串燒王 (登龍街)

营业中

休息中

響登龍街間燈籠滷味對面就係串燒王，坐低響張格仔紙度落單，落完單抬頭見到十大必食推介，我竟然一樣都無叫到，諗住食完第一輪加點既時候試下，又點知飽飽地無再加單，下次～① 豬頸肉 $28② 阿拉伯羊肉串 $30③ 免治雞肉棒 $20④ 豆卜 $15⑤ 虎皮青椒 $13⑥ 椒鹽燒賣 $22⑦ 墨魚丸 $22⑧ 菠蘿 $22⑨ 巴蜀炒粉絲 $68雖然叫既野好普通，但的確樣樣都好食，惹味又唔會太鹹或太辣！羊肉串有少少羊羶味，雞肉棒食到脆口的雞軟骨，如果有埋月見點黎食就更完美。豆卜及椒鹽燒賣乾身脆口，墨丸彈牙，菠蘿夠甜夠Juicy。本身唔知巴蜀炒粉絲係咩，原來係腸仔，炒蛋，菜，洋蔥加埋辣椒，簡簡單單，幾有家鄉風味。食串燒最好就係配啤酒，餐廳做緊Stella同The Premium Malt’s生啤買一送一，平均$24杯！緊係要啤啤佢～

串燒王 • 銅鑼灣想食串燒又多左個選擇！話說前排夜晚口痕想食串燒，見到呢間鋪，於是試下佢。一坐低就已經聞到好香嘅串燒味，未食就已經食慾大增。呢間店舖嘅外賣生意亦都比較多，見到生意源源不絕。😆..✅ 豬頸肉 $28✅ 豬仔髀 $38✅ 牛板腱 $28✅ 牛舌 $25✅ 皇牌牛舌心 $38✅ 肥牛金菇卷 $28✅ 雞軟骨 $28/2串✅ 牛筋丸 $22我哋主要嗌咗呢幾款串燒，首先豬頸肉充滿油香，非常嫩滑，外面帶少少焦香；豬仔髀厚肉，肥肉部分一食落口充滿油香；牛板腱肉質較結實，肉香味濃。牛舌同牛舌心個人認為係串燒係必叫，雞軟骨同樣都係，相當惹味，叫1串係唔夠食，下次光顧我會叫2串😙

聽講這間串燒王都頗有人氣，而且評價唔錯，所以今日約朋友一齊去探店，銅鑼灣這間分店坐落在時代廣場附近，該店鋪面積不是很大，但坐得十分舒適。而且這店的營業時間在下午六時至清晨，絕對適合食宵夜的人士。🍢 鹽燒白鱔串 孜然粉和鹽巴灑在白鱔上燒香，白鱔除了香口脆的外層，內層魚肉更加鮮嫩無比。🍢薄切牛舌 牛舌鋪了少許孜然粉再燒，牛舌燒到外脆內軟，而且嚼勁適中。🍢牛肉串 牛肉粒鋪滿了孜然粉再去燒，調料逐漸滲透到牛肉內部，使到肉香四溢。🍢 蒜蓉原條茄子 孜然粉和蒜蓉加埋一起鋪在茄子上燒，令到茄子超入味而且夠晒嫩口。🍢 鹽燒八吋大虎蝦 師傅掌握時間相當好，既可以保持大虎蝦的肉質鮮嫩，而且又能做到咸香適口、香脆可口，實在難得。🍢 雞中翼2串 雞翼外皮燒到脆卜卜，色澤金黃，但裡面啲雞肉重好嫩滑，絕對值得一試。🍢 芝士年糕 這個芝士年糕絕對值得一贊，年糕嘅外皮燒到外脆內軟，而且點埋沙律醬，令層次感更豐富。🍢 台灣雞泡魚乾 這個雞泡魚乾燒到微脆的外皮與內部鮮嫩多汁形成了強烈的對比。🍢 麻辣海蜇 爽口彈牙的海蜇配埋青新的青瓜粒，已經是非常清爽的配搭，但我朋友覺得麻辣醬有點過辣，所以少食。 但食得辣嘅我就覺得絕對適

