三多炸肶 (已結業)

聖誕日喺元朗搵食，除左拉麵天王，仲食左三多~三多炸肶冇人唔識啦，而且仲越開越多分店。我地都係out out的第一次食，之前喺大埔母雷公咁遠點食…元朗鋪位都幾大，不過只有企位，黃昏時間去到都有唔少人食緊~炸雞肶廿九蚊隻，不過見有個套餐包埋飲品，所以點套餐。雞肶一律貼心地用長竹籤穿住，並且提供手套，方便食用炸肶套餐 $48 (原價：三多炸雞肶$29+爆檸$28)三多炸雞肶「食雞脾唔食皮係一種罪」打住呢個旗號我本來就唔係隻隻雞肶嘅皮都食嘅人，凍左炸雞皮唔食，油淋淋雞皮唔食…不過三多嘅炸肶皮我食，仲要覺得幾好食！雞肶都幾大隻，炸粉唔厚唔油，好脆口；雞肉好嫩滑、肉汁保留、完全唔乾柴 類似韓國食嘅烤雞。不過其實食落冇乜味，都要靠店家嘅辣粉~爆檸如果我再食，絕對唔會叫套餐！呢杯飲品好一般，本身檸茶糖水落得多，再加上啲爆珠，甜到嘔…果然咁受歡迎有原因，如果以29蚊黎講都算試得過，不過唔建議套餐，因為飲品唔抵，係扣分位。

三多炸雞脾越開越多分店，今日經過元朗都決定一試。一睇menu第一個感覺都好似有少少貴，見佢都成三十幾蚊隻炸脾，不過既然黎到就試下啦。我同朋友兩個人嗌左一隻share食，即叩即炸，都等左一陣先有得食。雞脾好大隻，外皮炸得好金黃鬆脆，雞睥本身都好入味，灑左D調味粉上去更惹味！入面鮮嫩多汁，雖然三十幾蚊有少少貴，都咁既份量同質數都OK既

個人推介指數分6 (10分為滿分) - 雞肶是炸得不錯, 外面脆口, 肉質也萛JUICY, 可惜我太貪心要了小SPICY, SPICY 到連雞味也食不出, 口部有點食到麻痺, 如果叫大SPICY 肯定不得了. 這裡很貼心, 是有雞肶套餐的, 可能雞肶實在有點SPICY, 飲料總少不了, 吃套餐會是化萛一點. 除了雞肶外, 店內還有其他小食可供選擇, 今次我一個人就只吃了雞肶. 主角來了, 大家看不看到雞皮上的SPICY粉, 這個只是小SPICY, 吾夠勁的話可以自己加粉.都是那句, 實在太SPCIY ,完全吃不到其化的味道, 下次公平點, 我會試完全不SPICY, 再給大家深入評論食品柯打了檸檬沙冰, 味道不錯, 酸酸甜甜又解SPICY, 只是一柸實在不夠, 要來多柸才能夠火呢總体來說, 外皮肉質確比街邊的小食店為佳, 最少不是炸粉厚過雞肉, 單叫一隻外賣依肚, 作為一個下午茶, 也萛不錯不過, 不吃得SPICY的人, 要量力而為

要數香港最好食的烤脾，我會推介西環的「真滋味」。要數香港最好食的炸雞，三多，會係我的心水之選。三多本身開係大圍，交通唔算好方便。但近期三多係元朗又新街開左分店，當然要去捧下場啦。雖然佢有好多唔同小食，但係我目標只有一個，就係「炸雞脾」！因為好多客排隊而佢又係新鮮去炸，所以落左Order大約等左5分鐘左右。店員提我小心熱，真係超辣手。由於天氣比較熱，所以去左旁邊7-11到食。炸脾真係熱辣辣，我差唔多等左3丶4分鐘先可以食，熱到傻！炸脾超大隻，表面沾上面包槺去炸，賣相已經100分。大大啖咬落去，「卡擦」一聲証明炸得非常香脆。雞肉的汁非常飽滿，好彩有帶手套否則成手都係雞汁。肉質非常好，夠嫩滑，而且肉質一絲絲，好新鮮。雞皮炸到脆卜卜，但係雞肉依然超嫩滑，証明炸粉做得好同埋控制火喉時間控制得好。調味上用左混合的調味粉，又香又惹味，好正！店面重有紅色的辣椒粉比你自己去加，辣椒粉又香好夠辣，超正！28牌一隻炸脾雖然有少少貴，但係炸得咁有質素，間中獎勵下自己都無壞呀！

知道三多在元朗開店很久了，但沒機會來。終於，在寶貝參與活動，我外出閒逛的期間，剛好是店家剛開店時間，等候的人不多，那就試試吧。三多以炸雞肶聞名，但除了炸肶，也有其他炸點，以及炒腸粉等選擇。我選了套餐：炸肶 + 爆檸，$48。選叫炸肶還可分大中小辣來點叫。付錢不久，店主就將剛炸好的雞肶送到面前。咬下去，雞皮鬆脆，肉汁豐盈，再加桌上的辣粉，風味更佳，但也如前人所言，醃味做的不足夠。不過，一隻剛炸好熱辣辣，雞皮鬆脆的炸肶，那會有難吃的道理﹖配冰凍爆檸同喝，透心涼。有機會再來。

窩夫與蝦子餅無意中在元朗發現三多炸肶，窩夫久仰三多的大名，當然要一試大埔名物三多招牌炸肶。三多炸肶位於元朗又新街，店舖面積不是很大，沒有座位但可立食。吃炸雞不能不吃皮啊！其實不用看餐牌已經決定了要點招牌炸肶。炸肶跟大大杯爆檸茶只售48元。炸肶即叫即炸，需耐心等候，先取大大杯爆檸茶，不是一般的凍檸茶，裡面加了爆爆珠，為檸茶加添蜜糖甜味。窩夫與蝦子餅的炸肶炸好了，雞肶大大隻，新鮮熱辣，沒有厚厚的炸粉，雞皮炸得香脆，口感有點像乳豬皮般鬆化，雞肉依然嫩滑，充滿肉汁，很邪惡但絕對值得一試。

