上勝日本料理 (昌隆工業大廈) (已搬遷) 新店位置

今晚到荔枝角D2 Place shopping, 逛完之後就在附近覓食，揀咗長義街嘅《上勝日本料理》。店舖面積不大，裝修別具日本風格，座位略為擠逼。蒜香和牛粒飯 ($88)上枱，賣相吸引，和牛粒入口鬆軟，肉味濃郁；再配上爆香的乾粒和洋蔥，滋味很好。蒲燒鰻魚飯 ($88)，因為即叫即燒關係，所以要等多15-20分鐘，不過鰻魚塊並不如想像中肥美，味道一般。我哋仲加咗HK$15，要了沙律及味噌湯，普通貨色。呢度啲飯，貌似日本米，但食入口，絕無日本米嗰種綿密細膩嘅口感，令人失望。同埋食店通風系統不佳，食完之後滿身有油膩味道，極需改善。

早幾日行開荔枝角D2附近，見到一間岩岩新開既日本餐廳叫（上勝），心諗想食譚仔既我，🤔見到門口傳單上 寫住（江戶前赤酢）製作壽司飯及放住一個海膽手卷既相吸引住😋就令我諗返起今年女朋友生日去食廚師發板$1xxx/位 都係食呢種壽司飯😋女朋友一見到呢個海膽手卷就即刻話要試。當入到去間舖既裝修都幾特別。由其係副牆貼，本身我有養開小丑魚，一見到副牆貼有小丑魚就覺得比較親切😊之後當一坐低既時候，員工非常窩心，佢一見到我有個背囊，就即刻拎個籃子比我放低落個籃到。加一分👍🏻之後坐低叫野食，Menu都非常多野食，岩晒我同女朋友口味，首先當然叫左個 海膽手卷(加倍)$88，價錢都算合理，女朋友叫左蒲燒肥厚鰻魚飯（大盛）價錢$98，我就叫左個上勝特盛丼飯，價錢$188。等緊野食時，隔離枱有位客人問店員 點解啲壽司飯係黑色既？店員回答：呢啲係（江戶前赤酢）製作既壽司飯 要經過煮製 之後撈壽司飯 成本幾高，出邊一般用白菊酢所以白色。我心諗唔怪之得廚師發板 咁貴啦。😂我啲嘢食 到啦😂，首先係丼飯，有牡丹蝦，海膽，拖羅蓉，三文魚，油甘魚，帶子，魚籽，玉子同拖羅，竟然可以有9款食物岩晒我鍾意乜都叫而眼寬肚窄既人。眼見

呢間開喺荔枝角嘅日本野，男朋友話想試，咁我就比次機會試一試啦！間鋪嘅裝修都幾有日本風味，同埋睇一睇個Menu都幾多類型嘅嘢食，有壽司、刺身、燒物等等，有少少似放題嘅Menu，不過呢度係冇放題食嘅。我嗌左一個海膽刺身飯，男朋友就嗌咗油甘魚刺身飯，價錢唔係好貴，唔使$100。海膽刺身飯就普普通通啦，因為個海膽應該係韓國海膽，所以味道就冇乜特別。不過比較加分嘅係佢個帶子好好味，好新鮮。其實佢嘅海鮮都係比較新鮮嘅。男朋友嘅油甘魚飯都幾好食，偷食左佢一塊油甘魚，超級新鮮好味，好想食佢個碗！我哋仲嗌咗炸餃子同埋炸雞翼，個雞翼有少少似翠香雞翼，不過兩樣嘢食落個味道都好似，不過不失。埋單要$224 ，覺得有少少貴，不過咁嘅價錢食一餐日本野又差唔多嘅，作為食過唔少日本嘢嘅架妹，深深咁明白咩係一分錢一分貨，如果下次有機會會再嚟食多次油甘魚飯，haha

黎過呢度都唔知幾多次喇，主要係因為近公司，有時lunch過黎都方便，有時宵夜都會過黎食~可能多人介紹左，所以而家黎食都冇以前咁多位，7點鐘過黎都要等左一陣~入到去見到都有新既刺身丼飯 即刻二話不就叫黎試試 上勝三色蝦丼😍😍上到枱 嘩左一聲😱😱滿到😁😁😁以呢個價錢黎講，我覺得呢碗魚生飯真係性價比高！飯嘅份量多，飯係加左赤醋，個人黎講好喜歡。份量都幾多架，主要係燒龍蝦、牡丹蝦同甜蝦，近乎同個飯佔哂咁濟，超新鮮食得非常滿足。整體黎講，真係覺得上勝好值得推介大家，水準較高👍👍

