上勝日本料理 (昌隆工業大廈) (已搬遷) 新店位置

🌟親子四彩刺身丼$78刺身包括油金魚、三文魚、帶子及蟹籽刺身會配上赤醋飯，主要是要保存刺身的鮮味。所以飯會比較酸，要視乎個人是否能接受。雖然飯碗唔大，但分量非常多，我一個女仔都食唔晒，碗飯外表都非常吸引美觀，每款刺身都非常新鮮🌟芝士燒扇貝$48即叫即整，要趁熱食，芝士味的濃度適中，上面再加上一些紫菜，非常美味。總括而言：小店鋪仔細細，但衛生程度高，餐具都是獨立包裝，對食物的要求非常講究，有心思，食物質素頗高，價錢亦非常合理，值得一試。

最近少咗出街，閉關幾日，終於忍唔住出咗去食晏，搵咗附近嘅一間小店開餐。上勝中午除咗有各款熟食嘅set lunch，主打係自選刺身丼飯，任你配搭，啱晒我呢啲有選擇困難症嘅人！！今日我砌咗個超豐富嘅刺身丼，有蟹肉、蟹膏、三文魚子、燒三文魚&三文魚！每樣食材都好新鮮，推介必食蟹膏同埋蟹肉，一份食材嘅份量都好多！我已經係order 小盛飯，食完個飯再飲埋麵豉湯，真係飽到上心口下次去D2 Place行街可以再嚟試吓其他嘢！

每次經過荔枝角上勝, 總令人對佢地既日本料理回味無窮, 今晚同朋友係附近D2行街, 正好係晚飯時間, 就決定去上勝食餐好既!😍😍季節限定香箱蟹 日本直送揭開香箱蟹的蟹蓋，蟹的奄位多至滿瀉的啡色蟹子立時湧出，一粒粒的蟹子堆得盤滿缽滿，入口即溶，粒粒卜卜脆口。橙色實心的蟹膏，較大閘蟹的更甘甜，更有淡淡的海水味，鮮甜美味海膽軍艦 火炙左口魚邊壽司超級鮮甜加拿大海膽 大大淡超級滿足😋😋😋左口魚邊 師傅用火槍燒過 令左口魚邊油份出哂黎 入口超香即溶質素保持, 款式多, 價錢合理, 有機會絕對會再encorn👍👍😋😋

#audreyeats_laichikok -$78Affordable Sashimi don at Lai Chi Kok! The sashimi were fresh but nothing special about them. The rice was stained with soy sauce to pair with the sashimi but the vinegar taste of rice could’ve been stronger. But it’s a great deal if it’s $78😆👌荔枝角平民價魚生飯🐟魚生都幾新鮮，但係整體平平無奇。飯係用豉油漬，但係唔係好食到醋味。不過$78來講算幾好！...@cookat_hk @top_hongkong_restaurants 📍上勝 KamikatsuG/F, Cheung Lung Industrial Building, 10 Cheung Yi Street, Lai Chi Kok 荔枝角10號長義街昌隆工業大廈地舖#audreyeats #laichikok #sushi #sash

有日同友人行完D2 place 去咗附近嘅日本鋪頭食大碗丼 見食評都唔錯就諗住試一試佢一入到鋪頭 都要等大概15分鐘 裝修唔錯 見佢單丁位仲有私人螢幕睇YouTube 一啲都唔會寂寞 哈哈一去到落單 叫咗兩個丼 兩個小食其中一個丼同兩個小食都好快上菜等左好耐 另一個丼重未嚟到問職員會唔會漏咗單 點知換來嘅係黑面沒有半點悔意對服務態度表示無奈再講返食物質素海膽都尚算新鮮 味道唔錯 幾鮮甜但飯底比較黏 會有一嚿嚿嘅效果出現雜錦刺身都新鮮 但飯嘅份量比較少一定要加小食先夠飽小食方面炸蠔幾出色 炸粉好薄 係最值得讚賞嘅食物鰻魚就可以唔使叫啦味道好一般 同爭鮮差唔多總括嚟講因為服務態度嘅關係加上食物質素都唔算太突出所以都唔會再幫襯了

