東江食家

营业中

休息中

母親節快到 ， 我也安排時間回去探望母親。溫馨的生活從感謝母親開始, 仔细望望母親也讓母親仔细望望我。 當然是一家人聚會及食飯， 一般母親節前後的星期日， 食肆都是好難訂位的，我們都是在家附近早些用膳， 幸好找到位食晚飯。我們點四個餸一齊食， 這裏是一般大排檔嘅菜式 但價錢唔算太平。埋單470元左右。蒜蓉牛仔骨， 我喜歡食牛仔，所以點了，覺得味道都係比較濃少少，我覺得還是好味。雜菜粉絲煲，有些海鲜， 蔬菜及粉絲，清凊地，食下去還是可以。半隻雞，這的雞應該是出名好食，以前我會在這叫外賣， 今日食落都算係好食， 還是可以保持到水準。菜心斑球， 班球都滑，新鮮，菜心也炒得入味，食落唔错。對於我的小朋友來說，他們就不太喜歡中菜， 但我覺得也要給他們試一試，等他們習慣一吓。 這裏令我懷念一下以前嘅生活。

聖誕節過後不久 話咁快又到新年 大時大節跟長輩們飯聚當然是少不免 不過並不是位位長輩都喜愛西方餐飲文化 呢個時候最強中菜就一定幫到手 呢間位於大埔廣場既東江雞一直都好想試 正正岩晒心水 東江雞最出名就係雞 (全部都係雞=P) 開業至今30多年 以招牌菜鹽焗雞起家 鹽焗雞不是以鹽堆着雞煮成 而是用上本地農場新鮮雞加上秘製醬汁淋雞而成 馳名既金牌鹽焗雞 味鮮有著濃厚鮮雞味 嫩滑爽口彈牙 半隻份量不少 證明真材實料 鹽焗雞配上特制醬汁 點著一併進食味道又會有所不同 招牌小炒王頗有新鮮感 配料多 有西芹腰果蝦干魷魚等 炒得香濃可口 味道不會太咸 不論是用來佐飯又或是佐粥都非常適合 椒鹽九肚魚炸得香酥脆口 入口即溶 雖然九肚魚比較多橫骨 不過這碟炸得香脆 即使一併食埋都問題不大 錦江海鮮豆腐煲 材料豐富 海鮮份量不算少不過略嫌種類不多 豆腐入味但不會過咸 用來佐飯亦屬一流 想吃的仍有不少 希望不久將來再來一試

其實呢間食咗好多次， 以前畀我最大嘅印象就係鹹， 唔稱得上係美味， 但因為陪朋友食， 勉為其難字可以試下。 但係比起上次食真係有驚喜。 今次嘅味道有所提升， 唔會好似以前咁得個鹹字。唔多餐廳會有所提升， 呢間餐廳係一個好嘅榜樣， 希望繼續努力。 支持！！！

今天去了大埔，午餐決定吃久違了的東江雞。餐廳不算大，有兩間連在一起，多數是圓枱。主打食雞，但有不少惹味小炒。雞脾要加14蚊，所以點了一碟鹽焗雞飯，飯量十足，大大碟。雞連皮食，夠香滑，雖然鹽焗，但一點也不會過鹹。如果重口味，可以蘸醬食。另外要了碟京都骨飯，比想像中的好。又是飯量夠多，肉夠稔，菠蘿很香甜，醬稍嫌多了點。還有例湯送，都幾抵食。湯有雞腳，粉葛、花生、果皮等，料足好喝。總括而言，餐廳維持一向水準，大件夾抵食。

