三才魚蛋粉麵

营业中

休息中

《不負責任食評 — 三才魚蛋粉麵》評分：🌕🌕🌕🌕總評：銅鑼灣番工無理由唔識三才平靚正首選 食飯時間永遠有長龍再加上之前mil milk介紹完 仲多人排🤣同男友分別嗌左牛筋片頭幼麵+魚蛋魚片粗 牛筋炆到入味夠軟爛自己比較中意食魚蛋 最可以食到佢既鮮味 但唔會好彈🐟魚片就比較彈牙 反而片頭就有少少比油炸個口感搶左兩款麵都夠爽 食耐左都唔會一pat咁😋個人覺得湯底就無乜特別 略咸另外叫埋魚皮同芥蘭芥蘭唔澀 份量都算多魚皮脆口又無油溢味 大大塊好滿足😝之後試埋佢啲餃子先~

呢日係屋企接到仔仔約我去銅鑼灣區最近喺網上紅到飛起嘅長龍粉麵檔食當紅魚蛋粉.📌 三才魚蛋粉麵 (銅鑼灣)銅鑼灣渣甸坊48號采怡閣地下6號舖我哋約定咗下午兩點鐘喺門口等.我哋一齊準時到達.本來一心試佢哋嘅下午茶.見人龍唔係好長.排咗20分鐘.就輪到我哋.見到距離下午茶還有10分鐘.都唔理咁多.費事夜長夢多.依事入座.在點餐時下了單.聽到啲侍應講.今日下午茶暫停🤚.不過都唔關我事.因為我哋已經落咗單.同埋侍應話今天炸魚皮賣晒.最快要等到下午四點幾才有供應.😩今日點餐如下： 1. 牛腩/魚片頭/墨魚蝦條河粉X1 $47元 配罐裝可樂汽水X1 $7元 2. 牛筋/墨魚蝦條河粉 X1 $41元 配罐裝忌廉汽水 X1 $7元 3. 牛筋/墨魚丸河粉 X1 $41元 配罐裝忌廉汽水 X1 $7元 4. 魚蛋（淨食）$32元 X2 $64元 5. 郊外油菜（菜心）X1 $15元 6. 炸魚皮（行街）X1 $17元📌註：炸魚皮係埋單後.見人哋枱面有炸魚皮.即刻追加（行街）.所以張單沒有炸魚皮價錢。呢度服務有小小問題.埋位坐低.不停追問你食乜嘢.魚皮返咗嚟.又唔出聲.直至埋咗單

一個人喺銅鑼灣行街行到肚餓，喺希慎附近見到呢間粉麵店，就即刻走咗入去醫肚，餐廳嘅裝修係香港經典嘅粉麵店格局，環境企理， 當然不是什麼大酒店的裝修，不過家庭式小店嘅風格， 別有一番風味店員招呼親切有禮，叫了一碗金錢肚麵，份量很足，金錢肚惹味彈牙， 入口爽彈，麵質亦都爽口彈牙有口感， 加配少少辣椒油，令湯底味道更豐富，凍檸檬水大大杯，有數片檸檬，質素正常，總結：家庭式經營麵檔，氣氛親切， 店員招呼主動有禮，食物質素真材實料，值得下次再試下其他粉麵

星期五晚上一個人試一下三才在渣甸坊細舖,6点幾都排隊可能細舖坐位少,門外已落單加快流程. 上open rice睇定歺牌,我叫左炸蛋,魚皮 坐在角落單丁位.坐低後,眼鏡大姐好快已經拎多張櫈俾我放袋.上炸蛋麵時佢望一望我張手寫單,唔出声又減返單拼價.真係好細心,又自動自覺,唔會有D茶記大大声話人落錯單.(我都有留意,以為加左價,幾蚊唔係咁在意,冇出声）炸魚皮okay既,放落湯浸食自己喜欢較厚粉個種炸蛋皮okay, 肉質非常厚實,味道okay. 如果加多d浸湯時間可能口感更好,魚湯味更甜.淡有淡好,（旺角XX香好夠味,淋滑,但真係重味,又油又咸）所以这種清淡厚實,加上店員態度,真係食得出良心.再外带墨魚条和魚片返屋企氣炸👌真厚實雖然這價錢冇可能什麼驚喜但这種簡單,撲實既味道 香港已愈泥愈少.