🍢登龍街新開嘅串燒舖 而家仲有新開張優惠 買生啤一送一🍺🍡呢度嘅串燒款式都幾多 整體嚟講味道幾好 濃度恰到好處 嗌咗小辣 好滋味😜🤪🐷豬頸肉有啲焦脆嘅感覺 幾有口感🥩薄切牛舌比較軟身，都幾厚切🐑阿拉伯羊肉串有臊味，正🐣鴨胸肉係兩串咁上，一串就有兩大塊肥肥嘅鴨胸 另一串就係細細粒，食到鴨油既香味 煙煙韌韌🐤雞軟骨脆卜卜好味 兩串起計 份量都幾多☑️脆香魚腐係一個正方形 幾特別 都係有少少脆卜卜嘅😉☑️蒜蓉原條茄子🍆 好juicy 勁多蒜蓉 好香😜💛芝士年糕好有驚喜 外脆卜卜 入邊就軟腍腍 仲有啲流心芝士 當係食埋甜品㗎啦😳😗嗌埋支藍妹，太開心了吧😄😄

🍱餐廳：串燒王🏫地址：銅鑼灣登龍街36-48號登輝大廈地下D2鋪世姪女想食串燒，當然奉陪，呢間喺銅鑼灣之前食過一次都唔錯，今日就帶佢嚟，我梗係再食原條火箭魷魚筒，又是十分美味，今次唔講呢樣，講吓其他嘢食😃～豬頸肉廚師掌握的時間剛好，煎得外層酥脆而內裡能保持嫩滑，味道鮮美，吃起來非常滋味，喜歡食串燒的朋友不容錯過🥰　～豬大腸烤得剛剛好，外皮微焦，難得食豬大腸都沒有很肥膩的感覺，送啤酒一流呀❤️～蒜蓉原條茄子加了適當的孜然粉，不會太濃烈，調味剛剛好，又不會過鹹，正！～薄切牛舌一串有三大塊，口感佳，軟嫩而有嚼勁，抵食好味之選👍～韭菜每餐應該要食多少少蔬菜嘅，韭菜一向我都鍾意食，燒得剛好，不會太乾，絕對沒有令我失望😃

🔶🔷🔶銅鑼灣登龍街 勁抵$48兩杯啤酒🔷🔶🔷。🍻食串燒點少得飲番兩杯啤酒～ 呢度$48兩大杯！飲完再飲都唔會肉赤呀，當日我就係咁岩見到一檯6個男人係度暢飲～😝。🍢當日食左好幾款串燒，價錢如下。蒲燒秋刀魚 $38日本一口和牛粒 $34阿拉伯羊肉串 $30免治雞肉棒 $20翠玉瓜 $15蒜蓉原條茄子 $38花甲粉 $65。當中花甲粉大大碗好抵食，我地每人食左10隻花甲都有，粉絲又吸曬湯底鮮味，yummy! 。串燒王 (登龍街) (銅鑼灣)📍銅鑼灣登龍街36-48號登輝大廈地下D2號舖。#gpigcwb

預約左，去到戴眼鏡waiter 叫我是但坐。星期五登籠街餐廳都唔full, 心諗伏伏地。。。兩個Waiters 黑口黑面，想order 食物同埋拎order紙都好唔老脾，toilet 好dirty。。。食物一般，咁多辣，唔難食但no surprise不過份蒜蓉金菇好頹 lor仲有，beers 係買一送一，我地order 左兩份，淨係比三杯。。。最後，唔似其他串燒店咁，枱會有紙巾and 七味粉提供！No next time!

