上海萬家村小館 (已搬遷) 新店位置

早前經過, 女友已經嚷著要試; 今晚與愛人到此一遊, 便進了去用餐!8點多去到, 無位;睇住menu咁等了十分鐘左右, 決定理食咩, 一有位就叫得;環境一般, 似係低水平茶餐廳的格調; 可能坐得近水吧, 廚房, 有少少我覺係食物殘渣氣味...點菜時, 問及飯咩茶, 原來每人會收3蚊茶錢的, 於是我開了一壺茶(香片);是次點了口水雞及排骨擔擔面;點菜後, 話送飲品! 於是點了菜蜜及奶茶;等左一陣, 習慣吃快餐or茶餐廳的, 可能會感到慢, 但可以接受; 食物:飲品- 普通得不能再普通, 不多說排骨擔擔面- 炸排骨(豬扒)不是熱的...擔擔面花生醬不足! 味道普通, 但個人覺得, $28的擔擔面, 亦有豬扒, 是不錯的口水雞- 好食! 味道夠, 雞肉之前醃過的, 有味的! 唯獨是辣味不足, 可能是為照顧香港人口味; 但... 不辣的口水雞就不像樣; 不能說正宗, 但仍能說好吃!吃得七七八八, 有人掉了碟西瓜上來! (之前眼見別人有西瓜, 心想應該2個人, 而且不是叫餐, 不會送吧, 所以收到西瓜很意外!)吃畢, 開始心感不妙, 心怕可能西瓜會要收我們錢的, 仲有可能有d乜費乜費, 頂住我個

今次係第二次幫襯，第一次都唔記得好唔好味。叫左兩個客飯包兩個白飯加例湯：干扁四季豆($38)- 好細碟，味道一般。黑醋骨($38)- 以為好似鎮江骨咁，原來唔係，d排骨已經冇乜肉，仲要唔知番炸幾多次，好似千年乾屍咁，差到極點。小籠包($23/5隻)- 肉汁唔算多，好厚皮。最似樣的算是豆沙鍋餅，皮不算太厚，豆沙ok。

好油膩的菜式。雖好味，不過衛生一般，我們坐1樓，也很多蚊滋飛來飛去。但有好多優惠，照呼係好好。食中餐又有西茶送。本來是很愉快的一餐，但我自己心情不佳，所以沒多大胃口。雖然大餐一頓，但心情依舊...

怪味雞的確係唔知咩味, 但又好味ga wo! 係咪因為咁就叫做怪味雞呢!頂瓜瓜麵都算係頂瓜瓜, 因為食過呢度幾樣食, 呢個麵都係最好味之一, 味道幾正宗, 唔辣, 好味.酸辣湯好足料, 酸辣味適中, 味道都唔錯, 都算正宗.生煎飽普通啦, 肉汁都幾多, 包幾軟熟, 幾新鮮.上海炒年糕年糕唔夠煙, 好彩味道唔會過鹹, ok.呢度食幾好味, 呢d上海小店, 似係親力親為, 見到伙計之間溝通用鄉下話聽唔明, 可能就係咁, 食幾正宗啦. 下午茶餐好抵好多選擇, $20 就有麵, 包2個, 同埋大杯餐飲, 份量都好足ga, 一個餐就好夠飽啦! 而且水準同晚市一樣咁好tim

之前因工作去到附近食lunch, 要左紅燒豆腐客飯. 大大件煎過的豆腐被厚而無味的汁包着, 有些更煎得過燶, 非常麻麻.豆漿過甜.

十一月十二日(日)朝早做完gym, 男友話下晝要拎部機出去高登整, 我一听見話去SSP又心思思想去.放低部機後開始去覓食. 其實我一心去譚仔食米線, 入到譚仔坐低但男友話唔想食咁我唯有放棄...一路行一路發脾氣, 男友話唔知食乜就求其之下入左黎呢度. 見d價錢都唔太貴之下點左兩個套餐. 我要左酸辣湯麵, 而男友食五香牛肉, 兩個餐都跟生煎包乙個同飲品. 個生煎包先上, 夠熱,相信係岩岩煎好. 味道都唔錯, 個皮唔太厚. 到我個酸辣湯麵, 唔得, 只係有個麵餅晌連底麵餅未撈暈就上畀人. 唔酸又唔辣, 直頭係冇味, 都唔知佢想點, 我己經係好淡口既人最後都要加醋食. d料方面唔太多, 木耳份量好少, 其餘果d都係麻麻. 連我呢個覺得食得唔好o徒既人食到最後幾啖都放棄左. 服務方面都唔太得, 叫阿姐拎少少辣椒醬都苦口苦面, 反而個老細就好好笑容. 唔知係咪因為發住脾氣咁食呢餐令我食乜都覺得冇味呢?

我早兩個星期六下畫同媽咪兩個人去食,人好多,咁都預O左服務麻麻.點知食物都唔得...我地叫O左小籠包,酸辣湯,上海粗炒...小籠包ok啦,酸辣湯飲o左幾啖就唔想飲,唔知點講,總之唔好飲,上海粗炒好油,好難食...兩個人咁叫都食唔哂,好唔滿意地離開.

