七桌子 x 樺得園美食車 (已結業)

今日是去迪迪尼酒店住一晚慶祝女朋友生日，知道迪迪尼有車仔檔位，所以走去一睇有甚麼車仔檔一試，去到有兩架車仔檔，最後決定食這間。其實一睇都覺幾貴的，不過有感新鮮感，而且知道車仔檔生存艱難，就一試睇下如何，我們只叫了一樣，因為一會就會食晚餐，這就當食下午茶吧。用菠蘿包做漢堡都是第一次見，再加上穀飼豬柳，蛋，連同包裝和環境，其實是無可能一口咬晒，所以最後是分開食，包，蛋，豬柳。。。違背食漢堡的食法。菠蘿包脆口，豬柳厚“實”，有咬口，醬汁好味，因為分開食，變相失去特色，有點失望。當然70元有點貴，但有飽肚感，味道一般，如果包裝有助個漢堡可以一口食晒包同餡就好，有待改善。

早排帶個女去星光大道行下，見到薯片叔叔大力推介既美食車，就過去睇下有咩食啦，下午茶時間，老公表示餓啦，我地襯左佢地一個黯然銷魂堡，$70連埋飲品，都幾貴喎！呢個黯然銷魂堡又唔係浪得虛名喎，首先，包是菠蘿包皮，好有親切感，呢隻脆過一般菠蘿包好多，咬完仲有脆脆的皮跌落地！之後有好大件叉燒，我覺得是瘦叉，因為完全沒有肥肉，叉燒汁好特別，甜甜的，仲好juicy，一邊咬，汁一邊滴。隻蛋我都幾欣賞架，是流心蛋，一咬d蛋漿就必出黎，有d當然食左啦，有好多流左落其餘的包中，加重左味道！另外一個正既地方，就係洋蔥，洋蔥好林，仲帶有洋蔥汁，同叉燒汁一樣咁juicy！雖然要$70，但係味道取勝，起碼我會覺得是值得的！如果唔要野飲平$2，咁要唔要先？

又係要自己一個食孤獨Lunch既時候，個腦實晒完全諗唔到食咩先好。突然有個朋友facebook tag我去食黯然銷魂漢堡，喺正我公司附近，去試吓新事物先😊車入邊有兩個男仔整嘢食，我叫咗黯然銷魂漢堡加熱朱古力，等既期間主動提議比咗杯朱古力我先，可能佢feel到我喺度打緊冷震，俾我可以暖吓手先👍講返重點先，黯然銷魂包賣相好正佢好好食，真係好好食！菠蘿包表皮脆卜卜，入邊仲有一塊厚厚既叉燒，肥瘦適中、再加上一隻蛋😊美麗的太陽蛋！一咬落去啲蛋黃流到我一手都係，請準備紙巾standby 😎定價$68真係貴咗少少，但係值得試既😊👍

今日行過中環海濱長廊終於見到美食車喇😍😍雖然推行咗一段時間，可惜都未見過真身不過去到既時候都等咗一陣先開，下就黎就好d「黯然銷魂菠蘿包」個名咁特色冇理由唔試下😂個包份量都算大，如果一個人絕對可以當做lunch👍🏼👍🏼最上面有鬆軟既菠蘿包皮，之後係接近全熟既蛋再下面係叉燒，肉質夠林，而且味道啱啱好唔會太咸，最抵讚係半肥瘦既肉，my favourite😋😋價錢方面，我就覺得比較貴，$78 (可另加$2要汽水)

第一次接觸Foodtruck是去美國旅行, 那裡的Foodtruck很多特色食物, 有固定地方Foodtruck, 亦有要在facebook追蹤才找到的foodtruck. 大都是由一架貨櫃車改裝到裡面有製造食物的設備, 多得薯片叔叔引入foodtruck(其實是進化版的流動小販車仔), 現在也可在香港吃到這特色. 今天來到牛頭角站附近的觀塘海濱公園找七桌子. 黯然銷魂漢堡 $68 現點現做的Burger選用了大家熟悉的菠蘿包面, 咬落奇脆無比; 逐層看看有太陽蛋, 超厚叉燒, 切片蕃茄, 然後以生菜墊底, 細心地插上粗扁身竹籤固定包身. 這個重量級burger吃上來少不免有點messy, 好在burger放在紙盒中不會浪費食物, 吃時不要拿走固定的竹籤呢, 那塊叉燒很值得一讚就是它的厚度足足1cm, 醃得入味之餘生熟度也控制得很準確, 每啖都是肉, 肉質tender得非常容易咬開.乳豬Bagel $60 平日吃乳豬的機會大多數飲宴才有, 誰會無啦啦買隻乳豬回家當晚餐？見到板上寫了乳豬bagel, 實在要一試, 橫切bagel, 由下至上鋪上生菜絲, 掃上甜甜乳豬醬, 再放進燒乳豬連

身為半個觀塘友，第一站美食車-覓食行，當然首選觀塘。這裡叫起動九龍東一號？？！！真係今日才知曉，要重新認識觀塘了家人都無人知，呵呵呵這地點是大強貨倉和九龍麵粉廠對住，都行左好多怨枉路才搵到呢個位置，因美食車apps的指示唔夠清晰。資料又未必全對。apps寫是日早上十一點營業，去到搵左一輪，車還未到，原來佢地係開十二點呢。美食車食物是即叫即做，真係要唔趕時間才好幫襯，還要付出耐心等候。職員係nice的，嘢食係美味的，值得試吓。由於albert大爺在家工作由星期一做到七，好簡單咁出去食真係不要妄想，所以唯有打包回家開餐。黯然銷魂堡：賣相醒神靚仔，入邊舊叉燒好食，成個包有菜有蕃茄入口濕濕地好味道.乳豬bagel:略嫌包身硬左少少但可接受，入邊的脆脆乳豬好味，如醬汁多d就更加正。奶茶：杯係發泡膠保溫得好，有一定水準的奶茶。新張期內買包送奶茶就覺抵食^^ ^^二人開心一齊有得食已好開心滿足了期待慢慢試晒16架車的美食，做人呢，萬般帶不走，自己好為食的，希望難忘的美食回憶留左腦海中，食嘢係一生最開心最享受的事情祝大家有健康身體和至愛親朋，齊齊開心覓食