明明沒有來過大埔的東江雞，我的印象，東江雞，應該是廣福道那兒，即是拍大埔紅Van電影那兒中間才有東江雞🤔。據聞，那一間店已經沒有了，只剩下這一間，晚上完成了工程之後，才去到這間東江雞。坐在門口有點兒尷尬，倒不如坐最裏面那一張搭桌也好。看看餐牌之後，友人又表示不太吃梅菜扣肉，可能只會吃一兩片，那我倒不如下一次獨自來的時候，才吃碟頭飯😏？結果就點了一碟鹽焗雞飯、一個金銀蛋白菜仔、以及一個咸酸菜豬肚煲。友人點了一個例湯，例湯蓮藕煲雞腳，平日我都不太喜歡喝湯，更遑論是例湯？但是，東江雞的例湯，想不到，味道非常濃郁，即使晚上差不多打烊的時候，蓮藕湯仍然味道濃郁，夠熱夠滾，火喉十足，不覺得溝了水，也不覺得有味精。真想不到，當日中午才吃過九龍區一間海南雞飯，結果覺得有點兒受騙，又對「出街吃雞」失去信心；但是，相隔不足十個小時，便又到了吃雞的專門店。如果到了鹽焗雞飯的專門店不吃雞的話，好像有點兒枉費，於是又再點了鹽焗雞。果然，鹽焗雞，如果叫碟頭飯，沒有小菜或是例牌那麼多，但是其實分量也夠，因為都有十件、八件雞肉。鹽焗雞的那些醬汁，有些流了到下面的白飯上面，令到白飯沒有那麼寡，還有少少鹹香。另外的鹽焗雞

呢間舖頭真係由細食到大由細細個d雞咸到要飲1L水，改良到而家咸味啱啱好同lilo同我哥三人行晏晝嚟呢道食佬飯母親大人食咸魚雞粒炒飯，炒得夠乾身，有陣陣咸魚香我哥食雞飯而我就食雞湯米湯米用大湯碗上，份量十足，湯略嫌太淡東江雞另上呀媽教成碟雞連雞汁倒曬落碗米粉道，味道即時提升本人今次比較好彩，有幸抽中雞腿搭雞背呢間舖如果食random雞就44蚊（有機會係雞脾加雞背，或雞胸加雞翼），如果食雞脾要60蚊，走胸又要加5蚊所以食雞都好似玩大細咁呢道食飯送例湯，仲有一隻雞腳抵食

其實呢到除左食雞之外，菠蘿咕嚕肉真係好好味！佢用新鮮菠蘿起肉，d肉會特別甜！又大碟！肉又多，炸得岩岩好！酸甜度剛好，係我同老公一定會叫既送！至於雞，相信出哂名人人都知架啦！就係鐘意佢夠哂大碟抵食！我又唔覺得太咸，反而撈飯岩岩好！今次試埋呢個豆腐班腩煲！夠火候！豆腐入哂味！班腩當然有炸一炸過，勁香口！好飽都食左2舊！

今天家裡裝冷氣搞到亂糟糟所以諗住叫外賣算突然想起很久沒有叫東江所以就打去叫外賣今次要了四人餐：$340有半隻招牌雞、選兩個小菜、選兩個炒粉、麵、飯和例湯或氣水。今次叫了：雞～保持水準一吃就知是用新鮮雞吃落很新鮮有雞味而且肉質夠嫩滑半隻雞跟一隻雞腳但我們都愛吃東江的雞腳很大隻又夠味所以每次必另加$20多四隻雞腳。小菜要了：中式牛柳～牛柳一般但醬汁酸酸甜甜夠味有洋葱、新鮮菠蘿等夠鑊氣很好送飯小朋友最愛吃。椒鹽九肚魚～炸得香脆魚肉滑溜椒鹽有炸蒜粒、芫荽…很香口。炒粉、麵、飯要了：廈門炒粉～已經很少地方可以吃到這樣傳統用五柳、蛋、叉燒、蝦等的廈門炒粉！炒得夠香夠鑊氣很好吃。咸魚雞粒炒飯～咸魚夠香、雞粒雖則係雪藏貨但加埋葱粒、生菜絲。飯粒炒得夠香每啖飯也能吃到咸魚頗惹味。我們不喜歡喝外面的例湯所以選了四罐氣水三百多元可以吃到東江四人餐而且送到家中感覺真的十分抵吃！套餐分二至三人和四至五人。套餐只有只取或送外賣如果在東江裡堂食是散叫的價錢一定不止這價錢！每次家裡沒有煮飯又不想出去吃而又想吃中式小菜我必定揀東江。