放工搵個舒服地方食個晚餐😄！荔枝角呢間日本料理。三人行，大家都選左魚生飯同燒物🍣特上海膽刺身丼，有魚生厚切啖啖肥美，海膽鮮甜一d都唔腥，蝦刺身超大隻夠哂鮮味，玉子蛋好幼滑蛋香濃郁。淨食飯上面的剌身都飽晒😋。壽司醋飯食落，比較特別落咗江戶前赤醋，配日本米每粒都黏黏既效果👍🏻油金魚鮫食落魚質很滑 多油份 配合埋柚子酸汁 無得頂👍👍😍黑松露廣島蠔 炸得非常之脆口 食落蠔都大隻 正👍👍雖然晚餐會比午餐貴，但水準依然很高，坐得舒服下次想試那個極上拖羅丼飯 好吸引😍😍

放工見餓餓地，見到尼間有人排隊，心想應該都唔會太差，所以就排埋一份，點知完全系中伏。。。先講服務，我地排左一陣隊，見走了幾台人，但完全都冇人安排外面排隊的人入坐，跟著我地走入去問個侍應，佢話唔記得左有人排。。。坐底後完全冇比水or茶。。。最後埋單又出錯，點解電腦入單電腦出單都可以出錯跟住到食物，第一，魚生唔夠新鮮，仲系薄切，第二，海膽系冇味的，再試個蟹膏，味道勁淡，第三，個壽司醋飯竟然系醬油飯。。。這樣的價錢，唔會再有下次

附近做野行過見到有新開食店， 而且係日式魚生井， 當然要叫埋同事去試新野啦！店舖坐位不是很大， 全店約30座位甘上下， 有各式各樣既魚生刺身井， 又可以自選魚生料， 麵食定食都有。我地一班同事就俾佢menu個極上海膽井吸引左， 見佢有海膽, 帶子,刺身蝦同魚子都只係$80， 當然要一試啦！極上海膽井海膽- 份量不多, 約有1~2片 (鮮甜可以)帶子- 2片 （是1只cut 開成2片）刺身蝦- 1隻 （正常size）魚子- 約有1湯匙角切蛋 - 約平時2片玉子份量以$80 可以同時食到海膽，帶子都可以接受， 海膽份量還可接受，但帶子只有2片薄片有點過少， 同時飯既份量吾多，應只有大半碗的份量， 對於比較大食的人或男士確實有d 不上不下既感覺!同事叫了鮑魚蟹膏井 $168 ， 有鮑魚,蟹膏,蟹鉗,帶子同蟹肉，同事回應只是一般另外此店用的是外賣碗 而不是瓷碗（但同事的$168井是用 瓷碗， 這點又攪不清是否貴價的用瓷碗， 而相對平價的用外賣碗），有點不對勁， 一不就全部用外賣碗， 一不就全部用瓷碗， 不要介分平跟貴價， 畢竟$80 一個井都不是平價吧!

係荔枝角呢個旺中帶靜嘅轉角，有著呢間上勝日本餐 ， 裝修設計風格特別 日本風 聞說鰻魚飯做得出色、又抵食，唔係朋友介紹都唔知，今日就特地由長沙灣行前少少，嚟試試美食🤗🤗午市比較繁忙 等左5分鐘到就入去坐低，主打刺身丼飯、手卷、燒物 見到鄰座嘅嘢食好吸引之餘，個價錢簡直係心動價💖💖，燒物$20、30起、一個手卷$20、30，丼$60起👍🏻👍🏻但無加一😍燒鰻魚係我嘅至愛，但鰻魚已經升價得厲害，難得百四蚊有找食到原條鰻魚，仲係製成品，點可能唔試🤤🤤一啖食燒鰻一口，由衷嘩一嘩，好耐無食過咁厚嘅鰻魚啦💓💓💓💓真係又肥又厚👍🏻無得輸！除左大件，肉質鮮嫩，醬汁調配啱啱好，再配一口熱辣辣嘅飯食，太美味了。下次會在黎過食😍😍

今日中午行過荔枝角見到新開日本餐廳而最令人吸引既係當中既龍蝦手卷!!!❤️超美味燒龍蝦手卷，到手既時候原條龍蝦已經起左肉好貼心😻即燒火炙龍蝦焦香味十足😋👍🏻而且食到底都仲有😛配合佢地獨有既龍蝦汁更能帶出龍蝦鮮味👅呢個手卷最特別既地方在於採用赤醋做手卷飯成本比較高之餘亦夠味，不需要額外加壽司豉油享用，方便邊走邊食的朋友。龍蝦啖啖肉夠鮮甜，再加上有火炙過香味，🍚冇普通醋飯咁酸之餘味道仲幾豐富🔴八個八大洋抵唔抵食見人見智😌不過真心好食既路過不妨試下🙉

