上海小聚 (已結業)

有餃子嘅地方就有我😎北角新光戲院後面收埋左間上海小店，中哂我嗰飯😂環境新淨企理，平日晚市去見坐滿哂，啲姐姐好似街坊咁好親切😂招牌餃子手工製作，好大粒漲卜卜，日日新鮮人手包㗎!!!多款主食都配埋套餐，有齊前菜、冷麵同芝麻湯圓，好豐富😍—— 西洋菜鮮肉煎餃 $62煎餃控大推薦👍🏻👍🏻👍🏻總共十隻，底面金黃色煎得好平均，非常脆口；一咬入面仲有汁爆出黎㗎😍西洋菜冇渣，菜肉比例啱啱好，啲餡塞滿哂餃子，超快KO哂一盤好夠飽😂—— 大白菜冬蔭公湯餃 $60水餃可以自選湯底幾特別，包括麻辣、豬骨、冬陰功同沙嗲，又加左另一層風味🤤水煮更食得出餃皮好滑，大白菜好清甜，今次揀冬蔭公湯又幾夾，開胃又唔會蓋過哂水餃味🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 上海小聚 (北角)北角馬寶道3號君譽峰地下15號舖

ʚ 上海小聚 (北角) ɞ上海小聚都食過好多次啦，今次特登介紹比大家👍🏻餐廳乾淨闊落，侍應姊姊態度好好👍。ஐ —-ஐ —-ஐ —-ஐ —-ஐ —-ஐ —-ஐ —-ஐ❀ 煎韭菜鮮肉餃子 -$62餃子見到員工即場包緊，非常新鮮👍🏻餃子煎得金黃焦香，望落好有食慾🤤入口表面酥脆，內裏鮮嫩多汁，肉同韭菜比例啱啱好👍🏻❀ 雲吞抄手套餐 -$60套餐包括芝麻小湯圓同木耳雲吞有幾款醬汁可以選擇：四川香辣紅油、韓式泡菜酸辣、日式和風芥末汁。我地揀左四川香辣味，❗️好辣！雲吞皮薄餡多，大大隻啖啖肉好過癮！少d辣就完美🤣鍾意食辣可以試下❀ 擔擔麵 配 烤排骨一塊 -$72擔擔麵湯底好香，麵掛曬汁有咬口，排骨好大塊好霖，醬香味十足👍🏻📍 上海小聚 (北角)北角馬寶道3號君譽峰地下15號舖#hkfood#hongkongfoodie#hongkongfood#hkfoodie#foodiehk#foodstagram#instagood#foodlife#hkig#hkeat#香港美食#cloverlandhk四葉草#上海小聚#北角美食#餃子#上海排骨麵

一入餐廳就見到姐姐們手法熟練咁係到包緊餃子 粒粒都餡料滿滿 所以決定揀佢地嘅招牌鮮味餃子套餐一試😎套餐可以選擇湯水餃/煎餃子 另外包咗麵食、前菜、甜品 飲品就要另加5蚊前菜可以選擇陳醋雲耳或者酸甜蘿蔔🥟 煎餃子 — 韮菜大蝦鮮肉煎餃 ($62/7隻$68/10隻)餃子皮薄多料 底部煎香咗蝦肉🦐都幾爽幾彈牙 雖然有少少偏油 但都幾好味😋👍🏻🥟 湯水餃 — 西洋菜鮮肉餃子 ($57/7隻 $60/10隻)湯底可以揀麻辣/豬骨/沙嗲/冬陰功/酸辣湯 (另加6蚊) 我今次就選咗豬骨湯底 餃子粒粒都脹卜卜 餃子皮夠煙韌個人覺得菜同肉嘅比例剛剛好 豬肉加上啖啖嘅西洋菜 味度唔錯🤗🇯🇵 麵食 — 和風蟹柳冷麵 🍜冷麵汁係選用日式芝麻醬配上少少wasabi 估唔到又幾match喎 配上蟹柳🦀同青瓜絲🥒 食落幾fresh如果份量多啲就更加好喇😝 女仔應該啱啱好好 但男生就可能會唔夠🍡薑茶芝麻小湯圓薑味都幾濃 小湯圓係芝麻餡料個薑茶湯底值得一讚 薑味十足而又甜度剛好 飲完成個人都暖晒除咗餃子套餐 仲叫咗一個擔擔麵配葱烤排骨($72)擔擔麵湯底除咗花生醬🥜之外 仲帶少許麻辣 🌶️ 擔擔麵醬除咗豬碎 花生碎外