週末無lunch set，座位下有位置放袋幾好，牆身壁畫既和風味濃，背景播住日文歌，環境不錯啦，但坐耐有油煙味，通風系統有待改善。極上牛肉冷麵$68雞蛋係半白烚蛋，芝麻醬配冷面不過不失吧。特上海膽丼$80丼飯用既係赤醋，味道比較濃，所以都無再加配日式醬油，配料頗為豐富，有海膽、牡丹蝦、帶子、三文魚籽、蟹籽、玉子。可惜帶子同蝦都好腥，海膽出左水感覺亦唔新鮮，成個飯變左有腥味食唔到底。由於飯用赤醋味道濃，反而配玉子好配飯，個人認為要角切魚生先用呢個飯比較好。蟹籽沙律$10所有飯可以追加$10配上蟹籽沙律，大部分係青瓜，只有少量蟹柳絲。

今日約了位幾個月無見的朋友食lunch，為了方便她所以約了近她的教會附近食。大家都是第一次去這間食店，門口唔係好大，第一次行過了都唔知，要翻返轉頭再搵才見到，估唔到舖仔細細但食物質素卻有驚喜，雖然點了雜錦魚生刺身飯，預了都是給啲頭頭尾尾貨色，但嚟到碗飯都好足料好新鮮，另外我哋再叫了一客芝麻雞翼$28兩隻，開頭朋友都唔係幾想食，但為了配合我，所以就免為其難食了，點知嚟到之後，佢一啖食落口就已經讚口不絕，因為啲雞翼好入味而且外脆內嫩，覺得今次我哋所選呢兩個食物都揀得非常正確，下次我想試吓佢哋有個原條鰻魚飯，頭先見隔離枱食，覺得好震撼。

其實係附近做野都黎過幾次佢魚生飯係好食 選擇多 可以有唔同配搭但店內抽油煙設備好差 食完出黎所有衫都一陣味而且店內啲椅係坐得好唔舒服同唔穩陣如果佢唔改善下 我同啲同事都會減少黎食

上勝日本料，放飯時間的覓食。日日都見好多人排隊的日本料理。店裡的裝修都算別緻，帶有日本風味，但空間比較狹窄和擠逼。本身一心想食魚生飯，但由於天氣轉涼，所以又想食熱食。這店除了魚生飯，也有一般日式料理，例如滑蛋豬廿、日式咖喱飯等等。前菜和麵豉湯味道一般沒有特別，不過不失吧。燒鯖魚定食比一般的定食要等耐少少。鯖魚的外皮燒得非常之香脆爽口，又不會有燶味。鯖魚的魚骨較大條，較容易挑起，不用擔心魚骨問題。魚生經過燒烤黎，還保留鮮味，但是有點過熟，魚肉不夠軟滑。而且，米飯是普通飯，並不是珍珠米，口感差了一點點。總結而言，除了貴了點，其他都不錯

LUNCH 時間去真係好多人!大家記得提早拎飛排隊入, 當日由 12:30 拎飛排隊, 等到1點先有得食架!但係呢間餐廳絕對高質, 唔會令你失望! 強烈推介等位期間, 侍應哥哥會預先問你地想落咩ORDER, 希望大家坐低時候都唔會等得太耐 (( 同時因為實在太多人黎食!!))第一次黎食, 見到呢間既刺身丼飯同其他一般舖頭好唔同因為呢間舖頭堅持用  *赤醋飯* 黎整(( 小妹見過有人問可唔可以轉白飯, 店主say no, 仲解說係為左保持刺身質素!))有部份人可能好少接觸用赤醋飯配搭既刺身,其實 赤醋係用酒粕發酵, 比一般白醋更酸, 味道更濃郁, 特別適合配上油脂比例高既刺身, 口感會更豐潤** 以上順粹小妹個人理解當然, 品嘗過後真係色香味俱全!帶子鮮甜, 拖羅入口即融. 刺身冰凍程度剛剛好刺身一D腥味都無! 芝士味濃度, 熱辣辣,外脆內軟!

【自選三款小盛丼飯】 HKD70.依度嘅丼飯價位分左2️⃣0️⃣蚊，3️⃣0️⃣蚊同4️⃣0️⃣蚊。而我揀嘅松葉蟹膏，火炙三文魚同火炙醬油帶子都係2️⃣0️⃣蚊嘅款式。蟹膏都算俾得幾多，又夠重味岩曬送飯👍🏻不過三文魚同帶子就麻麻啦。因為我唔食全生，食開嘅火炙大多都係半生熟，而依個淨係輕輕燒一燒表面，食落同食全生幾乎冇分別，所以如果同我一樣都怕食生野嘅人就唔係太岩啦。而依度嘅壽司飯🍣係呈深色，食落比普遍食到嘅酸，陣酸味亦頗重，未必個個都接受得到。

