丸·茶手作 (已結業)

由何文田店台灣男手作好好味飲到轉人開尖沙咀，何文田乜珍珠無，再搞美食展又係芒果同招牌桂花珍珠乜都無，佢啲黑糖珍珠煮到痴埋但又完全唔入味，吸管吸唔唔到上黎，沖到淡而無味，唔再飲。最近旺角店開埋俾多次機會試多次佢地招牌桂花珍珠奶綠，已經怕左叫少甜又係淡而無味所以唔叫少甜，叫左少冰。但一飲又係無茶味，桂花還桂花，寒天珍珠還珍珠，完全無煮到味入去。唔係以前既丸茶，唔會再俾錢試，旺角區有大把台式飲品唔洗揀佢。

路過加連威老道， 未試過呢間鋪頭嘅黑糖珍珠撞奶， 諗住試一試， 真係有啲失望， 奶味好淡， 珍珠好硬， 硬到我真係有啲胃痛， 但杯嘢都城28蚊， 我飲咗三分一杯， 都好想唔飲…… 掙扎咗一輪 我飲咗大半杯， 決定放棄， 無謂浪費quota

一個月前在女兒的介紹下幫襯了旺角近太子的分店，嚐了一杯有桂花珍珠的奶茶，一試難忘！前两天去尖沙咀，專登去加連威老道的分店再飲，今次叫了鐵觀音奶茶加桂花珍珠，桂花珍珠細細粒十分煙韌，但又不會太硬，透岀淡淡的桂花清香，而鐵觀音奶茶味道亦十分有茶香，配埋桂花珍珠，真是一絶，茶香加上桂花香，飲完口腔仍留有餘香，十分推薦。我朋友也試了一杯也讚口不絕！

而家喺香港，買珍珠奶茶嘅店舖成行成市，幾乎每一條街都總有一間珍珠奶茶店，非常誇張。而喺尖沙咀、銅鑼灣等等嘅鬧市區，都一定會有長長嘅人龍排隊買珍珠奶茶。今日經過呢間飲品店，見到唔係太多人排隊，咁我就決定試一試。見到有比較特別嘅桂花珍珠、櫻花珍珠等等選擇，抱着幾大嘅期望try try。點知中咗伏。我叫咗一杯鐵觀音拿鐵加桂花珍珠，本身鐵觀音拿鐵同桂花嘅味道可能唔太夾，桂花嘅花香非常之濃烈，基本上係完全蓋過左奶香同埋茶香，而且珍珠都唔夠q彈，飲飲下覺得好寡， 唔會再有下次。

見好多人排隊！加上朋友都力推😍😍😍😍😍😍😍所以走咗去試！無特別話要半糖，但飲落都淡啲，其實我鍾意淡，因為人大怕食得太多糖！而我又鍾意咩都試，所以都係唔太甜好好多。今次試珍珠奶茶，因為口痕食飽飯想飲下嘢！都幾好味啊，唔會好膩！珍珠一d都唔韌！😬😬😬😬不過人都幾多，大家唔好太夜到！但我幾欣賞佢哋嘅裝修，夠簡單，我鍾意簡潔裝潢！😍😍😍另外，厚福街附近真係好多嘢食，食完過嚟飲好方便。

...話說果日路過終於可以一試，唔知點解尖沙咀店勁多人開緊got7新碟⋯（利申：幾鐘意珍榮）..呢間野最出名係有唔同種類既珍珠，桂花味、黑芝麻、芒果⋯我都係嗌返普通珍珠算⋯好驚好驚中伏⋯門口display 見到果隻粉紅色仲要加錢先換到既珍珠🙈🙈🤦🏻‍♀️🤦🏻‍♀️唔知到底係咩味黎嫁呢..講返杯黑糖珍珠撞奶勁多人，都等左15分鐘先拎到杯野飲。珍珠非常好咬口，偏硬身，我好鐘意😂但正常人如大家可能會覺得偏生😂🙈😂🙈奶味無咩，好淡，一啲都稱不上香濃。試過就算了🤭😅😂...

我一向都好中意食珍珠奶茶果d珍珠，原因係好中意咬下咬下，好有趙頭果隻感覺。所以有機會都想試哂所有既珍珠。丸茶係出左名自家製既珍珠，次次都好想試，但每次都大排長龍，唔知要等幾耐。今次都要排隊，但唔算多人，大概等7-8個左右，唔駛10分鐘都已經有得飲了🤤🤤。今日珍珠推介係紫薯珍珠 ，黑糖珍珠 ，同桂花珍珠。我就試左最原始既黑糖珍珠。珍珠黑糖味唔算濃，要細細地咁咀嚼先食到黑糖味。而冬瓜茶既甜味就恰到好處。