串燒王位於銅鑼灣的登龍街，店舖面積很少，約左6張枱，價錢算比較平。蒜蓉扇貝帶子 $70/2隻燒得剛好，不會太乾。略為多些粉絲和蒜應該會更顯惹味。鹽燒鯖花魚 $40微焦的鯖魚表面燒得好香脆，魚味極濃，肉質夠厚實，配上檸檬汁，好好味。五花腩肉串 $30/2串肉質不會太硬亦都唔會太肥，可以整全咬落一粒一粒，而且肉燒得香脆⁡。牛舌 $25/串普通沒有特別，不會燒得很韌。韭菜 $15/串去親串燒店必點菜式，簡單健康又好吃，但小編略嫌燒得有點乾。蒜蓉原條茄子 $38/條上面鋪滿蒜蓉，蒜香味濃郁，口感軟綿綿，非常惹味，面上有蔥花作點綴。雞肉腸 $22/2條原本以為是台式款的雞肉腸，但賣相、味道及口感都有點似廚師腸塗上蜜糖。

位於銅鑼灣鬧市的串燒店，第一次食，價錢都比較平，都幾抵食。一個人叫左以下食物都係大約120。晚餐來講性價比好高。🍆蒜蓉原條茄子$38茄子好大條， 調味夠，唔會太鹹，蒜蓉味好香。食完呢個都飽左一半。👅芝士年糕$35熱辣辣有好多芝士，好食。燒韭菜$15/串去親串燒店必點菜式，簡單健康又好味。🐔鷄中翼$36/串最愛燒鷄翼，外脆内滑多汁。一個人食夠曬。鬧市中的餐廳，環境都光猛，位置不少，如果經過想過下口癮都吾錯。

如果港島區我最鍾意既串燒一定係串燒王以前銅鑼灣未有既時候 要特登過去天后食銅鑼灣既店開業幾個月我已經多次光顧😄👍🏻星期五既晚上去座無虛席咁岩有人埋單走..我哋等左一陣就安排入座除左我最愛嘅薯仔片 四季豆 脆肉瓜 皇牌牛舌心之外我想推薦埋佢地個蒜蓉煮花甲第一次係尼度叫花甲花甲真係好新鮮 隻隻都打得開好食👍🏻另外都係有佢地金菇 又係必食推薦今次因為本身唔係太肚餓所以無叫到茄子但佢地個茄子係煮得好好食架推介埋比大家去試下

♡◌ ◍ ◯ ⊙ ◌✐ 𝙍𝙚𝙫𝙞𝙚𝙬.📍 串燒王𝕃𝕠𝕔𝕒𝕥𝕚𝕠𝕟: #breadaholic_causewaybay𝕋𝕪𝕡𝕖: #breadaholic_restaurant .❅ 皇牌牛舌心 $38/串❅ 阿拉伯羊肉串 $30/串❅ 雞軟骨 $28/2串❅ 脆香魚腐 $15/串❅ 蒜蓉原條茄子 $38/條❅ 蒜蓉金針菇 $45/份❅ 菠蘿 $22/3 塊❅ 娃娃菜 $13/串.//銅鑼灣登龍街美食林立, 每次經過這家串燒店都聞到超香的燒烤味, 決定要試看看! 菜單上選項很多, 還可以自選辣度, 串燒由十多元到過百元都有, 價格相宜(*¯︶¯*) 最推薦蒜蓉原條茄子 – 超大條茄子上灑滿蒜粒和蒜泥, 調味很惹味, 吃完嘴巴好臭但很爽!!!! 雞軟骨是另一款我每次吃串燒都會點的單品, 燒得很香口, 口感爽脆, 記得要點幾串(會吃到停不下來 ( ´▽` )ﾉ .P.S. 發現他們是通宵營業！下次在銅鑼灣想吃宵夜可以再訪o(^▽^)o//.◌ ◍ ◯ ⊙ ◌