寫9:30pm收舖，8:30pm已經執晒野，到8:45pm洗碗姐姐戴住滴緊水嘅手套行出樓面想收晒我地啲碗🤢我都未食完⋯我問佢唔係收9:30pm咩？洗碗姐姐話佢想快啲做完啲野9:30pm佢要走⋯⋯（首先唔明點解佢會出左樓面）大佬佢行完過尼我已經唔想食，手套啲水彈到周圍係，仲點食呢？🤮佢咁樣趕客法真係好惡劣囉!到8:45pm有一枱新客，即係未收舖啦！然後洗碗姐姐又出現要收碗，我都費事同佢嘈，只係想佢唔好再騷擾我。比佢收左啲碗叫佢留返杯水比我，9pm佢又再出現，今次問都唔問話要一定要收晒所有野⋯然後就收晒啲野⋯⋯想安安樂樂食餐飯都咁難⋯真係一個好唔愉快嘅經歷⋯⋯本身想支持小店，野食係ok嘅，但真係請錯員工囉⋯⋯唔會再幫襯😡🤬

我好鍾意食餃子🥟😊今日經過北角新光戲院後面，見到有間食上海麵同餃子嘅舖，即刻行左入去食餃子🤤 估唔到又幾好味同老公叫左3款餃子西洋菜煎餃，韮菜大蝦鮮肉煎餃，大白菜豬肉湯餃 食煎餃子，識食一定係食韮菜餃！因為韮菜真係好香。呢間韮菜餃子夠足料，除咗塞滿滿嘅韮菜，仲有蝦仁同豬肉👍🏻夠香又有鮮味西洋菜煎煎餃：又係好正，西洋菜餡切得夠碎，唔會痴牙👍🏻如果有素食嘅朋友，呢個西洋菜餃真係岩曬🤩大白菜湯餃：湯餃同樣出色，我揀左豬骨湯，湯底夠味，餃子皮吸晒D豬骨湯汁，而且湯餃比煎餃大隻😂肉餡更多，更juicy 👍🏻叫套餐仲有冷麵，冷盤小食同湯圓👍🏻值得一讚個黑芝麻湯圓，芝麻餡好香🤤湯圓皮好軟滑，一口一粒，食唔停口🤤推薦俾各位鐘意食上海野嘅朋友食👍🏻🥟

北角新開左呢間上海菜餐廳，望見個餐牌都覺得豐富❣️每個餐都包小食／湯同埋湯圓甜品🤤選擇亦十分之多，不同餸嘅上海麵餐、唔同口味嘅煎餃/湯餃、上海雲吞麵餐、排骨菜飯 等糾結咗一陣食乜🙈太多選擇⋯⋯《前菜》▶️ 陳醋雲耳雲耳咬落好爽口，微微食到醋嘅甜酸味另外仲帶少許麻辣風味🤏🏻相當開胃▶️ 酸甜蘿蔔係一絲絲嘅白蘿蔔溝紅蘿蔔🥕同一般外面食到嘅醃蘿蔔唔同食落冇咁爽脆，同埋覺得未係好夠酸，個人鍾意陳醋雲耳多啲😬《麵食》▶️ 和風汁蟹柳冷麵兩注冷麵底，上面放咗青瓜絲、蟹柳絲，旁邊設芝麻醬俾你自己落麵質似幼身油麵，芝麻醬帶啲wasabi味，配上青瓜清新嘅味道🥒，成個好日式🇯🇵《主食》▶️ 西洋菜鮮肉湯餃子10隻 ($52)味道七選一，不設雙拼餃子每日新鮮製造，全人手包🥟每隻都大大粒好飽滿湯底可以揀豬骨湯／麻辣／沙嗲／冬陰功，我就揀咗豬骨湯底豬骨湯底係入邊比較清嗰個，但飲落味道濃郁因為用新鮮豬骨熬，所以會面層帶有少許豬油精華，但不會太油膩，而且冇加工味精，飲完唔會口渴🍲餃子皮好食🥟唔會好厚身，咬落煙煙韌韌，有嚼口餃子亦包得好實，唔會容易散開入面餡料算多，不過多菜少肉，雖然健康啲，但個人覺得如果肉嘅比例多啲會好食啲

