三餐冰室

营业中

休息中

大熱天時夏天去請三思!!!真係熱到食唔到!!!呢間餐廳冷氣好熱好唔夠呀，可以食到出晒汗，最慘我不能飲凍野，仲要叫咗杯熱，飲都飲唔到。。。。講真我都幫襯過幾次，好心同你哋反應餐廳冷氣真係唔夠同好熱，杯熱飲想轉外賣杯，阿姐員工話咁轉外賣杯要多收你一蚊，我明白同客人講收錢係你老闆要求我亦都無所謂(只係一蚊姐) 但係唔係可以聽下客人反應同意見而唔係只着重收個一蚊…食物方面以茶餐廳來講是還可以的，但女員工態度同環境體驗來講還有待改善

港式冰室開到成行成市，愈開愈多分店質素就每況越下幸好三餐冰室黎親每次都keep到水準！精選晚餐會定時轉換。經典系列都有好多野想食，可惜眼闊肚窄！鐵板餐揀左忌廉湯，勁多蘑菇。唔會好稀或唔夠味，便得唔錯！牛油多士夠厚，外脆內軟。鐵板雜扒餐$118有豬扒、雞扒、火腿、腸仔、煙肉及太陽蛋 岩晒食肉獸 嘅我3種醬汁：黑椒汁、燒汁、蒜蓉汁薯條經蒜蓉汁吸汁超正！甜酸咕嚕肉飯 $56 老公至愛，三餐嘅咕嚕肉尋日都係第一次食！調味唔算酸，炸皮夠薄、食落啖啖肉～熱香滑奶茶~跟餐免費奶茶用黑白淡奶去沖調，飲落特別順滑。茶底亦香濃。芝士焗肉醬意粉 $68今次嘅肉醬比之前明顯大粒左，整體口感唔會油淋淋！熱檸檬可樂煲薑 跟餐+$8正價$25 每杯獨立煲，足料夠味，驅風必備～

一班人開開心心食個早餐，員工命令式咁樣叫我哋分開兩張枱坐，全店只有三成客人但諗一諗揀一揀邊一張枱都唔得，之後全店兩個員工全程黑面…食物質素一般,尖沙咀太多其他選擇,以後一定唔會再幫襯…..

I’ve been to here a few times before.The staff was very friendly and accommodating.This time is different...not friendly and accommodating...The staff put on money on tray when I checkout...so dirty...tray...because,the tray carring food and drinks...wet...(To pay back)I was dissapointed it...

尖東這附近餐廳不多，想隨便吃點東西，經過這間就進來吃個下午茶。叫了一個三餐炒飯（餐肉粒、蝦仁、菜粒）$48，一個煎雞扒煎蛋麵 $40。炒飯賣相不錯，下午茶份量適中，都炒得幾乾身幾香。煎雞扒煎蛋麵就是正常啦，沒甚麼特別。以下午茶來說價位也不低，未必會特意來吃。不過聞到隔離枱吃鐵板餐的香氣，也幾吸引的，可能會來試一試。

身為常餐之鬼終於要出第❶個常餐POST啦！唔知有冇朋友同我一樣次次去茶記最想食嘅都會係常餐A，唔要通粉只要米粉，炒蛋，檸茶走甜，缺一不可。咁啱經過位於尖沙咀嘅＼三餐冰室／就去試下佢。炒蛋多士🍳可以揀雙蛋/腿蛋/腸蛋，今次我揀咗炒雙蛋。炒蛋食落似冇加cream/奶，好純粹嘅蛋味，感覺健康啲。多士係兩塊厚身多士嚟，幾有誠意，略嫌唔夠脆仲可接受～火腿米粉🍜望落好似淡矛矛冇味但食落個湯底都ok，比較清，唔會食完好口渴。沙嗲牛麵🍜男朋友食嘅沙嗲牛麵牛肉頗多，沙嗲醬食到有花生粒粒，唔錯。常餐$48凍飲加$3。價錢可算接受。

今晚收到要OT嘅消息，咁樣當然要先食飽再做啦，一想就係平時食早餐嘅三餐冰室，平時都係主要食早餐，快靚正！今晚本想食個鐵板，見到都好大份，但怕太飽，同埋又見到餐牌內嘅中式客飯都好吸引，有我最愛嘅粟米魚柳，就係咁選了！個餐本身就已經配有紫菜湯同白飯，而份量絕對足夠！上枱粟米魚柳、湯、飯一齊來，大大碟嘅粟米魚柳，在香脆嘅魚柳上淋滿了粟米汁，一啖煙韌彈牙嘅白飯加一啖栗米魚柳，堅正！而個紫菜湯亦十分足料，湯內啖啖都有紫菜之餘還有煲湯瘦肉，一樣好味！最後加埋杯凍檸蜜，冰凍涼快爽！食飽就回公司繼續！

