丸亀製麵 (百合苑商場) (已結業)

美食多多的黃埔，日式餐廳較多是因為區內環境多日本人居住。來到黃埔，品嚐日式美食是今天的唯一target。咖哩牛肉烏冬．HK$43雖然聞不到香濃的咖哩味，但咖哩味很rich及帶有中辛的味道；牛肉似是薄如紙，嚐不到味，口感難以評價；烏冬幼滑，與咖哩很match。溫泉蛋烏冬．HK$39溫泉蛋滑溜溜，拌勻後與烏冬同食，口感大增。只須簡單食材，就輕易地帶出像沾麵的感覺。炸蝦餅．HK$17蝦餅沒有想像中的結實，但蝦味挺重亦嚐不到炸漿，滋味感滿分。除了烏冬，炸物亦可一試。咖哩薯餅．HK$17圓圓的一塊咖哩薯餅只嚐到像咖哩磚的物體，一大塊飽肚但不肥膩。腐皮飯團．HK$9只有一款壽司很重的飯醋味，而且非常實，因此與腐皮有點不夾。論環境是不錯的，先點餐後搵位，多塊落地玻璃望出街外環境；論食物也有不少選擇，但少了冬天最暖笠笠的關東煮；論衛生就真的不予置評，枱面有少少油，而且從未見過有職員進行清潔，回收餐具位置放得滿滿也沒有職員處理。最後，吃完這餐亦肚痛了三次，以清腸胃來說，這間日式餐廳是一個不錯的選擇。

平時喺黃埔呢頭搵野食，都中意黎呢度因為唔貴，環境不錯又有優惠拎返上一張單買烏冬，就可以有減$5優惠！門面，算係容易搵。同甲泰船面一齊開環境乾淨整齊餐牌在叫餐處前，主要係賣烏冬，另外亦有飯同火鍋選擇朋友叫了咖喱牛肉烏冬，味道都不錯今日唔想食太濃味既野，所以叫咗個日式燒豚烏冬湯唔算濃，烏冬亦都不錯係食lunch嘅好地方

和風蜆肉烏冬(中)|$43開咗咗耐都未試過，所以早兩日係黃埔行到餓餓地就走咗入去試。叫咗個和風蜆肉烏冬(中)，本身都好期待吓，因為見佢賣相唔錯，而且蜆肉十分多，舖滿曬成碗麵。不過食落就超級失望😞味道偏鹹不得至而且好多隻蜆都唔好食，我相信呢個價錢應該會有更好嘅選擇，所以我都幾肯定唔會再有下次了

平時都去開黃埔、今日就試下依一間烏冬還可以、不過炸餃子同炸茄子又凍又硬、完全唔抵食、食落去都唔似係食物！😑😑😑😑環境方面、我哋旁邊嗰張枱有豉油漬同天花滴水、感覺完全冇人做清潔～ 應該冇下次～

紅磡開咗龜丸製麵加甲泰船麵但一直都冇機會試今日因為見唔算多人就同老公去試下老公話今生今世都唔會再食吉野家😡🤬終於畀我搵到間有良心嘅自私邊邊食😉更重要嘅係 有撕紙狗呀🐶🐶自從龜軟收購咗三哥之後就多咗麻辣味既菜💜我叫咗呢個係麻辣煲 69蚊配曬圖上面所有嘢先講湯底先 味道係譚仔嘅麻辣加少少甜味道好濃 有少少豬骨味撈埋啲菜 基本上唔使點豉油就可以食 好香 似食重慶火鍋😚😚竹輪係日本嘅竹輪 彈牙同香🥶仲有牛丸 龍蝦丸 青口 冬菇 粟米 椰菜 金菇 西蘭花 分量唔算少，加埋肥牛 同烏冬 真心抵！唔知係唔係我人品有問題啲肥牛特別肥🥩不過勝在冇乜雪味牛肉味都好足 烏冬係讚岐烏冬🍜不過略嫌少咗啲但係淨係個湯都世界級絕對好食過吉野家打邊爐囉🙅‍♀不過就算吉野家點好食我都唔會再去食㗎喇😁.💜同場加映 炸魷魚 酥炸咖哩薯餅凍烏冬全部都好好食特別炸魷魚鬚咁大碗先係12蚊旺角40蚊都係差唔多大細啦☺️.下次會試埋隔離甲泰船麵😚