行開尖沙嘴突然想飲珍珠奶茶🤤所以就去咗丸茶手作。呢度有4種奶茶（紅茶，綠茶，烏龍，薰衣草），好多種珍珠（黑糖，紫薯，櫻花，桂花...）我揀咗烏龍奶茶+黑糖珍珠💁🏻‍♀️成杯飲品最讚係珍珠有咬口，但係我決定黑糖味唔夠濃，佢只係帶有淡淡既黑糖味。奶茶就正常，不過不失啦🙈路過既話可以一試~

早兩個月前試過佢杯薰衣草奶綠+桂花珍珠覺得不錯，今日就想返學前去買杯上堂飲啦。放工時間，但排隊少左好多人。叫左杯蜂蜜檸檬+櫻花珍珠。等緊個陣咁岩睇到收銀打錯紫薯珍珠都快快叫佢轉返，拎到個陣趕時間就即走。點知去到課室坐低一打開見到是蜂蜜紅茶，已經失望，飲落杯野係勁難飲，一來完全飲唔到蜂蜜味，反而大大陣藥水味。而珍珠亦不見得好食，唉，好失望。點解個收銀冇咩人排都可以禁錯晒杯野？？！！提醒各位，如果真係要試都要睇清楚張單。

係附近返工'太子新開咗呢間丸茶作為香港人有新店開佐緊係要試新野啦、諗住珍珠奶茶最隱陣啦冇得輸、杯珍珠奶茶D茶係熱嘅求其倒D冰落佢攪到杯嘢又吾凍又吾熱,净係過條馬路D冰都已經溶晒,溝到D奶茶变奶水咁、仲要買成25蚊'直係離晒罩

本來想去i square 對面個間奶茶鋪試下佢個黑糖珍珠奶茶，但係一見到條人龍我就唔想排了。所以我就搵下附近有咩台式飲品鋪，openrice 見到呢間又近近地。我叫左個鐵觀音奶茶加黑糖珍珠。首先講咗個奶茶先，奶茶味道不過不失，因為佢個鐵觀音唔係特別出色。但都有基本鐵觀音奶茶嘅味道。至於個黑糖珍珠就令我失望。可能我成日睇到啲相，見到啲珍珠會有啲黑糖漿咁好靚。但今次呢一個同普通珍珠奶茶嘅珍珠冇乜分別。我嘅感覺係飲緊一杯普通嘅珍珠鐵觀音奶茶。

在尖沙咀吃過晚飯後，珍珠飲品癮又起了！記得嘉連威老道附近有這間手作丸子就當然要一試啦！ 可能下大雨的關係，不用排隊而且等了大約數分鐘就拿到飲品啦！這次選了芋頭拿鐵，驚喜的是杯裡一半是真材實料的芋泥，份量挺多，而且質感綿密細緻，和鮮奶完美的配合著。另外加配了人氣的桂花珍珠，果然花味真的非常清香！友人選的是薰衣草奶綠，淡淡的薰衣草味和茶味慢慢的滲出，也挺不錯。可惜紫薯珍珠的味道就不太吃得出來。值得欣賞的是珍珠無添加人造色素，而且非常彈牙又有嚼勁！

櫻花珍珠帶有陣陣藥水味，似粉紅色止鼻水果隻，質感偏向軟身，談不上口感。奶茶味道一般，視乎個人喜好，或許有別於其他連鎖珍珠奶茶店的茶底。總體來說，10分滿分只值5分。

平日放工時間都會經過何文田勝利道都會見到不少學生一個接一個係一間小店前面排隊買飲品。一直都冇咩為意，到近期睇到飲食文章提到呢間店係黑糖奶茶排名十強之內。所以經過尖沙咀就順便搵搵新開嘅分店，再試一試過江龍的威力。(其實係跟上潮流尾巴)一去到門口就見到大大塊玻璃，透過門口玻璃就可以睇到師傅即場整緊珍珠。據講各類珍珠即日新鮮製造賣完就冇，而用自家製珍珠亦係該店第一賣點。店入面有好多明星收藏品，點選飲品時可以追加不同配料。不過我剩係點咗最簡單黑糖珍珠撞奶。甜度是固定，再加上用黑糖煮完嘅珍珠，確實有點甜。值得一讚係珍珠份量非常多，而且好有口感 咀嚼起嚟唔會太硬。不過珍珠可以更入味，奶味方面都好厚滑。排入十強內都不失為過

又到下午茶時間, 同事話有間野飲鋪想試, 聽聞桂花珍珠好味又好香, 可以自行加其他配料, 自由度高益力多綠茶, 口味唔多夾, 益力多太酸但又有茶味, 奇奇怪怪咁苿香綠茶配愛肉, 愛肉口感差, 好似鼻涕咁, 唔似平時食既咁實正, 依杯同事比差評白毫烏龍茶, 茶味唔夠重, 會比較推介鐵觀音終於到我個杯古早味冬瓜茶, 再額外加左桂花珍珠, 叫左少冰但依然好多冰, 搞到杯野好似得好少咁, 冬瓜茶唔會死甜, 飲落都有桂花既香, 不過就唔會有嘩一聲既感覺, 經過解渴就會買但唔會再專登排啦