上海弄堂菜肉餛飩 (已結業)

香港嘅上海菜餐厅其实都唔算好多，而呢间咁啱又系铜锣湾附近，所以行完街就过嚟试吓。味道同埋服务都几好绝对对得住个价钱。担担面小辣，个面底本身都几多，可以两个人share嚟食。汤底都几浓郁，食到下面有好浓嘅花生碎同埋肉碎，而且面头嘅红油都唔算太多唔会太油腻。最好嘅位系因为啲面非常之吸汁，而店员会再比另一碗嘅汁依家落去所以唔会变咗面糊。回锅肉炒年糕，首先讲吓个年糕都几有咬口，而且份量都几多，入面有埋椰菜去炒有少少汁可以比年糕吸埋，所以非常之入味而且调味都几适中小小辣辣地又唔会太咸，都几正宗小笼包方面，皮都算几薄而且入面会有少少汤汁可以饮下。入面嘅肉亦都唔会太干身，点少少醋咁食更加好味炸银丝卷，出面略嫌油左少少，不过都炸得几香脆，系新鲜即炸。所以非常之热辣辣。而入面点解似银丝系因为入面馒头嘅面粉会做到好似一条条丝咁，令到馒头更加松软有少少面粉香。春卷方面同馒头一样系新鲜即炸不过就唔会太油腻，而且入面都有唔同嘅蔬菜类例如红萝卜木耳等等食落去都几爽口。最后职员嘅服务态度亦都唔错，价钱唔算太贵合理最重要系内部嘅装修同埋座位都有落过一番心思。