上海一品香菜館

营业中

休息中

觀塘舊式上海菜唔多，依間小店都開了幾十年，久唔久就會過來幫襯下，環境乾淨但空間有限，價錢經濟味道OK，所以KEEP住來。最近去食發現加左價了，但價錢仍然接受到。南翔小籠包 $48一籠八件小籠包要趁熱食，凍左小籠包皮會變硬，皮較厚內餡湯汁不多，味道還可以。加點醋和薑絲食比較好味。雞絲拌海蜇 $65冷盤，雞絲和海蜇份量多，口感爽脆略帶嚼勁，味道清清地。三鮮炒年糕 $57年糕口感煙韌軟糯，有火腿、蝦仁、磨菇、小棠菜、大白菜等，配料多唔駛另加白飯食完都飽。

今日同朋友嚟到觀塘呢間上海嘢叫咗兩菜一湯羹， 有醉雞涼瓜牛肉再加西湖牛肉羹。 最低分量有半隻 涼瓜牛肉一大碟 湯羹每人都飲到成三四碗， 當然仲有兩個白飯。 總數172蚊， 兩個人份量，食得好飽 大家經過觀塘廣場可以睇下

細細個就已經食過的店鋪過左咁耐仍然存在，真感恩。這類型的店鋪絕對買少見少。點解咁講呢？現在很多店鋪都係⋯食環境⋯食裝修$43 回鍋肉客飯 + 例湯食到一半先記得影 熱騰騰的好正熏魚個汁 我覺得剛剛好 唔好太甜好合我的口味❤️❤️❤️ 擔擔麵個麵質，花生醬味香濃。好熱，仲熱親個咀😂即叫即整（本身好大份的，我又係食左一半先記得影相）附帶一碟煉奶 $17正常野，外脆內軟 。依間鋪頭絕對係即叫即做。而且下午3點幾要唔少人，相信都係附近街坊的飯堂。

三歲已經開始黎呢間店食，對上一次見到佢拆晒牆上啲舊餐牌真係覺得歲月不饒人。其實都差唔多每個月都會食一次都食咗20年，發現自己都冇寫食評所以就補返一篇啦。今次就叫咗三餸一湯。回鍋豬肉每一次都要嗌嘅餸。辣度適中，豬肉新鮮入味，加埋豆乾椰菜三色椒用豆板醬真係冇得彈！韭黃鱔糊即係每次黎都要嗌嘅餸。足料多鱔糊！同埋我真係好鍾意食韭黃㗎！溫馨提示醬汁比較濃味需要送飯。白菜仔炒牛肉住家菜。新鮮牛肉。純粹貫徹我去邊都要食菜嘅風格。西湖牛肉羹大大煲西湖牛肉羹，夠五碗， 加啲胡椒粉，又係好味嘅住家湯。

官塘廣場搵食人山人海終於上到4樓先入到 去找位原來4樓最入面有一個上海飯店粗略看過餐牌感覺上非常上海什麼客飯都有咸肉百頁湯八寶辣醬本來嗜濃郁的我很想食排骨擔擔面不過見到鄰居的例湯也十分濃厚多蘿白青紅蘿白黃豆粟米都係好多終忍唔住要了客飯45元一客咕嚕雞肉同樣大量什菜紅青椒塊我特別中意的半生炒洋蔥多到滿意雞肉本來就梗係雪雞肉但由於我的古老雞係鮮炸非常新鮮熱辣所以什菜都熱啦啦實在令人感到誠意應該極度推薦白飯捨得用連在下都讚的米真想不到臨走鄰近的小籠包上桌幾乎想問下好唔好食42$8只單是有冷面有砂鍋已經好值得去一次

以前成日都食佢, 不過之後轉左手食過幾次都唔得之後就冇再幫襯.  今次同屋企人食中秋節飯, 佢地又想搵間上海店食, 就再一次踏入呢間餐廳, 3個人叫左個2人餐, 再加左一個上海粗炒同小籠包每次黎上海野食既野都係差不多, 酸辣湯, 上海粗炒, 小籠包, 回鍋肉同比較少叫既糖醋魚小籠包冇咩汁，做得比較差，未必會回頭再食每次必點既酸辣湯味道比一般出面既大集團來得更酸，而且好足料蘿蔔，木耳，豬紅，蛋絲等酸中帶點辣好有酸辣湯既感覺❤️野食方面整體都唔錯！