朋友介紹這間上海菜館...說很經濟和好吃.這店子真的毫不起眼...入到去裝修都是普通..本來期望不高...我們三個人, 點了兩個套餐.. $29, 每個包兩碗飯, 加$1可轉菜飯, 還有一大碗例湯..兩個餸分別是魚香茄子和葱爆牛肉, 很美味, 很可口, 分量ok. 另外我們點了個雞油津白...不只雞油香..還有幾塊雞肉在上面. 還點了小籠包, 這個都幾有水準. 突然老闆說送飲品給我們...我們當然唔會拒絶啦...正吃到個個飽飽之際..突然待應奉上一碟甜品..是熱熱的紅豆沙窩餅..又是送的..又會咁好o既..真的很飽..很好吃..很滿足....埋單只是每人四十多元

10月30號星期日晚6:30左右同爸媽到上址幫襯，今次是自己第二次幫襯(對上一次整體都ok)，一坐低已經有一個女士走埋黎問食d咩，我地話睇睇先，不過兩分鐘，同一個女士走埋黎以不耐煩的語氣問食d咩(當時店內只坐滿一半)，我媽唯有快快點咗小籠飽(10隻)、一個湯、炒麵及湯麵各一，全部散叫冇叫餐，冇來一籠五隻小籠飽先到，我地話係叫10隻，另一女士態度輕蔑地話"一陣上埋嗰五隻law，食住先喇!" 我地唯有阿Q諗費事凍哂仲好喇。到上個湯，點知又落錯單，個湯係跟餐size，我地同番落單嗰個女士講，佢竟然仲話我地講錯(我媽落單時已經重複兩次話唔要餐)，結果草草食完埋單，本來我想check單因為一籠10隻小籠飽同兩籠5隻小籠飽係爭$2(已經滿肚子氣)，後尾見係手寫單都冇再check兼1蚊tips都冇比轉身走人。總括來說，其實d嘢食都算ok但一句講哂冇下次!

今日大家也餓又累, 一到步便立即找食的, 看到有間上海菜館, 二話不說, 就呢度啦. 一進店, 是老式的裝修, 我們等了幾分鐘,好野,又有卡位坐. 看看menu, 有個三菜+一湯+飯+甜品的套餐\, $148 唔貴,重好多野食. 只是怕食唔曬, 怕浪費, 所以唔叫了. 想啊想,看看別的跟你商量了,好,決定了,點菜. 叫了一個好平的客飯, 蝦仁炒蛋+湯+飯, 只售$29 怪味雞, 甜辣味道也有, 雞肉也很滑, 出色. 酸辣湯面, 酸辣味道也ok, 只是面我們放久了先食, 淋左少少. 食完送的西瓜, 飲返二杯茶, 傾下,輕鬆下, 買單走人, 成為$99, 十分滿意. 開心走人. 食飽再去鴨記買D野, 開心開心,送你回家, 點知又再是依依不捨,不捨得你.

星期天早佳節目自是ZZz，本打算睡到日上六、七杆才起床，惜肚子唔爭氣，未到兩點已發出黑色雷暴警告，看來雷公開始在胃內玩弄著那雷神之鎚啦。原本打算到附近的老麥吃個包便算，但想起死肥豬說西九龍的Apple Shop減價，於是叫他帶路，要請他出山，救苦救難費是不可少的，幸好他方才吃飽，所以只是屈個茶點便算。在高登附近下車，走到福榮街附近，看到一品香的牌，本打算在那裡吃個茶點，惜只聞其牌未見其店，見找了一輪也找不著，其時，雷暴已升致十一級，再無好點子落肚的話，隨時攪出一屍幾十命說（深愛著偶這純純男的女子們，若知道偶出事的話，自覺生無可戀，來個集體自殺也說不定啊），醒起老頭子提到附近一間上海菜館的小籠包紛不錯說，也就試試看，若貨不對版的話，這筆帳自會記在老頭子面上，在他的面上Chop個黑豬豬印，嘿！嘿！但看店的門面真的不想入說，想起押那死肥豬入去過程中，發出比宰豬還尖的哀號，真的可怕．．．小店一間，說真的，裝潢不甚雅觀，衛生情況與一般茶餐廳無異，服務嘛，大家該猜到，也不提了。罷了！罷了！偶那時變的那麼長氣，婆媽的說著外觀，先點些食物再看看，不然真的攪出人命。茶餐真是平的要命，叫了上海麵、燻魚麵、

自小都幾鍾意去D「up dup」上海舖食o野，貪佢多數又平味。星期日去開高登，順便入o黎試o下；呢度就夠「up dup」喇，可惜唔好食呢～叫o左兩個飽點下午茶餐，$15有小籠包5隻+飲品，同埋$20上海雲吞+飲品，另外仲叫o左個$29回鍋肉客飯。小籠包夠細隻，但皮太厚，餡唔香，麻麻～個上海雲吞似乎雪o左N年，一陣味；豆漿都唔掂，太淡。唯一可取o既係回鍋肉，炒得幾香，不過D肉略嫌肥o左D。環境十分污糟，但估唔到都幾好生意。總括o黎講冇下次lor！

原本同朋友去完黃金，在附近搵緊一間有特色的法國小餐廳，但遇著連天大雨，總果費事搵就求其走了入來幫襯。兩個人叫了獅子頭同八寶辣醬客飯，鍋貼同小籠飽。客飯包湯任飲及白飯兩碗；獅子頭材料豐富，有木耳、荀及墊底的菜，有水準；八寶辣醬唔係好辣，似炒什碎多D，唔係幾好食；小籠飽新鮮熱辣，36蚊十隻，好食；鍋貼就好明顯係微波翻熱的，又皮厚厚的唔係好掂，所以食左一隻就無食。估唔到這等小店飯後仲有甜品送，是西瓜五片，以30蚊一個的客飯來說係幾抵。兩個人埋單百二蚊，食到好飽又夠經濟。味道：3; 環境：3; 服務：4; 衛生：3 抵食：5