三多炸肶 (已結業)

大大隻炸脾～會熱氣都要試下「三多炸脾」炸脾，未放入口都知佢好熱，完全炸到外脆內軟。加左少辣，都幾惹味。香辣肉碎炒腸粉，一打開熱辣辣，出晒煙。望落去唔辣，但食落去，就越食越辣。成間野最想佢改善既地方係，堂食唔好用即棄餐具！

去元朗就會想起三多炸脾🍗🍗，其實三多已經有好多間分店，但我偏偏只到元朗才會想起。30元正一個炸脾話貴又唔算貴，話平又唔算話好平，價錢中規中矩。三多炸脾吸引之處是未食已經聞到炸脾的香味，食後外脆內軟，雞皮平時都是邪惡之物，但唔食雞皮真係浪費了整個食物嘅精髓。雞脾是用麵包糠炸的，非常香脆不覺得乾，雞肉相當嫩滑非常juicy😋😋，下次去大埔始祖店再試下兩家炸脾的分別😆😆，跟我同行的好友已中了三多炸脾毒，嘿嘿嘿🤣。

(1): 收銀男職員沒有笑容,沒說多謝,而且態度傲慢。(2): 當職員高叫等候號碼時,語調太惡。(3): 味道太鹹,一隻size太小,另一隻骨邊有血,不夠熟。(3):賣$30/隻,不值。

傳說中食炸雞脾炸雞翼，一定要食埋啲雞皮，否則就係曬料啦🙈好啦好啦～我食！（平時唔食）噢～炸肶果然係外脆內嫩，出面熱辣辣又香脆，入面雞肉都算幾嫩，而且夠juicy!正！可能我又點左要小辣，所以更加惹味！至於爆檸，一啖咬落去啲爆珠度果下好爽皮🤣幾過癮，而且爆檸無叫少甜都唔會太甜，岩岩好可以清一清口裡既油膩感！的確係唔錯👍🏻其實老實說，$49有啲小貴但間中放縱下開心下，都係幾唔錯既選擇！所以都會有下次

炸雞餐除左KFC，原來仲可以考慮下三多！某日經過見到呢張poster，就一直心思思。呢日我本來去左KFC，見到勁長龍，係要等45分鐘既勢頭，就即閃轉去三多，點餐後即炸，等左大慨10分鐘左右就有了yeah~炸脾個雞皮真真係一絕，又薄又脆，仲有一陣熱氣如薯片既誘人滋味，真係好正. 炒腸粉現場食會更好食，一樣穫氣十足，辣辣地好惹味。PS 後尾我睇睇個$95二人餐其實同散叫價錢一樣，只係多左兩罐汽水，MY GOD!

鹵水肶＋爆🍋茶$49等侯要20分鐘以上打開熱辣辣以為好好味完全吾入味重有雪味可能要㨂炸肶啦⋯⋯又吾係大大隻⋯⋯杯爆檸就正常可以接受真係麻麻地鹵水雞肶吾入味只有外表係吾🉐️丫

記得有一次同男朋友去咗大埔，佢突然話帶我去食三多雞脾，以前有聽過， 但就從未食過， 佢揸住架車轉來轉去都搵唔到間舖，上openrice查三多地址先發現呢間舖開6點到零晨3點，而且有好多分店，元朗又新街都有，當時下午3點到，無可能等啦！唯有下次搵下元朗間舖試下啦！終於找到又新街間三多， 原來位於佳記甜品附近的橫街裡, 難怪平常都沒注意到， 門口海報有雞脾套餐,  大大隻雞脾+大大杯爆檸$49， 我哋就買呢個餐來試下， 落單後即叫即炸， 需時等候， 眼見的客都係咁喺度等， 裡面坐位唔多， 大多數都外賣攞走，  我哋攞返屋企食， 雞脾大大隻仲係好熱好香，粉槳唔太厚，外脆內滑， 爆檸即係凍檸茶裡面有好多爆珠， 爆珠咬落裡面會有的芒果味的糖槳爆咗出來， 感覺非常特別， 凍檸茶不算好甜， 味道非夾。從此之後， 我哋又多咗一個新選擇， 會吃上癮既雞脾。

琴日同朋友去元朗食完飯，覺得意猶未盡，朋友建議可以食在元朗有第二分店的三多炸肶。我當然舉腳贊成，三多炸肶聽就聽得多，但係食就真係未食過，知道佢好貴成＄30/ 1隻，但係大家都話炸得好食同入味，就算貴都要食，我喺網上見到有啲YouTuber去買黎食，見到生炸起大大隻大啖咬真係好過癮好吸引。😋好想食！可能生炸嘅關係，由買飛到佢叫我去拎都係門口等足成15分鐘，但係為咗美食我心甘情願去等😋。可能去之前有一定嘅期望，炸脾拎上手嘅時候我真係比佢個size嚇親，咁細隻嘅？😱同我嘅手掌差唔多大，本人手掌唔算大，賣我成＄30一隻啵，我網上見到人哋試食好大隻㗎，唔通黎到元朗就縮左水，單從外表就有啲小失望。😥 講返個味道，雞皮炸得好脆，食得出係新鮮生炸，非常之熱要攤一陣先至可以放落口。而且雞髀醃得好入味，雞肉好嫩滑同好juicy，係好好味👍呢個抵讚，不過太細關係三兩啖就食晒了😩個size真係細得有啲離譜，真係好想知佢間總店係咪都係咁細隻，至少我網上見過人哋拎出嚟食係好大隻，＄30咁細隻真係唔係好抵，下次唔會再食。環境：6/10服務：6/10 價錢：5/10 食物質素： 8/10整體：6.5/10