小時候住觀塘，購物都係系輔仁街，裕民坊的小販檔。後來有了觀塘廣場，哩度有唱片舖，玩具舖，遊戲機中心，頓時成了觀塘潮人集中地。一眨間，已經廿三十年過去了。哩間上海小菜館仍在。依然平價，美味，飽腹！宜家係附近工作，亦時有幫襯，尤其糧尾！午餐客飯好抵，四十大洋多點，一碟小菜，大煲足料靚湯，仲有白飯任裝。今日叫左回窩肉客飯。回窩飯即煮，有鑊氣。味道很地道上海口味。例湯鷄湯一大碗。哩個價錢，絕對物超所值！難怪成了「窮人救星」！

之前來這個商場，也發覺在橫街窄巷裏邊有些餐廳，不少鋪頭外邊有很多人，這間亦都是其中之一，原來是上海式的，為何上海式的餐廳，那麼多叫做上海一品香。🤔都拿着票子在外邊等了5至10分鐘，看看餐牌，其實在街上吃，都不一定要吃飯，於是就叫了個二人餐，然之後有一個油豆腐粉絲湯，把粉絲當作飯吃也可以，另外就點了一個花雕醉雞以及回鍋豬肉。室內的位置其實不少，但是店方安排座位比較鬆動，不會讓食客手臂貼手臂的坐着吃東西，因此環境其實都不錯。回鍋豬肉細細碟，但是鑊氣也不錯，底下的椰菜份量也不少，上邊的豬肉份量不多，當然，現在肉類價格這麼貴，但是豬肉好像腩肉一般，肥瘦均勻，口感不錯。整體來說味道也不錯，辣味剛剛好，只是鑊氣好像只有九成，如果再炒多一會兒，應會更加好。而另外的花雕醉雞，看別人叫的時候，見到賣相不錯，但想不到，自己吃，雖然酒味道香濃，但是份量極少，只有一些雞背雞胸，不算容量非常多，肉質也不算特別滑溜，雖然肉味未算香濃，但還不錯。油豆腐粉絲湯，湯底都是那種豉油湯一般，平時已經不算太喜歡喝湯的我，自然不會太過喜好。上邊有些粉絲，粉絲也不算太差，因為不是那種很容易便會斷的粉絲；其後還有一些豆卜，味道正正

今日同同事放lunch經過觀塘廣場，唔想食譚仔又唔想食大快活，就睇下openrice觀廣有咩餐廳，就發現左呢間。Openrice只寫觀塘廣場二樓，我地都搵左段時間，記得要睇店鋪號碼！觀廣既二樓係第四層，餐廳既鋪號係menu上面有：餐廳裝潢比較舊式，同埋lunch hour都意外地多人，所以環境比較迫。不過落單快，野食都到得快。首先黎左雞絲粉皮，花生醬味濃，尤其係咁熱既天氣，食完都會消下暑。價錢五十幾蚊，份量都ok， 可以一試。什錦炒飯就真係好什錦，有魚蛋有雞😂賣相就麻麻，但我就鐘意食個炒飯，因為蛋炒之餘亦炒得好乾身。同事見到圍圍都有叫酸辣湯，我地都叫左碗。點知係好大碗😂😂😂😂三個人飲每人飲三碗都仲有剩，份量夠，料都足，可惜味道唔濃，好似被溝稀左啲咁。最後就係呢度出名既小籠包，其實都算平，四十幾蚊有八隻，入面都算juicy，起碼唔似有時出面食到既小籠包咁乾身。埋單$202，三個人都食到好飽，係觀廣想食啲比較有特色既鋪頭可以試下！

同朋友們喺觀塘區食晚飯，有朋友仔提議食呢間上海菜館，喺觀塘廣場入面，店面比較細，我地成10個人，坐得比較迫！人多諗住叫餐會方便d, 但餐牌冇寫係幾多人餐？於是我地問侍應，對方好爽快就答我地係10人，仲話你地10個啱啱好！我地都好爽快就話，咁要A餐！最後佢地聲稱既10人餐，小籠包得8隻、擂沙湯丸又係得8粒！我地唔明點解10人餐唔係10人份量？問返個侍應，回覆竟然係，個餐set左係咁！

位於觀塘廣場二樓一角，不知已屹立了多少個年頭，反正十多年前在工業區內上班時已曾留下足印。放工後在APM 閒逛，忽然想吃鍋貼，就走到這邊來吃飯了。簡單點了小籠飽，鍋貼及回鍋豬肉 (走辣)。可能是翻煎的關係，底部夠焦黃郤不夠香酥，餃子皮也有點餬了。熱辣辣的小籠飽，沒有簿至透光的皮，也沒有爆湯，就是愛它的麵香與肉餡的自然湯汁。加點薑絲加點醋，好吃。半煎炸處理過的五花肉，帶點乾，帶點靭。配上甜麵醬/豆板醬，既好嚼口也下飯。椰菜青椒保持脆嫩，豆乾意外的嫩滑。可惜因喉嚨不適而走辣，不然定必更香濃惹味。還記得那時與一大班同事在此午膳，總會送上一大窩例湯 (現在還有)，總是懷念。回頭率：  2.8/5.0

