三代橋日本料理 (已結業)

三代橋，每次路經都見到有人排隊。我諗住大家生活厭悶，附近食來食去個d,所以乜都排一餐。唔試唔安樂，我都去湊下先，5點45排定隊等位。希望美食沙漠的馬鞍山，會有綠洲。睇睇menu,sushi價錢比連鎖貴小小，選擇都多。Sushi，手卷，魚生，麵，飯，鍋，甜品乜都有。叫了牛油果軟殻蟹卷，真心好味! 賣相亦好醒神。牛油果切片，大塊舖係面，軟殻蟹亦好脆!咖喱牛肉烏東初初有擔心會好“漏”，第一啖叻喱味好香，食食下淡左，但幾好。大大碗，好多牛肉。還有薯仔，紅蘿蔔，食完好飽其它餐廳食完叻喱後，會感到好喊，好口渴。呢到完全没有。魚生角飯，好多料。雖然是魚生的角，但好新鮮，好豐富，好多種類混合。份量十足，$78打個電話book枱就唔使排la。

原本打算去象庭，卻發生關咗門。於是女兒带路，話附近有間“三代橋”好好味。我當然信我家食神二代的金舌頭，所以毫不猶豫地來到呢間餐廳。這家的魚生全部都係厚切，令人食得好滿足。牛脷燒汁調味一流，燒到剛剛好，牛脷內的汁能夠被鎖住，咬每一啖落去都肉汁豐富。炸雞亦外脆內軟，腌製後的雞肉好入味，唔驶點豉油都好香好好味。海膽魚生飯好抵食，128蚊，好大碗魚生，两個人食都冇問題。人均唔驶150蚊，質素高價格實惠，強烈推薦👍🏻

平時閒日，如果有機會收早既話，我都會幾朋友仔黎哩間日式餐廳食lunch,貪佢平靚正👍🏻我冇記錯既話，星期一至五既lunch，都會有平價魚生飯，六、日就無。lunch食一個魚生飯大概$50幾數左右，已經可以係每款唔同價錢既魚生入面揀一款，想要多幾款既話，跟返魚生價錢加返落去就ok啦，$50幾蚊有三款魚生喎，係咪好抵先😉而且食材好新鮮，份量亦都好足夠，想食咩就食咩，完全可以自由配搭😋👍🏻🤭

自覺胃食愛吃日本菜，但又細食，愛吃放題可嘗盡不同類別食物，但又怕為了返本而增脂，得不償失。至於聲稱日本直送的食肆雖高質，但每次見到餐牌價錢又覺得不如食放題，糾結無葯可醫，直至入到馬鞍山站，落行人天橋遇上三代橋。價錢合理，水準ok, 雖然三文魚的新鮮程度有時不穩定。任叫任食都一定夠錢埋單，唔使洗碗，又無須迫自己大食返本。推薦：白桃雪巴（桃香如芝士與紅酒般放於口腔3D環迴），鹽燒雞亦，燒三文魚頭，鯛魚刺身注意：有時海鮮拉麵的海鮮不新鮮，自己看着辦囉。

這間「三代橋」日本料理的水準很出色, 店舖位置雖然在商場的後面小路的地舖, 但有水準質素的食肆一定會有人發現的, 晚市在6:00pm開始, 早10分鐘到達, 見店員準備中仍未開始營業, 就在附近周圍逛逛, 6:00pm 返回食店, window seat已幾乎座滿, 好在仍一個, 我們入座不久, 已坐滿客人。好犀利啊!  我們點了「加州卷」、「海膽軍艦」、「燒羊架」、「燒牛舌」。「加州卷」      ～      味道一如加州卷清新可口，壽司飯捲得很實，不會鬆散，青瓜絲很新鮮，上面飛魚子也醮得很均勻，加上沙律醬，大愛。「海膽軍艦」　～　海膽未算是最上乘的，但不會腥，性價比是抵食的。「燒羊架」　～　燒羊架幾大件，　燒得好香，肉很嫩滑juicy, 醃製味道適中。「燒牛舌」   ～　燒牛舌很大件，份量頗多，　好香亦好味juicy, 略嫌少少咬不開。無論在食物和服務水準是滿意的，侍應們也很有禮貎, 服務態度認真, 值得一讚。 是次消費約 : $220

