上海弄堂菜肉餛飩 (電氣道)

营业中

休息中

行過天后食個late lunch, 中午有午市套餐可叫。$58「蒜香排骨」加陽春麵（另加$5），要加$8要了汽水。蒜香排骨小小辣，剛炸好熱辣辣，外皮香脆，蒜味香濃。陽春麵清清地加上蔥花的點綴，一口接一口吃個不停。上海紅燒牛肉 ＄68，今次加$10轉擔擔麵，再配汽水。紅燒牛肉有4-5塊，炆得好入味，肉質唔鞋。擔擔麵都幾好食，花生碎加上微辣的湯底，好開胃。另外加了8隻薺菜豬肉餛飩，大大粒，好多餡料,幾有肉味。配上餃子醋, 鮮味增加不少! 呢度仲有生雲吞可以買返屋企，如果鍾意食都可以外賣一打。餐廳環境坐得好舒服，位置方便近天后地鐵站！

今天下午休息，約了好友到天后吃午飯，好友提議到「上海弄堂菜肉餛飩」吃上海菜，地點距離天后地鐵站只有數分鐘，非常方便。我們點選兩份「超值一人套餐」便可分享不同的美食，每份「超值一人套餐」包含：湯（2選1）；特色涼菜（4選1） ；主菜（4選1） ；飯麵（4選1）和凍飲1杯。點菜時可掃描枱上的QR code自行下單。酸辣湯融合黑木耳、肉絲、冬菇絲等，口感豐富，濃稠度剛好，酸酸辣辣， 十分開胃。特色涼拌：燻魚和鎮江肴肉燻魚口感外酥內軟，烹調時放入醬汁，增加了滋味及色澤，味道甘甜。鎮江肴肉肴肉呈啫喱狀晶瑩剔透，肉質彈牙結實，沾上鎮江醋及薑絲一起品嚐更覺美味。主菜要了無錫排骨和紅燒肉百葉結排骨肉質鬆軟，吸收了醬汁和醋汁，每啖都是軟綿多汁的肉質和香味。 紅燒肉百葉結紅燒肉和百葉結一起烹調，可有降膩作用，豆香味融入紅燒肉中，使肉味更加濃郁。🍜擔擔麵麵條沾滿帶微辣的湯底，加上肉碎，每口滿是肉汁，分量也大，非常滿足。凍甘庶水炎炎夏日，清甜潤喉解渴。整體而言：地方雖然不大，但環境感覺溫馨，店員服務態度良好，令人有種上海家庭小菜的味道。

下午三四點在天后搵嘢食，這間小店經過好多次都未試過，便趁著不繁忙時間入去試吓。一坐下有兩杯麥茶，兩個人叫了個一人餐+一客小籠飽，一人餐set有雲吞雞、酸辣湯、擔擔麵、兩碟小食、豆漿。大部分食物都ok，但擔擔麵湯底唔夠厚唔夠濃，比較希！小籠包都好食。結賬時比預算多好多：1) 茶錢$5位(果兩小杯茶原來要收錢😠，坐咗咁耐好似冇嚟幫你添過茶)；2) 加一服務費(只有大約四張四人枱咁嘅小店竟然要加一，另外我唔覺得有什麼服務囉😠);3) 餐set裡的前菜主菜有四選一的，原來每項其中一款是要另加$8 (細細隻字怪自己沒留意吧)，店主設計一些看似底食的套餐，但又要鬼鬼鼠鼠左加右加你錢，點解要加錢果款要放在set內，咁貴咁巴閉就不要加入set內😠。點菜時預計$200頭，但結賬時差不多接近$300！！另外，入店時，因為前面張枱有位較胖的男仕正在用餐，那麼我朋友選擇坐在我隔離而不是對著坐(因為如果對著我，背後便同那位男仕好貼)，但店內位女店員見我們這樣坐好像有點不滿，態度又不好😠 ，最主要係店內食客只係有我們三人!!!價錢貴、服務差，不過會有下次！

