丸亀製麵 (iSQUARE國際廣場)

营业中

休息中

想健康都可以食彈牙嘅烏冬🍜對我嚟講性價比最高嘅舖頭就係丸龜製麵！佢嘅麵有分中/大size大部份都喺$50樓下 最啱學生們去食😆我通常會嗌一個有Lean protein做餸嘅中size烏冬❌腐皮、牛肉(佢地用肥牛)、燒豚肉、叉燒、炸物⭕️魚類、海鮮類、蛋、雞肉(唔肯定有冇炸過)同埋揀返低脂啲嘅醬汁❌咖喱汁、豚骨湯、麻醬⭕️濃醬油、清湯、鰹魚醬油、蕃茄湯然後再加一份西蘭花 ($8) 同温泉蛋 ($9) 🥦🍳記住要同師傅講西蘭花要走豉油！如果唔係真係會好鹹🤦🏽‍♀️你嗌完烏冬之後仲可以加配小食但佢多數都係炸物，所以keep fit中嘅就要慎選了佢仲有鮭魚($10)、饅魚同明太子飯團賣🍙 ($12)我試過同女仔frd去，share一個烏冬加兩個飯團都好飽👌🏽行到去cashier到會有得比你自助落調味料我就會加蔥同七味粉佢有天婦羅花提供，不過係炸物所以熱量都唔少佢係自助式餐廳，所以可以自己去斟水飲！食完記得自己拎啲餐具去回收口到呀🍽十級推介大家去食!!!係我嘅comfort food嚟😋❤️和風蜆肉烏冬 ($42)温泉蛋烏冬 ($38)鮭魚飯團($10)、味付玉子($9)、西蘭花($8)饅魚飯團($12

Lunc time同friend去左尖沙咀食烏冬，叫左門口banner上面嘅和風蜆肉烏冬。蜆肉嘅數量都好多，湯底好濃郁。只係蜆肉入面都有少少沙，如果冇沙同埋多啲配菜會更好食。

成個商場 ,呢間嘢都算最平, 叫兩碗烏冬,一分鐘已經做好放在你面前 ...其他小食好似有啲似自助餐嘅感覺,鍾意邊件夾邊件,不過當然要逐件收費... ㄧ碗烏冬一個人食一定唔夠飽 ,我叫左兩碗烏冬+三份小食 （一人份量剛好飽）！ 成為百三蚊！ 我會比90分！

這次再度品嚐丸龜的烏冬，味道很不錯，價格亦相當實惠。「牛肉麻醬拌烏冬」一直是我的至愛，幾乎每次到丸龜都會點這道烏冬！沾滿麻醬的肥牛配上彈牙的烏冬，著實令人一試難忘。炸物是次點了「炸蝦餅」及「芙蓉炸蟹鉗」。「炸蝦餅」的炸衣很薄，蝦肉彈牙、新鮮，炸蝦餅整體而言香脆可口不油膩，佳！與「炸蝦餅」相比，「芙蓉炸蟹鉗」則令人有點惋惜。炸衣同樣薄脆，惜蟹肉味道較淡，肉質亦未見令人難忘，感覺就如急凍炸蟹鉗，不吃也罷。

一直也很欣賞丸龜的烏冬，價格相宜、食物高質，更重要的是餐牌提供兩個不同份量的烏冬，食客可按食量揀選。丸龜的尖沙咀位於iSQUARE 國際廣場，位置極佳，非常適合看電影前吃個「快飯」或看電影後來個烏冬。當日品嚐了「牛肉麻醬拌烏冬」及「炸魷魚鬚」。「牛肉麻醬拌烏冬」的烏冬份量足夠，而且口感煙韌不易斷。牛肉為火鍋薄切牛肉，肥瘦適中，西蘭花略少，但沾上麻醬後非常美味！麻醬香濃，重口味的我略嫌有點少，但仍非常美味！「炸魷魚鬚」香脆可口、炸衣薄，雖然已預先炸好，但仍能保持溫度，沒有變冷。不想購買炸物的食客，亦可自行舀一點天婦羅炸衣作伴菜，味道同樣可口。注意：iSQUARE 會員可享全單九折；憑丸龜單據於十五日內再度光顧可全單扣減$5。