<讚👍🏻>呢間上海餃子麵店環境幾乾淨又闊落，而且餐牌好多選擇！員工姐姐都好友善！餐牌入面大多都可以選擇套餐：飲品+$4、送陳醋雲耳少少酸既開胃又爽口、或酸甜蘿蔔絲酸酸甜甜夠晒開胃！或前菜蟹柳青瓜絲冷麵，係用芥末麻醬，味道好過癮！每個套餐仲會包2粒芝麻湯圓為甜品，煙煙韌又滑嚕嚕，個薑湯夠薑！.🥣韮菜大蝦鮮肉餃7隻🥣：💰$58小編簡左豬骨湯餃，豬骨湯幾濃，餃子每隻都大大隻，水餃好肥身、好多餡，入面蝦仁大粒彈牙，韮菜同豬肉份量岩岩好！🥣上海大滷麵🥣：💰$62轉左個冬蔭公湯，碗湯偏辣幾重香茅味，配煎韮菜餃2隻，碗麵有冬瓜、番茄、肉粒，上海麵好綿，🥣四川紅油雲吞抄手8隻🥣：💰$55今次簡左大白菜，水餃8隻大大隻，配好多辣油，辣油好夠惹味，又夠麻，辣度小編接受到。⭐️食物係每日新鮮人手製作，售完即止架！豆漿係8點左右已經賣晒添🤣.好味程度：⭐⭐⭐⭐抵食指數：⭐⭐⭐⭐環境指數：⭐⭐⭐⭐💸人均消費：$60另收加1️⃣服務費：❌再食 ENCORE：✅

北角近年越開越多野食，最近去左屋企附近呢間新開手工餃子小店，親眼睇到店員親手包新鮮雲吞！價錢都好合理，招牌套餐平均$50-60包7隻/10隻湯餃子/煎餃+冷麵+前菜+小湯圓+飲品，好豐富。第一次去點齊湯同煎2款，個人推薦湯雲吞！🥟韭菜鮮肉餃子（10隻）$52-配了沙爹湯底，味道真係好夠濃得來唔會太重口味。雲吞皮幾薄同滑，吸曬沙爹濃濃嘅味道，入面韭菜同鮮肉份量balance，的確不錯。　-套餐嘅湯丸都煙韌，入面充滿芝麻香，甜度適中。🥟上海菜肉雲吞(7隻) $45-菜同肉比例好好，外層滑滑地，配豬骨湯底雖然無沙爹咁惹味，但都好match 🥟大白菜鮮肉餃子（10隻）$60-餃子内嘅大白菜都幾爽口，煎皮都金香。 下次再來食足料、真彩實料餃子！

