上海珍珍排骨麵

营业中

休息中

今晚過來屯門, 唔想去連鎖店, 想食d熱野, 之後㨂左來依度, 其實好耐之前食過一次, 始終食飯時間, 都坐滿晒人客, 比安排坐近門口的圓枱, 望下餐牌有d選擇困難😆但唔想食好多肉又唔想食炸野, 最後揀左最清的🥬菜膽🥬菜肉雲吞配上海麵加凍豆漿, d野未到, 有張卡位走左, 姐姐叫我坐過去, 真係感受到乜嘢叫人情味的服務🥰👍, 好有愛🫶 之後送來湯麵和凍豆漿, 見到枱上有辣椒🌶️粉同🌶️辣椒醬😀我二樣都落左少少, 飲啖湯先, 淡淡地有d味, 再食啖麵, 一般上海麵的味道, 但唔會食落好硬好多粉的感覺, 而且份量都唔少😁, 再食舊菜肉雲吞, 個皮好滑又薄, 食到入面d餡好豐富好香🤩都比左好多舊👍👍菜膽係白菜膽🥬都好多棵😅加少少辣帶出更好味, 豆漿夠凍唔算太甜好飲😘🥰60元晚餐算係好抵食, 下次過來再食過😆

今日嚟到介紹平靚正之選，呢一間坐落喺屯門華都商場地舖嘅上海麵店，相信好多屯門人都係嗰度食過，佢喺屯門嘅歷史超過30年，今日我點嘅就係雲吞排骨麵，大大粒雲吞仲要有四粒再加一份豬扒，基本上一定飽肚如果食量唔多嘅朋友記得唔好叫雙拼唔好浪費食物，連埋杯嘢飲都係$60，佢嘅雲吞係豬肉裏面有冬菇厚厚嘅麵粉皮包住，係最傳統嗰隻上海雲吞，至於排骨喺我小時候成日覺得阿媽蒸餸啲排骨有骨㗎喎，但上海菜嘅排骨其實即係炸豬扒，啖啖肉嗰隻，以前小時候喺度食佢嘅炸豬扒係會另上有個碟仔裝住，不過可能要洗多個碟，增加咗營運成本啦，佢而家就放埋落去失咗少少脆卜卜嘅風味，不過都可以理解，小店就係要咁樣盡辦法降低成本係佢哋唯一嘅生存之道，至於點解要特別推介呢一間，其實食開上海麵嘅人都知道，當一啲有返咁上下年紀嘅上海麵舖裏就係一定有嘅精髓”辣椒乾” 。今時今日你出去食已經好難見到有辣椒乾擺喺枱面任你添加，而上海嘢喎梗係要有豆瓣醬啦，豆瓣醬主要嘅材料都係蒜粒同埋辣椒，咁至於其他嘅配料就每一間都會有少少分別點都好，嚟呢度食嘅記得落齊兩個調味料，咁樣成個面嘅風味即刻唔同晒，至於飲品我都係會點我最愛嘅凍鴛鴦，呢個真係情意結！

這間上海珍珍排骨麵已經在屯門華都商場開業很多年。雖是如此，我今天才是第二次吃。記得第一次吃時，覺得出餐有點馬虎，麵份量少，湯無味，雲吞皮是穿的，經歷了這次體驗後就已完全沒有再來的打算。過了十多廿十年再返來2刷，上次的進食體驗竟可保留到原汁原味。丁點改變都沒有，改的就只有價錢與我的口味。雲吞依然是穿皮，湯依然很淡。但現在對這個雲吞有點改觀，味道覺得很對版，是正常的味道，上海麵份量足夠，這點可能基於人大了，食量少了。麵質是少有點滑身，帶點煙韌。招牌炸排骨反而最無存在感，很一般。這個2餸上海麵+凍飲=$60都不平。經歷了這次後又不知幾多年後再來了。阿偉食價：很一般的上海麵店，就算是招牌炸排骨都說不上招牌。推介指數：5.5/10