之前係日本食開真係好正, 返到香港第一次去樂富間丸亀製麵, 都叫OK; 但今次黃埔食真係好差下. 一入到去未點餐, 己經聽到有人幾大聲咁不斷講粗口, 原來係兩個廚係到COMPLAIN緊人工點低法, 我同家人成個點餐過程中就係兩把大大聲的粗口聲中渡過, 好彩當時餐廳裡沒有小朋友 到食物本身, 我選了兩個炸物, 一入口, 完全唔脆丕止仲好淋同好硬. 到D麵, 我要了醬油烏冬 , 好鹹下, 之前係第二間食都唔係咁鹹, 好失望.決定唔再幫襯!

今日同女朋友仔放工黎食 叫左一個麻辣肥牛火鍋 69 一個大既咖哩牛肉烏冬47 一份魷魚鬚13 一份腐皮飯團9 先講下個麻辣火鍋先，有些少辣 幾香 有唔少配料 有丸、海鮮、烏冬、肥牛、蔬菜 個肥牛幾有牛味咖哩牛肉烏冬 咖哩汁好多好濃 岩曬重口味人士 肥牛份量多 但其實都唔大塊小食魷魚鬚好好食 推介 腐皮飯團點甜整體好抵食 環境好闊落

可能是位置的問題，和同事去食午餐，大多數去 黃埔天地美食坊，在某一天才發現原來有丸亀，但同事們都很易講錯，一個叫「九亀」😅，另一個叫「九x」😂，因為不識讀！難得星期五的中午都有吉枱，不像其他餐廳，要排隊！由於第一次去食午餐，完全不懂規矩，細看menu,選擇好自己喜歡的午餐後，排隊在order,然後等1-2分鐘，就自取自己挑選的菜、天婦羅、壽司⋯，最後才付錢！豚肉軟骨高湯烏冬：我最愛湯底，但䐁肉軟骨太細小，令我有小小失望，看似清烏冬咁（烏冬和菜的比例如 8:1 ）加了腐皮兩片：$5，後來覺得腐皮壽司：$9/2件抵一點！我欣賞每個食客也很自律，用膳完畢後，自行交去收集處清洗！

有好多分店，晚市成日排哂長龍。但黃埔尼間唔駛排隊，而且大把位坐，環境舒服。星期六7點半左右，都仲有好多位置。叫左清湯烏冬(中~$31)，醬油烏冬(大)，野菜魷魚(~$14)，炸雞塊(~$13)，炸餃子，炸魷魚鬚。清湯烏冬既湯底非常好飲，即叫即煮既烏冬，唔會過軟或硬。成碗湯飲哂都唔會口渴。中size既麵份量，夠一個女仔食。自選餸菜吧有多款炸物串物三角飯團等等，野菜魷魚係類似魚糕咁，大大件，而且仲係熱既。而炸雞塊外皮仍然脆，食落口感覺唔熱氣，而且仲有肉汁，炸完唔乾。大size既麵量男仔食都夠，每條烏冬都吸滿醬油，變哂醬油色，尼款醬油唔會過鹹。而炸物方面，又炸得幾出色，仍然都係脆。而餃子更加係卜卜脆添。一碟既份量都適中，餃子大約有5隻，而炸魷魚鬚既size就大約一口size。由於有2間餐廳拼埋一齊，所以隔離餐廳買左杯薏米水。薏米好大粒又多，飲個陣好似飲到d椰子味咁。清新健康。整體，價錢親民，格局就好似去左一轉日本，自己夾餸。

