一起果醬 (已搬遷) 新店位置

嚟到西貢想食個下午茶。見到呢間有自製果醬嘅小店，所以試吓下午茶。見到人哋食評話佢個鬆餅幾好食，所以我就點左一個鬆餅，有得再揀一款佢哋自家製嘅果醬。佢哋好多款果醬，而我選擇嘅係玫瑰蘋果。首先講鬆餅，佢做得非常之有牛油香，而且質感亦都濕潤嘅，唔似有時出邊食嗰啲咁乾。果醬方面，我覺得玫瑰蘋果呢個配搭幾好，真係有玫瑰嘅清香，亦都有蘋果嘅甜。唯一不足之處嘅係，我覺得佢個果醬太甜了，建議可減少甜度。另外聽店員推介，如果想冇咁甜的話，其實可以試吓佢個桂花梨味嘅果醬嘅，可能我下次會試呢個。見到佢有一個set係$49有三個鬆餅加一款果醬同clotted cream，如果多啲人嚟可以一齊share呢個食㗎。最後咖啡嗰邊我就覺得幾失色，唔夠咖啡香。畢竟咖啡唔係呢間鋪嘅主打，我建議大家就唔使叫了。

之前住西貢嘅關係，都來過Let's Jam食佢嘅自家製jam,今次就同朋友前一晚睇完流星雨之後過嚟食lunch.班尼迪溫泉蛋配芒果荷蘭汁  雙拼（煙三文魚+大啡菇）$109Sous Vide Egg Benedict w/ Mango Hollandaise Sauce   Combo (Smoked Salmon+Portobello Mushroom) 之前食得all day breakfast多，今次食吓佢嘅egg benedict先。佢嘅賣點設於係芒果荷蘭汁，但其實就唔係好食到有芒果味嘅，不過味道都唔錯。我平時唔係太鍾意食egg benedict墊底嗰塊muffin包，佢呢度就用普通麵包toast咗佢，都唔錯。英式奶油鬆餅套餐 Creaｍ Tea Set $79不嬲都好鍾意食scone, 難得有餐廳有得食scone,當然叫嚟試下啦。配埋clotted cream同自選嘅芒果味jam，食嘅時候唔會太黐住上顎，質感啱啱好。

行完山到西貢食個下午茶，我order 左 「果醬9宮格多士」 + 「真紅豆冰」。其實果醬係咩味！？我唔係太清楚，所以每食一格都估係咩味，當中最令人驚喜嘅係木瓜味，因為同平時食開嘅莓味醬比較特別，係少有嘅味道！另外有兩格味差不多，唔知係我地食唔出定係有相同。整體「果醬9宮格多士」係好食每種味都唔太甜，各有特式，值得一試！我地最鍾意係橙味。至於「真紅豆冰」就係將紅豆打成沙冰，底下有粒粒紅豆，所以成杯都係紅豆，名副其實係「真」紅豆冰飲管係紙製的，但好結實

#中意嘅請分享請點讚🍻----------呢間餐廳賣點係自家製果醬，口味有十幾種：玉桂蘋果醬、桂花雪梨醬、士多啤梨醬、香橙丁香醬、雜莓醬、熱帶風情醬、芒果醬、青檸青蘋果醬、蛋黃菠蘿醬等。西貢分店唔算好多人，好適合遠離煩嚚，靜靜地過一個下午。另外，西貢分店仲可以帶狗仔坐餐廳室外位置。----------😋Classic All Day Breakfast全日英式早餐套餐 $99All day breakfast份量好多好豐富，有芝士炒蛋、煙肉、牛仔早餐腸、紐倫堡腸、扒蕃茄、炒蘑菇、焗豆、厚多士、果醬、飲品。果醬可以自己揀咩口味。炒蛋加左芝士所以幾香幾滑。厚多士好厚，烤到好鬆脆。-😋士多啤梨果醬燒豬肋骨套餐 $109套餐有士多啤梨果醬燒豬肋骨、炸薯角、飲品。出奇地士多啤梨果醬同豬肋骨好夾，燒豬肋骨好淋好入味。炸薯角係即炸所以勁脆，薯角加埋小小薯皮更香口。-😋桂花雪梨茶飲品係由桂花雪梨醬沖成，所以好清新。-😋特調果醬紅茶今次揀左士多啤梨醬加紅茶，會比一個紅茶茶壺，再自己加士多啤梨醬。----------🚩一起果醬🔎西貢市場街9號地下🔎尖沙咀松山道15-17號地下D舖

每個星期六都幾乎會去西貢放狗🐶，然後與狗仔一起去餐廳食野，貪西貢的餐廳才大多數能帶狗入去食，不過其實都幾貴對比起市區，可能是因為西貢是個熱門旅遊景點和度假勝地。我吃了蟹肉沙拉🥗配熱情果醋汁，覺得個汁幾唔錯，好酸好開胃，同埋都幾特別，蟹肉有d腥，所以麻麻地喜歡食。沙律菜是普通的沙律菜，與汁的配搭還是第一次食到，其他地方都是用沙律醬、千島醬之類，而這裡的醋汁比較與眾不同，較開胃醒神，很喜歡，所以最後把剩下的醋汁直接喝完了。

一起果醬（西貢）果醬九宮格多士$49店舖以自家製既各款果醬製作九宮格多士～厚身多士口感鬆軟～果醬味道有創新👍讓人眼前一亮全天英式早餐$79炒蛋又香又滑～磨菇好香牛油味 -好味程度：★★★☆☆價錢：★★★★☆回頭度：★★★★☆-📍 西貢市場街9號地下 -📞電話：27919888 -⏰營業時間：星期一至五 10:00-20:00 星期六至日 09:00-2100 公眾假期 0900-2100

