七喜粥麵小廚

营业中

休息中

小弟七、八歲時腦海中已有這個金漆招牌出現，只因外婆家住樂民邨，樓下正是七喜麵家，每逢學校有長假期，總愛到老人家家中住上＋天八天，而整個悠長假期就少不免去光顧七喜了。乒乓波般大的雲吞倒沒形容得誇張三肥七瘦的肉再加原隻大蝦，材料＋足，食落散發啖啖大地魚香，爽口而彈牙的生麵雖然很多店舖都吃得到，但像七喜沒有那般討厭的梘水味就沒有幾多家了。除雲吞粉麵外其他美食還有白灼腰潤、薑葱黑柏葉、油泡田雞和蜆蚧鯪魚球，都是此店的招牌菜。所謂一人得道，雞犬升仙，就連隔離有啤酒買的士多和江蘇街口的油炸鬼小販也因為七喜生意好連此兩家也帶旺了。此店能令小弟光顧二、三十個年頭都情懷不變，就可想而知它的魅力所在！

打完波...朋友話黎呢度食...叫左個雲吞河加腩汁...份量頗大...雲吞勁大粒..又足料...加左腩汁既河粉又好味....點解經過咁多次我都冇試到架...真係走漏眼啦...

放工後兩口子來一個粥麵晚餐, 晚上粥麵店已經滿座是人, 只好坐在放於路邊的桌子, 先來了一碗牛腩河, 腩汁香口河粉亦香滑, 但牛腩不腍而且牛根比例較小; 肉丸米, 肉丸彈牙米粉香味; 再點兩個小菜, 椒鹽鮮魷十分野味香口但鮮魷偏韌, 而第二道菜蒜茸粉絲蒸帶, 蒜茸粉絲香味討好, 可惜主角帶子同樣過火, 比鮮魷還要再韌, 功虧一簣.

今日同幾個朋友又OT係公司做秘撈, 做完都成十點幾, 所以一齊去晚飯+宵夜, 天氣好熱, 去到等左十幾分鐘先有張4人台,同朋友商議左一陣, 叫左四個小菜:1.酥炸鯪魚球, 叫左一個細size, 但都有成8粒鯪魚球, 每粒有乒乓球咁大, 幾香口, 蜆芥亦好香濃.2.椒鹽鮮魷, 夠晒野味香口, 不過d鮮魷好似刃左d. 而且無咩鮮魷味.3.蒜茸粉絲蒸帶子: 蒜茸好香, 粉絲一般唔夠晶瑩, 帶子好刃, 不過幾有鮮味.4.椒絲腐乳通菜: 一般, 似乎老左d.連啤酒, 氣水, 白飯等等, 埋單$180, 4個人都算幾抵食~

呢度地點其實唔多"就腳"；如果唔係住開果頭，真係好日都唔會去下。有車o既話，附近有好多"角子老虎"，但其實個個都就咁放架車響門口就算。呢度D粥其實只係一般，幾重味精。最鍾意呢度D小炒，大大碟，又夠鑊氣。每次必叫陵魚球，炸得香口又大粒，D蜆介都幾鮮味；此外，椒鹽九肚魚大碟又夠味。呢度食海鮮都好正，炒聖子、豉汁蒸白鱔，大大碟好新鮮，都係~$90一款(睇時價)，好抵食。反而比較少叫賴尿蝦，因為多數都唔夠大隻。美中不足o既係舖位太細，成日都要坐出街，鬼死咁熱；唔抵得熱又想食o既，等過o左夏天先去試下啦！

土瓜灣係舊區, 真係好七喜個老實街坊feel. 兩個人一人一碗(粥或麵), 油菜加個椒鹽九肚魚, 埋單都一百蚊度, 雖然坐得唔多舒服, 但好味又抵食, 補番數啦!

昨夜公司宵夜難食到極點,,,腿蛋治~~~都係囉少少出o黎餵飽下自己啦~小弟對宵夜o黎講等同刷牙洗臉一樣.~每日必定要做的事~<br>若果無宵夜食的話我個肚實嘈到殺聲震天.必然的定律.<br>今次唔搭106 返屋企,改o左搭116~ 原因係~去土瓜灣江蘇街的"七喜粥麵小廚"食宵夜..<br>在土瓜灣住o左幾年，對區內的飲食架步不算好熟,最多去下德昌唧下魚蛋,去白宮食下特餐....再唔係去下紅不禳食下台南擔仔麵...在我屋企行去江蘇街要成三個字o架~..所以一直未有光顧..<br>平日12 點幾午夜時份都仲有幾檯客~幸好無咩"江湖味"~典型街坊生意,一坐底望牆上菜單寫著有花膠生滾粥,哈~!花膠煲粥真係未食過,~有幾款:珍肝,螺片,牛肉等等.....咁我叫o左個蝦球粥,再加多個蜆芥鯪魚球..<br>一上檯,嘩!!!碗粥好大碗呀!!點大碗就好難講,若果去過上環生記食過粥的話就知o架喇~((梗係唔係例牌size 啦)).花膠煲到唔硬好爽口蝦球有幾粒但係好大粒,粒粒都係在中間介開蝦身先放落去煲,蝦肉本身都好爽口~唯一挑

白色的牛百葉我相信大家食唔少，但係黑色的牛百葉食過未？呢間七喜粥麵小廚，就提供呢種食品，用白灼方法煮真係好味。點解呇a 賣的牛百葉係黑色既呢，就係因為呇a 冇張本來黑色的牛百葉染成白色。