上個週末我到北角探望親戚，就順道喺北角食飯。今次就搵咗一間就腳既平民餐廳——上海小聚，專門食上海小食，包括排骨麵、炸醬麵、紅油炒手、餃子等，價錢落喺$50-70不等。餐廳位置都幾就腳，距離地鐵站2分鐘路程的馬寶道，內部環境唔算太大，不過光線充足明亮，店員都幾有禮貌，下午茶時間都keep住有客人入黎。<招牌上海蔥烤排骨菜飯> $65+$4熱豆漿我們分別點咗三個套餐，均附送前菜同甜品。前菜有酸甜蘿蔔同陳醋雲耳，而甜品則固定為薑汁芝麻小湯圓。由於店員話無菜飯，所以套餐喺配白飯，相對比較健康。烤排骨份量好大，都幾容易咬開，蔥烤汁送飯一流。<四川香辣紅油配雲吞抄手> $59抄手柔嫩鮮美，湯汁麻麻香香，帶點黑醋味，十分開胃。雖然皮未至於好薄，但喺都幾入味。不過有點可惜既喺抄手唔夠熱，如果熱辣辣食會更好。<韮菜鮮肉餃子套餐> $60+$4凍豆漿餃子每日新鮮製造，我都見到店員好勤力咁不斷包餃子，餃子即叫即煎，脆卜卜幾足料。本來我地想食鮮蝦餃子，不過無提供。總括而言，餐廳價錢便宜，性價比幾高，我會歸類為平民之選。

今次要介紹呢間嘅就係位於北角馬寶道嘅上海小聚，喺香港好多中式嘅菜式，要搵到好味嘅都要花啲時間㗎😆💓 今次就同朋友過到嚟依家上海嘅餐廳，入到離好高人氣，好有人情味同埋價錢都好地道同埋親民，平時過嚟食個飯都好方便🥳而且一入到嚟就見到姐姐們喺度包緊餃子，每一隻都係人手嘅手工餃子，唔係喺其他舖頭或者機製番離，純人手製作，好有心😝💓✨韭菜鮮肉餃子麵套餐既然係手工餃子，梗係要試吓佢哋嘅餃子套餐啦，真係必食推介，餃子皮薄餡靚，外層皮質q彈，裏面嘅鮮肉同韭菜材料都好豐富，非常新鮮😚✨上海招牌炸醬麵 你上海嘢一定要食炸醬麵，面質彈牙，配住炸醬食口感好匹配🫡✨招牌抄手，非常香口💓✨芝麻湯圓、雲耳、豆漿同埋可樂👍🏻

上海小聚（北角）晚上係北角上完堂，8pm 已經又餓又攰，好想快快食個晚餐番去休息🥲💤😴，於是就係北角搵下有咩小店，近A出口見到間上海野，套餐又平又抵，就同朋友入黎試試😉煎韭菜鮮肉餃子 7隻 $56呢個套餐有埋前菜，煎餃，冷麵，飲品，同送2粒小湯圓，真係好抵食！煎餃一般要等好耐，可能已經夜，冇咩人，竟然黎得快過抽手🤣即煎即食一定好食😁四川香辣紅油 配抄手 10隻 $59呢個都係套餐包前菜，抄手，飲品，湯圓，抄手都幾辣，朋友辣到停唔到口😵‍💫🤷‍♀️湯圓因為一齊上，食完正餐已經凍左，薑湯唔算太辣，但湯圓不錯😆甜酸蘿蔔 $25跟餐已經有甜酸蘿蔔，但追加多左份，真係好食又開胃！😚唔洗30分鐘就快快食完可以番屋企休息了😴

今日行過見到一間新開嘅上海舖頭，兩個人食咗一個排骨上海麵 （沙嗲湯底），咁啱啲上海麵賣晒所以加咗$6轉稻庭烏冬排骨好林，稻庭烏冬幼幼的，啱晒今日唔係好想食都好飽嘅我👍呢個餐仲配有一個小食，我揀咗雲耳；另外佢仲有兩粒餃子，係湯既，我選左大白菜🥬，咬落口好有肉汁👍另外一個餐嗌咗10隻煎餃，我上咗韭菜鮮肉餃，點餐嘅時候侍應提醒煎餃要等耐啲，結果真係等咗15分鐘左右但係出來呢煎餃真係幾靚，塊皮薄，而入邊嘅餡料都好味，配埋啲醋 好味呢個餃子餐仲配有小小嘅芝麻醬冷麵，同埋餐前小食，今次我就揀咗蘿蔔，好開胃最有誠意嘅係每個餐都配有兩粒湯圓，薑湯小辣 好飲另外再加左碗酸辣湯 $30

