七喜粥麵小廚 (已結業)

平時都有去開呢度食吓飯、不過今晚叫來炒蜆認真麻麻、明知蜆肉不開口都照出、已經高溫炒出來不亓口好明顯已經係壞左、圖片所見我哋之前已經揀咗好多出來、最後朋友忍唔住、夾好多都吾食得、就同姐姐講好多都食吾到、姐姐好無奈，但企係我地前面個亞叔、見佢平時大小事都係由佢處理，但吾知點解佢明明係睇到又聽到都吾理😮‍💨

幫襯左七喜咁多年 每次都去土瓜灣果間 最近執左 去開北角諗住一樣食個飯 點知價錢貴咁多 係土瓜灣食個滑蛋蝦仁飯先$58冇記錯的話 去到呢度收我$90 加埋野飲$98餐牌個沙嗲蝦仁飯先$70估唔到沙嗲轉個蛋可以收多我$20 港島區真係名不虛傳 只可以怪自己唔問諗住差唔多價🤷😐

感冒，所以決定食玩足，呢度有好多款生滾粥可以選擇。真係多到唔識揀啊！最後，因為自己好鐘意食豬潤，就試一試呢度嘅豬潤粥啦，冇諗到呢度啲豬潤哦，外賣返去幾日都係滑嘅，好驚喜啊！現場見到其他人食炒粉面好似都好吸引，咁下次試下先。

今日同事一起午餐，途經北角港運城附近，遇上了超級好味的皮蛋瘦肉粥。皮蛋瘦肉粥～$42 粥底煮得綿密，清香松花皮蛋配以鹽巴輕醃的肉絲，再灑上一把蔥花，視覺上形成強烈的對比。口感卻又是那麼粘稠，鹹鮮適中，蔥花清香。雖然看不見，卻有著一點淡淡的果皮香。這碗粥看似簡單卻盡顯師傅功夫，要慢慢品嚐！ 水餃麵～$49.其貌不揚，麵條非常彈牙，可惜水餃實在有點失色。蜆蚧炸鯪魚球～$58真材實料，鯪魚肉非常足料，但反而有點實的的。腐乳通菜～$20以這個份量和味道，價錢似乎不成正比。

有時無胃口或者唔想食咁多嘢, 都會諗起呢度嘅粥🤍覺得個粥底幾好味☺️ 同埋個老闆同員工真係好用心, 亦都好有禮貌👍🏻嗰日買外賣, 通常我返到屋企都會擺返落自己啲碗碟度, 因為覺得發泡膠好似唔係幾好一向都知道佢好足料, 但係嗰日無聊所以磅下幾多gram😂叫咗咸瘦肉粥+菜芯, 外賣自取而家有九折, 折咗之後 total $58粥底大約470 gram瘦肉大概120gram菜心有200 gram簡單但滿足嘅一餐❤️

傳統港式粉麵店,呢一間都幾多人推介過 水準的確不錯今次試下招牌滷豬手撈麵去毛洗乾淨再以自家調配既南乳醬汁滷浸連骨頭都啜到濃濃醬汁味道, 皮爽肉唔多,主要食佢爽口既外皮個汁濃而不咸,豬手份量都有3-4大件,麵身用手打麵,煙韌彈牙幼身配以濃湯一碗,份量幾大碟味道唔錯淨水餃配油菜 食完豬手麵,當然不可錯過招牌手工水餃每日新鮮以蝦,筍,肥肉現包,限量賣完就無,始終小店唔會大量備貨餃子皮身薄,包住飽滿既肉餡,咬開有脆有爽,鮮爽甜集一口之中菜芯夠甜~配以小量蠔油已經好夠味北角七姊妹道25-31號嘉蘭大廈地下B消費$100

很喜歡食中式菜，呢間七喜店鋪不大，但真係乜都有，生滾粥、湯麵、小菜、時令海鮮都應有盡有。他的生滾粥更令人一試難忘，特別喜愛它的皮蛋牛肉粥，皮蛋夠香又彈牙，牛肉很新鮮很滑，粥底非常的綿，粥面配上葱和薑絲，一碗完美的生滾粥就是這樣，另在加一碟鮮炸蜆蚧鯪魚球，鯪魚球非常彈牙，這裏還有支裝汽水，現在真係好少餐廳有啊，好爽好滿足的一餐。

中午時段，無炒野小菜等。所以都係點炸醬麵，友人點個水餃麵。已經好多年冇食七喜，以前食粥及晚上d小炒，d粥我記得好好味，不過都好耐冇食過了，今日舊地重遊🍜🍴🥢炸醬麵d炸醬好甜，唔係我喜歡的風味，麵亦一般般正正常常，唔係特別香。湯底鮮甜👏🏻👍🏻👍🏻好多人都唔會在乎個湯，我就會試左個湯先😋水餃係所有嘅最好味的，蝦等材料新鮮大大隻🥟不過整體來講⋯⋯如果用個香d既麵我就會成日去食水餃麵🍜

虽然没有九记出名，但胜在性价比超高。到一个地方旅游，不一定要去出了名的店里。在社区里依然有地道的小食。牛腩河粉，牛腩足够入味和软嫩，入口即化；河粉光泽饱满，长时间浸在汤汁里也不会糊掉。脆鱼皮弹劲十足，配上葱丝和醋，成为地道的广式小食。浸汤萝卜也吸入了足够的汤汁，在口中香气四溢。此外推荐椒盐九肚鱼，外皮酥脆，肉质滑软。当然在星级酒店可以品尝到更好的菜品，但也失去了混迹在社区里品尝小食的那份平时的满足感。