來到很久沒到過的上海弄堂，個老婆一坐低已經非常雀躍的點菜，發現他們的套餐好像多了選項，我老婆各自揀選了一個一人餐，有一份酸辣湯和飲品，前菜選了寧式熏魚及陳年花雕醉雞，主菜分別選了無錫排骨和醬燒茄子，再跟菜飯或麵。酸辣湯外邊的通常是不夠酸就是不夠辣，這裡的夠酸夠辣，非常醒胃。屬於比較濃稠而且用料充足，每一啖都吃到豆腐，肉碎和木耳等。辣味和酸味只會停留口腔一陣子，餘下的就有材料的香，個人非常喜愛。寧式熏魚及陳年花雕醉雞熏魚用上比較多肉的魚種，雖然有一點碎骨但都算啖啖肉，而且醃製得非常有醬料清甜香味。花雕醉雞的雞件完全充斥花雕的獨有香氣，非常厚肉，皮薄而且肉嫰，不吃雞皮的也建議破戒吃這款。無錫排骨和醬燒茄子無錫骨只聽名字以為去比較多骨，但原來只有可吞下的軟骨，炆得非常軟淋，入口即化，而且味道酸酸甜甜，非常適合配飯麵。茄子感覺上會比較清淡，但實際是相當惹味，醬汁香而不辣，掛滿整條茄子，口感軟綿，配合伴碟的綠豆口感非常滿足。水準完全冇走樣，值得支持！

中午路經維園旁邊一條不起眼的橫街，看見一家上海菜的小店「上海弄堂」，門前餐牌的菜式很合我胃口，於是入內光顧午膳。舖面雖然不大，但牆上掛著“老上海”的海報和舊照片，一片懷舊風。這裏也是掃QR CODE點菜，上菜有效率，方便上班一族。超值一人餐：包括湯、小食、主菜、飯/麵和飲品。“酸辣湯”，夠味足料，非常醒胃。“燻魚”，甘香酥脆，口感不錯。“無錫排骨”，腍軟入味，入口回甘，是必食之選。“菜飯”，上海菜飯，沒有白飯般寡，美食送飯一流。“蒜香排骨”配湯麵，新鮮即炸排骨，非常脆口，蒜香滲透排骨，十分好味道。“紅燒牛肉”配菜飯，牛腩肉燜得很腍，也很入味。最後是飲品：豆漿、酸梅湯，豆漿新鮮濃郁，豆香四溢。期待下次晚市再來吃小籠包、豆沙鍋餅等。

20分鐘食碗面無啦啦在沒有任何價錢牌寫明計時多收穫$5茶錢再加10% charge…我都唔知邊度有Service可言…嗰杯茶我以為俾嚟洗筷子…俾錢嗰一刻先至坳都無謂啦⋯⋯不過問多兩句佢哋就話係呀夜晚收charge 㗎咁即係彈性收費啦….不過講返食物質素個擔擔麵真係唔得囉….湯底唔夠厚身味道唔夠平均…得個辣字啲麻花生醬都唔知去咗邊…花生碎粒極度慳…麵質一般…一個最基本最見真功夫嘅上海擔擔面就見真章….！，其他唔使是試。

疫程緩和，約了喜歡吃上海菜的媽咪到上海弄堂開餐啦已有一輪沒有來過，原來多了一些一人套餐，於是揀了一個$168 來食下。套餐包羅萬有，有湯、涼菜、小食、主菜、飯/麵，及飲品。我們叫了酸辣湯、加$8要了陳年花雕醉雞、香煎鮮肉餃、砂窩餛飩雞、陽春麵，及豆漿，我們還加了個湯年糕。酸辣湯：帶點微辣，材料豐富。陳年花雕醉雞：這個是媽咪必食的，雞肉嫩滑，吃時傳來陣陣酒香。香煎鮮肉餃：皮薄餡靚，外皮脆卜卜。砂窩餛飩雞：湯底清甜，餛飩大大隻，雞件入味。陽春麵：份量十足，麵條彈牙。豆漿：入口充滿豆香。湯年糕：年糕煙靭，湯底非常地道。整體來說，套餐款式多，任君選擇，更可一次過吃曬自己喜歡的精品食物

