三分俗氣 (已結業)

今日lunch有朋友嚟左，唔想食茶餐廳嗰d，就帶佢食上海嘢😊呢間餐廳環境算唔錯，原來仲要有兩層，因為一樓滿座，所以我地上咗二樓坐，點左3個午餐俗氣擔擔麵，呢個份量多到不得了，d麵食極都有😮我地揀左唔辣，湯底就幾香花生味d配料如榨菜、肉粒等再多d就好喇，因為d麵實在太多，食到最尾冇乜配料剩🙈韭皇炒鱔糊，本身唔係太好呢樣野，不過朋友想試，就叫左呢個餸有d油，但整體味道夠好夠鑊氣，銀芽同韭皇好爽脆，d鱔都好大條，唔似出面有d得好少鱔，又細條🙈糖醋魚塊，呢個酸酸甜甜，好開胃魚塊炸得好香，又夠熱👍🏻伴菜好靚，大大舊番茄同青椒呢個真係食唔停😍走嗰時見到佢有推介片皮鴨，張相好吸引咁，午市都見到有人叫，下次要叫多d人再黎試下佢先！

今日要喺新蒲崗做d嘢，就約返喺附近返工嘅朋友食個靚飯。朋友鍾意食上海嘢，就嚟試下呢個！松子桂花魚 $188松子桂花魚，魚口上面有兩隻蝦，擺盤都有d心思～魚肉入口鬆化，要趁熱食！魚肉起得幾靚，又冇乜骨～再加上香口既松子～酸酸甜甜好開胃～而且條魚好大條，食極都仲有！葱油雞 $168葱油雞有驚喜！半隻都好大份，雞皮好香脆，咬落卜卜聲！一定係即叫即製～雞肉好入味，唔乾！套餐仲包六隻小籠包～小籠包夠大隻，入面嘅湯汁同肉都好夠秤俗氣擔擔麵 $35係一眾擔擔麵裹面揀咗最基本嗰款，諗住每人食少少試下，點知d麵夾極都有！個湯底好夠味，花生味香濃～好食好食。酸辣湯 $55大家都想試下酸辣湯，有一碗同一窩揀，我哋叫咗一窩share。個酸辣湯偏辣，但係好香，有好多料，大家都好飽，但係都成窩清咗。食完真係超級飽！因為價錢唔貴，冇諗住份量咁多，全日唔收加一，抵食！

今天下班跟父母相約外出晚餐，隨便找了間在家附近的餐廳，因為父母都比較傳統，吃不慣西餐，所以我們最終決定在一家名叫三分俗氣的上海菜館中解決。 餐廳没有富麗堂皇的裝潢，也没有簡約優雅的氣息，就只是一家普通的中式小館，但或者，這就是我父母喜歡這裡的原因，實而不華。 我們點了招牌鮮肉小籠包、招牌鮮肉生煎包、台式煎窩貼、砂窩雲吞雞、鮮蝦小雲吞、酸菜原條沙巴龍躉班、糖醋魚塊，7道菜，總共才大約570元，不算十分便宜，但論質素，性價比絕對高。 所有包點新鮮出爐，熱烘烘的，十分吸引，小籠包、生煎包入口多汁，皮薄肉嫩，是喜出望外的； 砂窩雲吞雞中的雲吞及鮮蝦雲吞，入口鮮味十足，同樣皮薄多汁，份量充足；唯一美中不足是砂窩中的雞，肉質比較老，口感不太佳。 酸菜沙巴龍躉，及糖醋魚塊，入口肉質鮮甜，没有一般魚的腥味；不過我個人覺得如果龍躉以水煮方式會較可口，可是我父母都怕辛辣，唯有下次與朋友光顧時再點過。

