東喜茶 (已結業)

好大杯呀😆 揀呢個味道果然冇錯 味道亦都唔會好化學，但係失望地奶蓋得好少，而且飲嘅時候奶蓋味唔重😟，而且價錢比起其他奶蓋茶偏貴， 飲到底嘅時候會有啲好似沙冰底咁😯 但係好多都推介大家去試飲呢間嘅，佢哋嘅百香果做得相當唔錯，大家要嘅話可以叫少甜 都已經足夠👍👍 同埋佢哋得兩間分店炸一間係觀塘另一間係屯門！

屯門有角落生物嘅展覽專登一早過嚟費事人多行完之後經過華都商場男朋友推介話呢間東喜茶好好飲行咗咁耐又有啲口乾咁就買來試一試啦店員話佢哋係用新鮮水果製作嘅所以我就叫咗杯滿杯紅柚&芝士芒芒（$35&$38）大概三四分鐘就有速度上來講都算幾快👍🏻就咁睇都見到入邊有啲果肉都算有誠意味道上來講就有啲失望😐可能因為本身男友大力推介所以本身期望好高而且賣相都幾好又有果肉😍所以飲到落口嘅時候有啲失望其實店員之前就同我講過兩杯都係沙冰但係入口嘅感覺似刨冰多過沙冰好硬似食甜品多過飲飲品😓我哋係想飲野唔係食野😥之前飲過其他飲品店啲沙冰都唔係咁硬雖然食得出佢係新鮮水果但係味道好淡如果唔係食到啲果肉基本上冇乜味道唔知係因為係新鮮水果嘅關係定係店員比例落錯咗連男朋友都話之前夜晚收工去買係好飲好多唔知係唔係每個店員嘅手勢唔同😥😥😥呢個價錢呢個質素性價比真係唔算高雖然佢哋係用新鮮水果但係真係太淡同太凍唔知係咪想節省成本所以落好多冰🥶🥶🥶其實好多人尤其係女仔👩🏻都唔中意太凍既野如果係用新鮮生果不如整返果汁會仲好飲男朋友話會再試多次因為之前飲過真係好飲但係我就唔會再飲啦☹️

適逢懲罰祭見到東喜茶二話不說就落單點左杯推介嘅椰香奶茶據報幾重椰子味而且本身上邊pat cream好大舊望住店員整 賣相吸引(可惜個蓋唔夠高)如果又愛椰又愛cream嘅朋友可以試吓另一杯係芝士芒芒對上一次飲芝士水果汁已經係喺元朗嘅Aello度飲唔知係我今次攤咗一陣先飲定係點個人覺得Aello完勝😂當然 其實而家呢杯都唔差份量又夠大 芝士又夠多 芒果味都夠出但價錢略貴不得不稱讚一下店員妹妹超 有 禮 貌由點餐到攞嘢飲每個客人攞嘢飲第一句都會話：唔好意思 要你等咁耐....另外就係呢間舖好貼心如果你唔係即刻飲佢會用膠紙痴實個杯蓋先以免拎嘅時候倒瀉最後就係佢有擺亦有貼「賢學思政」嘅 #save12 單張隔離仲有貼紙可以免費拎椰香奶茶 $39 (9折後$35) 💁🏿‍♀️芝士芒芒 $42 (9折後$38) 🙆🏿‍♀️

💛#屯門黃店 💛華都#東喜茶 #heeretea 🥤🧀#楊枝芒芒 +w芝士奶蓋 ($42) 🍼芝士奶蓋配上香甜美味既芒果🥭而且啲楊枝甘露好足料😍大大杯抵晒～😋舖頭係用新鮮水果做每一杯飲品唔會係有浸假味成意十足價錢又唔算貴所以性價比算好高📍 #屯門 屯利街1號華都花園3樓華都大道2B-15號舖

前排去咗屯門行街，諗諗下都好耐無去過華都商場。經過呢間東喜茶，好快比佢店鋪擺設吸引咗，一場嚟到，就決定買杯飲品試吓。凍芝士金鳳茶王 $22呢個價錢而言，飲品份量其實偏少，大概只有一隻手掌咁大。茶底味道偏淡，飲落幾清新，但未至於好濃郁。值得一讚嘅係頂層芝士奶蓋好厚身，更撒上點點抹茶粉作點綴。質感濃稠，芝士鹹香都算幾突出。整體嚟講，性價比唔算好高。不過本身係諗住支持吓，印象中店鋪仲貼咗唔同地區嘅宣傳海報，好靚又好有心思，有興趣嘅朋友都可以去幫襯吓。

喜歡的東西要一直支持下去🤜.芝士金鳳茶王芝士奶蓋厚厚一層，芝士味濃厚，入口綿滑唔會太咸。 金鳳茶底茶味濃，叫左走糖，更突顯茶底回甘滋味，且成杯夠涷夠清清涼，夏天飲起來份外清爽。.東喜茶 (屯門)屯門屯利街1號華都花園3樓華都大道2B-15號舖

«兩大最愛芝士×抹茶 兩樣都咁濃郁»▷芝士靜岡抹茶 $35太子店老闆金黃但已經結業了😩 我一睇先發現原來全線得返兩間，我仲停留係區區有分店嘅記憶😪 觀塘店冇相關資料fc到所以凈係打屯門店算～抹茶好好飲！沖得好滑啲粉唔會一舊舊，濃得黎唔太苦，嗌咗微甜個抹茶味更加出。芝士奶蓋打到挺身勁厚，飲落鹹甜適中，不過有大杯就好啦，我勁快咁guuguuguu幾啖就飲晒🤡同埋鋪頭啲文宣好靚！！屯門牛最qq­­──────────────────東喜茶屯門屯利街1號華都花園3樓華都大道2B-15號舖