原來位於銅鑼灣登龍街的串燒王BBQ KING,是他們餐廳的第六分店。之前去過其他分店都覺得不錯，今晚又想食串燒，於是進店晚餐。這間餐廳比起其他分店，餐牌大致上也相同，但個人感覺座位比較舒適，而且店員亦很有禮貌。法式焦糖鵝肝多士$70/4塊：好香幾好味。菠蘿$22/3塊：好甜，菠蘿都好大件。鹽燒白鱔魚$55/串：味道不錯！餐蛋炒出前一丁$68/份：熱辣辣，香噴噴！總括來說，整體味道不錯，難怪餐廳坐滿客人。

銅鑼灣有間新開既串燒店，之前食過北角分店都唔錯，又入去叫幾串過過口引我地叫左大辣，佢地用既調味辣粉真係好辣🥵夠哂惹味😋好想問佢係邊隻辣粉🤫豬大腸煙煙韌韌，同一般炸既口感唔同🤣牛舌芯超大片同一口和牛都幾有牛味，全部燒完都仲保留肉汁唔會好乾雞軟骨&免治雞肉棒都好有咬口，雞肉棒係雞肉mix埋雞軟骨而成雞皮燒完出黎脆卜卜，好岩送酒🥴翠肉瓜燒完都好多汁，唔會乾爭爭蒜蓉原條茄子好中條，面頭鋪左滿滿既蒜蓉勁香😍

串燒王在銅鑼灣開了分店，依舊營業至深宵，作為夜鬼的我當然已光顧了幾次，不過此次是假日又只得一位店員，當天比較繁忙，對我們的態度就少一份關心😃可能店家要注意一下~銅鑼灣店環境比其他分店乾淨，設計比較型格舒適，生意火爆，但上菜時間好快，只是等了十多分鐘左右，而且定價親民，位置又方便，是適合夜宵的好地方最抵飲的是生啤，$48買一送一，可選Stella Artois或Suntory The Premium，解油解辣一流•五花腩肉串 $30/2串：油脂滿滿，口感豐富•薄切牛舌 $25/串：不算好爽彈但充滿肉感及有嚼勁•日本一口和牛粒 $34/串：厚肉大粒，很惹味•肥牛金菇卷 $28/串：金菇索肉味，口感不錯•雞中翼 $36/2串：表面焦脆夠香口，內裡juicy多汁•椒鹽燒賣 $22/串：調味好好～燒得好好•芝心丸 $22/串：啖啖流心芝士，好滿足•手拍青瓜 $38/份•金針菇 $13/串•汁燒鮮冬菇 $16/串•芝士西蘭花 $58/份燒菜也不錯，全部都燒得恰到好處，不會燶，且調味適中不會過鹹，少少辣挺惹味；口感爽脆，解膩一流-串燒王(銅鑼灣)📍銅鑼灣登龍街36-48號登輝大廈地下D2號舖

入到去呢間舖得一枱客係兩個人嘅，都有啲心寒㗎啦，點知完全冇店員主動招待，叫佢過嚟仲要黑口黑面‼️牛小排同埋羊肉串硬過擦子膠，絕對係鍛鍊咀嚼肌嘅好幫手‼️嗰條秘製燒魚，嘩！經典啊，魚肉未離骨，裏面係生㗎‼️我同個侍應講條魚未熟嘅，然後嗰個左手帶住白色面A P手錶嘅人員，答咗我一聲：「哦」，然後攞走咗碟嘢，冇任何交代點樣處理。。。3分鐘後我叫埋單，佢居然攞咗張冇扣除呢碟魚嘅賬單過嚟叫我俾錢，我叫朋友check吓賬單，然後佢先至問我係咪唔要條魚，然後佢先至出過張新單俾我，咁樣嘅服務態度，咁樣嘅食物質素，真係唔知佢哋用咩心態去經營，作為客戶真係俾佢激死啊‼️‼️絕對係貼錢買難受‼️登龍街之恥‼️香港飲食業嘅害群之馬‼️仲有佢冇俾返張收據我，而將Credit卡嘅receipt上面嘅商戶名稱居然係紅磡嘅一間唔知咩舖頭，非常古怪‼️如果食物中毒真係唔知點樣追究啦⁉️⁉️