收工約老友屯門食飯，老友無咩特別想食就係華都探下d小店睇下有咩岩食啦，行到黎呢間專食上海麵店見有位就黎試下啦。入黎果陣人唔多可以坐卡位，餐牌一張過睇晒有咩食，主打都係上海麵餐，都有三文治。串炸咖哩雞串湯麵先講個麵就都算幾爽口唔會好腍，湯底都唔會好咸，碗麵黎講算ok，但碗麵個匙羹一上黎就已經有d咖哩汁，希望係岩岩用黎畢咖哩落雞串度順便俾埋我啦，但咁樣都好那西，講返雞串炸得比較乾，應該都係返炸，咖哩汁就得幾滴而且無味，麻麻地。香煎豬扒榨菜湯麵老友揀既，麵就同我果份一樣，豬扒係普通煎豬扒，少量榨菜，都係一般般。豆漿店家標明係自家新鮮磨，豆味少少唔會好甜，都ok。香炸豆腐叫多份小食炸豆腐，就係普通炸豆腐無任何調味，勝在新鮮炸外脆內軟，另跟左唿汁咁就有返d味。整體黎講食物就普通無乜特別，價錢都算合理，不過樓面阿姐可能一腳踢比較忙啦，態度就比較傲慢d。

第一次幫襯，首先真係好後悔冇影多幾張相，特別係個餃子⋯⋯見呢間舖屹立左喺呢度都有返咁上下日子，但真係冇諗過會出啲咁嘅品質，首先係上海排骨麵，湯底正常普通唔太鹹，麵條都算幾好食，但係塊豬扒乾到好似翻炸過好多次咁，如果就咁食塊豬扒，你完全唔會聯想到係上海排骨。之後先係重點 - 煎餃，我唔知大家心目中對煎餃嘅定義係乜嘢，但如果一份個餃皮仲靭仲冧過蒸餃，咬落口好似香口膠咁，仲要完全感受到喺微波爐叮出嚟嘅，大家又唔知會唔會接受，總之好失望，一定冇下次。😰

次次去搭巴士都會經過 終於試試佢有麵有飯 麵有雙拼三拼 飲品另外加錢我哋叫左一個雙拼一個三拼再share d餸 就有5個餸🤣魚肉腐皮排骨牛腩麵 ($55)👉🏼魚肉腐皮係咁多餸入邊最好食 個腐皮脆口 好香 食落少少煙韌👉🏼 排骨係炸排骨 平時上海點會食到個d 都炸得幾香口 不過浸係個湯就冧哂👉🏼 牛腩味道都ok 但比較多脂肪肥位 Prefer多翻d瘦嘅部位雞球菜肉雲吞麵 ($52)👉🏼 雞球本身有一個芡汁 唔係好有味 雞件都幾大嚿 而且雞髀位 幾滑👉🏼 菜肉雲吞有四粒 匯率都幾多餡 個皮唔會太厚 味道正常👉🏼 上海麵煮得都唔會好冧 不過冇咩味都幾多人食 整體份量都好多 飽飽😌👍🏼

呢間位於華都既上海餐館好家庭式感覺，價錢實惠，我哋叫咗一個set，包嘢飲。上海麵既味道不過不失，雲吞餡料好足，係typical 上海麵。重點係老闆好有親切感，會同我哋傾偈，好值得一試。

好耐都冇食過，所以今日專程來試一試！魚肉腐皮卷、柱候牛腩上海麵：魚肉腐皮卷即炸超脆口超好食，牛腩都幾入味，而上海麵是煮得剛好，識落唔硬啱啱好，湯底都是牛腩味！招牌菜肉雲吞、上海炸豬扒上海麵：菜肉雲吞大大粒，豬扒炸好即上，大家記得炸豬扒要分開上呀！整體味道真係好好，味道似家的感覺，但價錢有點貴但合理的！餐菜有豆漿都好抵飲架！

叫咗個雲吞排骨麵，雲吞普通，排骨肉質略嫌硬咗啲，湯底就平淡。。。粗粗哋又一餐。 排骨可能無揼過，同埋應該分開上，攪到個炸皮淋咗。。。雲吞稍為煮過籠，個皮淋晒，內餡就白菜豬肉，味道就普通。

我今日經過呢度，諗住食個晚餐，想食上海野，所以入咗呢間。價錢唔算平，味道中下，不過叫做有齊晒所有平民上海菜，同埋老板都幾友善！態度親切，希望香港所有餐廳都可以好似佢咁親切值得一讚，呢間店嘅老闆娘笑容超好，態度超好，極度親切，會同每台客人傾偈講笑，絕對係香港最值得保留嘅態度！對客人友善！食物來講就好一般，湯麵嘅湯底冇味道，麵質普通，有啲硬，有啲粉，應該係啲面唔係幾好豆漿還可以，甜甜地炸雲吞還可以，個皮比較厚，調味唔算好香，唔知係咪佢哋自己包

