七喜粥麵小廚

营业中

休息中

吃飯為名,飲酒為實,兼且想見下舊街坊K.很久沒有坐在江蘇街總店的七喜晚飯,平日晚上依舊人頭擁擁.多年來消費便宜,最貴的一味蒜茸蒸蝦也不過$80.其他的小吃,也是廿多塊起.兩個人點四個菜,找些下酒菜為主.魚皮十年如一日地爽脆,很多人覺得此味係全生,其實全是錯覺.不要被外面的魚鱗嚇怕.單是點些辣豉油,已經能帶出其鮮味.白灼黑柏葉爽口,這夜吃到有少少異味,美中不足.椒鹽九肚金黃香脆,魚肉嫩滑.如果不想吃到骨,不要叫好了.因為都幾多骨.蒜茸蒸象拔蚌,一貫地新鮮.特意帶支平價"帆船牌"威士忌一起喝.同"雀仔威"一樣,用來粗飲不錯.可是K小姐不是喝慣烈酒的人,到最後又是我飲得最多.

"Nouvelle Vague門票太貴,還是留在家中睇F1最實際."從來沒有在母親節正日慶祝之習慣,人人正在念親恩,我就在螢光幕中英冠,F-1兩邊走.家弟順路在七喜打包,及時趕到,可以一邊吃一邊看賽事,以小炒水準,土瓜灣兩間七喜來說,以江蘇街店為佳,不過這次帶來的,是螺片蠔豉粥,同炸水餃.兩者也是七喜之招牌貨.花膠同螺片粥,兩者一時喻亮.螺片搭蠔豉,一對幾放蹤的組合.蠔豉粒粒飽滿,味道濃郁,粥底完全吸收其味道,螺片爽口,味道鮮甜.不過七喜的粥底,味精一向不吝嗇...炸水餃大大粒,外層炸得香脆,餡料實在,蝦粒同肥豬肉,雲耳絲,荀絲,多重口感一次過.吃得滿足的感覺,七喜,每一次也比到我.

連續兩個星期六都係食佢\\\....雲吞,水餃,蝦球都食過啦,真係好好味呢!excellent!!可惜d粥要下午好遲先有,lunch time試唔到...不過會繼續去,仲有好多未試呢!愛上左七喜啦,哈哈!!!

下午茶時間，有點餓又不想晚飯吃不下，來吃個蝦球撈麵就剛剛好。四點鐘，全店得我一個客人，只有師傅在包雲吞及處理生魚皮。要了薑蔥蝦球撈麵，照舊的「扣底」「多青」。蝦球粒粒切花，鮮紅晶瑩，賣相很好。吃落也爽甜彈牙，有七、八粒之多，賣相及份量都令人滿意，而那碗辣椒醬油，沒有用武之地。麵用熟油撈過，沒有鹼水味，亦很有咬口，配合蝦球，非常的有水準；有幾條菜及蔥段，吃罷不太飽，卻滿足。22蚊，絕對經濟抵食，值得一試。題外話：店主見我在門外影相，「禮貌」的走出來「查詢」一番。忙不迭說是自己的興趣，也將之前影開的相片與之分享。他看後「哈哈」幾聲，說「又影得我地d野幾靚喎」。

29/3(四) 6:30pm對七喜的感覺,我是讚多於彈,能於食店百花盛放的土瓜灣屹立良久,佔一席位,自有因由.是次的晚餐要了豬手雲吞麵加菜心$23;豬手未達鬆化的層次,但質地軟腍入味,富豐富膠質,跟舌頭纏綿好一陣子.此外,3粒雲吞比乒乓球稍細,蝦隻體型不惹少,蝦隻極之爽口,要挑剔的是胡椒味偏重,掩蓋豬肉及蝦隻的鮮味;而麵餅份恰好,麵條縱談不上爽,但亦沒多餘的梘水味,湯底方面喝罷未感極口渴,價廉物美的晚餐!