岩岩新開果陣食過一次覺得一般～一路都冇再黎食～今晚本身想去食第二間但好多人等位～行過見呢間唔駛等位又係我想食既日本野就入左去食～我地兩個人睇個menu好耐都決定唔到食咩😅記得上次黎食可自選魚生飯～原來自選午市先有晚市冇～最尾叫左特上海膽丼一食個飯終於記得點解我上次食覺得麻麻地～因為我係麻麻地佢個飯～佢個飯有別於一般魚生飯～係啡啡地色既～叫赤酢壽司飯～個飯一般～但$80黎講都算抵食～另外仲叫左個肥厚鰻魚飯大盛$98食晒所有野個飯都未送到黎～即燒係要d時間既～鰻魚燒得好食👍仲有叫左客三文魚腩壽司同炸蠔～三文魚腩壽司一般炸蠔炸得好～夠鬆化～好食😋叫飯+$10有蟹子沙律like and share fb page送一客花之戀～唔知係咪送既關係～客花之戀勁～難～食～塊三文魚味道直情有d怪～我老公話可以d三文魚太瘦所以咁難食！埋單$29x~價錢尚算合理值得一提係坐位較迫～檯面較細～

同老公係D2睇完戲, 就係附近睇下有咩好食,行過見到呢間日本野好似幾正咁啵,佢門面有個架放咗好多SAKE, 就係咁比佢吸引咗入去, 又見前面都係得幾個人等緊, 就排下喇。 舖願細細, 座位不多。 而食物種類都算多選擇, 有刺身丼飯，又有手卷,, 炸物同熱食。 見到佢menu午市既丼飯, 仲可以自己自選, $10至$40 一款配料, 最低消費3款,好似食車仔麵咁, 中意食咩就食咩。 同老公不約而同地選了北海道刺身丼滿滿一碗, 當中包括北寄貝, 蟹肉, 帶子,魚籽, 蟹籽 同玉子.帶子好鮮甜, 仲要有3 大粒.. 另外一提係佢既飯底,同平時食既唔同…... 之前食omekase 個壽司師介紹過, 傳統江戶時期, 係用赤醋作壽司飯, 味道出來更濃, 估唔到係呢度, 就係用赤醋, 值得一讚, 小店如此認真製作.

以為長沙灣細細間既會好抵，望下餐牌又唔算勁平。十二點三到左，遲少少既話就開始要等位。我地兩個唔係勁餓，就叫一個自選丼share。佢可以揀大細飯，之後最少要有個餸。要左火炙鰻魚啦，火炙三文魚同拖羅蓉加大飯，要85蚊一個午餐。份量係唔細既，仲有啲蛋呀蟹子呀附送。三文魚幾大塊，ok！鰻魚都正常既，未去到好肥。拖羅蓉反而唔算好鮮味，不過份量都算足。飯略嫌醋味唔夠香，無日本丼飯應有既飯質，少失望。間中食下ok，最讚係有得自選，唔洗被限死。

上勝一向係我同我班同事係荔枝角lunch 既刺身丼首選店， 以往既刺身丼組合選擇多而且新鮮又抵食， 今日再去時發現lunch menu 改左， 少左以往既選擇， 真係諗到頭都大lunch hour 有定食set，拉麵，自選丼同刺身壽司set , 重有追加迷你刺身丼 ()， 只要叫個定食就可orde4 追加丼我地行5人叫叫1個拉麵1個定食加6個追加刺身丼日式炸雞烏冬 $58 ~同事話烏冬質量可以，炸雞一般 鹽燒油甘魚定食 $108~大件又抵食， 充滿油香既油甘魚，好味， 稍為再燒香多 dd 就重好味，價錢合理!追加:迷你海膽丼 $68 (叫左4個海膽丼，1個什錦魚生丼，同1個三文魚籽丼，呢班大食既同事)~原以為呢個追加迷你只係好細份量，我2位同事諗住食2個迷你就剛剛好， 點知呢個迷你丼既份量並吾迷你，以一個平時食吾駛一盒飯既人黎講係已經足夠。飯底仍然係以往好味既有色醋飯，而海膽份量有2格，重有青瓜玉子角切同少量飛魚籽，絕對吾係出面有d鋪頭既追加甘無誠意，呢點真係要俾個讚👍👍迷你三文魚籽丼 $48~ 飯量係平時一碗日式飯碗量，加上滿滿魚籽同玉子、青瓜同飛魚籽 👍👍迷你角切什錦魚生丼 $30