上海弄堂菜肉餛飩 (電氣道)

营业中

休息中

本人非常喜歡吃上海菜，今天便來到這間位於天后的小店，店鋪雖小，但餐點選擇多。鎮江肴肉這是冷盤每次吃上海菜必點，豬皮膠又香又滑，吃時蘸少少黑醋，味道豐富。小籠包小籠包的皮很薄，咬開一小口後先喝光小籠包内的湯，再加上醋和薑絲一口放進嘴裏，肉餡不會過於肥膩，完全沒有油益味，感覺新鮮。薺菜餛飩一共有8粒餛飩配清清的醬油湯底，餛飩皮薄，菜肉餡豐富，餛飩大粒，非常飽肚。排骨菜飯最喜歡吃的就是菜飯，感覺比較健康，而且菜也很多，確保每一口都能吃到青菜。另外排骨酥脆，炸粉不厚，肉質鬆軟。

同99 Call親外賣， 90%都會叫上海弄堂，因為食物質素有保證，味道對口胃今日叫咗醉雞菜飯、素鵝、蒸銀絲卷、菜肉雲吞、上海粗炒。醉雞菜飯，有少少失望，醉雞份量偏小，雞胸配雞翼，肉質冇想像中嫩滑，酒味不夠香濃，菜飯普通素鵝叫了無數咁多次，因為腐皮炸得香脆，餡料相當紮實，蔬菜是切得細緻，所以整條腐皮素鵝形狀10分可喜蒸銀絲卷，入口香軟，配上奶油入口，是10分可口的上海包點菜肉雲吞是招牌菜，餡料調味得相當好，但雲吞皮稍為厚身上海粗炒味道不過不失，以粗炒來說，並不是太油膩，但食完後需要飲水

今日收工後，同媽媽去上海弄堂菜肉餛飩食晚餐想點素菜餛飩，但已經售罄，所以揀咗其他素食菜式 同媽媽食晚餐，餐牌比媽媽揀先，素菜系列嘅餐牌多款選擇，最後媽媽揀咗三款素食，我就揀咗另外三款 肚仔餓當然要食番碗【擔擔麵 $49】揀咗小辣(因為我唔食得太辣)，個湯底辣得惹味，擔擔麵配料有碎豬肉、蝦米粒、榨菜粒、香蔥、豬骨湯、花生、芝麻醬、辣油 當然飲埋我最鍾意飲嘅【酸辣湯 $40】(唔食得太辣都要飲😋) 熱辣辣嘅酸辣湯勁足料，配料有豬肉絲、豬肚、雲耳、雞蛋、豆腐、筍，每一口都好豐富，酸酸辣辣比例啱啱好，好正 再揀埋【小籠包 4隻 $40】熱辣辣嘅小籠包，一籠有4隻，每隻都皮薄，餡料係嫩滑豬肉碎，每粒裡面都包住濃郁湯汁，多到爆汁(記得小心食) 媽媽係 “素食家餐牌” 就揀咗個【香菇烤麩 $65】呢個必食推介，烤麩大大件勁入味、香菇大件厚肉、雲耳爽口、金針菜都入哂味 鍾意食脆口野，所以就揀咗【蔬菜春卷 $32】4條長長脆卜卜嘅蔬菜春卷(素)，好多蔬菜在內，健康好味 再點多碗【陽春麵 $32】就啱啱好，個湯底係素湯好清，麵質適中 上海弄堂菜肉餛飩 (電氣道)天后電氣道63-81號發昌大廈地下A號舖

今天來了天后探朋友，順道在附近吃午餐，由於朋友是素食者，所以便要選有葷素食的食店用膳，朋友揀了上海弄堂開餐這食店都多人幫親，我們大約等了15分鐘才有位。坐下後，我們叫了兩個午餐，分別是素餛飩湯麵，和嫩雞煨麵，跟餐可配一杯豆漿，及加$16 配了小食黃瓜。另外，朋友喜歡吃烤夫，我們也叫了一客。甜品方面，我們叫了芝麻湯圓。天后分店的位置很方便，出了地鐵只需步行數分鐘便到達黃瓜大大件，醃得入味香菇烤夫是朋友的至愛，冬菇大件兼厚肉，其他食材份量亦多，味道清淡，好嫩雞煨麵湯底味濃，麵條好煙靭，加埋蔬菜，最適合炎熱的夏天食用素餛飩湯麵賣相非常好，湯底也是素湯，素食者食得安心素餛飩原來餡料非常豐富，有冬菇、木耳、紅蘿蔔、豆腐干及菜，味道清新，確是素食者的佳音芝麻湯圓外皮煙靭，不太甜，令整個午餐劃上完美的句號