早前經過元朗, 見到一間炸雞的小店, 感覺好地道好有特式, 這天假期下午逛街, 剛好在那附近, 就決定來吃了。位於一條小巷, 有點大排檔的風味。炸雞上的辣粉辣度對我來說是味之享受, 辣粉均勻地塗滿雞粒的表面, 但這樣也剛好, 不太濃又過隱。炸雞看來有一個手掌大，炸雞的表面炸得乾脆, 有脆口感覺，咬開雞肉粒粒都好嫩滑帶濕潤感, 似是每粒都是雞腿位置, 啖啖肉, 十分滋味, 半隻雞二人吃份量剛好。

其實呢平時我地都好少食炸野，唔係唔中意架(大大好中意🙄😂)只係太熱氣，我食完喉嚨會死左但難得大鄉里入鄉，聽左咁耐三多唔係唔食呀？我有罪，因為平時我成日唔食皮利申，今次食哂！D汁不得了，正到有幾正睇相就見到啦！下次再食過！

一直聽講大埔三多好正，不過我好少去果邊，咁啱果日行完山落元朗，記起元朗都開左分店，咁梗係去朝聖下啦😼三多炸雞脾🍗($28)，雞脾超大隻仲大過我塊面！😆即叫即炸，所以一拎上手勁熱，我影完相要即刻掉低佢😂外皮加左麵包糠炸得超香脆唔油膩，唔怪得三多咁招積話「食雞脾唔食皮係一種罪」😆而且雞肉炸完仲保持到嫩滑多汁，不過就略嫌醃得唔太入味，所以鍾意食辣既我自己加左辣粉更惹味🌶🌶😋

我同朋友講元朗開左檔炸🍗雞脾好出名，佢即刻估中係三多🤓我地叫左一隻share食，真係新鮮滾熱辣炸出黎，應該100度滾油炸🙈同時不斷有店員上粉炸，搽勻成隻脾🙄我地兩個因為雞脾好熱，攞把扇撥雞脾😂服侍雞脾，不過撥左咁耐依然滾燙。我地手搣雞脾肉時係嘩嘩叫，搣到手指都紅哂，證明手指皮膚幾咁薄😫雞脾啖啖肉，而且滑一滑，塊皮仲冇咩肥膏 (我都傻傻地咁熱仲拎住黎研究) 雞脾上既炸粉上得適中，令雞皮炸出黎既香脆程度更高。最後係三多既雞脾一啲都唔會似一般既因為好炸既關係而偏鹹，原汁原味食到雞脾既美味。

等到三點先開呀～開放式廚房，即叫即炸，因為冇乜人，等左大約三四分鐘就有啦。外層有落麵包糠，好薄好脆，冇多餘嘅肥膏。雞肉入味，有少少肉汁，幾嫰滑。嘩，落左少少辣粉都已經好辣啦，怕辣就食原味啦。下次要食埋炒腸粉！！

朋友推介黎食, 即刻覺得係豪大大D FD?! 叫左個餐,即係炸雞脾加野飲, 先講隻脾, 可加大中小辣OR自己加辣粉, 個人認為有辣好食D, 炸幾脆, 雞脾肉幾嫩滑, 同有隻木條叉住隻脾黎食幾好, 5怕熱拎5到 ,有正評, 但負評的是杯野飲貴左少少, 因為加成$20杯野飲, 聲稱大大杯, 其實都5係好大杯, 同我想像有出入, 個人會prefer去買貢茶之類, 而杯野的賣點在於檸茶入面有蜜糖爆珠, 味道OK既, 蜜糖味, 但加20蚊真係貴左少少

之前一直聽朋友講三多炸肶好好食，今日有時間就去試一試。雞肶即叫即炸，攞上手時新鮮熱辣，皮脆肉嫩，好味。雞肶的尺寸亦頗大，$28/隻都合理。雖然店名叫三多炸肶，但除炸肶外，店家亦有供應鹵水雞肶及炸雞件等小食，怕熱氣或者怕咬骨頭的朋友也可找到適合自己的小食。

係友人FB見到D相係呢間野就特登坐車出來試..點知一般般..試左炸比+黑牛 28+32$前者跟本食一兩啖就覺得係吉列雞比..幾日前食..而家巳經唔太記得個皮咩質數..反正就係比台式分店個間為差真係純粹賣相吸引..食落D雞味亦都唔得鮮..偏向雪藏味..仲有就係夠大隻..D肉的確好雪白..肥美.但味就爭D.整體失望..呢個價錢去9灣食個間好過..起碼有野飲有多個3文治黑牛就真係第1次飲..原來真係朱奶+朱古力雪糕係面..但就落冰太多..啜左幾啖巳經得返半杯冰..好唔抵仲貴過隻比..

上網睇到d人話全世界最出名既炸脾店三多黎左元朗咁我梗係即刻去試下但我試完第一個感覺係: 言過其實!!!最欣賞佢既地方係即叫即炸佢唔會炸到硬哂炸粉比例唔算高,食落都係食到皮呀肉呀多過粉但係好老實講個肉質就比較un唔會有食落好嫩既感覺而且佢堂食個位係要罰企加上佢即炸隻脾好鬼熱所以冇位要企出街食就比較呢hea價錢黎講都算貴好無食就見人見智ps.我個隻係個o靚妹炸既,唔知有冇影響