位於電氣道的這間（上海弄堂），保留傳統地道口味，味蕾感受滿滿👍👍👍👍餐廳裝修也很有特色，多款美食可供食客選擇！賣香吸引的酸辣湯，開味又好吃。服務人員還溫馨提示趁熱吃，這樣更能保留原有的風味！味道相當好😋😋😋😋鎮江肴肉，吃氣來入味又有口感！感覺還很有骨膠原！上海薰魚，喜歡吃魚的食客不容錯過！這裡的薰魚鮮香好好吃！傳統的地道風味令我垂涎欲滴😋😋😋😋賣相討好的回鍋肉，一上桌已聞到香味，厚簿適中的五花腩吃起來香香的！裡面的配菜也很恰到好處！與清淡的陽春麵搭配也很不錯！紅燒肉配百葉結，廚師精選肥瘦相間的五花腩，吃起來軟淋淋的五花腩！入味之於一點也不膩口，百葉結吸收了湯汁的精華！也特別美味！

已經差不多3個多月冇見好友，趁今日放假一於約食lunch 之後再到附近shopping .套餐-蒜香排骨排骨炸到酥香肉嫩，肉味香濃，炸到剛剛好，保留住少少肉汁，配搭菜飯非常恰到好處。套餐-上海粗炒粗麵比較幼身，但非常掛汁，每條麵條都掛上濃濃醬汁，店家用上豬腩片，小唐菜，椰菜等配料加入炒麵，豬腩片炒到鮮嫩可口，蔬菜鮮甜，整體味道豐富。燻魚燻魚味道豐富，鹹香中帶著鮮甜，魚肉還有絲絲的幹香和勁道，吃起來讓人齒頰留香、回味無窮。小籠包新鮮即叫即蒸，一咬開便爆出鮮甜的湯汁，令人忍不住吃完一隻又一隻，超級正。凍甘庶水自家製甘庶水，味道清甜潤口，味道不太甜。凍豆漿豆漿豆味香濃，順口滑溜。

喺天后搵緊下午茶嘅時候，竟然見到有間上海菜，舖頭雖然好細，但係都幾整齊！於是我同老公就決定入去試吓😎😎😎第一時間，就咁係點一個小籠包😍😍😍有陣時食到啲小籠包，皮又厚，又冇湯，所以要整得小籠包好食都係好有技巧！然後我叫咗無錫小骨麵！我老公就叫咗醉雞擔擔麵🤣最鍾意就係上海鋪嘅豆漿😍😍😍等咗一陣，啲嘢食就好快到，份量都唔少！！完全over左teatime既份量hehehehhee個肉係偏酸！所以好開胃😍😍好似糖醋骨咁！而小籠包既湯同埋肉既比例都好好😍而且皮都好薄😍真係做到皮薄餡靚😆😆😆😆其實佢仲有啲小菜好想試，但係因為我哋兩個人，諗住食下午茶，根本食唔落咁多嘢，所以我哋就叫唔到，留返下次再試🤣🤣🤣🤣老公話啲醉雞好入味！佢明明好飽，但最後食哂成碟😂😂😂😂😂所以佢話要快d再黎試埋其他😆

巷弄間搵到呢間上海小店地方唔算大🌃賣嘅餸亦都唔係十分Fancy 既大餸🥢 但係試一試佢晚餐有種傳統又溫暖既感覺🏠 大魚大肉食得多 平平淡淡也不錯💕⭐️ 小籠包 🥟皮夠薄👍🏻 肉汁夠Juicy有鮮味🍖 亮點在於唔會太油膩😋⭐️ 上海炒年糕 🍝年糕嘅口感啱啱好❤️ 最喜歡食QQ的口感 醬油濃而不油膩🧂帶點上海菜Signature的甜味🍬⭐️ 上海春卷 🫔現炸脆度唔會乾 🔥雖然餡料係素菜但充滿鮮味🥗⭐️ 鎮江肴肉 🐷睇落去晶瑩剔透✨ 咬落去滿滿骨膠原🦴配上薑絲特別清新⭐️ 菜膽獅子頭 🦁獅子頭煮得好入味😛送飯一流🍚 又唔會太多肥肉 像一道不錯的住家菜👵🏻