今天來了西貢走走，逛逛碼頭市集，逛累了便找地方坐坐，於是來了一起果醬吃午餐。我們點了一個全天英式早餐、士多啤梨英式果醬燒豬肋骨，及一杯凍latte。英式早餐味道不錯，磨菇及蛋炒得香，果醬多士脆口。燒豬肋骨帶點微辣，很香很惹味。整體來說，食物美味，服務好，很有家的感覺。

寧靜有格調的小店子，平日來格外舒服，因為遊人不多。下單叫了全日早餐＋凍美式咖啡。店子招牌菜是果醬，所以全日早餐中的果醬多士十分好味， 除了多士其他配菜味道都是高水準。小店子老闆是一友善年青人，緊要支持下。

人地話三個女人一個虛，今日我就三個女人一起jam朋友話想去西貢high tea....去開西貢其實覺得選擇唔多，行左好耐又多人，終於搵到間都幾夾攝嘅餐廳，係間地鋪。揀左好耐終於揀左個Egg Benedict, Ribs 同All day breakfast ....意外地個雞蛋好好食，d蛋黃流出黎配埋個toast，真係一流而且個蕃茄係燒過更加鮮甜多汁！最後叫埋幾杯咖啡，完全配合港女嘅品味間餐廳靜靜地又唔算好多人，好岩傾計輕鬆過一個下午，下次再黎應該都要靠google map

星期日想去西貢行下，又想搵個地方坐下傾下計，就搵到呢間一起果醬很出名，就決定試試佢。一行三個朋友，大家都肚餓了，點了All day breakfast 全日英式早餐。All day breakfast 份量很足夠，多士可以自己選擇要什麼果醬。特別一提，炒蛋很嫩，加上有少許芝士，很香很滑！

今次試左西貢同尖沙咀都有鋪頭既let’s jam！ 但唔知點解總係覺得係西貢食let’s jam先有feel 👻 雖然已經食過好多次 而且每次都係食個幾樣野 亦好想試其他西貢既cafe 但每次去西貢最後都係會去食let’s jam😝每次必食既係Classic All Day Breakfast ($99)！其實最吸引我既係塊多士👻👻好厚焊到好脆 再加上自製jam 食完次次都好開心！佢既芝士炒蛋水準就有d參差 有時好滑好creamy 但有時就幾乾 要睇彩數！另外同朋友再叫左個果醬九宮格多士 ($49)，揀唔定想食咩jam或者一次過想試多d jam既人必揀呀！佢會random咁揀9款jam比你 貪心之選😋😋

周末長假期來到西貢走走，市場街那邊亦多了不少Cafe，每一家都擠滿了人。結果選了Let’s Jam吃個下午茶，「一起果醬」顧名思義主打其手工果醬，口味有十幾種。我就選了招牌果醬九宮格多士及桂花雪梨茶。果醬九宮格多士裡面有九款手工果醬：玉桂蘋果醬、桂花雪梨醬、士多啤梨醬、香橙丁香醬、雜莓醬、熱帶風情醬、芒果醬、青檸青蘋果醬及蛋黃菠蘿醬。喜歡那一種果醬味道，還可以$49買一瓶帶回家。凍的桂花雪梨茶只是一般，相信熱飲會比較好喝。周末這些Cafe都超好生意，等位等嘢食的時間亦比較長，懷著慢活的步伐去享受吧。

適逢復活節長假期兼且無落雨，決定同老婆去西貢hea下。一如既往，我地去咗西貢頗具人氣的Let's Jam嘆下Brunch同呢間鋪最出名的果茶。今次我地點左Egg Benedict Combo，即係Egg Benedict + 煙三文魚+大啡菇。呢間鋪的Brunch比較特別，其他鋪的Egg Benedict底用鬆餅，而Let's Jam係用多士底。雖然有d奇怪，但其實又幾夾。整體個Egg Benedict同其他鋪差唔多，如果大啡菇焗下會再好d。相反，蘋果肉桂汁慢煮豬扒配黑松露薯蓉十分出色，兩邊煎得香脆，入口未至於即溶，但尚算軟滑。蘋果肉桂汁襯托下，不會覺得太"留"。配角黑松露薯蓉亦都不錯，黑松露味不會太重，飲品方面推介熱的果醬茶，這次點了熱的蘋果果醬茶，蘋果香氣直撲鼻腔，而且味道清甜，十分推介。

起西貢同朋友飽飽地，但又口痕又想坐下😬 於是叫左依個多士黎食就啱晒喇💁🏻‍♀️佢分別有九種唔同味道既果醬，我地一路食下估下每一個格係咩果醬，一路飲啖熱茶傾下計，咁又hea左幾個鐘喇😌-btw其實一直以為得西貢有，所以bookmarked左好耐多未有機會去食🤓但當我終於黎到西貢食依日，先發覺原來佐敦都有分店🤦🏼‍♀️成日都係咁失敗😂

失望。搬咗入嚟西貢一路都好想試呢一間餐廳。真心期待結果換來真心失望。點了英式鬆餅套餐，有三隻小小的英式鬆餅，沒有特別的好吃。奶油沒有味道，果醬水汪汪的。明明叫做一起果醬，招牌都可以做到咁差，完全不能接受。黑糖薑母奶茶，剩係得奶，完全沒有茶味，我真係冇誇張，係一啲茶味都冇，仲要有很多薑渣在裏面，離譜！朋友點左果醬梳打也不願置評。仲未計漏單，唔吹佢都飲唔到。$135下午茶，不如去吃麥當勞！