東江食家

营业中

休息中

今日係個頭做野因為比較少去大埔 都唔知附近有咩好食唯有周圍遊下搵下食見到呢間餐廳餐牌幾吸引咁就入去買個外賣上車食鋪頭叫東江食家咁就一於試下招牌野-東江雞雞好滑 啖啖肉 薑蓉好出名 撈飯無得頂不過份量就略嫌少左dd食完有7成飽

星期六日假期唔賣碟頭飯，要食雞最平要叫例牌，盛惠$135, 冇跟湯冇跟飯。對比起碟頭雞飯$58，送例湯，唔抵食囉有時一個兩個人想食飯，都要搭枱食飯，坐得唔舒服又迫，又要焗食例牌，建議多過2個人先好入去食埋單嗰陣見到有人叫咗碟頭飯堂食，問一問個職員先知道原嚟9點後先會有返啲碟頭飯如果大家想入去食嘅話但得一兩丁友，就可能要九點之後先會入座囉，同埋記得㩒定現金或者增值好八達通先好入去。唔係埋單嗰陣又搞到面懵懵

同朋友去大埔超級城搵嘢食， 朋友推介呢間東江雞， 夜晚七點幾去到，已經有九成滿座，睇嚟真係好受歡迎，得返一張大枱畀我哋四個人去食朋友即刻推介叫半隻東江雞， 份量都幾大碟 肉質嫩滑，啖啖肉好入味， 撈飯食一流另外我哋仲叫咗中式牛柳、椒鹽豬扒、xo醬蓮藕炒花枝， 一落單，唔駛十分鐘啲餸就上枱，真係好高效率， 仲要樣樣都熱辣辣好夠味椒鹽豬扒都好厚身，炸到外脆內軟最驚喜係xo醬蓮藕炒花枝，花枝份量好多啊，入口彈牙爽口，真係好好食4個餸 + 4個飯 + 5支可樂，共$554

由細細個食開既東江雞，今日再嚟一班人一齊幫襯，個個嚟到都係食回憶，例牌叫隻鹽焗雞、小炒王、雞蛋焗魚腸傳統美食😋，金銀蛋莧菜，咕嚕肉、椒鹽鮮魷、椒鹽九肚魚同埋最好食既酥炸鯪魚球👍🏻

聞名不如見面嘅東江食家鹽焗雞飯香港越嚟越差！啲商場一式一樣，倒模咁嘅連鎖鋪頭同食肆，今日唔太想食連鎖餐廳嘅我，選擇咗東江食家，間唔中幫襯下，一個月總有一兩次嚟幫襯，食咗超過十年。嚟得東江雞緊係食招牌菜，鹽焗雞！未入到去位，好有默契咁行住叫：「雞飯凍檸茶」之坐低，無叫例湯，因為雞腳湯已經好耐無再出現過，轉哂做蔡天鳳湯（青紅蘿蔔豬骨湯），啲雞腳留返哂嚟買。飲品先到，正常嘢！之後雞飯到，呀唔係，係雞骨飯到，如圖，骨多過雞肉，一啖雞肉一啖飯，雖則東江食家碟頭飯出名多飯，但食哂啲雞肉都仲剩2/3飯，可想而知，有幾多係肉，有幾多係骨！鹽焗雞越做越差，越嚟越難食，環境無變，無裝修過，今次仲整埋個雞骨飯過我歎，食完要再去第二間再食多轉，所以今日起將會永久DQ東江食家，請都唔會再嚟！

今晚食咗呢一間叫餸食飯的中菜館，佢D東江雞係得，果然係招牌菜，另外個薑蔥焗魚雲就好一般，早知碟雞唔叫例牌叫半隻然後唔叫魚雲好過。佢隻東江雞好滑好有雞味，隻雞肥瘦適中，唔會太多脂肪又唔會偏瘦，係OK嘅。呢碟係例牌，我覺得個份量都好合理。薑蔥焗魚雲就正常貨式啦，無中伏又無驚喜，魚雲嘅質素都合格有餘，唯一挑剔嘅就係佢D薑蔥唔夠香，呢樣真係差少少。