一日元朗美食團，其中一站係雞蛋仔梳乎厘，製作需時，等候之中見到對面有三多炸肶，過對面買返隻同三位姊妹一齊些牙，三十蚊一隻都真係幾貴，仲要係外賣，就算堂食都係新裝但老式快餐格，等左約五至十分鐘就有喇，等候時間尚可接受，過返對面再等多十分鐘，至習齊所有小食，大家He He 碪碪半走跑咁返上架車開餐，因為雞蛋仔同埋梳乎厘要趁熱食，所以好自然隻炸肶推至最後至食，炸肶到手直至食入口，都相隔大約半小時，味道真係普通，講左咁大個圈，只想講塊皮仲係脆㗎，所以三十蚊一隻炸肶，抵唔抵就見人見智。

大唔大隻.見仁見智..可能我好鐘意食雞肶...呢間中間大隻喇...但皮係好食架..辣度都正既...配埋杯飲品..真係好飽..但貴左少少既..佢仲有其他餐既...晚餐唔想煮..買佢就一流..

三多進駐左元朗已經一段時間啊新野就實多人食架！依個香港，尤其元朗，有少少人氣既新店，點都排你一個幾鐘啦！如今見人潮已過，真功夫就係依個時候顯現啦！比起新開，舖頭衛生真係爭好遠，啲牆彈晒啲汁上去，地下又好似油油地，污污穢穢咁！唔係好維持得到！今次叫滷水雞肶好怪呢？係三多炸肶唔食炸肶一黎唔想食炸野，二黎炸肶其實都無乜咩特別如果唔係佢就唔洗出咁多其他野食賣啦！(P.s你睇佢貼黎牆上張餐單幾污穢！)我見都幾多人叫佢啲炸丸、炸雞塊！嗱，講gimmick 就食成隻肶，但其實咁大隻肶又有幾多人鍾意食丫！佢都有啲套餐想人叫多啲野不竟佢淨賣雞肶應該玩唔到好耐！附近都無乜炸野舖頭所以佢都因為咁搶反啲生意等呀等呀等...清一式落單都會同你講等15分鐘即叫即整，好丫但以一間小食店黎講，我食個小食都係想快快趣求其食啲野者，等咁耐就真係有啲令人卻步。睇下啲員工們好悠閒，又唔係幾熟手咁做，完全multi task唔到，我就真係明點解等咁耐！我已經走左去串皇果邊，食埋冬菇燒賣皇、阿玉砵仔糕再反去，佢都未得過左15分鐘啦喎師兄！所以建議大家都係打去叫左先去攞！不過有無人聽又另一回事呀下！我個雞肶有啦，首先要講既係非常唔

《三多炸肶》炸雞脾 $29 💰💰💰 好貴即叫即炸 等大約10分鐘炸得幾好味 個皮夠脆 d肉夠嫩（叫左小辣都好辣🌶🌶）整體ok 但太貴啦 唔會再食-評分：👍🏻👍🏻👍🏻byT instagram: 90sfoodieshare #食在元朗#hkig#相機食先#手機食先#炸雞脾#hkfoodie#hkfoodblogger#먹방#홍콩#igfood

There is something about a fried chicken leg that makes you pause and go ... it's really unhealthy but I gotta have one.三多炸肶 (English name Santos) started out in Tai Po as a take away stand selling deep fried chicken thigh. Due to it's popularity, it soon expanded to 8 branches around Hong Kong. Pretty amazing for a take away stand selling only fried chicken leg.I met boyfriend after he went hiking in Yuen Long. As he was really hungry after the hike, he came here for a fried chicken leg.  It wa

外脆內滑，同埋都幾大隻下舊雞脾。價錢可能貴左少少，但味道總算唔錯。當宵夜就岩曬，過到口癮又飽飽地。另外，其他小食都唔錯，本人比較鍾意食腸粉，雖然唔夠其他咁滑，但呢個配搭好有趣，辣辣地又夠惹味，同一般腸粉齋落鼓油甜醬有D唔同，整體感覺幾好，價錢方面就可能貴左少少。

三多出名炸肶無人不知，但一直未有機會試，因元朗太多好野食啦😝今日終於有機會一試，因為今日唔太肚餓，一隻雞肶應該夠飽飽了😓元朗三多位於又新街B仔轉灣，好容易搵除左雞肶之外仲有些小食，如炒腸粉，炸雞亦餐廳有幾個吧位，一兩個人食就無問題，其實最好叫外賣第一次食可能希望太大，並不是別人口中咁好食，佢係即炸既，皮很薄很脆，令我失望既地方係有陣雪味，食雞有呢陣味好大影響架😭炒腸粉，夠辣二人餐，包兩罐汽水，一定要啦，解渴😂😂盛為$95散叫一隻炸肶要成$30架