上海佬飯店

营业中

休息中

除左好難食，我冇野好講。雪菜肉絲炒年糕啲雪菜臭臭地，然後碟嘢除咗嗰浸臭味係冇味嘅。雞絲粉皮個花生醬味會kick喉嚨. 個花生醬味仲有浸怪味。個菜飯基本上同白飯冇乜分別，冇味，好多白飯，少少菜高力豆沙唔知高力個位去咗邊，舊嘢勁重，我喺咩甜品都識嘅人都真係食唔到，個味好難食。首先d野食好難食，然後有個姐姐亦都會好努力upsell你。仲要唔平我同朋友(著短褲) 離開餐廳冇耐，坐凳嗰個位生左粒野，唔知係咪比野咬

上海飯店午市套餐，提供唔同嘅一般家常菜配以菜飯選擇。價錢適中合理。當日同朋友一齊嚟食，所以揀咗兩個餸一齊share。第一個揀咗麻婆豆腐。麻婆豆腐醬汁普通，係豆瓣醬嘅味道，豆腐唔算滑，係一般嘅布包豆腐嘅口感。用麻婆豆腐嘅醬汁用嚟下飯，感覺尚可。第二個送揀咗炒鱔糊，炒鱔糊裏面嘅鱔條比一般嘅粗大，而且硬身，但係味道醬汁偏淡。同想像中嘅鱔糊有一定嘅距離。鱔糊配上好多嘅芽菜，但係芽菜同醬汁嘅味道都係普普通通。跟餐可選擇白飯同菜飯，當日就選咗菜飯，味道正常。飲品方面就可選擇豆漿。

之前行過見到門口擺哂花籃，新開張就試吓啦，下晝五點，得兩枱客，行入去冇人招呼，有啲枱都未執，見咁多吉枱又咁早，咪諗住坐個卡位，兩個人食完就走人啦，呢個時候個收銀就話卡位有人留咗，叫個女侍應帶位，個女侍應望都冇望，求其指我哋坐張細枱，指完就走咗，張枱面仲係有一大灘水，係一大灘唔係幾滴，都唔係做生意嘅，新開都咁嘅態度，環境又唔多衞生，應該食物都冇水準，咪即刻走人咯，價錢又唔係平，而家見到咁多劣評，好彩冇幫襯到！咁樣都夠膽喺大埔開食店，真係祝佢生意興隆！😌香港啲食店真係要認真諗吓點解咁多港人北上消費🤔好多都仲未瞓醒

上海佬飯店. 用餐日期: 2024年2月 晚餐茶位$8/ 位$6/碟 花生/ 酸蘿白《$86 油豆腐粉絲湯》粉絲湯都幾多料，除左油豆腐，粉絲仲有少量荀，白菜同薑絲。調味剛剛好，唔會話味精咸，叫一份大約可以裝到8碗左右。《$82 蒜泥白肉片》白肉片份量唔多，醬汁夠辣但不香，除左蒜泥白肉之外，底仲墊左冰粉。冰粉唔掛汁，但好痴油，食落無味仲成口都係油，收$82黎講應該冇下次。《$96 糖醋排骨》糖醋汁超杰身，厚身個程度同食沙律醬差唔多，醬汁偏甜，排骨都幾大舊，但做法唔係炸完再用糖醋汁兜均，所以食落冇穌脆感，普通。《$48 小籠包(4隻)》小籠包算皮薄，肉餡比例剛剛好，咬開仲可以飲到滿滿既湯汁，但可惜一夾就穿，今次叫左兩籠，總數8隻穿左3隻，不過用黎過下口癮都唔錯。《$86 奶油津白》奶油味都算幾香，不過津白如果可以再煮淋少少就更好。《$93 招牌炒飯》食落有D似多料版既蛋白炒飯，仲有蝦仁，羅白粒，火腿粒，菜絲等等。蝦仁幾爽，但冇咩蝦味，不過不失。人均消費：$100環境：7.5/10食物：6.5/10服務：7/10性價比：7/10整體：7/10 #香港 #美食 #香港美食 #foodie #食

價錢略高，套餐價係唔包飯或者嘢飲。味道OK，但細碟明白會收茶介、花生、蘿蔔錢（雖然事前都無提過），臨食完先拎張單俾我，見到收左茶介花生蘿蔔ok，但竟然仲要加一，茶錢仲要收多一個人錢，我發現左先改返單。之後我睇返Menu，成本咁厚得最後一頁「飲品」細細隻字寫要加一，真係搵笨。👆🏻👆🏻而套餐果張獨立餐牌係無寫過需要加一服務費（忘記影抱歉）即係如果唔額外加嘢 二人套餐 286$+茶介$16+花生蘿蔔=$ 12再加一（套餐無飯無嘢飲）係要$345.4抵唔抵食大家諗下啦🥲咁樣做生意，不會再食。希望唔好有人再中伏🥲🥲🥲🥲

晚上7點4個大人加一個BB，貪一時放便不用等位，就入左去試一試，一坐落差不多10分，侍應先比茶水和餐牌我們。當我們睇到餐牌上的羊腩煲沒有打價錢，就隨便找了兩三個侍應問價，當時無一個侍應答到我們價錢。最後找到侍應主管報價HK$428 ,她標榜新鮮羊，街外不是隨便食到。很多食客已纷纷下單羊腩煲，已足夠4個成人份量。我們聽了就落左羊腩煲一個，上海粗炒一碟，小籠包一籠，黑醋小排骨一碟，白飯兩個。约15分鐘後，上海粗炒同小籠包上枱，小籠包皮薄多汁，上海粗炒唔太油，份量適中。再過了10分鐘上黑醋小排骨，但羊腩煲未到。即時叫上飯兩個，並問羊腩煲幾時有？第一個侍應回應：「羊腩煲煮緊。」再隔左5分鐘左左，兩個白飯和gas 爐先上。我們食住黑醋小排骨和白飯，黑醋小排骨味道一般，骨粗肉薄。我們食得差不多黑醋小排骨，再問第二個侍應羊腩煲何時送上。侍應回應：「要等兩至三煲一齊煮」，我們問：「差不多半小時了，其他野食都差不多食完，羊腩煲仲要等多久？如果未煮就取消羊腩煲。」侍應回答：「再等等」就走了。後來再等多幾分多鐘侍應主館，终於上羊腩煲。羊腩煲份量不值HK$428, 汁多，枝竹多過羊腩，羊腩少於十件，而且细件，

新開業上海菜都幾多人幫襯，個個都貪新鮮(包括我)，兩個人叫咗好多樣野，味道唔係唔好，不過就有進步空間。酸辣湯味道OK，酸同辣都Balance唔會偏埋一面，不過入面D配料感覺上唔太豐富，幸好D野都新鮮。上海粗炒無乜香味，D麵嘅質地太林，我鍾意有彈性D嘅麵，幸好唔會油淋淋食到成口油。小籠包唔錯，不過第一粒夾個頂時爆咗，可能係我夾得衰，佢個小籠包包嘅時候明顯整到個頂好厚，可惜我都夾穿咗一粒，之後好小心就無出事了。雪菜肉絲炒上海年糕用嘅年糕唔夠煙韌，太過軟淋淋唔係好似平時食到的上海炒年糕嘅口感。豆沙窩餅邊嗰4件唔夠豆沙，所以得塊皮，麻麻地。