上海飽餃店

营业中

休息中

星期六過來黃埔辦點事，完事後已是一時許，炎炎夏日，熱得像溶化了，冇乜胃口，來客小籠包吧！紅磡這小店已有一段時間，就在明安街6號，麥當勞對面，很易找到。牆上面的圖片，圖文並茂，中英對照，價錢清楚，簡單直接易明，還有食店名稱、地址、電話，真係好過睇餐牌。小籠包$35~即叫即蒸，由於是招牌菜，所以食店不斷地蒸，當下單時已很快奉上。桌上已有浙醋，方便自助配撘，唯獨是沒有薑絲提供，否則簡直是完美配搭。豆漿$12(樽), $8/杯~豆漿有支裝及杯裝選擇，相當有彈性，由於夏天，筆者點了一支凍豆漿，店員告知是小甜，果然真的是小甜。葱油大餅$11~葱油大餅未算太熱，但葱味十足，溫度只是微暖，如果是剛出爐，一定拍案叫絕！生煎包$7~生煎包放涼了有點可惜，所以都是熱騰騰會感覺良好一點⋯⋯生煎餃~多菜少肉，筆者很喜歡，下次會試他們的蒸餃。整體來說:一支公來的好選擇，除小籠包外，很多都可以單點，見鄰坐的，在非繁忙時段，點了一支豆漿，像舊式餐居，邊點點食，一樂也。

紅磡區小店，店家自家製作包點餃子，半開放式工場，不時見到師傅純熟地包製。雖然堂食貴一蚊，但我覺得呢類野食需要熱辣辣先好食！不過今次堂食啲包同餃都係凍左，感覺真係差好遠，如果第一次食係咁既我諗無下次。① 蔥油大餅 $11蔥油餅大推！厚身又幾鬆軟，外層少少酥香，加埋蔥油味及芝麻真係剛剛好。一個人食一塊已經夠飽，所以通常都同朋友Share。② 生煎包 $7③ 生煎餃 $7包類同餃類啲餡分豬肉同牛肉餡，可按喜好選擇蒸或煎，但煎既如果唔係新鮮煎起就有機會凍左。但始終生煎包個底脆脆地正啲，生煎餃就有啲似鍋貼，所以我無試過蒸包或蒸餃。④ 小籠包 $32小籠包即叫即蒸，熱辣辣而且皮薄有肉汁，正！

今日放假，見到IG有人推介呢間舖頭嘅小籠包，所以就去試吓，叫咗牛肉包同兩籠小籠包，牛肉包包冇乜特別，但係小籠包非常多肉汁，而且即叫即蒸熱辣辣好好食，店員服務都有禮貌，下次會再去食。

上海包餃掂同滿堂樂係痴埋一齊既兩間舖頭同一樣都係星期日唔開雖然兩間雖然都係賣上海野但又會無乜野係重疊既呢樣好野包餃掂就賣點心為主夜晚都算早收收工黎到都只可以買到賣剩既點心所以基本只可以揀星期六過黎專賣上海點心舖黎講都算少有係有堂食既咁座位都唔多四張檯左右隨便坐半開放式廚房有時都可以見到佢地係店內坐係度包點心蒸餃子同蒸小籠包價錢都係7蚊隻蒸包就8蚊煎餃同煎包都係6.6隻已經夾走左一隻既生煎餃子入面好有肉汁皮好厚似鍋貼生煎包雖然都有肉汁但可能唔是即煎就咁係架車仔拎出黎就凍凍地小籠包就即蒸比較大粒飽滿賣相靚過豆腐大王好多不過皮薄好易穿要比較小心手寫單三款十四件加埋94蚊整體都唔錯幾好食不過會唔會擺耐左就真係要睇彩數可能多人食果時會比較穩陣同埋老店地方比較污糟同逼夾但當然點都好過外賣拎走食啦