近二個月沒來新蒲崗了，家人喜歡吃中菜，於是今晚在新蒲崗附近找一間中式小店吃晚飯。名字很特別，「三分俗氣」是家上海菜餐廳，可能位於新蒲崗，價錢也相對便宜。店鋪裝修簡單，實而不華，很貼地的感覺。招牌鮮肉小籠包一上桌就令人垂涎三尺，皮薄餡靚，小籠包皮是做得好，皮薄而夾起時又唔會穿，裡面很juicy，讓人欲罷不能。招牌鮮肉生煎包包底煎得金黃，皮薄底脆，滴湯不漏，但小心燙口。肉餡是豬肉，肉鮮爽嫩，但香而不膩。砂鍋雲吞雞砂鍋雲吞雞（半隻）才$98，有足料半隻雞，也算是划算。雞肉也熬得全然軟稔，湯入口湯濃味鮮，有雞味。還有皮薄餡靚的雲吞，而雲吞味道正常。酸菜原條沙巴龍躉斑酸菜奇香無比，不會死鹹，輕易吊出龍躉的鮮味。龍躉魚身也夠滑溜，但多骨。糖醋魚塊 開胃醒神的一道菜，甜酸度剛剛好，像咕嚕魚塊，魚塊亦大大舊，鑊氣十足。

呢間上海菜館我已經幫襯過無數次，尤其以前喺新蒲崗返工時，此店食物嘅質素不過不失，收費也合理，但服務卻有待改善。中午食飯時間，由於食客多嘅關係，往往被安排樓上雅座，坐下後很難才找到侍應落單。好像流浪荒島一樣，叫天不應，叫地不聞。呢日我係晚市去幫襯，服務的確比午市好一點，我叫咗韮黃炒鱔糊（加白飯）、大排粗炒、雪山高力豆沙及擂沙芝麻湯丸。韮黃炒鳝糊係我嘅至愛，去食上海菜是必點的菜餚。此店嘅鳝糊份量很足，條條鳝都好大條，價錢只是九十二蚊。唯美中不足係醬油唔夠濃，鱔肉不夠入味。大排粗炒即係排骨粗炒，色擇略嫌暗淡，但食味不錯，份量也剛好，不太油膩，可以一試！雪山高力豆沙擂沙芝麻湯丸最出色莫過於甜品，雪山高力豆沙及擂沙芝麻湯丸，看得出師傅心機之作。碰巧剛製成熱辣辣，的確别有一番滋味。讚！總括而言，食物嘅質素不過不失，價錢合理，唯美中不足之處乃服務欠奉，有待改善！

今日去開新蒲崗，幾過見到呢間午餐幾抵食，所以試下呢間。午餐，可以A項同B項各選一款，仲包一杯飲品A項揀咗鮮蝦雲吞麵，加錢要咗擔擔湯底（+$8）。雲吞皮太厚太多，擔擔湯底好勁花生味，但有啲gel口B項揀咗小楊生煎，有驚喜！上碟非常熱，直頭係辣口，應該即叫即整，咬落去入面勁多湯汁。豬肉含飽滿。個包底脆脆，上面就軟軟，好味！

上星期加班，同同事在附近搵餐廳食飯。行經三分俗氣，原來有間上海菜，所以決定一食！環境方面，餐廳有兩層。座位坐得舒服。招牌鮮肉小籠包：真材實料，皮薄、汁多、味鮮，咬開更是汁濃肉香，食不停口！小籠包皮薄，豬肉餡和湯汁都好有鮮味，加些薑絲和醋，可以提升味道！砂窩雲吞雞，湯好清甜，雞肉煮到已離骨，嫩滑不鞋口，還有雲吞和菜。雞煮得嫩嫩，雲吞餡料新鮮，還有很多林甜的娃娃菜。俗氣擔擔麵：湯底加有花生醬，既濃郁又香味四溢，麵掛湯後，又滑又惹味！豆沙窩餅：半煎炸既豆沙窩餅，外層金黃香脆，餡料豆沙甜甜的，美味的飯後甜點。