10月頭嘅星期日，同阿爸阿媽唔知食乜好，又唔想排隊嘅情況下，去咗東江雞睇吓有冇位，又咁啱有最後一張枱，雖然要同人夾枱，但8人枱坐6人，每邊3人，都好鬆動。餐單上，小菜種類多。嚟呢度必試吓東江雞。同鹽焗雞同出一轍，雞肉好滑嫩。都叫水準中上，係成隻碟都係油，有啲污糟。豉白鱔，份量好足，鱔個油香更㛢人。仲叫咗個金銀蛋時菜同理蒜蓉蒸勝瓜，兩個菜都清淡得來，味道出色。呢間餐廳人好多，大家避免星期六日過去食飯。

呢一間聽講係新界區數一數二食雞嘅舖頭，終於今晚有機會黎試一試。兩個人食唔到好多野，所以只係叫咗一碟例牌鹽焗雞，另外就叫咗個東江豆腐煲。例牌鹽焗雞的份量比想像中大碟，D雞肉真係幾嫩滑，雞肉味都夠香夠濃，整體黎講又真係做得幾好食。至於個東江豆腐煲有D不似預期，因為佢呢個東江豆腐煲其實似生菜鯪魚球煲再加豆腐落去，所以感覺上有D怪怪地，不過佢D用料都唔錯，味道都好嘅，不過如果真係食，真係首推呢間舖頭嘅鹽焗雞。

12月3日為咗要尋找炆豆腐片河芳踪，揾食肥華和靚媽，特登由住處鑽石山搭車入大埔廣場，呢間東江客家菜飯店食午飯，希望再嚐到呢款當年肥華至愛嘅食品，可惜又一次失望而回，因此店係有肉片炒河供應，卻沒有煎炆釀豆腐呢款食品出售，肥華唯有退而求其次柯打咗肉片炒河及此店鎮店之寶，東冮鷄飯各一碟，還幸此店呢兩款食物都保持到七八拾年代呢類客家飯店烹調食品風味，絕對係當時水評中高分之作，再加上此店所供應跟餐嘅例湯及另叫糖水亦係足料好味之選，所以肥華和靚媽總算不枉此行，但此店地方淺窄擺位又逼夾，而又其門如市客似雲來，所以顧客要有速食速走嘅心理準備，才可光顧此店，否則乘興而來敗興而返就唔好喇！👍👍

琴日晚餐買咗盒鹹魚雞粒炒飯，食咗兩三啖之後，咬咬下⋯⋯發現入面有個細鐵勾😱好在當時無吞到，如果唔係好大鑊！🤯成盒飯唔夠膽再繼續食，冇晒胃口🤮平時有食開呢間店既小菜/雞飯，雖然都覺得有啲求其同唔太衛生⋯但經過今次之後，唔夠膽再買⋯⋯留下左心理陰影😭

今日好熱，諗住簡簡單單食完餐晚飯就算。於是去左東江食家買外賣返屋企。呢間食店由細食到大，食物的質素一向好穩定。叫左2個飯盒，原來飯盒會再送多個細湯，我地三個人食，就再要多個大湯。今日係花生雞腳湯，佢地的湯的款式不多，你來食5次，可能都會有3次係呢個湯。大湯 ($13) 有2隻雞腳，細湯就有1隻。今日啲花生好多，而無論是花生定微豆都煲得好淋，好好飲。雞腳就幾乎皮骨分離，所以亦好易咬，今晚最滿意呢個湯。跟住介紹是梅菜扣肉飯。今日的飯底好好食，好乾身，而梅菜的味就甜甜地，好好送飯。扣肉就瘦肉多過肥豬肉，無論是瘦肉定肥豬肉部份都好入味，但又唔會過鹹，值得推薦。跟住係豆腐魚腩飯，飯量好多，我地最後食唔哂啲飯。個芡汁唔會太結太鹹，但豆腐比魚腩好食，魚腩個皮太厚，魚又太實，呢隻魚腩唔係咁好食。最後呢餐是$119，有2個飯+3個湯，cp值算唔錯。呢間係大埔的老字號，由細食到大，質素都能夠KEEP到，真係算唔錯。