平時行開附近想便宜啲食過飯我都會來這裡，正如餐廳名字一樣，一日三餐都有唔同嘅配搭！今次就係食晚餐，餐廳真係有好多選擇，中式套餐，炒小菜或西式，同鐵板都一應俱全！喜歡食肉，這個鐵板招牌牛柳餐，已包餐湯跟牛油多士同餐飲，現在推介緊啤酒，跟餐加多$28，就可以點，當然食鐵板就跟埋啦！餐湯是是日餐湯忌廉湯，夠晒濃郁，配埋塊香脆牛油多士，真係一個唔錯嘅前菜！主角就係個鐵板招牌牛柳，上枱時先一併跟上了自己選擇燒汁，即場淋上去嘅感覺先至似食鐵板嘅感覺！"炸""炸"聲嘅感覺特別有Feel!，而個招牌牛柳有兩大件在鐵板上，感覺超值夠晒分量！而切開內軟仍然充滿肉汁，再在鐵板上煎一下，入口軟熟嫩滑之餘，牛味還夠晒濃郁，還有大大條薯菜跟上，配埋燒汁入口亦十分好味道！今晚胃口好，追加一份法蘭西多士，最緊要係醬多，呢個製作需時，即炸上面有塊牛油，在剛炸好多醬嘅西多上溶化嘅感覺真係夠晒吸引！厚身多士加埋多醬嘅口味真係令人滿足！三餐都可以在這裡解決!😁

放工已經好肚餓，決定去公司對面食咗晚餐先再搭火車，三餐冰室可以話係我平日返工嘅飯堂，質素唔差價錢又抵，時不時仲有新菜式。鐵板雜扒餐 $118一入門口就聞到香噴噴，決定食鐵板扒餐，雜扒夠晒豐富，可以一次過滿足晒唔同嘅願望。豬扒、雞扒、火腿、腸仔、煙肉及太陽蛋，食肉獸勁開心，扒類肉質鮮嫩，味道濃郁，配搭黑椒汁夠晒惹味。薯菜有我最鍾意食嘅粗薯條，再飲埋個忌廉湯，口感 creamy, perfect 池。熱檸水，去油解油膩。

平時行街之餘都會周圍去食嘢，今晚都唔例外去咗漆咸道南呢間三餐冰室開餐餐牌除了多款美食推介外，都有D另類美食提供，先點了蔥油撈麵嘅其中一款煎蛋豬扒蔥油撈麵，加$12可配羅宋湯或是日餐湯及牛油多士，當然要點埋佢啦而且係咁熱天氣一定要飲杯嘢，家陣都有啤酒供應跟餐俾多$28就有得飲Asahi一枝凍冰冰飲落透心涼，之後有厚切香脆嘅牛油多士，再飲啖濃郁又足料嘅羅宋湯等多一陣煎蛋豬扒葱油撈麵終於有得食賣相十足，先食啖撈麵入口蔥油香味又撲鼻夠晒滋味煎豬扒香脆可口沾滿香葱蒜片，肉質嫩滑滿口油香，仲有咁多塊豬排超抵食，再品嚐埋另一款係招牌菜之一鐵板雜扒餐有豬扒、雞扒、火腿、腸仔、煙肉及太陽蛋，連餐湯同飲料，鐵板餐配汁點黑椒汁咁食先惹味食落啖啖肉汁夠晒滿足，一邊繼續品嚐餘下冰室美食。

今日黎到哩到食飯，見佢裝修幾特別，又有啲得意嘅公仔佈置，感覺係唔錯嘅，有啲好親民嘅感覺 👍🏻一睇menu，覺得好多都好啱口味，樣樣都想食 😋而最後今日試咗：⭐️ 白汁雞皇飯⭐️ 滑蛋叉燒飯⭐️ 黑牛其實嘢食係正常嘅，本來一黎到，以為哩到會成為其中一間飯堂，但係衛生問題真係有待改善…雖然地下同枱面都係乾淨嘅…但係當食物送到枱果陣，見到碟邊比較污糟… 明明係白色嘅碟，會見到灰色嘅積喺碟邊，清楚見到侍應嘅手指模…習慣食嘢之前都會抹一抹餐具… 但喺餐具盒入面揀左4、5隻匙羹先揀到兩隻出黎用…啱啱講到，枱面係乾淨嘅，但係佢枱嘅設計，係用玻璃鋪喺枱，攝住啲menu..雖然唔係好明點解會有條米線攝左喺枱同玻璃之間… 但係可唔可以拎返起塊玻璃抹乾淨佢… 🤢🤢 因為一邊食嘢… 一邊見到有粒蟲仔食緊條米線…如果餐廳入面已經可以見到哩啲咁「乾淨」嘅畫面… 好難想像廚房係點樣… 🥶最後覺得愈坐愈唔自在，食到咁上下… 埋單閃人…如果，佢衛生情況好啲嘅話… 真心會想再黎哩到食嘢… 😬