見到紅磡街坊推介呢度嘅上海包點，話職員每日新鮮包製，大獲好評。星期六下午4點半到達，當時店內無客人，不過門口KEEP住有街坊買，職員都KEEP住煎包、煎餃。蔥油大餅 $11/件而家唔多地方有賣，即使有賣都唔香。雖然今次呢件餅唔係新鮮煎出嚟，外層只有少少酥，但蔥油味好香，有芝麻位多左芝麻香而變得更正。麵包口感算鬆軟，唔會好實。相信如果新鮮出爐一定好正!!🤤豆沙酥餅 $9/件呢個細細件，唔熱，內餡都係普通綿紅豆蓉，而且由於太普通，感覺最唔抵XD生煎牛肉包 $35/5隻職員表示已經煎好一段時間，所以食果陣只係暖。雖然未到爆汁，但肉汁幾甜，帶點洋蔥味。麵包唔算厚皮，整體好味。😋其實當日有新鮮出爐豬肉生煎包，不過真係太飽，食唔落了。下次再試😏小籠包 $30/籠即叫即蒸，包皮算薄，湯汁好鮮甜。雖然舖仔細細，但職員同老闆幾有人情味，知道我地四個Share嚟食，自動幫手剪開四份蔥餅，整體用餐體驗唔錯。

又是午飯時間，在紅磡寶其利街和必嘉街，食肆選擇豐富又各有特色，本來想吃串燒，又想食酸辣粉，最後見到這一間餃子店，本是餃子控的我，雙腳自然就走入去了：）沒有詳細餐牌，只有牆上貼的那幾張相，就選擇了店員推介的生煎包加煎餃子，再加凍豆漿，共43蚊。選擇這點的原因，是在門外就您會看到，廚房中三四個人不斷的在...包...煎...煮..2隻生煎包....外皮包包，發得很鬆軟，一口一個。3隻煎菜肉餃...皮薄還有標汁的肉餡。最後加多4隻蒸小籠包...皮薄煙韌不會被擺子弄穿...很美味...很美味...令我聯想到上海味道...很懷念推薦的食店呢！

睇完呀蘇睇到佢出院第一時間去紅磡食紅豆酥餅🤤作為上海妹既我都想去試下佢地小籠包🥟放假遠征紅磡大約3點到 晴天霹靂 紅豆酥餅已經賣哂😥🥲都黎到就食左個小籠波同飲左杯豆漿小籠包即叫即蒸👩🏻‍🍳4粒一籠爆哂汁🤤但佢有個扣分位 無薑絲提供 走之前再叫左兩件蔥油餅比我爹下次可唔可以比我試到紅豆酥餅😮‍💨

上海飽餃店店鋪細小，但平時都有好多街坊同唔少區外客幇襯，加上店鋪員工好用心服務客人，而且食物又經濟實惠抵食，今次黎到就叫左生煎包（5個$33）試下，個包皮唔算好脆，但豬肉餡肉汁唔少，幾好味，加埋杯豆漿$7,又飽肚又平！

由細食到大嘅手作上海包點店，價錢相當平，鄰近黃埔，好容易搵到，今次點了堂食素菜蒸餃，入面包著濃濃嘅香菇同菜，皮夠薄，仲有蔥油餅，好多蔥同芝麻好香好脆一啲都唔覺油，好大塊，仲有熱辣辣又滑又有豆香嘅熱豆漿，平時我嚟都會必點香菇素菜包菜肉包同小籠包，今次因為唔係太肚餓，所以選擇外賣凍嘅素菜包菜肉包買返屋企同屋企人慢慢嘆，下次再經過紅磡會再嚟幫襯架

叫左5隻一份生煎包,2隻牛肉煎包,仲有一個菜肉蒸包蒸包不錯,菜肉比例良好生煎一般,無湯汁那一種牛肉包味道濃郁,幾好不是非食不可的包點店,小店平民食品,久不久可以一食．