屯門市內手搖飲品店林林總總，路經華都花園商場見到一幅連儂牆，恰巧口乾，決定支持黃店。店員推薦芝士奶蓋，稱是店內獨家配方手打芝士奶蓋，所以我就試了以下產品「芝士大紅袍珍珠奶茶」。果然芝士質地厚而滑，芝士味濃，不會死甜。奶茶方面，大紅袍奶茶茶味較一般奶茶濃，齒頰留香。珍珠彈牙，與普通茶飲店無異。一杯過後已經飽了，閒時可當作下午茶。雖然價錢較一般茶飲店稍高，但芝士奶蓋誠意滿分，值回票價。 P.s 芝士大紅袍珍珠奶茶 $39 微糖少冰

屯市行街見到嘅第一間黃店，仲有埋連儂牆。入面有唔同嘢飲，最好賣嘅應該係奶蓋，因為佢用埋嚟整甜品。所以我地最後就叫咗兩杯嘢飲———珍珠奶茶(S,18蚊)同奶蓋白桃茶(S,20蚊)。要提嘅係佢地嘅細杯真係好細，大概係平時飲到中杯嘢飲嘅一半，細到好似一罐可樂😂。但係尼個size係一個幾好嘅選擇，因為有時覺得中杯都太大杯飲唔晒。首先，奶蓋白桃茶。奶蓋超濃郁，咸咸地，好飲👍🏿。個杯有好濃嘅白桃味，我以為加咗白桃糖醬😂，建議一啖奶蓋再飲茶，如果唔係會好膩。正宗飲法應該係唔用飲筒飲，咁樣就可以同時飲到奶蓋同茶。珍珠奶茶。整體上一般。奶茶茶味夠濃，但飲耐咗覺得有啲苦澀，勝在夠滑。珍珠較為淋身，並不是黑糖珍珠。

今日去左屯門華都既東喜茶heeretea💛買左杯芝士哈哈 ($42)聖誕期間仲有頂帽仔好可愛，好濃郁嘅芝士奶蓋配上香甜美味既哈蜜瓜，而家吾係哈蜜瓜當造時期，但又想飲既大家可以試試吾算太甜😋

呢個芝芝多多莓莓大概係我飲過最好飲既，芝士奶蓋濃郁芝士味重卻不會過膩，士多啤梨奶沙冰一飲就知好足料，帶微酸，一杯價錢唔平要$42，但真係幾好飲，同飲完真係就好飽😂

平時行街成日都見到『東喜茶』今日終於有機會一試係屯門行街行到口渴見到有間『東喜茶』就去望下發現個啲飲品同大陸喜茶好相似😮不過由於我地食飽無耐所以唔想食芝士、珍珠咁飽肚嘅於是揀左「爆檸四季春」下午4點左右人流唔算多落單後等左大約5分鐘就有野飲👍🏼👍🏼不過『東喜茶』價錢比其他同類店舖貴好多頭幾啖飲落去好fresh！青檸味好濃加上呢杯係沙冰黎嘅所以好清新、好冰涼不過青檸味太出，令到四季春茶味被蓋過了。

東喜茶開咗係屯門咁耐都未試過身邊既友人們都不知不覺成為粉絲於是今次曾經就買杯試下芝士靜岡抹茶作為抹茶既粉絲 唔試抹茶良心過唔去芝士奶蓋口感都幾厚實 奶味真係幾重自己幾鍾意呢種奶蓋既厚實感而靜岡抹茶味都幾濃 抹茶粉本身有糖係入面就算無糖都係會甜甜地 但甜度都係可以接受味道都唔錯 但唔算好特別$35杯都唔算平 性價比係有D低屯門本身D飲品鋪冇乜選擇係喜茶同老亮堂未出現之前得貢茶 SHARE TEA同天仁前兩者質素就唔多講 唯一會買既都係天仁所以東喜茶同老虎堂成為新寵兒 都唔係冇道理既

叫咗杯芝士四季春，30幾蚊，對比大陸嘅真喜茶，價錢係可接受。芝士都夠濃夠厚，入口幾滑，第一啖飲到成口滿滿嘅芝士 好滿足。四季春正正常常，茶味味道不是太濃，加埋芝士幾夾。

路經華都發現東喜茶原來已經殺入屯門早前經過佐敦分店打算一試芝士火火由於是季節限定，發現已沒有，唯有失望離開但在此分店發現仍有，便立馬狗衝一試可能是新開張，沒有什麼人，等了5-8分鐘左右便有芝士火火本來對所謂以水果鮮製半信半疑但眼見店員把一塊塊紅肉火龍果放入攪拌機，是貨真價實的本來不嚐甜的本人揀了微糖所以甜度剛好，感覺下次可挑戰無糖因為是沙冰，冰量不能調整芝士奶蓋質感厚實，奶味濃厚而且份量不吝嗇，飲到最後仍有奶蓋鮮打火龍果沙冰入口清新，感覺很健怡但配上奶蓋講法就不同了芝士奶蓋主要由淡忌廉、忌廉芝士和牛奶加鹽糖打成，一字記之曰，「肥」由於奶蓋頗多，所以最後還是有點膩總括而言，以新鮮水果打成，又有佛心份量奶蓋$42感覺雖然有點小貴，但也未算過份而且杯蓋的飲管位是有蓋，飲不完可以蓋上不怕入塵，是貼心設計但這杯飲品不適合斜45度的飲法，親身試過，結果只飲到滿口奶蓋，瞬間膩到一個點雖然不環保，還是建議用飲管如果下次有新季節限定，又是本人喜愛的水果雖然是頗不健康，但應該會按捺不住的去試