今日來試觀塘廣場的一品香！位於觀塘廣場的二樓，由港鐵站出口入到廣場上兩層就到。看這門面感覺這餐廳應該經營了很久用的枱椅都頗有歲月的痕跡✨點了出名的小籠包 $42/8隻即叫即蒸，所以都等了一陣小籠包才到皮成算薄 湯汁不多 口感味道普通 有點失望 ✨雞煨麵 $41麵算多菜，不過雞份量不多。雞被切得細細粒，super mini size太細粒吃起來沒什麼口感味道也不太吃到 如雞件能大粒少少就更好湯汁味道和麵條都還可以 不過不失多蔬菜粒是唯一可讚之處✨Menu

觀塘廣場，俾人感覺好逼，仲有啲污糟。突然好想食上海嘢，就帶同事黎試試佢。上到2樓（譚仔個層），轉入去巷仔，就見到。眼望有三間鋪位，有間應該係臨時開，我諗高峰時間都幾多人。打電話留位有最低消費每人60元。價錢唔貴，而且想食嘅傳統上海菜式都有。先上一大碗例湯，雖然係好簡單嘅湯，飲落好清甜，而且無油。上海粗炒，係我想食嘅其中一道餸，炒得幾均匀。回鍋肉，好香，不過份量唔多。咕嚕雞，正常，酸酸甜甜，同樣客飯黎講份量有啲少。我地再叫炸花卷，硬左小小，但唔係一舊過，幾好。仲有煎餃子，有啲肉汁，不過唔算多。小籠包，要快食，凍左會好硬。驚喜嘅係咸肉百頁湯，好足料，而且湯頭都好好飲。我地6個女仔4個飯都好飽，返到office好眼訓，但4點幾就開始肚餓，可能都係一個客飯會好啲。P.S同事話廁所乾淨過time square，呢點又一驚訝位

觀塘廣場坐落於觀塘港鐵站B1出口 ，出來後有天橋連接， 觀塘廣場已有二三十年的歲月 ，格局特色，比較舊式和擠迫, 人來人往， 有時裝店、手機鋪、小食店、旅行社、快餐店、投注站……等等。 來逛商埸， 也不忘到上海一品香菜館。睇下菜牌, 店內還有其他菜式推介， 選擇算多。小籠包，一客8隻，即叫即整，新鮮，肉餡清夾不油口，包內仲有湯肉汁，必食！ 好食!青椒炒牛肉，不辣的，青椒及牛肉切絲，加入了芽菜炒成。 牛肉絲嫩口。爽爽的青椒絲及芽菜， 用筷子夾起一口 ，已經有齊青椒絲、 牛肉絲及牙菜，吃起來好合口味。本身愛吃蝦仁， 點咗蝦仁炒飯，有蝦仁、火腿碎和蛋一起炒， 蝦仁爽 ， 火腿碎有些鹹味， 全碟炒飯都吃光了。

今晚家中無煮飯同父母一起出街食，心知老豆剩係喜歡食中餐，所以想起這間又經濟又美味的上海菜館，此間啱晒老豆口味。間舖四百平方尺左右眼見有三張大圓枱，枱可供8至10人坐仲有幾張細枱，夜晚旺場時會額外添置幾張枱放在舖位外近lift位置，lift位無咩人經過，都坐得好自在。攞位等候時間十分鐘左右，阿姐好有禮問幾位，講最好人齊先入客客氣氣的，有時仲問你依個位啱唔啱，好體貼充滿了人情味。今晚點了碟楊州炒飯，白飯都要十蚊叫炒飯感覺上抵好多，而且飯炒得不錯好多蛋粒粒飯用來撈汁食幾正。糖醋桂花魚魚肉質比較嫩，味道拍得住大酒家水準，百一蚊真係好抵，每次來都係穩膽之選。雞絲粉皮夠凍夠爽粉皮夠滑麻醬好味，整體做得出色，每次來也是一定會叫。南翔小籠包皮薄餡靚多湯汁點醋慢慢歎，一籠八件好抵食。整體而言，我食個幾次搵唔到有咩唔好食，係一間用心經營有人情味的上海菜菜館，要好好珍惜。