三餐冰室

营业中

休息中

上次男朋友推介就去呢一間餐廳食飯😉見到喺OpenRiced人介紹呢一間餐廳真係好好食，於是就走咗去放鬆下！加上，呢一度成個感覺都好舒適！⭐無骨海南雞油飯意外地有啲驚喜，質地相當鮮嫩，好juicy，咬下去好有滿足感，有驚喜。

《尖嘴厚切碎牛滑蛋多士》一日之計在於晨、食到個好嘅早餐、全日都好會銷魂😂😂😂今日颱風襲港、相信好多人都留喺屋企食早餐😏小弟梗係post下早餐引誘大家啦😌😌😌小弟平時都會食粉麵做早餐、但係間中食下多士蛋治都非常唔錯😋😋😋《碎牛香蔥炒滑蛋治烘底》貌似好簡單、好多茶記/冰室都會識做嘅野⋯但好多店都唔會用心做這道菜式⋯這間冰室暫時做到我所需要嘅要求😂😂😂不枉小弟經常encore😎😎1.）多士夠厚、而且要烘得啱啱好⋯牛油不要太多! 麵包食落嚟有少少彈口就完美😋2.）炒滑蛋顧名思義要夠滑! 夠香！而且適量放入新鮮香蔥、令到成份嘢都爽左及香口左😋3.）鹹碎牛肉要放得均勻啲！唔可以一舊一舊！而且千其唔可以有雪藏味! 😎

想食扒好耐啦相就冇影啦 就用文字寫下心得肉眼扒 5成熟 好軟身 幾好食 價錢又唔貴雜扒分量好足 3塊煙肉 1個蛋 雞及豬扒各1仲有條腸 味道就中規中矩啦 符合價錢水準嘅餐湯分量都幾足下 餐包係烤牛油吐司 好好食自問都算大食$128嘅雜扒 冇加飯同意粉 係十分夠食嘅凍奶茶就一般 冇咩特別琴日見Openrice啲人話服務好差係完全唔成立嘅 服務極好 服務員極有禮貌每講一次唔該 都會好有禮貌答唔使客氣都冇大聲吆喝嘅事發生收碟速度都好快啦仲會幫你淋汁提示你小心熱嗰啲絕對會再食一次

喺尖沙咀剪完頭髮，好肚餓，想搵下午茶食，咁啱經過呢間三餐冰室，望到下午茶餐牌正有我想食嘅茶餐，價錢又相宜，所以就入去坐低咗。員工服務態度良好，好快就替我落單。點了司華力腸加沙律再配凍檸茶。凍檸茶茶底香濃，好快就俾我飲咗半杯！茶餐上枱，司華力腸好味，個沙律特別出色，好好味！其實落單後見到有招牌肉醬熱狗，好想食添！其實冰室餐牌非常豐富，好多樣嘢都想試，例如焗豬扒飯、喇沙、常餐⋯下次去開尖沙咀又去食嘢先！

🤑 西多士 $38 🤑 焗豬扒飯 $72 ———————————————🌟 西多士 $38 🌟呢度嘅西多士係我食過嘅西多士入面，最最最大塊😍 睇落用左超級厚嘅麵包炸，中間搽左滿滿嘅醬，真係好邪惡🤣 西多士炸得啱啱好，唔會太硬，又非常juicy😋 睇嚟又要跑返10個圈先😂🌟 焗豬扒飯 $72 🌟焗豬扒飯望落同普通茶記差唔多，但其實內有乾坤。豬扒肉質鬆嫩，炒飯本身炒到粒粒分明，蕃茄汁可能係秘製，同豬扒加飯好夾👍🏻———————————————評分🔖 (5⭐️為滿分)味道：⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️衛生：⭐️⭐️⭐️抵食：⭐️⭐️⭐️⭐️回購？會😋✅———————————————🚶🏻‍♀️ #youngcfood_hongkong🚶🏻‍♀️ #youngcfood_tsimshatsui🕵🏻‍♀️ #youngcfood_hongkongstyle———————————————📍三餐冰室📍尖沙咀漆咸道南115號達成商業大廈地下 👣 港鐵尖沙咀/尖東站 P2 出口, 步行約8分鐘 ...#hkfoodblogger #hkig #discoverhongkong #hkfoodie #instafollow

情人節都要返工. 今日經過見到呢間三餐冰室唔係多人，咁就入去食個晏啦，因為呢間冰室平時食晏都好爆，可能而家好多人wfh，所以冇乜人！入到去叫左個生煎肉餅飯$56,包埋杯嘢飲！聽講呢度奶茶出名，就叫杯熱奶茶試下！個肉餅飯味道ok好有屋企味道，但乾咗少少，可以能我本身大食，份量就差少少，而杯奶茶茶味夠濃，唔似出邊茶記果d奶味重，整體味道環境都唔錯，服務正常，下次工作經開可以再黎食

情人節 收工行過尖沙咀 見到Donki好多人 見到鋸扒外賣 仲有九折添😀 咁我哋唯有返屋企燭光晚餐啦 間餐廳啲嘢食幾好食 外賣都好快 間餐廳裝修都幾舒服 有家嘅感覺 如果開返堂食之後會捉男朋友再試🥰

話說我喺三餐冰室都算是常客，這一年因為自己都喺尖沙咀工作，因為那邊早餐都比較少選擇，無奈都食咗接近一年，因為一個男職員，令我激到要寫食評，我寫食評之前睇過其他食評，原來有位男職員態度真喺十分之差，喺差差差度極點，我曾經都見呢位男職員對其他客人無禮，有次都想出聲，叫極唔理，直行直過，說話好似喝你咁，好無奈最終都發生喺自己身上，激鬼氣寫食評希望你公司關注一下你既情況，首先我想叫野食：等陣呀！一喺就直行直過唔理人，我想叫野食姐，想飲杯水姐，想埋單姐，真喺越唸越嬲，希望你公司會跟進下，其實行遠少少都有野食，唔需要黎受你氣，睇你臉色，都唔明點解你老闆會請你，三餐冰室個牛肉蛋治，厚切餐肉OK㗎，可惜這位職員真喺唔OK