餐廳除了提供經典上海菜式，亦提供多款一人套餐，可以自由選擇主食和小食， 另可選菜飯/麵食。我們二人主食就點了糖醋魚塊、韭黃膳糊，小食點了上海春卷、鎮江肴肉。肴肉是我最愛的上海菜之一，口感有層次且香濃，是最好的前菜糖醋魚塊味道跟咕嚕肉相似，甜酸相融，而且魚肉香脆。而韭黃膳糊的魚肉切得較碎，容易入口，但醬汁比想像中要咸，配搭白飯就剛剛好。湯麵是我喜歡那種幼身擔擔麵，湯底啖啖鮮味。除了主食外，來到這間餛飩專門店，當然要試試餛飩啦，主食已經試了各種肉類，今次便選擇素菜餛飩，裏面有多種蔬菜豆菇，爽口青香。

同M佬嚟到天后嘅TUVE酒店玩Staycation慶祝佢嘅生日，夜晚嗰餐佢話想食得簡單啲，因為只要兩個人喺埋一齊，就係最幸福。所以我哋嚟到酒店附近嘅上海弄堂菜肉餛飩，餐廳店面細細，但菜式選擇唔少，味道甚有家嘅感覺，值得推介。酸辣湯餛飩酸辣湯勁足料，有肉絲、筍絲、冬菇絲、豬肚絲等等，真係每啖都好豐富同好有口感！而酸同辣嘅比例啱啱好，唔會太辣又唔會太酸，夠晒熱辣辣！至於餛飩有成五隻，隻隻都勁飽滿，咬開嘅時候係會爆汁，菜嘅比例相對多，食得健康之餘，亦會帶出菜嘅鮮甜味。小籠包小籠包一籠四隻，皮夠晒薄，咬開個皮，裏面嘅湯汁就會爆晒出嚟，湯汁濃郁，肉味香濃。排骨菜飯即叫即炸嘅上海排骨，夠晒香脆，特別欣賞佢嘅炸粉唔會太厚，肉質鬆軟。菜飯勁多菜，但略嫌有啲油。上海湯粗平時食上海嘢特別鍾意食有口感粗面，煙煙銀銀，甚有口感。呢度嘅湯底唔似出邊咁多味精，所以湯底無咁濃，帶有微微嘅豉油香。配料有小棠菜、椰菜同腩片，份量唔少，夠晒抵食。

好久冇食上海菜，上網見上海弄堂菜肉餛飩位置好近天后站，店舖座位唔多，但都算乾淨企理，就約朋友去食午餐😀店舖有午市同下午茶優惠，價錢都幾抵😉花雕醉雞，無錫小排骨，配擔擔麵花雕醉雞雞肉渗入花雕酒香，食落有雞味，肉質有嚼勁😋無錫小排骨，排骨酸甜入味，肉質鬆軟，調味剛剛好😋擔擔麵湯底揀咗少辣，濃稠適中，花生粒同肉碎多D就更加好😅小籠包四隻小籠包即叫即蒸，趁熱食最好👍，湯汁鮮甜，啜完湯汁再蘸薑醋食，一啖一粒😋桂花酒釀丸子清甜得嚟帶桂花香味，丸子細細粒，煙韌好食😋熱豆漿真材實料，豆味濃郁😋