小編同友人每月一聚今次選擇左係尖沙咀既丸亀製麵度食，貪佢價錢相宜地理位置都係大家既中心小編去完福岡之後就對明太子念念不忘，見到有明太子就會食，今次考慮左好耐食明太子烏冬好定明太子飯糰好最後揀左明太子溫泉蛋伴烏冬加南瓜天婦羅同茄子天婦羅明太子溫泉蛋伴烏冬，好食天婦羅碎同蔥係自助任加既，好正 天婦羅同小食係幾件幾件咁炸然後俾客人自己夾完再去俾錢，所以都幾新鮮南瓜天婦羅無得輸，好好食 茄子天婦羅小編就覺得茄子太大舊，令到天婦羅皮同餡個比例失衡

#丸亀製麵 (尖沙咀)尖沙咀彌敦道63號iSQUARE國際廣場6樓609號舖-----豬軟骨烏冬（大size-$49）-豬軟骨夠軟夠淋 烏冬好QQ ☺️好彈牙 湯底雪白濃郁 唯一美中不足係湯底脂肪感比較重 飲得多會膩 鹵水蛋亦只係普通滷水蛋 唔夠驚艷 如果換成溏心蛋🥚會吸引好多 ～（49蚊好似要求太多tim🤣）～相對黎講 個人會更中意腐皮湯烏冬（中size-$39）烏冬一樣 非常彈牙 無咩好挑剔 腐皮大大塊 🤤甜而不膩 湯底清得黎又帶微甜 非常開胃 整體比期豚骨湯底更清新 食完個感覺更舒服 無咁heavy ～除左烏冬之外 佢地ge飯糰🍙都唔差 調味調得唔錯 米飯亦好食 軟硬適中 唯一可惜ge係鰻魚太細舊 食到最後得飯無乜鰻魚～🤷🏻‍♀️-----B仔整體評價：8.5/10個👍🏻B仔抵食程度：8/10個👍🏻B仔環境評分：7/10個👍🏻B仔味道評分：8.5/10個👍🏻B仔回頭機會：9/10個👍🏻-----

食過好多烏冬，呢間真係算唔錯，勝價比又高！烏冬口感好好，少少彈牙又少少煙韌，幾正宗。但選擇就少啲，食過牛肉麵，咖啡，蕃茄湯底都係好味嘅！冇咩餸揀，好多炸物，都炸得幾好味嘅，唔太油。$40-50 lunch來食好抵食，低價高質😋性價比高！

其實丸龜都有好多分店，不過佢啲烏冬係keep到水準。今日係尖沙咀isquare分店食晚餐，其實平時係尖沙咀唔知食咩好就會食丸龜，貪佢唔貴好食又坐得舒服，尖沙咀呢間算多位，好少要等位。呢度係排隊攞野食再拎位。今次就要咗清湯烏冬加付皮再加鰻魚飯團。首先，個烏冬一直都keep到水準，彈牙好食。而個清湯唔會太咸又唔油，值得一讚！個付皮就一般般啦，唔係太大塊同偏薄。一個中烏冬其實個份量都唔少，而個鰻魚飯團就味道中規中矩，係鰻魚較少。

第一次食其實係屯門，佢個形式同過往既鋪頭5同，係比較似日本既速食文化。開始以為會有拉麵，但最後發現只有烏冬。琴日同朋友好晏先尼食，朋友話之前食過5錯而且又平所以想再食，我地去到就落單叫左一個麻辣烏冬同一個明太子溫泉蛋撈烏冬。朋友叫既明太子烏冬味道偏咸，不過撈埋晒尼食都算ok, 溫泉蛋係即開而5係煮好晒係碗所以食得都幾放心到我叫既麻辣烏冬，幾香口但都幾油整體係烏冬加分好多，口感軟身彈牙，而且份量岩岩好我地叫中號，味道方面尼2款就偏咸。仲有可以自己加配料好似蔥同天婦羅粒等，水都可以自由斟。下次唸5到食咩又想平平地同快快脆脆都會隨尼食