紅磡街坊小店 店面真係無乜咩點裝修 不過真係勝在好食又抵食‼️ 都keep住有人入嚟食～ 平平地又一餐😆🥢小籠包 $28@44隻28蚊 真係無咩地方可以做到🤩即叫即蒸‼️ 皮薄亦都多肉汁😍🥢生煎餃 $33@4煎到個底脆卜卜！ 肉質鮮嫩 不過皮有少少厚🥢牛肉包 $7呢個係必點‼️ 超級juicy🤤🤤🥢蔥油餅 $10仲大塊過手掌✋🏻 多蔥 多芝麻 好香口！

I love XLB aka xiao lung bao.This is so authentic and it’s almost taste like the one in Shanghai. I found place by mistake and I have returned so many times ever since. I like the original the best and freshness of the the soup inside it’s very rich. I also ordered a fresh soya milk to go with it. Highly recommend this place.

有得堂食又有得外賣，好似叫外賣平啲(?)，外賣姨姨好nice，推薦我食乜嘢，又好有耐心等我諗食乜嘢。*小籠包(4隻)小籠包每一隻都包得好靚，一盒四隻，每一隻都完整冇爛。小籠包皮偏厚，對我來講係一個意外嘅發現，皮厚搭餡食好有口感，好可惜凍咗有少少硬。豬肉餡料非常足料，唔會太過油膩，仲好juicy。生煎餃 單隻外賣生煎餃同樣皮厚，煙韌香軟，冇生煎嘅脆外皮，但依然有果種焦香。餡料好多，非常足料，有菜又有肉，口感滿分，仲可以單隻買添。蔥油大餅 $9聽講呢度嘅蔥油大餅好出色，一定要買嚟試。蔥油大餅一定油，但食完唔會太滯太膩，蔥油香味偏淡，食落麵粉香多過蔥油香，勝在蔥粒好多，彌補番淡蔥油味。菜肉包 $8第二朝即刻買菜肉包食，熱辣辣嘅菜肉包。包身鬆軟，香噴噴，近餡料嘅包身過濕，口感欠佳。餡料肉菜半半，豬肉紮實+菜甜，有口感又帶肉汁，但餡料偏少。仲買咗一杯凍豆漿($6)，豆味普通，唔會太甜。

這趟於 紅磡逸酒店 Staycation 第二天 早上天未光 就起來了 或者昨晚有點累 早睡了 這個時間最好吃包子 喝豆漿 🥛🥛OpenRice 網友食評這間 葱油餅超正 稍晚就賣完 於是我們二人點了小籠包 皮薄餡鮮 湯汁美味 🥟🥟生煎包 菜甫豬肉包 皮薄肉餡料鮮美 調味適中 🐖🐖蔥油大餅 蔥香酥脆 🫓🫓豆沙酥餅 香酥不太甜 👍👍全部包點 煎餃 店內自家手工製 不是工場貨\國產貨能比 和老板娘閒聊 店家所有包點 都是自家 每天大半夜開始 手工製作 小籠包也是 即蒸出來 🥢🥢我們趁上班 人潮來前 早點來吃 新鲜出爐的 各式包點 首輪剛做好 來吃 是最新鮮滋味的 😋😋

邪惡指數: 🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️紅磡掃街第二站就去咗呢間上海小店，好有驚喜🙌🏻 舖頭都幾細間，坐位唔多，員工好有親切感。見到想食咩隨時加單，可以嗌幾多隻都得，啱晒我哋呢啲咩都想試下嘅人🙋🏻‍♀️ 我會推介：⭕️ 小籠包 - 熱辣辣，皮薄餡靚，有湯汁🤤食完一籠即刻唔使諗，encore！🤣⭕️ 生煎餃 - 呢個裏面都有湯汁㗎，即叫即煎，個底煎得幾脆，唔錯。⭕️菜甫豬肉包 - 我個人鍾意食呢個多過生煎包，鍾意菜甫嘅香味同埋口感🤤出面少啲見有呢款包。