去完Church，難得可以出嚟聚會，同朋友到旁邊冰室再坐一會，傾吓計食下野。經典系列XO醬海鮮炒意粉 $66剛剛好接近晚飯時間，好耐都未試過食冰室風味的炒意粉，特別有鑊氣。XO醬惹味十足，海鮮足料又豐富，大蝦青口鮮味彈牙，炒意粉夠乾身，水準不錯。雪糕紅豆冰跟餐加 $12，老香港情懷，大大個雪糕球，香滑紅豆冰，讚啦！中式客飯梅菜蒸肉餅 $68朋友走傳統路線，喜歡中式菜式，好耐無返阿媽屋企食飯，佢點做梅菜蒸肉餅，果然有屋企嘅味道，口感適中，鹹香味俱全。配紫菜湯&絲苗白飯，清淡得來夠健康。Asahi有菜當然有酒飲，Asahi 啤酒跟餐都係$28，男人的浪漫呀！

好一陣無黎三餐食野了，今日見無乜雨就出黎行下，順路又過左黎食。熱熱地叫支啤酒飲下先，跟餐+$28，呢個價有支冰凍啤酒都幾抵飲。另一個餐就要左凍檸茶，檸茶幾香無苦澀。朋友叫的鐵板餐有餐湯同多士送，個餐湯超大碗，粟米忌廉湯好滑，多士塗了牛油烘的香脆，食完都飽飽地啦。朋友叫的鐵板肉眼牛扒餐，嘩嘩，都幾大塊喎。醬汁揀左蒜蓉汁，淋落個鐵板都就聞到好香蒜蓉味啦。塊扒好厚身都幾有牛味，啖啖肉幾正。自己點左太陽蛋免治牛肉飯，肉醬酸酸地好好送飯，飯同肉醬都好多夠飽肚。仲有隻靚靚太陽蛋，蛋汁撈飯好好味。覺得硬係唔多滿足又叫左份雪糕西多士，賣相幾靚吖。多士厚切，內裏係花生醬餡，炸得香脆，一冷一熱好好味，有甜品食好開心吖。無黎咁耐餐廳無乜變，食物選擇多左，味道依然咁好食。

三餐簡單滿足，願每天三餐都能陪著你心裡的那位，這定三餐冰室概念不錯有心思。就是最前線把關應該可以做好點，多點禮物少點惡聲。下午途經漆咸道見到這家三餐冰室，裝修好有七十年代香港寫照就入去食個午餐。午市套餐粉麵飯選擇都頗多，我決定來個 E 餐「雞扒喇沙湯米線」🍴點知送來是一碗 「羅宋湯午餐肉螺絲粉」見個樣都幾吸引算啦！羅宋湯又幾香濃夠茄味，酸甜開胃，勁多勁大粒午餐肉口感十足，整個餐算滋味。☕️熱鴛鴦 奶茶味香，咖啡是用即磨咖啡的，味道有點新不如舊感覺。前面我所講的是在收銀處結帳時，對方表情我都不理，勁粗不耐煩語氣「用八達通啊！」😡使唔使咁惡，好食都唔敢再去。

行完科學館勁肚餓 拿拿聲過對面黎個抵食下午茶🥳🔸法蘭西多士伴雪糕（粗粒花生醬夾心） $42大大件 西多士厚度香度都剛好 邪惡醬也很多🔸煎雞扒蔥油撈麵 $42雞扒很滑 但葱油太重味 食食下會偏膩🔸三餐炒飯 $48都係偏重味 感覺就有點帶燶 但份量多 抵食既🔸凍華田 $3大大杯 亦夠晒味🔸椰汁紅豆冰 $12🔸雪糕紅豆冰 $12個人覺得呢杯抵嗌過椰汁紅豆冰 都係果個底個多球雪糕😂份量足 喪嗌埋單都係1字頭 滿意既 下次去完呢邊應該都再黎開餐～