在家與老豆看英超，睇完頭場都11點，老友吹雞食個宵夜地點是土瓜灣的七喜，其實搭車成日都經過，不過唔知就係0個度，仲要行錯路找左成三個字呢間野聽就聽過，真係未食過，朋友說是出名是貝殼，於是點了兩樣貝殼類產品蒜蓉蒸扇貝及象拔蚌，味道不錯又肥美，係嫌佢面頭0的粉絲未能吸哂配料味道，唔夠野味飲品當然係方便既燕京，價錢絕對不貴，貝殼都係48蚊一碟，啤酒15蚊有交易，個招呼我地既員工仲要好似打乒乓球的高禮澤

已有很久無去江蘇街的七喜,近年去新山道多,想食魚皮,粥品,唔使行到去咁遠.某日路過,心血來潮入去吃個麵.平心而論,新山道的粥麵,同江蘇街老店水準相若,一樣不俗.唯記得年前宵夜,店外有位阿婆,推車仔檔賣即炸油條,近廚得食,即係叫碗粥來送油條.半夜三更有此福份,別處所無.如果以小炒,海鮮,老店做得比較好.今日來,只係想吃碗麵,七喜的蝦球,不知何解,又爽又甜?無論碟頭飯,炒粉麵等,有蝦的話,都會用回呢隻蝦球,一點也不吝嗇.一碗爽甜,清淡的蝦球麵,一碟爽脆無比的魚皮,作為懶洋洋下午的良伴,一生可求?PSanny仔,生日快樂,祝你在另一個角落過得開心.

八個人一齊o黎到七喜，七時多，當然要坐外面啦，有風味，叫了幾個小菜，有炸魚球、鼓油王鵝腸、薑蔥蠔、炸雲吞......都好惹味，之後再加一窩羔蟹粥，鮮味到極，推介﹗大家要留意，炒菜一碟係$40，而一碟油菜只係$10，一d都唔細碟，抵食好多，我地叫o左兩碟豆苗﹗多謝阿姐提醒﹗越夜越多人，真係土瓜灣「名店」﹗埋單唔洗$400，好﹗

01/11 （Tue）Dinner同朋友去紅磡睇家俬後到七喜醫肚，叫0左…白灼花螺﹣鮮甜加爽口到不得了！食0左裡面舊肉仲要飲埋d水先安落！白灼鵝腸柏葉﹣又係爽口到暈~可能先食白灼螺0既關係，鵝腸柏葉立刻瞬息0左。北菰雙雞粥﹣開頭以為係兩種雞〔雞+雞〕，碗粥拎到埋0黎先知係「雞」同「田雞」…覺得自己好A呀！！講返味道，亦都係鮮甜到非常！但唔同花螺0既鮮甜；總之大家無搶大家風頭。滑蛋牛粥﹣香滑，但可能叫得太多鮮味0野，lee碗粥真係輸左九條街咁多。再提返！雙雞粥個份量都係打雙0黎，兩個女仔夾份食一碗（好明顯，我地又瀨0左0野，食唔晒d粥…）埋單$130，唔可以話係平，但真係物有所值。

經過一星期工作，星期五晚就要放縱一下了！嘻！５家姐建議去土瓜灣的七喜，絕不反對！大家姐負責點菜：１冬菇蝦球：蘸辣鼓油，不錯，但份量較少的，尤其蝦球很細。２沙薑雞半隻：有雞味，雞肉較“鞋”，沙薑汁很味濃，很“沙薑”。３蒜蒸聖子皇：蒜味足，聖子很大隻。４椒鹽九肚魚：大大條九肚魚，佐酒必備的，超正．．．可惜我不可以飲！５腐乳通菜：普通一點。我們約七點半到，已全場爆滿，只好坐路邊，雖然環境不太好，但算是ｏｋ，差不多到九時，已有十多位客人站在我們後面等位，大家都不介意等，幾捧場。

I lived in TKW for more than 3 years, and thanks to Openrice, I finally discover some great places to eat in my neighborhood, and this is one of them! Needless to say, 鯪魚球and 雲吞are the must to try! I'm looking forward to try other great dishes later...! Stay tuned!

呢間d 雲吞簡直一流,大家可以試下食雲吞果時加上少少醋同胡椒粉一齊食就知道乜野叫做一試難忘!!!

我相信有一定年齡既人都會識d 間舖頭.而且周圍都有..而佢d野食其實都幾值得食...佢個鯪魚球真係值得試..幾好味...另外佢有雲吞,黑柏葉同鵝腸..都可以一試...

四個人夜晚食土瓜灣七喜麵食小館,叫o左豬手河,帶子蝦球粥,炸雲吞同鯪魚球,炒聖子,雲吞撈麵,全部都好好食~推介:帶子蝦球粥-足料,蝦又大又彈~炸雲吞同鯪魚球-雲吞裡面隻蝦又大又彈~鯪魚球夠香~炒聖子-惹味~每人都唔使$40~又抵又好食~正~

全城盡(辣辣) 興，殘酷番叮！有事路過，遇上肚餓，見有位，坐底幫趁，頂！未食過咁難食的野。炸魚球，外面唔熱，裡面先熱。擺明番叮啦，番叮搵喬保羅同梁榮忠啦！招牌菜！？我呸！