三多炸肶 (已結業)

今晚同個friend去元朗睇完戲，差不多11:00，大家都有少少肚餓，就去附近揾宵夜食。行下行下，見到三多雞肶，門口有張poster貼住2人餐$95，套餐有二隻炸雞肶、一碟炒腸粉及2杯汽水，價錢都okay，所以我地order左一份等左約5分鐘，就有炸雞肶食，熱辣辣，再打埋d辣椒粉，好食到不得了雞肶唔係炸到好乾，撕開雞肶，肉汁流出黎，好juicy而炒腸粉就一般，相比雞肶黎講就遜色，腸粉較咸～都係炸雞肶最好食

掃街模式再次開動的我倆，這次來到了這間想吃很久但又怕上癮的雞脾店，和名不虛傳的邪惡雞脾交交手。我們點了炸雞腿套餐，爆檸轉頭就有，我們便以此先作熱身，爆珠在口內爆發它們的能量，再配上檸茶，令我倆直呼驚喜不斷。大概等了5至7分鐘雞脾便吃到了，只見熱辣辣的炸雞脾大大只咁，一出手我倆已輪流地以大口和小口向炸得金黃香脆又入味的它作攻擊，咬咬咬過不停的我倆，一邊吃一邊喝。好不快樂。在我們一輪的撕咬下，金黃雞脾已經無力抵擋，變成了白骨精。最後嚟多杯金牛作結，完美呀！而我倆則受制於金黃雞脾的魔力，成為食炸脾一定要連皮食ge信徒。久不久就要回來一嘗它的美味。絕對值得一試再試，一吃又再吃。O(∩_∩)O~~

説了幾個世紀要來試三多炸肶，卻怕要肚皮獨自承擔一個炸肶的卡路里而卻步了。幸好，這一個分享食物的吃貨好”伴“終於出現了。碰巧今晚在元朗尋食，擇日不如撞日，立刻來親嘗期待已久的炸肶。小店裏面空間寬敞，兩旁有吧檯，座位不多。我倆共享一份三多套餐-包括一個三多炸肶和一杯爆珠飲品（檸茶或檸水）$49。大大塊的三多炸肶，即叫即炸，剛出爐的炸肶非常燙手。外皮炸的非常脆，吃起來”索索聲“。外脆内嫩，大大口撕開脆鷄皮即見到白雪雪滑溜的鷄肉，熱烘烘出煙的，肉質非常軟腍腍。本以爲只是普通的檸茶，喝到一半突然吸到一粒粒圓珠，輕輕咬下去裏面的汁立刻一涌而出，非常過癮！配上微辣的肶，甜度也只是剛剛好。是炸物的關係，雖然我倆共享一個，還是多叫了杯金牛解解油膩。金牛該是汽水裏面加了芒果雪糕。我喜歡的喝法是 - 先吃一口芒果雪糕與上面的朱古力碎碎：芒果雪糕冰凍香甜，朱古力碎碎增加口感；然後才喝一口汽水，剛剛好沖淡舌尖上的甜味，激烈氣泡沁人心脾，真的是爽透了！

三多 第二次食 上次食香辣肉碎炒腸粉同炸脾，飲爆檸。今次食埋意粉炒腸粉，上次煎得香啲煙un d,多啲蔥。不過今次份量多d。不過都係咁好味雞脾大辣🤤，上次juice d.. (可能上次冇期望地去食而結果喜出望外，今日有期望所以好似差dd咁）意粉第一次食。個汁好食呀喂！又濃又炒底 正！爆檸。檸茶底好過好多茶記，又大杯 下次會試下其他分店

話說我啱啱喺度買咗個雞軟骨,當時成間鋪得我一個客人，兩個服務員疑似係情侶喺度打情罵俏，我落咗order後3分鐘佢哋仍然喺度吹水唔肯做嘢，成間鋪如果遊客嘅話我等來啲都唔緊要大係點解一個客佢都要喺度蛇王唔肯做嘢？我喺度等左大約5分鐘先有人叫我去行，5分鐘再返嚟拎。成間鋪冇一個人係做緊嘢。價錢都亦都太貴。價錢貴唔緊要服務態度仲要咁惡劣。下次唔會再理呢間野受氣。

