七喜粥麵小廚

营业中

休息中

呢間七喜已經有好多年歷史嚟到新蒲崗當然要嚟呢一間大排檔懷舊一下今日叫咗沙拉骨同埋滷水拼盤 滷水拼盤味道略嫌淡左啲唔夠滷水咩 但係沙拉骨就唔錯肉質鮮嫩 小小建議係夏天就唔建議坐出面位置因為好熱

呢度間七喜都開咗差唔多10年左右㗎啦好鍾意呢度嘅舊式大排檔感覺咁正常都叫咗沙拉骨腐乳炒通菜每碟菜都算係正正常常味道都還可以接受比起以前質量可能差咗少少大排檔環境都唔算太大不過夏天當然要楚有冷氣嘅地方

十多年前愛上它，今日遇上不一樣的它。它老了。位於新蒲崗"七喜"，及第粥是我當年必選的午餐，愛它食材足料，粥底夠滑。賣相OK，粥底似乎"杰"得很，該是粉漿下多了，米反而下少了，失望! 幸而粥裡有的豬膶還可接受，不是太過嚡口，其他的豬什，豬肉丸並不爽。點了的水餃河，口感一般，反之河粉不油不腻，感覺健康。粥粉麵可品嚐，而小菜類也注入餐牌中供客人選擇。上有鹅腸下有韮菜，老老的韮菜難以吞噬，鹅腸淡而冇味，縱使點上預先放下的汁料，也吃不出味來，有種這是雪藏食物的感覺。失敗之作~人老了，它也老了，失去了以前光彩的一面

假日和友人一起去哪裏吃飯 叫了三個小菜其他兩個小菜味道還好但是品質有下降 食物溫度只是溫暖還可以接受直到蒸倉魚一上碟魚肉完全夾不下才發現 一開始還是半熟叫佢正多次一分鐘拎返出嚟仲好生 完全令人費解如果想食生魚可以來這間. 食事本是 我與家人最愛吃小菜的地方 一直以來小菜質素不錯有保證有鑊氣的有鑊氣現在不但食物質素下降更甚的是魚類竟然發現還是生的生的不緊要可以在正播怎知道廚房師傅 敷衍了事以後打算也不望這間再吃了謝謝

中午叫左碗鳳城水餃麵食，湯底ok,無咩水間味，麵都爽，水餃共3粒，幾爽口，份量一般，佢地有套餐，跟餐有好多選擇，我間中就會幫襯下呢間，環境ok,中午就會熱d,冷氣吾夠。其他野食都中等，諗吾倒食咩，可以試下

Lunch time 想清下腸胃，成日想食粥都唔知邊度有。見同事話呢度有粥食就黎試一試。見到有啲粥價錢都唔平，有啲四十幾五十蚊都有，於是叫左碗生菜鯪魚球粥（$32)😜上枱估唔到勁大碗。啲粥入口軟綿綿好入味，入面有蔥，花生，幾香。食落啖啖生菜絲"索索"聲。 鯪魚球都幾多下，估唔到有成5大粒😳不過我自己就鍾意食無果皮味既鯪魚球多d。真係好飽，女仔應該唔會食得晒呢個份量，最後都食剩左三分一。呢個價錢真係真材實料，下次想食粥會再黎幫襯😌

再到新蒲崗搵食，七喜一直都係我想試既食店之一，今次2點先食lunch,終於少d 食客，又唔洗等位。首先上既係煲仔粥，賣相吸引，面頭散上蝦子，將鮮味再提升一個層次！而個粥，煲得綿又滑，螺同雞令粥底鮮而且甜，雖然北菇起既作用不大，但煲仔粥十分推介😋😋2 人只食煲仔粥份量又唔太夠，所以叫埋蝦子撈麵（$35), 蝦子同蠔油混和十分夾，而且蠔油又唔會死咸，撈埋爽口彈牙既麵，讚👍🏻高質價錢又相宜，證明唔係貴野先有好野七喜成為筆者會再光顧的店

平日都係食開西日泰韓，而家同朋友都甚少揀食小菜，有食得多個D都厭，總覺得小菜先係由細到大所食既野，係會多份親切感，今日我同朋友打破常規，去左依度食小菜，食住傾計都覺得輕鬆自在都幾多不同款式既小菜選擇，真係樣樣都想叫，兩個人邊食到咁多<<椒鹽炸鮮魷>>賣相比起我所想像既有少少出入，平時食開都係炸到好金黃脆皮，但依度炸出黎反而比較薄粉鹽少，味道相對淡左，鮮魷口感較韌，好難咬開兩截，如果再一分為二就更易入口<<咕嚕班塊球>>同平時食到既咕嚕肉味道相若，驚喜既係班塊球炸完後已沾滿汁，皮身仲係香脆可口，魚肉都好滑，送飯食一流<<豉椒炒鵝腸>>鵝腸爽口彈牙，完全無肥膏，但豉椒汁唔多濃味，味道稍為淡左少少

10點幾先完成工作晚餐都未食……同班同事去左新蒲崗覓食~本身諗住邊行邊諗食咩，但一轉彎就見到七喜坐爆仲要有人等位~我地都去食下~咁岩有人走轉眼就有位先上~好好食仲要大大碗~蘿蔔好入味一食就覺得自己無揀錯!!!雞紅同豬紅有咩分別……其實食唔出，好味就得啦上枱時起緊泡架!!!!!!粥底好綿密~好足料白飯魚係用大條既魚食落有口感~唔多號粥既我試完都忍唔住添D~菜就係菜有獲氣既菜都改變唔到我討厭菜心既心態……其實對比起一般炒菜心佢係好味既~粉少啖啖肉同埋菠蘿一齊食酸酸甜甜好正~係D椒帶苦~嗯 美中不足呢一餐好滿足~好滿足~間餐廳好高水準好唔貴~五星星之選