原來「弄堂」的意思是指上海的小窄巷， 在上海通常是隱藏地道家庭美食小店的地方。 今次試於天后的 「上海弄堂」 完全符合相關條件， 唯一例外的是因為它的美味已經令它擁有三間分店了。其實亦不算難找， 位於天后食街電氣道的一條橫街小巷， 而堂口掛有有一幅非常吸睛的（應該是）上海舊景畫作。 驚訝的是本身價錢已屬於親民路線， 但原來尚有兩個優惠套餐可以揀選試到幾款招牌菜式。 所以和朋友分別點了菜膽獅子頭和糖醋魚塊套餐（ 包括小吃,主菜和飯麵）， 再加小籠包。菜膽獅子頭套餐小吃選了鎮江肴肉，瘦肉位置香酥、 水晶部分不膩，吃時配上薑絲和醋， 很有上海風味。 份量十足的兩球獅子頭， 外層香口而內裏非常軟綿， 瘦肉和肥肉的比例拿捏得很好， 不會覺得飽滯肥膩但帶出了令人上癮的甘香， 和上海獨有的菜飯非常配搭。 菜飯的蔬菜量亦非常十足， 非常新鮮爽口， 厲害之處是飯粒依然保持乾身， 不錯！糖醋魚塊套餐前菜就選了酸辣湯， 令人驚喜的是湯的酸度和辣到都足夠， 配上肉絲的香，豆腐和木耳絲的口感， 非常喜歡。 糖醋魚塊同樣帶有微辣， 魚件的肉質一梳梳非常紮實， 絕對新鮮香甜。 今次配搭的擔擔麵亦沒有令人失望， 麻香

屋企要來個小裝修工程🛠一家人搬咗去天后一間酒店🏩暫住一個月，日日行路🚶🏼‍♀️返工放工，真好✌️除左返工方便咗好多之外，另一個大收獲就係原來天后⛳️有好多美味食店，其中呢間我最鍾意♦️上海弄堂菜肉餛飩♦️.它絕對唔起眼👀如果唔係睇openrice 搵野食，真係行過咗都唔知，唔會留意到，所以openrice 呢個平台真係幫咗好多人🙏至於呢間食店，因為太好味，食咗好多餐，美食如下🫕🧆🥘🍲.小籠包🥢湯汁飽滿，豬肉結實醉雞🥢肉質鮮嫩，雞胸都唔會鞋，充滿酒香鎮江肴肉🥢香嫩不腻上海粗炒和上海炒年糕🥢同出面最唔同嘅地方，就係冇果種好油膩的感覺，肉片薄而入味香煎肉餃🥢皮薄多汁，好食到停唔到口菜肉餛飩麵🥢麵係幼身嘅上海麵，湯底較清，餛飩有啖啖嘅菜香沙窩餛飩雞🥢湯底濃郁加上大大粒餛飩，正雪菜肉絲炒年糕🥢同樣不油不膩，有好多雪菜小青瓜🥢出面呢個前菜只有青瓜味，但佢地加左個汁，好開胃，青瓜亦爽脆無錫排骨菜飯和燻魚菜飯🥢排骨入味而醬汁酸酸甜甜，菜飯都幾大碗，充滿菜粒，燻魚係凍食，我個人都係鍾意食熱野多啲脆炸素鵝🥢外層真係好脆，但內裏的籮白絲、雲耳就好爽口蝦仁跑蛋🥢蛋汁頗薄，有蝦味，煎得好香沙窩蛋餃津白🥢津白清甜，蛋餃內有

由中學開始我就好鍾意食上海弄堂d菜肉餛飩！天后呢間上海弄堂依然保持水準～夜晚6幾7店食客唔多，反而靜d坐得舒服d～小籠包(4隻）$40呢度嘅小籠包質素幾高，因為佢嘅餡好juicy多湯，一口一件就啱啱好！佢嘅皮唔算好薄，但反而咁就唔會好易穿！一定要趁熱食！砂鍋餛飩雞 (1/4隻）- 配6隻菜肉餛飩 $112湯底係好濃郁嘅雞味，飲落非常順喉。雞件都幾大件，而且係非常滑嫩！而菜肉餛飩就keep到水準，食落好有菜味！不過如果再多啲餡嘅話會更加好！擔擔麵 $49好耐冇食過擔擔麵，所以今次就叫咗一碗淨擔擔麵嚟試下～ 湯有少少辣味同埋幾多花生碎，食落唔係好重花生味，就算唔食得好辣/唔鍾意花生味嘅人都可以一試！桂花酒釀丸子$32好重酒味！丸子口感唔會好粉，煙韌得嚟又唔會黐牙～