屋企人話呢間嘅東江雞好出名 而且有好多潮汕菜式可以一試 專登揸車入大埔嘗味😍🍗金牌鹽焗雞 💰155（半隻）鹽焗雞上到來嚇親我 原來半隻份量都咁大！而且味道一D都唔會淡 有沙薑雞風味 點醬會更有味 唔點醬都已經好夠喉😆🦴骨髓三鮮💰96呢味餸就真係淨係得東江菜先會有！入面配菜好豐富 有蝦仁 魷魚 冬菇 菇 芥蘭同埋骨髓 骨髓本身就冇乜味嘅但係汁撈得口感好豐富！推薦未試過嘅人🧆琵琶豆腐💰84咋眼睇係咪以為係章魚小丸子呢！其實佢哋有異曲同工之妙🤣琵琶豆腐入面係輾碎嘅豆腐同冬菇魚乾等配料 然後炸成一粒波咁 又香口入面又好豐富😍而且仲有芥蘭墊底 🍲東江豆腐煲💰81一餐入面梗係要有煲清淡嘅湯打底 入面有生菜 豆腐同鯪魚球 味道中規中矩 係例牌菜！整體來講東江食家菜式夠曬懷舊 好適合大家同屋企人或者長輩嘗試 而且好多菜式都會有菜打底 好健康！呢到都會有糖水賣 仲見到有街坊專登買糖水返屋企 嗰日嘅供應就係芝麻糊 腐竹蛋糖水同綠豆沙！夠曬港式😆

公司有月餅多，就落球場分啲比姐姐食，咁就梗係食飽飯先攞月餅啦。大埔中心附近食店雖然多，但好似又無乜心水想食乜，咁就食吓呢間成日經過又未幫襯過架啦。入到餐廳其實得一檯 2 位客人，亞姐就呼喝要我哋坐埋一邊，陣間可能有人搭檯，大佬呀你仲有咁多吉檯又疫情，有客人都分開坐咗先啦 😡😡所以答佢我哋好快食完走架啦，你有客人無位我哋先坐埋啦！ 2 個人 6 點幾其實都唔係好肚餓，叫咗個豉油王炒麵，半隻沙薑雞加個油菜。豉油王炒麵比較咸但有鑊氣，沙薑雞係面個幾件比較淋身好味，其餘都鞋口，油菜好味係唔記得走蠔油，佢哋落咗一大灘 😑😑餐廳地面都比較跣，慢慢行穩陣啲。招呼同食物都比較 “出色”，下次都係避之則吉！

五六月可以說是飯局頻頻既兩個月 先是母親節再來就是父親節可惜近月因為疫情關係 大家外出用膳既機會都減少了 就趁最近疫情有點點緩和 加上又是特別節日 趁機外出好好找間吃吃飯也不為過 媽媽因為愛品嚐鮮雞 於是又走來東江雞 吃過好幾次印象都挺不錯沙薑雞半只 差不多是招牌菜 來這裡的人十居其九都會點一隻半隻 甚至有不少人來點名外賣 非常熱賣 於是我們也來半隻好了 其實說穿了就是原味的蒸鮮雞 食落原汁原味 啖啖濃厚鮮雞香 不過這次肉質略嫌不夠細嫩滑溜 可是仍然食而不膩 沾著沙姜醬汁更添辛香風味伴著飯吃可以吃上個大半碗喔小炒王 說穿了其實就是炒雜錦上枱時剛炒起熱烘烘 鑊氣十足 雖然用料都不少 但眼看相比之前就有點不同沒有蝦干 轉用上銀魚干同樣香脆 腰果西芹紅蘿蔔加上魷魚菇菌 食落鹹香味濃 味美可口 不論是用來伴飯又或是用來送酒同樣一流蝦仁炒蛋 蝦仁意外地非常大隻 咬落爽口彈牙 雞蛋炒得非常嫩滑 絲毫沒有過火 蛋味香濃 是滿有驚喜之作海鮮粉絲雜菜煲 相比之前好幾樣菜式 這個煲就偏向略為清淡一點 海鮮用料都不算少 有魚塊魷魚大蝦 雖然少了點蝦干 鹹香

呢間東江食家食左好多年，最鍾意佢d姐姐好有人情味。 小菜館黎講水準依然keep到， 尤其係佢地隻招牌東江雞真係幾好食，另外仲有幾味都係幾好食嘅，去開可以食下。招牌東江雞雞肉好滑，冇乜脂肪，贊。 特制的雞油汁味道濃郁， 如果好鍾意雞油撈飯嘅話，可以叫佢地比多碗汁你。梅菜扣肉呢個梅菜扣肉真係好入味， 炆得好林， 肥膏入口即溶， 用黎撈飯一流。(又係撈飯哈哈)椒鹽魷魚鬚呢間餐廳既炸野都比較出色，好似椒鹽魷魚鬚，椒鹽肉排都好穩陣， 好惹味又唔會太油膩。鹹魚豆腐煲又係撈飯一流嘅餸， 少少偏鹹，但撈飯剛剛好，食左我成碗飯。(繼續撈飯哈哈)