梗係叫番杯果醬類嘅飲品，個味都唔Artificial，都唔錯~

呢間Cafe真係一直都係我心目中嘅no.1！因為有良心之餘，啲嘢食仲要係好好食！呢間Cafe已經回頭過好多次，無論係西貢嗰間主店定係佐敦嗰間分店，各有特色，都一樣出色！點解我咁鍾意呢間Cafe？因為我本身係一個唔鍾意食果jam嘅人，而且最憎肉桂味，所以有間快餐店嘅蘋果批我都好唔鍾意食，但就係第一次去比朋友迫試吓佢哋嘅蘋果肉桂味果jam，真係一試難忘！直頭消除咗我對肉桂味嘅抗拒感！因為佢令我咁有驚喜，所以我一直都好鍾意呢間Cafe💛另外想推介下佢個蟹肉意粉，足料到不得了，不過好似淨係佐敦分店先會有，所以要食嘅話一定要去佐敦嗰間~而個ribs我就覺得西貢嗰間好食啲，所以各有特色，有機會嘅話，兩間分店都要去支持呀！嚟緊睇佢哋社交平台話會出打邊爐一人鍋，遲啲都會去試吓！

其實都係好即興，見冇乜人就入嚟平時一起果醬出邊條人龍真係勁長🤢🤢但係下午茶就會有位唔洗等桂花雪梨茶下午茶跟餐唔使加錢甜甜地幾潤喉，仲要有雪梨肉響底鮮果窩夫係即叫即整，可以任選餐牌一邊其中一款果醬配搭🥰我揀咗士多啤梨醬入面有好多果肉足料！

I have been wanting to try this restaurant out with a friend of mine for quite a while now. We decided to give it a go yesterday. The food there was actually quite good! We ordered some pasta and a toast with different kinds of topping of it. I thought the toast was quite cute but I do not think it tastes as good as it looks though. The environment there was comfortable enough though. Would recommend giving this a try.

💛💚💜🧡🍝🍹 意式青醬雞肉意粉A Spaghetti chicken with Pesto Sauce 份量很足，食完很飽。擺盤都很漂亮齊整，給人有「用心」的感覺。白色的碟，有著暗暗的花紋，比較有英式少女的味道。 意粉夠熱。咬口是有的，但不是意大利帶點硬的感覺，軟硬度適中，是港式的全熟意粉，但不會過軟。 意式青醬忌廉的味道比較重，沒有香草味或草青的味道。汁量是足夠的。 烤雞扒烤得很香，表面有一點點脆。肉質夠嫩不乾，但沒有醃料的味道。 果醬沙冰Smoothie with Jam 清新香甜，好適合夏天享用。沙冰打得夠綿，但整體比較甜，如果可以少一點甜味，會更加好。

朋友想喺尖沙咀附近食飯，推介左呢間餐廳，見佢以果醬做主題幾特別，又去食下先。炸薯角薯角炸得表面金黃色，咬落香脆可口，點埋果醬食一流！豬肋骨肋骨焗得啱啱好，點果醬食係有另一番風味嘅，伴菜都有炸薯角，同之前一樣咁好食，不過如果早知呢度菜有薯角伴碟，小食會叫其他。海鮮飯個飯濕度掌握得幾好，唔會太濕，味道調味都剛好，唔會太濃烈,海鮮好新鮮而且份量比想像中多。九宮格呢度菜有九種不同嘅jam, 厚切麵包有烘底，焗得啱啱好，食落脆脆地，再配合唔同口味嘅jam,真心好鍾意❤️飲品我叫咗果醬沙冰，有得揀jam口味,揀咗 berries，飲落去有濃厚嘅果香，而且口感好滑。餐廳用jam做主題非常有特色，估唔到果醬同咁多食物都可以配合得咁天衣無縫。最後食完埋單人均唔使$200，下次有gathering出去食都會考慮呢間。