午市套餐可自選一款小食同主菜就會附送一杯飲品熱蔗水清潤有益 味道都幾清甜俗氣擔擔麵 $30麵質都幾彈牙 份量都幾大碗湯底雖然有dd淡 不過仍可品嚐到花生香秘製茄子 $13呢個茄子真係好好食 茄子吸哂香甜既醬汁味 再加上香葱等配料 食落好惹味蟹粉小籠包 $60一籠四隻 每隻都皮薄餡靚豬肉加左蟹粉更添鮮味而且咬開仲有好多湯汁忝！砂窩雲吞雞 $98湯汁好濃郁 秋冬天氣飲就最滋補不過除左半隻雞仲有金華火腿用料豐富 難怪咁好飲雪山高力豆沙 $38最後又點少得上海甜品呢高力豆沙即點即製 新鮮熱辣入面豆沙餡都幾多 口感鬆軟

今晚去左新蒲崗搵好友借NOTE, 之後就一齊食飯～佢帶我黎左間平價食上海菜既餐廳～我地一黎先叫個粟米魚肚羹，熱辣辣真係好好飲，而且有點濃，唔會稀/ HEA～另外叫左一籠小籠包，皮薄餡靚，好好食～宮保雞丁，小辣，份量多，入面D 雞嫩滑，腰果又脆口，食落好惹味！而菠蘿咕嚕肉，酸酸甜甜，好開胃 =]最後叫左個鮮茄浸時蔬，好健康～OVERALL 價錢真係好抵，環境亦坐得舒服，估唔到呢個地方都有咁高質、平民既餐廳，下次有機會可再黎！

朋友今日帶咗我去新蒲崗衍慶街呢間三分俗氣上海菜館食晚飯，一行三人去到，這裡沒有浮誇的裝飾，但感覺整潔踏實，餐桌面寬濶，方便食物擺放！餐牌內容豐富，上海菜款式亦很多可供選擇！點咗一客招牌鮮肉小籠包干煸四季豆上海粗炒沙窩粉皮大魚頭甜品就係雪山高力荳沙包鮮肉小籠包皮薄肉鲜、醮以羌絲陳醋，熱辣放入囗，精神為之一振！干煸四季豆，炒得乾身而不油膩，醬油份量剛好，不會太咸！上海粗炒麵，份量好大碟，麵身軟滑，又有咬口，調味的醬油份量亦係適中！沙碢粉皮大魚頭，微辣得湯底，鋪滿軟滑的粉皮，滑嘟嘟口感！加埋肉質飽滿大魚頭，鮮甜味美！最後來個上海館子必吃甜點，雪山高力豆沙，用旦白炸起的外皮，紅豆沙做的內饀，熱呼呼進食，非常好吃而且覺得物超所值了！

是晚係新戲院睇完戲，就同好鐘意食上海野既寶黎到呢間上海餐廳食野。一睇門口就知係啲懷舊正野啦！最鐘意係佢個名，有三分俗氣先唔會離地架嘛，希望佢有七分上海韻味啦餐牌選擇非常多，一坐低就想叫佢地個片皮鴨三寶餐！可惜原來要下午3:30前預訂，我地無預定到樣樣都想試，唔通樣樣都試到咩！最後我地就決定左叫呢幾味先黎一碗擔擔刀削麵！呀寶以為我食唔到辣所以叫左佢唔使加辣不過成碗野又幾正，花生麻醬味十足，麵質好有咬口，一人一半唔會漲住個胃，好得成都酸菜魚又係一傑作，魚塊非常滑一條骨都冇，隱若有少少麻辣味，酸味都夠，唔會太重口味，i like it!食上海野又點少得小籠包？！最近去完上海食佳家湯包再返黎食呢個又真係有得揮！大大隻，皮夠薄，裝住勁多有海鮮味既蟹皇湯汁係裡面，感覺非常正宗！銀絲卷新鮮出爐熱辣辣無得輸！原來一條條既銀絲加埋煉奶食落比饅頭更有層次！好有咬口雪菜毛豆百頁係上海菜裡面算係比較清淡既菜式，但清淡得黎又好有層次，百頁索哂雪菜既湯汁再加埋毛豆既爽脆，令人忍唔住越黎越多上左癮唔好問我點解要走糖，擺明呢個就係啲減緊肥既人既主意但係原來咁食高力豆沙又有另一種風味喎，起碼減左一半罪惡感先啦熱脆無砂糖