我一入到去，首先問佢仲有冇早餐？ 個cashier男侍應答完我冇之後，就好似男社會咁問我係咪堂食，暗示我要安心出行先！大佬、遲一秒使死咩？ 好多餐廳都係位有code, 而且你可以有禮貌咁叫人登記！呢啲服務態度真係差到極致！ 我即刻走人！ 尖沙咀咁多餐廳、而且你只係一間茶餐廳，野食冇咩特別，只係當日我唸住食完早餐去科學館，近我落車位置就入去試下、 為免影響我全日心情，我二話不說就轉身走人、我唔知佢係員工定老闆，但咁樣對客人，你等執粒啦！

嬲到要寫第一個食評。第一次嚟買外賣，收錢阿叔會大聲喝你攞嘢；攞咗外賣行咗幾條街返到去先發現佢冇分湯，碗米粉變咗撈米。算囉，可能係我冇估到而家都仲會有地方要開聲先至會分湯。第二次諗住好啦，堂食應該冇事，入到嚟11點半左右，見佢早餐餐牌又冇寫幾點完，咪諗住問下個侍應。我：仲有冇早餐？佢指住我：你拎住呢個咪早餐囉！我：（你聽唔明咁我換個講法）你仲有冇出早餐呀？佢：個牌擺喺度咪有囉！講真，咁唔想做唔好難為自己啦，我都唔會難為自己再嚟受氣，再見👋🏻

呢個焗飯唔講得少，新鮮焗起上枱仲咋咋聲。蕃茄汁唔酸有新鮮蕃茄粒，不失蕃茄既味道。加咗芝士焗，有拉絲，味道更加香口。豬扒嫩滑有肉汁，煎過，好味道，已切開，份量足。炒飯底有豐富既蛋味。整體出色。

星期日剛好打完風，十一點約了朋友尖沙咀，時間未到食早餐，經過三餐冰室想一試，就一肚子氣😡入座幸好人不多座位舒適，看完餐牌想點餐就叫一位男侍應下單，個男仔行到黎已經好似不耐煩，想點個麵加香腸和蛋，對於一個侍應生來講是否很難理解🤔？我講了三次，個男侍應就黑曬口面好像聽不明我講，之後吾理我轉頭走左，我呆左，非常無奈，請問這間什麼餐廳？？？想點早餐，講三次你發脾氣轉頭走，你吾想幫我落單可以講一聲我可以吾食。最後穿黑色制服應該是經理男仔幫我點餐，還有這位經理在旁邊看到員工不禮貌對客人都不理！好過份！請問點個餐要看你員工不耐煩黑曬面，轉頭走去不理你，還會再次光顧嗎？食物質素普普通通不過不失，下次不會光顧，未食已經受氣。😡😡😡

今日一早諗住去三餐冰室食個早餐之前食過，都覺得佢哋嘅沙爹牛麵好值得推介。趁着假期，又好似好耐冇去過，就去食個早餐。嗌咗三份早餐，起碼食剩一半首先講講餐肉麵，由於本人比較喜歡吃比較林的麵侍應奉上的，是起碼有兩個麵份量的麵，但食落去就知賴嘢啦。餐肉完全冇煎過，仲要凍嘅。咁不如我自己返屋企食算啦。再講沙爹牛麵，真係未食過質感像擦膠的牛肉，沙嗲醬可以無味嘅。食物嘅味道再加上侍應嘅態度，真係只可以用消極同惡劣嚟形容。三個早餐盛惠$120。買單嘅時候原來發現附近嘅食客都剩低好多面同埋餐肉，其實係唔係就嚟唔做呢？

食物 - 味道不錯，可以經常食，多選擇，焗飯最有水準。服務 - 我經常去幫襯，其實堂食時發現食客唔做登記唔做安心出行直入，唔帶口罩又有，疫情都兩年，有啲公徳心，員工提你又話人地服務態度唔好，自動自覺啦香港人。另外食早餐觀察到大家叫餐係唔鐘意睇清楚人哋嘅配搭，亂叫一通，提醒你又開始西面，顧客永遠是對的呢句過時㗎喇，將心比己，唔好成日命令式叫餐，地位對等，自不然會減少爭拗。效率 - 效率同食物水準一樣，外賣最好電話叫定先，因為中午時段真係排到出門口。

來到尖沙咀趕住上堂，已經18:00左右都不抱有食下午茶既希望，係門口問下，果然沒有。問埋有冇單點腿蛋治，有既有單點，即刻坐低。阿姐都唔止重覆一次叫我點晚餐，有啲不耐煩。坐埋位有menu喎， 但冇寫單點蛋治。即刻舉手問，單點幾錢，阿哥仔話$30，包中芝士，我都聽到一舊雲，總之理解話包芝士。我咪講，menu 冇寫我唔明，我個下真係聽到一舊雲。總之點左個腿蛋治啦，menu 又冇，我點知原本個稱號係咩呢？其實個場呢， 一半場都唔夠既。我一食完九秒九收碟， 當你驚full啦，無所謂。但全程個氣氛都唔好既。我亦都不客氣，行去俾錢都木口木面。不過 蛋治係好食既，心境平靜既人，可以去品嘗食物啦。我離開時間應該是18:20左右，因我18:25已行到去斜路7仔。張開檯單，唔知點解17:50，應該個鐘慢左啦。我17:50仲搭緊車