慕名而來，第一次係度食飯 ﹗招牌菜東江雞點都要試一試。回想以前係大埔墟東江雞朝早六七點飲過一次早茶，到依家相隔十六年喇 ﹗研究吓個 menu，真係十分多菜式喎。大埔廣場東江雞有兩個舖位，這邊較寬敞舒服。見大多食客都係簡單叫個套餐或碟頭飯就算啦，食飽就撇。 菜贍豆腐魚頭湯，好濃味精湯喎，希望今晚唔會太口渴啦。生菜鮮爽、魚肉鮮甜，都幾好味。鹽焗東江雞半隻，幾十年終於有機會一試到底係咩味道 ﹗嘩 ﹗好咸啊 ﹗即時聯想到客家咸雞。肉質都算腍既，滑就未稱得上，全熟沒有半點血水或紅色。不過咸得利害，送飯應該唔錯，淨食就實在咸咸咸，不合格。 炆斑腩，濃郁醬油味，魚肉味道同肉質都可以啦 ﹗有好多配菜，炸豆腐、冬菇、燒肉、白菜，不過不失啦。腐乳通菜炒牛肉，簡簡單單反而最好食，有鑊氣、菜鮮爽多汁、牛肉嫩滑、濃味，全晚最好食架喇，多謝 ﹗

一行三人,到東江晚飯,正值7:30,頗多人,雖找到一張三人桌,但由於地方不大,太擠迫了...坐下後二話不說,即點了半隻東江雞,炸大腸,梅菜扣肉,豉汁涼瓜;東江雞雞味十足,且不太鹹,肉質很滑,不愧為招牌菜;炸大腸很脆,香口,佐酒一流;梅菜扣肉乃客家菜精髓,扣肉有了梅菜味,兩者配合非常好,單是此菜已叫人吃了兩碗飯;涼瓜甘而不苦,豉汁味十足;這裡的姐姐不時問我們會否太迫,懂照顧客人感受,每人$120,抵!!!

大埔有兩間東江雞，一間在大埔廣場，另一間在大埔墟，大埔廣場的是正店，另一間則為分店。大埔廣場正店的鹽焗雞味道是相比起分店好，而且不知為甚麼，每次買半隻雞外賣，正店的份量對比分店的份量來得多，所以即使住在大埔墟，也會捨近取遠到大埔廣場購買。鹽焗雞半隻($89)，外賣鹽焗雞真的愈來愈貴，由2-3前的 $75 漸漸加價到 $89，真的超貴。雞肉的味道是非當滑，而且這隻雞的皮脂也算少，不會見到一層層厚厚的雞皮，都算幾好吃。不過我只會買外賣，不會來堂食，因為其他餸菜也不是太好，而且好鹹好味精，最好都是鹽焗雞，還是買回家加餸好得多

生日, 屋企人請食飯. 老豆媽子話去東江雞.其實以前都聽人講好多次, 成日話黎道啲雞好食. 咁屋企人請我緊係無所謂話去邊啦. 不過真係好耐無去過黎間野.去到, 可能好多都一家大細去食, 所以食飯時間比較耐, 等位等左一陣, 廿分鍾左右啦.坐抵左, 大至上上菜都上得幾快, 唔洗等好耐.最快黎既係炒菜, 正常味道, 唔會好差.氣玉緊係隻雞啦, 沙薑雞一隻, 肉質口感比起其他廳餐真係好啲, 味道岩岩好又夠熱. 果然係招牌菜 不過如果比起隻雞, 其他小菜真係幾一般.如果食雞, 嚟道會係好既選擇. 一家大細都唔錯.五個人, 埋單大約400蚊. 價錢都幾合理. 不過就無乜驚喜.