每一次想吃粉麵時，都會想起三才，小店特別多了一份人情味三才位於銅鑼灣小巷中，餐廳雖小，但環境十分乾淨，黃黃的燈光特別溫暖。貢丸河貢丸彈牙，有肉汁，還帶些鮮甜味，十分有嚼勁，河粉滑滑的，湯頭鮮甜另加了腩汁，將一碗普通的湯的味道畫龍點睛。墨魚蝦條麵其他地方比較少見到有墨魚蝦條，應該是三才特有，一定要嘗嘗，有墨魚味，還有鮮蝦味，相當彈牙，麵質亦適中，不會太硬，剛剛好。炸魚皮魚皮大塊，鬆脆可口，表面黃黑漸變色，香脆且無腥味，係湯頭到浸一下才吃，特別滋味。腐乳通菜超多腐乳醬，且通菜翠綠爽口鮮甜，吃粉麵一定要配一碟菜。最後當然不少得兩杯餐飲，凍檸茶及熱柑桔，為簡單的一餐有一個完美的結局。😋

睇完網上報導講係有工場自製魚蛋咁就想試下用 真魚做既又係點魚蛋無咩特別ok彈牙不過無咩特別香魚味牛肚就有咬口香既牛丸(黑椒味)個咬口係少有既琳身😲🤨不過有點鹹蝦餃正常發揮結 : 個人覺得牛肚係比較好#三才

平日1945到場，排左25分鐘。1. 排隊先落單，好既2. 魚旦馳名，有魚味而比想像中彈口3. 牛雜+牛筋，夠腍，味偏淡欠缺五香味4. 湯底唔重師傅5. 大才好nice，未有因為小店出左名而有型值得一提落單uncle--語氣夠重，有忠氣--講嘢冇尾音，夠直接事例1: 落單uncle送上食物話牛筋米，我點頭示意唔該放低可以勒。uncle話: 你講係啱我先放低(忠氣直接mode)。佢動機好既，禮貌唔算有。我只奇怪唔知一定要答(啱呀Bingo)先有得食。事例2: 排隊中有兩大一小家庭，附有BB車大汗疊細汗。uncle問: 喂你架車收唔收得架？(忠氣mode, 今次有尾音)，然後媽媽弱弱的乖巧回應: 收得架唔該。uncle解釋一番然後以勝利姿態轉身。香港人小店當然值得支持食物質素固然重要服務態度都不能忽視，當然知道唔會有五星級酒店既服務水平，就係因為小店先咁多人黎排隊捧場。要有基本禮貌同尊重。

下午六點幾去到魚蛋已經賣晒以為平日放工後會冇咁多人點知都係排長龍排到我嘅時候炸魚蛋都賣晒只係剩返片頭🤣🤣片頭超好食☺️☺️☺️☺️咬落去勁彈牙👍🏻本身對於片頭不太大興趣嘅我都忍唔住食完一舊再一舊🤤🤤菠菜餃食落去就一般般仲有一陣酸酸地嘅味因為冇晒河粉嘅關係我叫咗米線米線可能煮耐左食咗半碗麵就已經放棄咗湯底方面相對鮮甜 ☺️☺️的確係冇加味精飲落去仲有少少魚香嘅味另外 點少得炸魚皮🤩🤩🤩配合埋個湯底 簡直係絕配魚皮相對厚身 但係點少少湯底一齊食就非常之合適

墨魚蝦條鮮蝦水餃米線 ($41) (6.5/10)🍤墨魚蝦條入面食到有墨魚粒同蝦粒，但莫名奇妙地加左三色豆，講真唔係太夾。食到青豆果下真係想喊😪🥟鮮蝦水餃就不過不失，入面嘅蝦比較細隻。🍜米線就非常滑，自動滑入喉嚨咁滯。整體略為細碗，下午茶就差唔多，晚餐就唔係好夠。另外，原來三才仲有搞小店團購，每星期都會有唔同嘅野食可以訂，見之前有蛋糕，面包，點心等等，望落都幾吸引，如果係銅鑼灣返工不妨留意下。

是日午餐淨牛什 $75魚片頭魚旦河$38之前系 YouTube 睇左條片，諗住去支持本地小店，排隊大約十五分鐘。聽聞魚旦是「三才」每日親自手打，唔知系唔系人多，好似有少少失水準，魚旦冇魚味，湯底就有魚湯味，牛什味道偏鹹，味道一般。