一家3個人叫咗兩個小菜，兩個飯，一碗粥。啫啫雞煲點解會有豬潤既？原來傳統的啫啫雞煲一定會有豬潤，但可能因為成本問題，現在外面的啫啫雞煲都無豬潤。啫啫雞煲一黎到啫啫聲，實在太好食，我自己都食左半煲。另一碟涼瓜黃立䱽，師傅先炸條魚，後上涼瓜同茨, 個魚皮脆得黎又有不會太乾。最後叫左碗粥，碗粥仲貴過白飯，但食落去又幾好食，碗粥口感綿綿，帶少少咸，唔會淡茂茂咁。食左2百幾蚊，一班人叫小菜宜間係唔錯既選擇黎既。

上個禮拜日晚7點左右，我去咗七喜買6個小菜外賣。我咁大個人都未試過買外賣要等成1個半鐘! 我諗全香港都只係得呢一間食店外賣要1個半鐘！落完單我一直喺鋪頭外面耐性咁等，等咗45分鐘後先開始追問。櫃檯嗰個就不停咁講話15分鐘後就得。好啦我唯有喺外面再等15分鐘，點知15分鐘過後乜嘢都冇！最搞笑嘅係，1個鐘頭後，櫃檯嗰個先至同我講冇芥蘭可唔可以變菜心，冇倉魚可唔可以變其他魚。冇啲乜冇所謂，但係我一直都係鋪頭外面，點解你1個鐘頭後先開始話俾我知？我喺45分鐘追單嗰時又唔講？仲同我講話15分鐘之後就OK？嗰日好凍，室外氣溫大概得12-13度左右。等到1鐘頭15分鐘之後，真係佛都有火！我問佢有乜嘢得就俾我，未煮好嗰啲我唔要啦。點知佢話唔得，叫我等多陣啦。等了又等，已經喺條街度等咗1個鐘頭15分鍾...感覺真係非常之差...我唔係喺度等緊派食物呀！最終，佢哋係1個鐘頭30分鐘後先做好我張外賣單。店員又只係講咗一句「外賣」，晦晦氣氣俾咗袋外賣我。一句對唔住都冇，一啲唔好意思都冇。我想講，外面有很多小店，更加好味，更加好嘅服務態度值得我哋去囉！真係好差呀！

To add on the earlier review on my takeaway experience, I waited 1 1/2 hours not 1. At the 1 hour and 15 mins mark, the guy told me one dish was outstanding. Told him that I would just cancel the dish and take the rest of the order. He pretended not to hear and walked away and refused to refund or cancel that one dish. The most unbelievable thing he did not once apologize. Nice to take your money and refuse to refund due to the restaurant’s problem. A lady waitress told me that it is like that l

 雲呑麵條質量均降 望是偶爾失準很久沒幫襯七喜，今次點了雲呑撈麵。蝦肉尚算結實，但不算爽口彈牙。雲吞則不夠鬆軟，有輕微結實感。撈麵質感彈牙，可惜碱水太强以致有陣苦澀味，影響整體味覺。似乎今次有點失手，希望下次會有所進步吧！🍎Food: 🍀🍀🍀👯‍♀️Service: 🍀🍀🍀👩‍🔬Hygiene: 🍀🍀🍀🎪Decoration: 🍀🍀🍀💰Value for Money: 🍀🍀🍀🏆Marks: 6/10

近期都有幫襯北角七喜粥麵小廚，外賣自取蠔豉皮蛋瘦肉粥，價值48大元!上星期日(11月26日)晚，我又去買皮蛋蠔豉瘦肉粥，返到屋企準備食之際，發覺少咗瘦肉!!?? 當時心諗又係咁? 又係少咗一樣料? 不過當時實在太夜(晚上11點多)，唯有算啦....今晚(12月2日)，再幫襯買蠔豉瘦肉粥，同樣係48大元。今次仲離譜!!! 因為無咗蠔豉，只得瘦肉!!!!!! 即時打去問，對方仲後反問張單係咪寫住蠔豉瘦肉? 又話就算即時攞番碗粥去鋪頭都無用，仲叫我留低電話號碼，到下次再幫嗰陣俾返錢我或者補番啲料俾我，但語氣好敷衍好hea!!!!!! 點解仲要信你哋???偷工減料，你哋唔係第1次，只係今次連續咁發生，仲要態度咁差! BLACKLIST already!

乍聽見同事說起七喜的名字，小人還以為是汽水的牌子，其後同事邀約，方知道原來是間粉麵店。我們點了數款麵食共同分享。炸醬甜中帶辣，杰度剛好，絕不水汪汪，肉絲有咬口而不會靭，幼麵條爽彈適中，狠惹味。另一道撈麵乃是牛腩撈，牛腩肉腍而且入味，沒有筋，只不過小人還是覺得撈麵配炸醬較為合適。牛腩襯湯麵就妥當得多了，在這裡，牛腩的爽滑得以盡情發揮，加上清湯及粗麵，是無得輸的組合。幾個人還叫了碟炸鯪魚球來分，鯪魚球相當大顆，魚肉質感絕不過實，炸皮亦不硬，調味恰好，作為小食是一流的。今次叫了四喜，下次一於拉多些人來叫齊七樣湊成七喜。