朋友是岩係上海翻香港見佢話上海野好食我地又一於搵間上海野食下而度既小龍包出哂名No.1 ,便宜得黎又好食~~一咬落去d汁噴出來！！ d蟹粉成口都係~超級鮮甜啊蔥油餅， 好細心幫我地剪開左 ，方便食新鮮即炸~ 絕對唔會輸上海當地食個d架擔擔麵 湯底勁正啊 花生味勁濃郁~加埋d麵吸哂d湯底 辣辣地 yummy 必點喔！！！鹹蛋娃娃菜 健康既我地當然要食架啦~~~ 清清淡淡之餘又幾好味最後叫翻個甜品先啦雪山豆沙~剩係個名都好好聽下~ 好多好多糖粉係個面到 一啖咬落去仲有小小紅豆 好正既一餐唷

住在新蒲崗的同事，今日約我到他住家附近的三分俗氣食晚飯，說店家的小籠包好受歡迎，食過都讚好。食店分兩層，地方整潔。蟹粉小籠包，將蟹粉加入小籠包，味道鮮上加鮮，皮薄餡靚又多湯汁，食起來滿口蟹油流香，鮮美可口！酸辣湯配上幼滑的麵，那酸酸辣辣的口感，令人欲罷不能，食不停口。砂窩雲吞雞，雞肉煑得嫩嫩的，湯加有金華火腿，既清甜又好喝，雲吞皮滑餡鮮，還有很多又林又甜的娃娃菜，十分足料。必食紅燒乳鴿，雖然賣相比較深色，但肉質不鞋口，嫰口入味。

今日同一班朋友渣車入去遊車河~~見到而間野唔錯就走左入去試下啦本黎我地想試下片皮鴨架但可能太夜了 已經賣囇~下次黎早d預訂啦唯有!!四川紅油抄手 對於唔食得辣既我都可以食左兩粒就知佢好味得黎唔會太辣啦 d醬汁整到岩岩好！食多幾碟不是問題啦hahaha蟹粉小龍包 試上海野緊係必點而個啦門口有個大banner 指明係鎮店之寶必試一上枱梗係要親佢熱辣辣試返粒啦good ~一咬落去d汁噴出黎架水煮牛肉 朋友最愛但對於一個唔食辣既人黎講實在太辣了 hahaha 不過朋友話好味到連湯都可以飲埋蟹粉賽螃蟹🦀️ 而樣菜認真考功夫啊睇得出廚師既用心可以令我每啖都感受到蟹既鮮味 砂窩雲吞雞我地嗌左半隻雞其實已經好足夠 完全係足料雞肉好滑唔會因爲煲左湯而覺得好柴最後叫埋個菜同甜品雪山高力豆沙好好味啊其實本黎見佢係甜品以為係凍食架！ 咬落去點知係熱啦啦既 ！ 雖然一開始有少少失望，但意外地幾驚喜 個豆沙面舖左層糖箱仲有d紅豆係入面好夾唷食到勁飽既一餐

一直鍾愛係工廠區搵美食，聖誕期間食過太多西餐，今晚就要食返中菜，中菜最愛既非上海菜莫也！三分俗氣外表唔太起眼，但味道絕對會令你回味涼伴雞絲粉皮~最愛既上海前菜，有濃濃既麻醬味，雞絲粉量足夠，而且粉皮好有口感，夠晒彈牙！招牌鮮肉生煎包~上碟時熱辣辣，食得出既鮮味，果然係招牌菜，生煎包夠晒脆，將肉汁鎖住，一定要襯熱食，好味道四川紅油抄手~紅油炒手係我心中要求就皮夠薄，紅油同蒜茸既比例要岩岩好，三分俗氣就做到啦成都水煮魚片~第一次食水煮魚，所以正唔正宗我無資格講，但食得出魚片好滑，望落以為好辣，但我又接受到，另外配有芽菜同粉皮椰茸煎芋餅~上海美食黎講，從未見過呢款甜品，咁就試試先，甜品可以用外脆內軟黎形容，外層係半煎炸，舖上大量椰絲，內層就芋泥再包紅豆餡，香口亦不會太甜，煙煙un un....仲有8件咁多，絕對直得再encore,大愛9