不二の茶 (V Walk) (已結業)

今日同老婆去深水埗新商場V Walk,食完個lunch,食完咸野緊係想食下甜野，但老婆又唔想食甜品，但依度商場細細，竟然都有幾間飲品店，但最後都揀左依間"不二之茶" ，點解揀佢？因為環境好，好舒服我地剛剛食完lunch仲飽緊，依間又未試過，所以決定嗌一杯佢個招牌"不二茶王之茶",未飲就咁聽個名都覺得勁，杯茶黎到，原來係有奶蓋係面，我好鍾意奶蓋，佢個份量一d都唔少，首先飲一啖奶蓋，好滑，好香，奶味好濃，再飲d茶，茶王個名當之無愧，茶味好突出，但同個奶蓋又冇衝突，最後max埋一齊飲，出奇地夾，下次再黎要試下其他款式。

🔎不二の茶 (深水埗)📍深水埗深旺道28號V Walk地下G-1號舖-V Walk嘅飲品店真係相當之多 小小的一個商場都有6-7間賣飲品 今次試嘅呢間係D1出口一出嘅地鋪 呢間嘅好處係有坐位！🔹火紅芒芒 $39紅肉火龍果加芒果再加芝士～～好邪惡亦都好吸引！打碎左嘅芒果 飲得出唔係用平野！個底仲加左好多火龍果～ 增加咬口 值得一試🔹西瓜芝茶 $35全杯都用新鮮西瓜打成 夏天飲真係無得輸呀呢間嘅芝士唔係平時飲到好咸果款我覺得唔錯 幾creamy少少咸 芝士味較出下次再試下其他系列

深水埗開左商場我們最鐘意試新嘢,咁岩星期六放假無嘢做, 唔駛煮飯便特登走過去食個午飯, 但走嘅時候發現開左間新飲品舖, 睇落都好有特色, 叫”不二之茶”, 入面有好多款都好吸引我地，有珍珠奶茶,水果茶, 仲有好多其他野, 睇落真係好鬼吸引, 我們咁係要買杯來飲下啦.我們分別買了水果茶及手炒黑糖髒髒茶, 我嗰杯水果茶真的有攪碎了的果肉在裡面, 一啖啜落去, 啜到些沙冰, 仲有些超細粒的果粒, 果粒爽口, 酸酸甜甜, 超好味! 手炒黑糖髒髒茶最上面嗰層是芝士, 待我再攬勻杯嘢飲, 又啜到香濃綿滑的芝士味道, 一D都唔會覺得漏, 反而覺得芝士好香, 啜完一啖仲想啜, 好好飲呀!真的好滋味!

今日氣溫真係好鬼熱，見到新開嘅商埸入面新開左間台式嘢飲, 咁就當然要去試吓啦！我就飲咗手炒黑糖髒髒茶同埋個朋友飲咗火紅芒芒茶，個價唔算貴，最緊要咁熱飲真係好舒服！手炒黑糖髒髒茶茶味不錯珍珠煙銀有口感，唔會話係淋晒嗰啲珍珠，手炒黑糖髒髒茶真係第一次試，平時嗰啲珍珠奶茶都只係普通茶包。手炒黑糖髒髒茶嘅感覺好似飲緊正式茶咁，真係好香濃架。而火紅芒芒就甜而不膩，裏邊仲有好多芒果粒。呢一個啱晒食到飽飽濟濟嘅時候飲，更適合夏天飲！

放工經過屋企附近新商場，知道入面有間新茶飲店開張，作為珍奶控嘅我當然唔會錯過啦!呢間茶飲店嘅裝修主要都係圍繞番簡約小清新嘅style，店入面大大小小嘅角落都放咗一盆盆薰衣草小盆栽，增添咗幾分文青味，啱哂用黎打卡!佢地飲品嘅價錢同一般香港嘅茶飲店相符，大約都係around $25-$40一杯，種類唔算多，不過就有齊香港人鍾意嘅芝士水果茶同珍珠奶茶系列! 今次我就揀咗佢新推出嘅京都抺茶髒髒($33)，下層柔滑嘅珍珠奶加配上層嘅抺茶，珍珠韌度適中，勝在奶味夠濃郁，如果抺茶味可以再特出d就更好，整體上而言都係值得推薦的!

喺VWALK想返屋企...行過見到第2杯半價...........所以就「唔小心」又買多杯野黎飲啦呢個世界實在係太多唔小心喇望住個menu本身都唔知飲咩好...最後係比佢menu上面的product shot吸引左...所以揀左佢杯火紅芒芒黎試~~隻色真係靚到呢等既時候周圍睇下佢既布置...個感覺都幾舒服!燈登, 終於都整到喇, 點左兩杯一樣樣~~最底係火龍果...上面係芒果!飲入口, 一粒粒既火龍果肉同芒果肉(見住佢真係放d粒粒新鮮果肉入去架!)好有咬口, 口感唔錯~~同埋有樣好, 唔會太甜岩岩好呀!!下次試咩好呢~~睇到其他人飲d珍珠奶茶好似好正咁!