今日無啦啦想食烏冬，就黎左呢間到過口隱，雖然唔算得上好好食，但都算係放得落口。作為下午茶黎講都係咁架啦～間唔中食下就算啦，好食既烏冬都係留番去日本食啦 哈哈😂😂😂

MS used to famous for udon and tempura where they used to have this delicious tempura egg with a liquid yolk in the middle but they don't serve that anymore.It has been ages since I ate there.Went past and saw Quesadilla which was something totally different from Udon and tempura.To my disbelief, it was only HKD20 and you get a drink too!!!!!!For me, I don't drink soft drinks so paying HKD20 for a quesadilla was still ok.The funny thing was that I was the first to order it as they couldn't find

本身都幾鐘意呢間丸龜製麵，由尖沙咀店開幕已經耐不耐去食，但估唔到唔同分店會差咁遠，今晚去到黃埔店食，我點左個腐皮湯烏冬，兩個煮烏冬師傅對望一眼，响爐下面攞左一碗已經煮好左烏冬嘅俾我，我呆一呆，即刻明白咩事，一定唔會因爲我幫親咁耐做左vip囉，知我黎煮定我食咩。。。咪上手無人要留反下位，算。。。好過浪費倒左佢。。。到炸物位，全部得幾件，我無眼花嘛？！20:15黃金時間得幾件！？全場得幾枱客，無野嘛。。。唔緊要，尖沙咀店有時都會賣曬，但只要同收銀講，佢哋會即整送到客人枱面，但呢到唔係囉，我想要個明太子飯團，佢話賣曬。。。但我剛剛先追加左一份明太子喎！

往日本旅行，早餐通常都是在便利店完成，但有一天，經過酒店附近的商場，發現了這間烏冬店，於是就進去了，店內是以自助的形式選購不同的配菜，然後告訴廚師你想要的湯底烏冬的大小，最後到收銀機處付錢。這些片段都令我們記憶猶新，很想快一點再到日本旅行。而今天吃午飯的時候又發現了這間烏冬店，內裏的佈局與我在日本所見所聞幾乎完全一樣，此時所有記憶都從現在腦海中，不得了我要進這間烏冬店在回味……雖然地點不一樣，但店內的裝修、陳設與日本相若，簡直可以一解我思念日本的情懷，能夠在繁忙的工作當中，可以有一刻的放鬆，真的很開心！今天點了牛肉烏冬，近嘅望一望，牛肉的份量與烏冬的份量相約啊，跟配有一些蔬菜，估不到在香港的分店也這麼有誠意的製作！再看看牛肉，分量多之餘更是每一塊都很大塊的，而不是坊間的碎濕濕，真是感動啊！因為實在太喜歡吃烏冬了所以叫了一個大的烏冬，份量真的多，烏冬彈牙入味，跟我在日本吃的相若，很滿足的午餐啊！

一向鐘意食烏冬，認識丸亀制並不是佢面做得出色，而係去年一手統譚仔米線呢單deal。 喜見佢盟左鋪係黃埔呢個唔起眼閣落，究竟佢賣咩烏冬呢。幾鐘意佢自助式點餐⋯ 雖然宿舍飯堂feel, 叫左個牛肉撈烏冬，加兩個腐皮壽司。烏冬滑牛肉香，撈埋醬汁，好味道。加埋兩件壽司已好飽。

星期六晚上喺黃埔食飯，周圍都多人，想食平dd,就試吓丸龜製麵。7點幾8點，間舖好多人，見到製麵職員不停問客人要咩，排咗10分鐘，排到差不多到我，點知d麵賣晒，要等佢煮都要等15分鐘，已經又攰又餓點解唔煮定多d呢？！終於有烏冬食，牛肉麻醬烏冬味道唔錯，有少少辣，但好惹味，不過烏冬唔夠滑。另外個日式燒豚烏冬，味道一般，只是普通湯烏冬，沒有驚喜，豚肉較肥，湯亦不夠濃。總結，以呢個價錢食呢個質素，都冇乜可以挑剔，唯獨希望d員工效率高d，手腳快d，唔好淨係企喺度咁應該大家都會開心d。