我和朋友一同前往丸龜製麵吃晚飯。基於本人第一次去這間日式製麵店，故內心充滿疑惑，也不知好吃與否。麵店內人流不多，空間位置頗大。客人自己選擇烏冬，然後才選擇配菜先埋單才開飯。 當日我選取了日式燒豚烏冬，配了日式餃子加炸鱈魚還有炸雞柳。料理味道不錯，好吃程度解除了我的心中疑惑。那款日式燒豚烏冬之湯低，味不太濃也不油膩。適合清淡之人口味。豚肉味如紅腸，但是好吃的。前炸物方面，值得令我讚賞的是餐廳的餃子，食了一口，怎地覺得和其他日餃子完全不同。是味道？還是口感？好吃程序令我想再來一碟。另兩碟炸物，鱈魚及雞柳則只能以普通來形容。就這樣，我便付了93元。

係isquare睇完戲，時間差唔多係晚上七點鐘，諗唔到食咩之餘呢個鐘數出面間間餐廳都爆晒人，行到商場頂層發現左呢間唔太多人流既烏冬專門店，就坐低食左，果然有驚喜，烏冬彈牙又入味，蔬菜盤夠鮮甜，炸物夠脆又唔油，完全係性價比之王，總括而言，這是一間不錯的餐廳啊！大家可以跟朋友或家人一起來試試！

剛從日本回到香港，但選的餐廳仍是日式餐廳 — 丸龜製麵。先在此做一個簡單介紹，丸龜製麵傾向以快餐店營運模式運作，故餐廳食物定價算是合理，性價比高。一進餐廳，顧客需先在門口位置點食物，然後在近收銀機位置可有不同炸物選擇，選好後，便可到收銀位置付款。而餐廳內沒有侍應幫忙清潔桌子，全依靠客人把餐盤放回收集處，故餐廳桌子都不是太整潔。餐廳運作模式比較傾向自助形式，如收拾餐盤、拿水杯等也是自助形式運作。我們點了兩碗烏冬，一碗是斧揚烏冬，另一碗是豚軟骨高湯烏冬。而配菜方面，我們拿了海老天婦羅、茄子天婦羅、胡麻雞柳、鱈魚排及炸野菜。斧揚烏冬是一碗清湯碗冬，再點上醬油吃。烏冬偏向軟身，不算順滑，但勝在價錢合理。而豚軟骨高湯烏冬因湯底較濃郁，故味道會比較濃厚，而豚軟骨肉質不是太腍，但軟骨位置仍是脆的，故合格。而天婦羅等炸物則不能太吃到食物本身的味道，因油炸味把該食物本身的味道掩蓋了，但該食物的口感仍有的，但這個價錢吃到多款食物，仍算是合理，故預算不高的朋友們，仍可到來一試。

又是一個人的晚餐。唔洗等位又快靚正，夫復何求。一個人我叫左個大的冷烏冬，加個炸薯餅。呢度取完餐先付款，食完自己收碗；加配料，添水都是自助形式；一個人來，一個人走，其實好適個一個人來進餐。凍烏冬-爽口彈牙好食！加左wasabi,薑和蔥花入烏冬汁入面，味道更香！炸薯餅-呢個做得好好！味道好出色！出面炸得十分十分脆，入面係好香咖哩味的牛肉薯蓉，薯蓉好香滑，好似食緊雪糕的口感！但係熱辣辣的！夠飽、味道不錯又舒服的一頓晚餐！

At the quiet 6th level of iSquare was this unassuming restaurant. More street style but very much like the Japanese versions. They have ample seating inside. Ordering for those uncertain to step inside, was very simple. The board made it simple. Just give the number and you were set to go. We had plain udon with soy sauce base soup. From the counter, by taking another plate, you can choose an array of tempura or sushi, depending on what’s available for an extra cost. There were sauces and condim