二人點了一個海膽魚生飯及一個拖羅魚生飯，大家一樣有三文魚，不知名的白身魚，帶子，蟹鉗，北寄貝。不同的就是加上海膽或吞拿魚碎。魚生夠新鮮，飯粒的口感很好，份量也足夠。海膽鮮味，三文魚有甘香味，蟹鉗帶子亦鮮甜。另外本人叫的拖羅魚生飯，主要是被餐牌圖片裡的貌似鱆紅魚或油甘魚而吸引的，可惜來了兩片不知名的白身魚，找經理問個究竟，他說（圖片只供參考，係唔會一樣的，唔通幅圖個碗咁細，我哋真係俾咁細碗你咩，而且我哋都冇鱆紅魚賣，下次你最好問清楚先，你依家未食都可以幫你換過佢既），嘩！經理的這種是什麼態度啊，我選擇不換了。試一下這不知明的白身魚，軟腍腍而且粘口，不是我喜歡的口感。整體而言這餐廳的食物質素是推薦的，環境及坐位也舒服但冷氣不夠凍，員工勤力有笑容，所以也給予好評。只是給那一位穿恤衫的經理，將整體的感覺拖下去了。

今次今次又黎返♥三代橋♥，因為有啲掛住之前食過既甜蝦同帆立貝！仲好記得之前話下次要黎就會試下佢個蒲燒鰻魚飯，今次真係有叫到！唔講咁多，即刻入正題。蒲燒鰻魚飯終於食到鰻魚飯，而且呢個鰻魚飯仲好岩我口味。平時出面既鰻魚飯上面既鰻魚汁都好咸，咸到我會挖走佢，但係係但呢到既鰻魚汁正正合我心意，佢個鰻魚汁唔會過咸，唔會搶左鰻魚既味，同埋D鰻魚都厚肉，食落有口感又有味道！而家仲有好多件，唔洗慳住食。（不過我以為鰻魚飯通常都會用盒裝住，但係呢到係用碗上）三文魚刺身賣相個樣都係靚既，有脂肪分布，顏色都唔錯。食落口啖啖三文魚既鮮味係個口到，唔油膩！好食！虎蝦壽司同我想像有D出入，我以為係生既，點知佢係熟既。（仲以為叫錯左）成隻蝦身包住左舊飯，充滿蝦既鮮味。另外仲叫左幾款壽司，當然唔少我有甜蝦同埋帆立貝啦！一如以往，一樣咁甜咁好食，真係好鐘意甜蝦黏住個口既感覺。仲叫左芥末八爪魚，三文魚，三文魚子，海膽壽司。每一款都好好食，真係想一個月都黎一次～

呢間野平時經過門口都人山人海，揀閒日就無咁多人啦，等第二張就入得～由於係街舖，坐近入口會熱啲。。好在安排到入邊啲位～餐牌同一般日式料理餐廳差唔多，刺身壽司種類都差唔多。今日有兩個飯腳，三個人可以樣樣叫啲～🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟壽司方面叫左：蔥吞拿魚腩軍艦$14/1、黃金魷魚軍艦$12/1 同埋 田中芝士鰻魚卷$68雖然我唔食蔥，不過這個配搭就例外，每次食壽司必食，呢個蔥吞拿魚腩軍艦鮮味十足，紫菜香脆 好好味呀！🐟🐟🐟🐟🐟🐟🐟🐟🐟🐟🐟🐟🐟🐟🐟🐟🐟拖羅魚生飯$128拖羅、三文魚、北寄貝、帆立貝、油甘魚舖滿飯面～ 賣樣吸引，新鮮又好味🐟🦀🍣🐟🦀🍣🐟🦀🍣🐟🦀🍣🐟🦀🍣🐟🦀小食叫左 清酒煮蜆$58 同埋 鐵板蒜片牛肉粒$68清酒煮蜆陣陣酒香，蜆肉清甜大粒牛肉粒唔韌，軟熟又有肉汁，配蒜片野味可口！食物都唔錯，環境又舒服，所以呢餐我同朋友都好滿足丫🐂🐂🐂🐂🐂🐂🐂🐂🐂🐂🐂🐂🐂🐂🐂🐂🐂

這家日本餐廳開了好一段時間, 每日都經過, 但就沒試過, 今日一於跟媽媽來食個午餐吧！印象中好像是開12時的, 但我們12:15左右到達, 都已經9成滿座, 確實有點誇張....還好還有座位, 都不用等。一坐下看了看餐具, 餐廳衛生要改善一下呢！碗子內有一點食物污漬, 立即請人更換, 衛生方面要扣分。說回食物, 餐牌選擇算是多元化, 刺身, 壽司,前菜, 小食, 串燒和麵飯都基本有齊。今次點了些較穩當的食物小試一下。帆立貝刺身帆立貝大粒夠厚肉, 很新鮮, 不過就沒鮮甜味, 有點失望田中特色鰻魚壽司媽媽看到就, 賣相確實引人垂涎, 小小的一口壽司飯, 配上塗滿醬汁的長長鰻魚, 只能說$25, 單就份量來說非常抵。不過味道也很重要, 鰻魚沒期待的溫度, 只有微微暖, 而且醬汁味道不夠濃。雖然份量很足, 但味道上又有點失望三文魚壽司三文魚比較瘦, 所以未能有入口即化的口感, 而且欠缺鮮味軟殼蟹手卷材料足, 不過軟殼蟹用上天婦羅的方法炸, 口感和味道上不及元氣的好汁燒魷魚筒魷魚份量足, 值得一讚魷魚筒位置肉質夠厚, 焾而不韌, 配合甜甜燒汁, 不錯! 不過, 魷魚鬚位置就比較硬和有點韌, 這方