某日半夜好肚餓，好掛住紅磡三多隻滷水脾同爆檸茶，見元朗都有三多就拿拿林去買。一入舖就落ORDER，然後呀同事就話要等15分鐘左右，都好正常。我就去對面7仔打個轉。我隔左足足15分鐘有多先行返入舖，當時舖面冇客，counter入面有3位員工，我就伸出果張飛仔，問：「請問有得拎未？」就係我問緊既同時，呢3位人士都見到我既存在（係望左我一眼），亦相信佢地聽到我問既問題，但同時，係同時，佢地選擇擰向後面⋯ 一個幫我夾雞脾入盒 / 一個幫我入杯檸茶落袋 / 一個係我面前背住我，係背住我。我知，你地認得我仲認得我叫左乜野餐，係非常好。但請問 聽到我問你野嘛？ 可以答我一句野嘛？ 可以唔好背住我但又唔係去忙嘛？ 其實「有/拎得/OK」都係最多2個音，可唔可以答下我而唔係無視我？最後我拎住張飛仔企係COUNTER成個痴漢咁等人放低份外賣，再密密地自己拎走⋯返到屋企我開唻食，其實隻脾係好正常咁普通，杯檸茶都好正常咁係一杯茶，價錢亦好正常咁貴。三多，我會再食，但一定唔係又新街呢間。

全店有六張櫈，再加幾個企位。下午茶時間雖然唔使排大隊但店內嘅位都坐滿左喇。收錢的店員好有禮貌呀，叫我等一陣好快有位。鷄脾都未炸好就有位了。有一排冇幫襯，炸脾加左價，由$29 加到 $30，加一蚊唔過份。雞脾即叫即炸，要等幾分鐘。皮脆肉嫩入味多汁，簡直會令人食上癮。豉油肉碎炒腸粉 $35好耐冇食過咁有鑊氣嘅炒腸粉，即叫即炒。肉碎有醃味，加埋豉油，係好味，但略咸。腸粉雖然沾左豉油，但比較淡味，同肉碎一齊食就啱啱好喇。

有d肚餓心血來潮就試下係咪咁好食咁出名店鋪雖大但堂食位少。但都整潔ok既。賣相就好似炸耐左咁。由於剛炸起驚熱氣所以攤左陣先食不過攤耐左食既時候已經係微暖。。但食落去超脆成隻雞肶都係脆卜卜。d肉真係唔鞋。但又唔係好滑。。而且又有肉汁下次唔擺咁耐應該好食好多佢隻脆係真係同其他唔同但食到臨尾覺得咸左d。。

經常聽到朋友們說三多炸脾有多好吃，但一直無緣一試，直至今天！29元的炸脾，感覺有點貴，如果轉套餐就48元，但待會還要去吃晚飯所以沒有轉套餐了。因為雞脾是即炸的，下單後，我們等了十五至二十分鐘，終於才等到我們的號碼。炸脾有竹簽穿著，拿著吃十分方便。雖然很多人會怕雞皮太肥而不吃，但來到三多，不吃雞皮的話真的不要吃這個炸脾！雞脾有點油，始終是油炸的嘛。雞皮炸得很香脆，咬的時候脆卜卜的，內裡的雞肉卻無比嫩滑juicy，咬下的時候可要小心燙口！我選了微辣味，吃的時候有點刺激的感覺，實在滋味無窮！

食完B仔涼粉唔夠喉 繼續食好西三多炸肶 聽就聽得多 好似開左好多分店今次第一次黎試下由於對佢其他小食同飲品無咩興趣 所以就只係叫左一隻炸肶 $29小小貴但好野係值得期待既由於係即炸 所以要等二十分鐘等候期間見到呢張海報 即刻笑左對於一個肥妹黎講 食炸肶係無可能唔食雞皮架!😂識食一定要連皮食! 肥妹既堅持😂不得了! 好好味既炸雞肶呀救命首先 店員有問我地要唔要辣 佢話小辣已經係好辣 心諗咁得意 炸雞肶都有辣架咩😂個外皮一咬去 脆架！加埋d辣粉 正！入面d肉同d肉汁 無得輸！真係忍唔住食完一啖又一啖！有機會一定會再食 😋😋😋