今日食墨魚條米粉，下午茶仲可以揀小食或者嘢飲，不過魚皮成日都送晒，唯有揀嘢飲，然後再加一個正常魚皮。下午茶送嘅魚皮同埋正常嘅魚皮，就係份量唔同，大概爭一倍啦，不過好鍾意食呢度個魚皮，所以一定會叫嘅，浸落湯會有咋渣聲㗎，浸一浸，就已經好好食，好脆好香口。墨魚條米粉，墨魚條非常之彈牙， 1分鐘會有少少蔬菜，鹹味啱啱好，一碗有四條，非常之抵食，有時會外賣返屋企，加餸。配埋杯凍檸茶，真係一個好豐富嘅下午茶。

三才魚蛋粉麵銅鑼灣充滿嘅餐廳琳琅滿目，越開越多，越開越新穎豪華。但唔好忘記橫街小巷入面傳統嘅魚蛋粉麵店。分分鐘令你搵到片刻嘅寧靜，搵到一直努力嘅初心。墨魚蝦條拼牛腩米線鮮炸腐皮墨魚蝦條， 釀入口感彈牙嘅鮮蝦墨魚，加咗粟米粒，增加清新嘅層次。牛腩肉質鮮美，口感軟腍。我更可以選擇轉米線。廚師加入蔥花，蒜粒，以及菜心，令營養更豐富。凍檸檬菜蜜九月香港夏天溫度又破紀錄，令涷飲特別吸引。凍檸檬菜蜜，解暑又滋潤。一口米線一口冰凍飲品，十分享受。

講起香港嘅地道美食，「魚蛋粉」一定唔少得，要喺眾多魚蛋粉中突圍而出，食材嘅講究就係關鍵所在🥴 多次到訪銅鑼灣嘅「三才」，每日新鮮手打魚蛋，原塊炸魚皮更係令人一食難忘🤤《 牛腩牛筋河 》 4 / 5除咗魚蛋之外牛腩牛筋亦係好多食客摯愛👍🏻 牛腩入味肉質好嫩好綿唔柴口；牛筋亦好彈牙有勁道😋 湯底雖然加咗腩汁，但仍然唔會油膩，仲帶點清甜😋 加埋秘製辣椒油，份外惹味🤤《 炸魚皮 》 5 / 5 🌟🌟🌟🌟🌟必食炸魚皮，完整一大塊咁炸所以片片都手掌咁大👍🏻 而且確保每片都脆卜卜，而且無油益味，食得出嘅新鮮👍🏻🤤 《 腐乳通菜 》 4.5 / 5好抵食，通菜新鮮葉嫩翠綠😋 腐乳亦好鮮甜👍🏻除咗堂食之外亦有好多人外賣配料作火鍋之用，例如手打魚片、韭菜餃等，價錢亦都好親民👍🏻———————————————🏠環境舒適度：外賣自取🥡👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度：💛💛💛💛———————————————

銅鑼灣行街行到lunch 都冇食，見唔算太餓所以簡單吃個魚蛋粉, 每次黎都係有條小小的人龍排隊，男女老幼都有，魚蛋粉真係老少咸宜呀。雲吞魚蛋片頭麵-雲吞好足料，蝦肉大隻又爽口-魚蛋真的有魚味，有微微胡椒粉調味過，唔係超大粒個隻但好彈牙牛腩麵-牛腩好淋滑，唔係最肥嗰啲位置但唔需要點咬，欣賞！-個湯底好清甜，食完個麵都唔口乾下午茶時段另外加的-魚皮：大大塊，十分脆口！微微有胡椒粉調過味。如果餓啲下次一定會叫淨魚皮-時菜：呢度係一人份量，蠔油菜心，抵食

銅鑼灣數一數二人氣魚蛋粉麵店，無論什麼時候來到都是滿店狀態。下午茶時間有魚皮/熱飲或者油菜送，銅鑼灣鬧市這個價錢這個質素邊度搵？是日例牌照舊點了牛腩米，三才牛腩汁特別濃郁，牛腩肥瘦均勻，一點都不韌，配上特製辣椒油就最滋味！鍾意的話更可以買一罐回家慢慢享受魚皮炸得鬆脆，口感不會硬繃繃！話雖如此贈送，但份量都不會馬虎。腐乳通菜個醬冇得輸，有淡淡酒味，非常之香牛腩魚蛋魚皮撈粗比想像中大份，女仔的話兩個人都可能夠食，粗麵非常有咬口，好煙韌。牛腩好似牛扒咁大舊，肉質入口鬆軟，而且非常入味，必定用了很長時間熬制一邊用餐的時候，一邊都有客人買馳名的魚蛋魚片，而的確三才的魚蛋及魚片都非常彈牙，而且魚味十足，推介必定要試！