星期日諗住出街食我最鐘意食既壽司，馬鞍山人稱美食沙漠都冇咩選擇，來來去去都係板長同埋元氣。。。死死氣去元氣拎飛，嘩！要等200幾張台。。。。點等呀好彩男朋友醒起行遠少少都有間唔錯既日本餐廳，唔係Ｄ咩大集團，咁先有興趣想去試下。今次食既就係♥三代橋♥　埋去拎飛都係等20張台，打一陣機就好快到我地嚕。入到去就好快睇下有咩食，選擇種類都幾多，除左魚生，壽司，仲有好多唔同既熟食。２個人叫既野食唔係好多，最後叫左以下幾樣：濃湯咖哩烏冬＋雜錦壽司＋三文魚壽司＋玉子壽司。先講下個♥濃湯咖哩烏冬♥個烏冬一黎到就已經聞到好濃既咖哩味，湯身仲會有Ｄ杰杰地，未食都覺得好似幾正。牛肉份量比我想像中多，而且真係有牛肉既鮮味，唔同一般出面無咩味道既牛肉。除左牛肉，湯底仲加左Ｄ洋蔥，紅羅白，完全係入哂味，唔太喜歡食紅羅白既我都覺得好食。烏冬就冇咩特別，偏向淋身，都好食既。之後好快第二道菜都黎左，就係♥雜錦壽司♥$128，總共八件，全部都好食！主要想講下佢個甜蝦同埋帆立貝。甜蝦同埋帆立貝比我想像中有驚喜，係真心好食！一般出面既甜蝦都係好幼身，但係呢到既甜蝦我第一眼望到都忍唔住同男朋友講：好肥好大隻呀！（隻蝦）哈哈食落

吉列豬扒拉麵🍜- 吉列豬扒好脆好味- 拉面係味千拉type， 都正常- 湯底係麻油味公仔麵味😓牛油果軟殻蟹卷👌🏻- 軟殻蟹微熱好脆， 有6件三文魚壽司👌🏻- 舊飯好細⋯不過三文魚都算新鮮芥末八爪魚軍艦👌🏻- 紫菜仲脆， 八爪魚都彈牙整體味道可以 但價錢偏貴， 同選擇比較少

點了饅魚飯、鐵板牛油金菇和吉列豬排拉麵，沒有一道是令人滿意。饅魚味道太濃，份量中等，飯量不多。鐵板牛油金菇則是重災區，太咸，理應要伴飯，而且，油多到好似水浸甘，不算很香，不過萬幸，冇燶。吉列豬排拉麵🤦🏻‍♀️下等豬扒不是一個問題，這價錢已有心理準備。但是，沒有醃，粉太多，就是問題！另外溏心蛋也弄得不好🤦🏻‍♀️

我和家人點鰻魚飯和刺身，刺身新鮮甜美，鰻魚飯味道也不錯，餐廳有好多其他選擇，例如：手卷，各類麵食，定食...餐廳設計簡約，設有bar 台，如來馬鞍山，值得一試，價錢尚可。

今日day off，天氣好凍只有9度，但係人就係咁得意，越凍就越會想食生冷嘢，行去樓下見到呢家冇乜人，就入去幫襯了！嚟之前睇過食評，話平日lunch time會有好抵食嘅魚生飯，只係$58有3款刺身！店員欣勤帶位，我拎住餐牌好徬徨，店員見到立即上前解釋，服務態度非常抵讚！👍🏻經店員解釋，原來可以喺餐紙上揀3款刺身，其中一款可選首選，份量係會double的，咁我就揀咗蟹子，池魚王仲有三文魚，另外追加3片大toro...好快食物就上枱了，賣相非常好，急不及待將大toro擺入口，可能真係天氣凍，魚未完全解凍，咬落有少少雪，不過不影響質素，toro充滿魚香，第二片我放咗一陣再食，問題就解決了！講下其他刺身先，全部刺身厚切，三文魚肥美，池魚王魚味鮮甜，蟹子份量多到嚇親我，順帶一提wasabi是手磨的如此滿足一餐$150，仲有大toro食，唔可以話好抵，但係非常滿足嘅！我會再返嚟

第三次食 仲keep 到唔錯食材新鮮 都幾好食侍應態度都幾好 d 野算黎得快應該會再去食好大件北寄貝都幾好食友人食鰻魚飯 都ok心血來潮想食小丸子 普普通通好大件 滿足滿足幾新鮮