新開張，門外海膽圖片吸引，沽且一試...侍應哥哥話無海膽以三文魚籽代替...失望...☹️叫了一個北海道刺身丼，中伏......相中的蟹鉗消失了，待應哥哥話會比多D蟹肉，結果蟹肉的份量和軍艦壽司上的差不多，3粒帶子變成2粒，2片上勝蛋變成碎蛋粒，非常不環保的發泡膠碗，即棄豉油碟及餐具，撥開刺身，竟發現白色的壽司飯原來是啡色的豉油飯，味道非常奇怪...真的從未吃過如此難吃的刺身丼，$98吃這樣的東西...不會有下次😞

荔枝角真係好多臥虎藏龍嘅小店，上次去咗燉湯店，經過前面呢一間新開嘅日式丼飯，已經有啲心動，今天晚上大概八時來到，門口仲有幾個人喺度等位，看到餐牌上面嘅圖片，已經好想試。餐廳嘅入口兩旁擺咗好多日本酒嘅就將，而且裝修充滿日式嘅風格，天花板亦都掛上日式嘅掛簾，最吸引視線的，就是大門直望到餐廳的盡頭，是一幅精美的日式的話，完全吸引了我的視線。入口的右邊，有五個望着牆壁的單人座位，就算每個座位的牆上也安裝了一部電視，電視上播放着日本的遊戲節目、日本動畫、香港電視節目等，所以一個人吃飯也並不孤單。一個人吃飯也不孤單。特上海膽丼 $80牡丹蝦加拿大海膽（一格）帶子蟹籽全部食材都好新鮮。牡丹蝦和帶子也比我想像中大。牡丹蝦放在丼飯的中央，非常吸睛，帶子也可算巨型呢。因為很久沒有吃海膽，所以特別加了$40 ，增添了多一格加拿大海膽。加拿大海膽，一點也不腥。特別一提這裏的飯是混合料江戶前赤酢，感覺正宗。希望下次有機會再來試一試午市，他的配搭10分多，可以自選配料，也可以選擇飯的份量，不過對於我這個選擇困難症的人來說，真是有點花多眼亂呢😂這間小店沒有加+1，相信下次還會再來呢。其實海鮮丼，沒有烹調技巧，只需要

其實香港咁嘅價錢食都咁嘅質素嘅嘢真係唔差，由其是啲拖羅魚，要食一定係肥拖，有種戀愛嘅感覺仲有條鰻魚真係不得了，原條上，好似都係百幾蚊，算係咁啦！門面裝修其實都唔錯，一入去兩邊放曬啲酒，幾有feel

終於嚟到聞名已久的「上勝」拉！時不時收工都經過門口太多人排隊！終於忍不住買個外賣回家食！叫了一個海膽富士山丼，飯上面鋪滿了厚厚的海膽😍溫泉雞蛋🥚還有幾塊青瓜和蟹籽！因本人好喜歡食海膽！價錢可以合理味道十分滿意！下次可以試下其他丼

今日同老公去呢間荔枝角嘅日本餐廳食魚生飯。 我叫咗個富士山，全碗飯都鋪滿海膽， 好好味，海膽好鮮味， 份量好多， 好抵食。雖然個碗睇嚟好細， 其實食落份量都唔少。 不過一日只限售三碗，有 一碗畀我叫咗老公就揀自選魚生飯，佢畀咗一隻甜蝦同一隻帶子畀我試，都好鮮味 。唯一係個飯太硬 同埋凍，仲有就係佢哋用即棄餐具，所以係要有心理準備。咁樣當然係唔環保同影響整個用餐嘅感覺，但都明白係飲食界畀啲貴租金逼上樑山，冇錢請清潔，冇地方洗碗嘅結果，不得不用另類對策。 總括嚟講值得一試

屋企樓下開咗間新嘢，收工求其食個飯，誰知唔試由自可，一試嚇到傻咗！$188上勝特盛丼，DNGH膠兜？你冇睇錯真係膠兜，仲要係6吋細細隻你去BBQ$6.9十隻嗰啲發泡膠兜，全套即棄餐具連豉油碟都係，個感覺好差好差。算，我睇返碗飯，魚生切薄少少好正常，未去到燈影級數，但睇真啲，三文魚係邊位仲連住內皮，海膽個面已經開始乾，魚籽得保濟丸咁大粒，萬幸嘅係佢未算太唔新鮮，全部要靠豉油吊味，山葵欠奉，我寫到呢度未肚痛已當贏。以為冇得再輸？少年你太年輕喇，我掀開魚生見到啲飯啡色嘅！因為佢根本唔係壽司醋飯，而係豉油飯！問你死未！收我咁嘅價錢茶都冇杯，連水都冇，算我運滯唔帶眼識餐廳。