星期六，同媽入大埔，食晏都不知食乜好，記得多年前在大埔返工成日食呢“辣”餐廳,有咖喱店，粉麵及鹽焗雞飯，全都好食，於是帶媽過來佢話事！佢最後揀了食呢間, 因想食鹽焗雞飯，我看了又看, 心血來潮，我叫碟扣肉飯先！扣肉飯先上，看到肥膏半通透，“立立令”，香噴噴的梅菜，胃口大增！咬口扣肉，肥膏在脷上溶化，此一刻，我又再和扣肉的肥膏再次共舞！梅菜小姐帶少少甜，很香，送飯一流，媽和我好快食了一半飯.鹽焗雞叫了半隻，一上，媽即說此店老實，雞是真的足半隻的咁話.食一舊，肉質似走地雞的，不太多肥膏也不太多油，但又唔乾，夠晒肉味！鹽焗的也幾咸，我只再點少許沙薑已夠晒味。但之前已食了很多飯，不夠飯撈雞, 呀~最後食了一半，另一半打包回家。服務一般茶餐廳囉，阿姐好爽快，冇咩特別。雞推介! 但扣肉也是意想不到的好食，兩味都同我由細食到大"泉XX" 有得揮！

同老公兩個食個午餐, 一人叫一個碟頭飯, 鹽焗雞飯($30) - 好正, 個雞汁都可以撈碗飯! 超多雞, 見住佢用一碟例牌雞分三碟飯, 絶對唔係得幾件仔, 我仲好好彩, 有雞脾位! D雞雞味重, 咸味剛剛好, 送飯一流! 一食就知係用新鮮雞整嘅, 絕非超市雪藏貨可比!!咕嚕肉飯($32) - 晚飯時段個菠蘿咕嚕肉(原個菠蘿上)正D, 午市個咕嚕肉都好, 肉多脆漿薄, 無骨淨肉, 啱我老公呢D懶人, 但係唔知係唔係失咗手, 個酸甜汁個味有少少怪, 酸得有點刺鼻, 撈飯都係雞汁好D!!! 加兩蚊有飲品, 但只有凍咖啡奶茶, 無熱飲, 唔駛加錢有豆漿, 叫咗兩杯, 但豆漿無味嘅... 總括黎講, 兩個都係好好味嘅碟頭飯! 水吧就差少少....

本身住大埔，呢間店都有幫襯過幾次，因為佢雞飯出名，但都係堂食多，未試過叫外賣，後期佢增設送外賣服務，對於我呢d無飯家庭黎講就梗會幫襯下佢，點知唔打去由只可，一打去就把幾火 當我打通電話，等o左好耐先有個阿姐聽電話，佢一接聽只係沒好氣的"喂"一聲，(心諗"喂"什麼?應該講出你係東江雞先岩,一d都唔專業,不過算,都係d餐廳仔黎,唔太高要求了)咁我就問"係咪東江雞呀?"，佢先答"係呀係呀"，我話"叫外賣呀,唔該"，佢答"要咩呀?"(好似我仲好禮貌過佢咁,而家唔係佢服務緊我?)咁我就話"要一個鹽焗雞飯丫"，佢話"仲有冇呀?"，我又問"係咪有豆漿跟架?"佢答"跟埋比你啦!" (佢呢句個態度係好似好唔滿意咁) 佢再問"仲有冇呀?"，我話"無喇"，佢問"送邊度呀?"，我講出我既地址，佢一聽完，竟然話"嘩!你一個飯自己黎攞啦,我地唔送架!!" (態度非常惡劣!!)跟住我已經滾滾地，剩係同佢講"算"就cut佢線。我心諗，咁你又問我送去邊?聽完邊度邊就話唔送，仲要咁既態度，係咪做生意架?講真，我住o個度唔算好遠,就算你覺得我叫得少野唔想送，都唔係咁既態度下話?呢d係咪叫恃住自己老字號，就算亂黎都係咁多人幫