搬來屯門不久，常常試新食物，起屯門食左幾間上海野，呢間係比較地道既一間內裡既裝修以及員工都有一份親切感好喇～講重點喇～ 上海粗炒已經想食左好耐，唔理咁多，叫左先～粗炒上到枱已經feel到好夠鑊氣，出晒煙試下先，好夠味，好大碟見到推薦其實係上海排骨，雲吞等等，下次再上

早期的香港上海菜，大都是因為二戰及內戰時期，移居到香港的人所創立。當時，因應了食材同香港人口味的關係，香港的上海菜同真正滬味的上海菜係有少許分別的。這一天，人在屯門市中心，一心想試下香港口吁的上海排骨麵，於是，我一落車，就走落來華都商場，試一試這一間算是區內老字號的《上海珍珍排骨麵》。店名是《上海珍珍排骨麵》，我一來到，當然是要點上一碗招牌的排骨麵啦。先說麵，這兒用了正宗的上海麵，質感結實，食下食下都幾有飽肚感架。另外，這一個麵的湯底很清，我的潛意識中，上海菜是味濃的，頓時要調整一下才感覺到這麵的好味之處。上海菜所說的排骨，其實就是炸豬扒。加了炸粉，令豬扒有少少脆皮，而且豬扒的第一口感很香，近邊的位置是令人滿足的。只是，吃入內心，豬扒好似醃得不夠入味。店的門牌上，推介自己的奶茶啊。所以，這一次食上海排骨麵，我不配豆漿了，要一杯港式的絲襪奶茶。店方押得在門面的招牌內，心想一定有少少水準。然而，出來的奶茶並沒有令我失望，既香又滑，之不過，如果奶再多一點點，更合我心意。可能我吃慣了濃味的上海麵吧。這樣淡口湯底給我的第一個感覺就不是太好。唔計麵，只說豬扒，我的評分是出色，出眾的。

上海珍珍迄立相同舖位已近廿年。面對近年高昂營運成本，長期駐紮同一地點並非易事。租金瘋狂上漲，由呎租$20元升至$60元，餐飲員工由幾千元升至一萬幾千元，都是近十年發生的事。重遊舊地，店面裝修依然，但店員漸漸老去，沒了以往精神咆哮。老店都有一種特色，就是講「心」，與客人談笑風生，賓客隨和，雙方都不講求什麼服務禮儀。假日下午茶時段，只得寥寥幾人，與舊昔滿座七八成相比，分別甚遠。餐牌食物沒太大改變，依然提供那幾款食物，只是價格由$30升至$50吧了。進來時，兩位侍應站著包裹雲吞，證明仍是手工制作。以往來時，店員都能認得自己，落單時若加餸改單，會被罵「靚仔!你唔係第一次嚟啦!仲唔識餐牌!」。有人說她服務差，但我認為這是人情味道!【牛腩紫菜腐皮上海麵】賣相整齊，五件牛腩五件紫菜腐皮卷切件排列，湯匙盛有翠綠蔥粒。先來一件牛腩，入味感覺軟熟，但少了以往邊位爽脆咬口。吃得有點不舒服，牛絲黏著牙齒，要不停用牙籤整理。再來將紫菜腐皮浸一下湯，以吸收湯水精華。腐竹加了紫菜混合湯水在口中磨嚼，味道具有層次，先有腐竹脆炸口感，再有紫菜獨有味道，美妙極了。紫菜腐皮卷只在上海珍珍獨有供應，不管在街市豆腐店，又或在其

2019年10月11日（星期五）經典茶餐廳，懷舊風味十足，第一次幫襯，梗係要試吓佢嘅招牌。炸排骨上海麵($45)另加炸豆腐/魚肉卷(每款$8)+凍飲又係$8不愧為鎮店之寶，炸排骨香、酥、脆、肉汁豐腴，又唔油膩，黐著骨的邊邊肉微微焦燶最好味排骨另上，唔怕被D麵浸到淋晒跟住嘅炸豆腐同魚肉卷都係炸功一流不得不提辣椒粉，加咗之後，鮮味無窮已經飽到不得了，不過為食，想試埋紫菜魚肉卷。原來追加要成份上（$27）無得淺嚐輒止！呢個故事教訓我哋：落單一次過，追單制唔過！

每次番工放lunch都會食呢間雖然唔知出唔出名 但就真係好好味一開始都係抱住求其食個lunch嘅心態但又估唔到個湯又做得幾出色 多油就一定但覺得味精唔多 只少唔會食完好想肉水啲肉分開上就夠細心 而且肉汁豐厚 幾惹味