我呢一間嘅上海雲吞真係非常之好食，單講賣相已經好吸引，而且有我最鍾意食嘅小棠菜雲吞，菜肉餡料比例平均，每一啖都食到小棠菜嘅爽甜😋而且豬肉又唔會太肥同埋佢哋嘅糖醋魚塊都係我嘅心水推介，甜甜酸酸真係非常之開胃，而且份量非常之多，鍾意食糖醋魚嘅朋友一定要試！而且午餐價錢更加抵食，配埋菜飯，感覺非常之健康😍😍另外我都再叫咗一個小食，棒棒雞聽個名幾得意，其實係用雞絲同青瓜再配搭芝麻醬，味道冇得輸💁🏻‍♀️雞絲撕得非常之有幼細，在配搭青瓜爽口清甜，做前菜真係一流👍🏻😋😋正

約左港島既朋友食飯，佢指明要食返上次天后既「上海弄堂」，佢話好掛住個擔擔麵，出面食既無果種花生香，無一間有呢個質素舖仔細細，但好多人幫襯有全日套餐，亦有散點，全日免收加一素食選擇亦很多酸辣湯熱焫焫又足料，帶酸又夠辣，刺激惹味，非常開胃糖醋魚塊配擔擔麵擔擔麵沒有令朋友失望，保持高水準，花生香味濃郁，麵質爽滑糖醋魚塊第一次食，酸酸甜甜好開胃，皮又唔厚，魚肉嫩滑份量重幾多下添，配埋菠蘿、三色椒，很豐富紅油炒手六大粒，粒粒結實漲卜卜，夠辣夠惹味每次都必食既煎餃子煎得好靚，皮薄帶脆，內裏飽滿結實，好好食整體保持一貫高質

涼爽既天氣終於開始!! 呢個時候當然要食下D暖暖既點心同湯麵啦～話說，中式菜來講，我都幾鍾意食上海菜!! 有日放工就去左天后覓食，而家天后都好多野食啦～食街咁! 今次就去左呢間上海弄堂菜肉餛飩! 叫左必食既:..🥢小籠包 (4件)充滿湯汁既小籠包，記得趁熱食啦! 我既食法就係將成件小籠包一野擺入口度食，裡面既湯汁係口腔度爆發!! 超正!! 好好味!!..🥟弄堂菜肉餛飩 (4件)餐廳招牌既上海手工餛飩，點都要試試既! 大大粒既餛飩，皮薄餡厚，每件都好足料! 配埋暖湯一齊食，好味呀! ..🍱套餐 - 無鍚排骨 配 酸辣湯 及 菜飯酸辣湯好惹味，夠酸夠辣，真係飲到出哂汗，好爽!! 無錫排骨炆得好入味好軟腍，調味剛剛好，撈埋菜飯食一流! 講起食上海菜，識食既話，配飯當然要揀菜飯啦..🍜 嫩雞煨麵呢道料理可以話係我最喜愛既湯麵之一! 雖然只係簡單既雞肉同菜同麵，但雞湯湯底好鮮美，麵幼滑且軟，雞肉嫩，青菜爽，就係一個好完美既組合!..呢餐真係食到身心都暖一暖! 店鋪店面不大，但幾乾淨! 價錢不貴，想食下家庭上海菜可以來呢間食👍🏻

今天放工晚上朋友約了我出北角北角匯影狗狗景，未出去北角影相前，我們吃一吃晚餐先，朋友提議出天后今次這間上海小店吃晚餐，說這間上海店不錯，晚上我們來到了門口，等了一會有位座，坐位不多，裝修好有中國古色，牆掛滿畫，看了一回餐牌，我們叫了小籠飽小籠飽一籠有4隻，皮薄薄，肉汁鮮甜，一咬口流出來餛飩餛飩一籠有8隻，都大隻，好香肉味，爽滑，很有口感擔擔麵麵身煮得軟硬適中，彈牙，小辣真是不太辣，提神上海炒年糕年糕都算大碟，有厚身度，炒得好軟身同好香年糕味