聽聞天后有很多美食，常常聽朋友說天后很多新開的食肆及有特色的美食。今次放工約了朋友在天后找了一間食上海菜的餐館。餐館位置不難找也非常近天後地鐵站口。我們坐下便看看餐牌，雖然餐館不算很大，坐位有限，但晚上也客似雲來。二不話說我們選擇幾款食品。最喜歡點的醉雞擔擔麵- 醉雞做得雞肉嫩滑也滲透了香濃的花雕酒味，擔擔麵稍為對我唔食辣的人會覺得頗辣。其實也可以選擇辣度，大、中、小程度。視乎各人喜好。還點了一款小吃- 脆皮素鵝，餡料有香菇雲耳，冬筍及紅蘿蔔，素鵝炸得很鬆脆。當然少不了一碟上湯雲腿津白-新鮮津白，配以香濃的上湯及咸味適中的雲腿。最後再來一碗芝麻湯圓做甜品為這頓美味的晚餐畫上句號。

今日心情想食上海野🙆‍♀️─────────🦆脆皮素鵝🥖炸銀絲卷🥟菜肉餛飩👩‍🦰一人餐🔽鎮江肴肉+糖醋魚塊+菜飯+熱豆漿─────────✔️ 素鵝睇網評係必叫架✨ 食完果然不負期望，份量大，脆口餡料又豐富✔️呢到銀絲卷🥖係正宗架，無用普通饅頭扮銀絲卷，食落真係有一絲絲效果，即叫即炸，蘸埋煉奶一齊食係幸福感覺✔ 菜肉餛飩🥟係手工包，粒粒都好大粒，包到金元寶形狀，好意頭呀✔️ 叫一人餐貪佢cp 高，一百蚊左右已經有齊酸甜好送飯嘅糖醋魚塊同入口啖啖骨膠原嘅嘅鎮江肴肉🙆‍♀️仲包埋菜飯同飲品，選擇困難症人士食呢個就餐就最啱✨✨✨ ✨✨✨ ✨✨✨上海弄堂菜肉餛飩 (電氣道) (天后)天后電氣道63-81號發昌大廈地下A號舖

因為唔食豬嘅關係鍾意食水餃餛飩嘅我好難搵到冇豬肉餡嘅水餃餛飩好開心呢度有素菜餃供應而且呢度餛飩咁出名當然要一試叫左一份湯素菜餛飩一碗有八粒 唔係一口餛飩size 分到兩三啖黎食 都幾大粒 餛飩餡料豐富 粒粒都漲卜卜食落好香 味濃 材料好爽口每粒都有好多小棠菜 好新鮮仲有甘荀 豆乾 雲耳不過就唔係太食到冬荀絲本身冇為意係配咩湯底原來英文寫左soy sauce soup咁佢真係切切實實係一個豉油湯感覺不是太良好真係好似飲緊豉油溝水咁而且好鹹 唔鮮令我一路食一路’庇‘走啲湯如果湯底係雞湯或者因為素食而用蔬菜煲嘅清湯成件事感覺會更加完美另外朋友叫左個排骨菜飯菜飯好多菜 不過味道比較淡 冇乜調味豬扒外層嘅炸漿做得好薄 好鬆化不過豬扒望落都好薄 肉質偏實同埋鋪頭有啲嘈類似冷氣機嗰種嘈吵如果可以減低嘈音或者播下音樂成個用餐環境氣氛都會更加好

今日約朋友去左呢一間食上海菜嘅餐廳，餐廳位於一條巷仔，裏邊座位唔多，但係好古色古香。枱面有簡單介紹餐廳名字的由來，又有介紹店裏嘅招牌菜式，感覺真係置身上海一樣。點了一份牛展擔擔麵，擔擔面湯底非常濃郁，但係又唔會好鹹，而且份量仲好充足。以牛展唔會好硬，好入味，絕對適合拌麵。牛展都好大塊，厚切又好有口感。真心值得推介！小食方面點左一份小籠包，小籠包真係皮薄餡靚，而且仲好多汁，肉質亦都好鮮嫩。另外當然要試吓招牌菜式，就係煎餃。煎餃唔會好乾，皮亦唔會好厚。同埋食餃最開心就係有呢層金黃色的底皮，真係好香口又脆口。朋友點了一份排骨菜飯。望落都覺得炸得香口，而且豬扒亦唔會好乾。

突然想食上海菜，找到家裏附近的上海菜試試。菜肉雲吞八隻，雲吞不錯但配豉油湯底有點奇怪炸銀絲卷有點乾小籠包不錯但期待會爆汁，結果不會，不過唔錯棒棒雞不辣，其實就係麻醬雞絲嫩雞煨麵好食，推薦黃金排骨菜飯，排骨有點硬上湯腿茸津白好食，上湯好飲，推薦埋單$400幾