唔知上海有冇叫香港麵呢樣嘢，可能其實係出前一丁不過喺香港就有好多上海麵店，北角都有間新開嘅，抵食又好食佢地一個餐都包幾多嘢，有主食、前菜、煎餃、甜品同嘢飲煎餃有兩種菜揀，白菜清爽啲韭菜就香濃啲，同樣煎得好靚仔前菜二選一，酸甜蘿蔔酸酸甜甜好開胃陳醋雲耳爽口得嚟，醋香又唔會過酸上海排骨相當之厚，原本仲擔心佢會好嚡，但又整得幾鬆嫩，醃得入味麵底夠晒料，質感有彈性又實在仲以為大滷麵係滷味麵，原來麵面上有不同嘅菜蔬同肉片睇落好健康，食落啖啖唔同有驚喜甜品係薑茶芝麻小湯圓，啱晒乍暖還寒嘅季節，勁香薑味，外皮好綿，芝麻餡爆香食過煎餃就好想食埋湯餃，嚟十隻西洋菜餃，菜香帶挈肉香，外皮薄實，豬骨湯底都好夾

同阿女佢哋去買野過年，今日嚟到北角，阿女知道有間新開嘅上海菜館好味兼抵食，叫做上海小聚，所以順道去試吓！餐廳地去簡潔，主打上海菜。我哋揀咗套餐，食物豐富比較抵食。上海蔥烤排骨麵，排骨好大塊，鮮嫩夠味，五款湯底中揀咗沙嗲湯底，沙嗲夠香夠濃郁，三款麵中揀咗上海麵，掛湯後食落又滑又惹味。二款前菜中揀咗酸甜蘿蔔，味道酸酸甜甜，口感爽脆。餃子皮薄餡嫩，味道鮮美。薑茶芝麻小湯圓，薑茶薑味濃郁，小湯圓芝麻餡流心細滑，咬一小口，澎湃流出來。 湯圓皮口感煙韌。上海雪菜肉絲毛豆麵，雪菜肉絲鹹香又具脆度，加埋毛豆增添美味。奶白色的豬骨湯底清甜。陳醋雲耳簡單清爽很開胃。韮菜鮮肉湯餃，皮夠薄，菜肉餡足料，味道鮮美。每款套餐都配有薑茶芝麻小湯圓。加$4有飲品煎韭菜大蝦鮮肉餃子，每一隻都渾厚飽滿，鮮嫩翠綠的上等韭菜，香氣滿溢，引出特選豬肉的味美香鮮，大蝦爽口。外皮煎得香脆可口。和風汁蟹柳冷麵味道酸酸甜甜好開胃。酸甜蘿蔔薑茶芝麻小湯圓

今晚同朋友食飯，去左北角新開嘅「上海小聚」簡潔整齊裝修，店員服務禮貌殷勤🤓呢到主打餃子，點左韭菜鮮肉餃、大白菜鮮肉餃，每粒大大粒，相當足料，鮮味滿分！😋今晚食左湯餃子，湯底有5款免費自選，有麻辣、豬骨、沙嗲、冬陰功、酸辣湯🥣個人推介冬陰功好少地方有，同呢到嘅餃子味道好夾，啖湯又唔會好辣👍🏻仲可以配套餐，有前菜二選一，酸甜蘿蔔或陳醋云耳，和風汁蟹柳冷麵，甜品薑茶芝麻小湯圓，加$4仲有飲品，豐富到不得了又抵食！😜