中午來食了個豬手飯。幾多人，侍應做野十分快手，只係著既衫唔知點解係幾核突既綠色，可能是我個人唔鍾意。豬手唔是好熱，但份量幾大幾足，外皮煙韌，煮得好入味，吮食時既有筋肉的爽嫩口感，亦有啖啖肉，送一啖飯入口更是一流。食完後十分之飽，同埋有吮骨既滿足感，是滿足的一餐。

保持到水準，基本上黎依度食甘多次，冇一次出事，由食麵，食粥，食小菜，都唔錯今次食左個肉丸粥佢啲粥好好食，除左軟綿之外，粥底既味道都唔錯。而我十分之鍾意食佢既肉丸，三分之一拳頭般大小的豬肉丸，不屬於特別彈牙，但味道十分鮮美，會令人食上癮

四個人食飯簡簡單單叫咗四樣嘢，最有趣係呢四樣野裏邊，只有一樣野係我哋自己叫嘅。七喜嘅姐姐係人哋落單嘅時候鍾意比意見，已經唔係一件新鮮事，估唔到今次啊霞姐仲要強硬到連我哋反抗都無效添不過霞姐推介，果然係冇錯架。先睇個粥，花膠帶子螺片粥。聽個名都知猛料啦！食一啖果然好足料，好豐富海鮮味，粥底都好綿。蝦醬豬腩肉，蝦醬味好濃，好襯豬腩肉，肉亦都煮得好入味。七喜小炒王，比一般坊間嘅小炒王好食，韭黃好脆，好新鮮。魷魚鬚好多，成碟都係架。而且全部都係生炒嘅，唔係煮定，所以好有彈性。京都骨都冇令我地失望，豬扒煮得好焾，嗰醬亦都調得啱啱好，少少酸，小小甜。霞姐推介，碟碟都好食，果然冇錯。

同三個朋友一齊去咗七喜食嘢，門口好多人排隊，看來呢間野都幾多人擁戴。首先嚟咗個京都骨，我覺得佢整得非常之好，排骨外面爆到脆脆地，咬落啲肉又幾爽，汁做得好惹味，好開胃，個粥叫做花膠螺片帶子粥，聽個名已經知道好足料，而事實上真係有晒以上嘅項目而且又唔係好孤寒咁得一兩粒，好多餸。個粥好鮮甜好濃滑，個口感好似滑到忌廉湯咁，而且佢仲加左蝦子，一絲不苟。見到個粥加左花生，本來以為食緊軟綿綿嘅粥咬到粒花生會覺得好格格不入，但原來呢個配搭都幾得意，食一啖粥入面有一粒花生，咬碎花生後，佢嘅香味撈埋鮮味嘅粥一個好襯嘅配搭。小炒王，正，夠鑊氣，啲魷魚幾新鮮所以好爽口。個蝦膏蒸腩肉，只能夠話佢好夠味。我個朋友話好咸，咁有蝦膏咸係好正常嘅，但我覺得好似只有咸，爭左啲蝦膏味。已經唔係第一次來七喜食嘢，發現呢度有個特色，就係喺呢度做嘢啲家姐會好落力咁介紹你叫咩餸，有心水佢都會比意見，感覺幾親切㗎。意外發現比較傳統裝修嘅七喜個天花都幾富時代感，兩者間相映成趣。

今日做完野，已經好夜，好多食店都已經收哂工。番到黎新蒲崗，喱一間熟悉嘅老店仲開緊門，肚仔餓住點訓喎，緊係入黎食碗麵先啦叫左碗炸醬麵，份量對於宵夜黎講岩岩好，唔係話太大碗。麵質非常彈牙，一啲難食嘅鹼水味都未。而炸醬嘅調味亦做得好出色，而唔會話太油膩。整體口感同風味上面都係幾出眾嘅，我好滿足。不過喱度始終係街坊店，無咩裝修同服務可言嘅，但係勝在價錢平、味道好，拉番高個分數啦。

今日6點半就去左食metal steak ,到11點男人已經開始話餓😂我地不概為宇宙黑洞，但佢扭扭捏捏左3個鐘先話落街食😒早d食咪好囉冇咁肥嘛😡佢成日都話七喜既鵝腸正，但搬左黎咁耐又唔見佢話黎食😅今晚試下啦。平時幾時都多人排隊，有時d台開到出門口，今晚好彩黎果時仲有位（坐左一陣已經爆）見到好多應該收夜既男人黎食少少野先番屋企，都有係幾個朋友食野吹水，環境就普通，台面都係水，成個餐牌都係😰掂都唔多想掂，姐姐們做到咁夜都仲算有禮，好過好多出面餐廳。男人既皮蛋瘦肉粥$26-佢話咁夜唔好食咁heavy wo（咁就咪食宵夜啦好心😒），佢係一個偏食鬼，但佢邊食邊讚d粥係佢鐘意果種，同出面粥鋪唔同（但明明唔覺得有咩特別😂）白焯鵝腸牛柏葉$58-我本人鐘意食肥腸，不過呢道都ok,好爽口，唔點豉油就真係完全冇味唔好食，有好多白菜響底😱整體正正正👍我既炸醬撈$33-堅係正，係好細個食到old school麵店先做到既炸醬麵，麵勁彈牙，炸醬味道岩岩好，d肉絲超冧，宵夜份量岩岩好，但平時淨係就可能唔夠食。豉椒炒蜆$60-又一經典，完全冇沙，平時大排檔食唔知點解永遠得殻，但呢道舊舊都痴住肉，個味道好好，好入味，