久仰三多炸脾既名氣，雖然今次幫襯既係元朗，但都不停有人入黎買炸脾，但堂食位置只有6個，略嫌細左一點。招牌炸脾果然係同出面既唔同，炸完都仲有肉汁流出同唔會老，相信同生炸有關，而辣既程度係源自辣粉，嫌小辣唔夠既朋友可以補辣粉XO醬肉碎炒腸粉又係即叫即炒，夠晒鑊氣，味道都好夠，好入味，睇落去細細份，但食食下都夠飽。爆檸檸檬茶加爆珠，算係創新既飲品，每啖都可以飲到幾粒爆珠。價錢都偏貴，間唔中食下都ok ge ~~

元朗三多已經開左一段時間,每次都心思思想食但又怕熱氣,今日肚餓行過又有位坐低食,好吧,入去買啦買啦~~~因為係即叫即炸,店員話要等15分鐘。除左炸雞脾,三多仲有其他野食,不過價錢都貴左D,我諗左陣叫左肉碎炒腸粉。好野總要俾D耐性等下的,當店員送上熱騰騰而香氣飄散的炸雞脾,心裹已禁不住一陣狂呼:好野,有的食!!,仲好貼心俾埋手套我用手拎住食呀~大大隻雞脾有成塊面咁大,慢慢咬落去,皮炸到脆卜卜,唔會太干,雞肉好嫩滑,如果有醃下味仲好,因為就咁食比較淡味,食辣人士可以簡辣OR大辣,聽說會比較好食。食到最尾都仲係熱騰騰的,雖然好邪惡又熱氣,但即炸係唔同D的唔理喇,食左先算~!肉碎銀芽炒腸粉,肉碎同銀芽都好惹味,但腸粉表面有味,內層就唔入味,而且都幾油,份量不太多,試一次就OK了。

由於食左餐唔太滿意嘅上海菜（參考元朗京滬村食評），我未夠飽，所以我再去左三多，打算食隻炸脾頂頂肚。因為上次叫套餐，飲品沖得唔係太好飲，今次就決定單點雞脾。睇睇下，又想試埋其他野，但原來佢地除左雞脾嘅價錢係較抵食之外，小食都唔平例如：炸芝心丸係$45、雞軟骨係$50咁由於我冇食過，唔知份量如何，但單睇價錢，我唔會點，所以最後只係點左炸脾、腸粉。三多炸雞脾 $29同上次嘅感覺一樣，依然炸得好香脆，雞肉好滑，但都係覺得肉冇乜味，我食就一定要加辣粉香辣肉碎炒腸粉 $35本來見腸粉要三十幾蚊，都唔係好捨得點，但朋友話想食…睇落就幾大兜，但實際腸粉份量唔多。食落幾惹味，不過真係貴左少少。話明香辣肉碎，醬汁就有，但我地覺得唔夠辣。而且炒腸粉，炒到咁濕，純粹個人口味唔太啱食。腸粉大大條，但唔係特別滑，仲有些少硬身…我下次都係食番炸脾算~

阿女話今日想食雞髀就特登行去又新街試下三多雞髀…… 炸雞髀食落 口感一流 …帶小小辣都幾入味good 呢個腸粉呀女就至愛吃…多汁又入味炸雞軟骨味道ok 炸粉唔太多 … 食落都幾脆

三多炸雞肶 ($29)久仰大名既三多炸肶，去開元朗梗係要試下啦~$29隻炸雞肶都幾貴，不過如果好食都值得😆第一次食，同朋友仔3個人👭💃🏻一人叫左隻唔辣既炸肶，想食下個原味，炸肶一到手✋🏻有個手套俾你用手食，雞肶用手食是常識吧💁🏻帶住隻手套都feel隻雞肶好熱🔥雞肶炸得好靚😍金黃色睇落好吸引。食落都真係好正👅出面好酥脆，裡面好juicy ，咬雞肶個時有肉汁出左黎👄雞肶裡面又係熟透，食落唔油膩，真係正喎♥️食完成日心思思仲想食👉🏻👈🏻🙊