丸·茶手作 (已結業)

上星期去尖沙咀行街經過加連威老道見到有「丸。茶手作」便去一試因為這個品牌在香港島那邊是沒有的，望到佢哋嘅餐牌主打係不同口味每天製造嘅丸子，特色的丸子有桂花丸子、香芋丸子、櫻花丸子和芝麻丸子。我點了一個皇室奶茶配桂花丸子，而太太點了一個古早味冬瓜茶配芝麻丸子。皇室奶茶味道一般但桂花丸子咬落有淡淡的花香味，冬瓜茶雖然不能調較糖度，但甜度適中，而芝麻丸子是最特別的，其他品牌好像沒有這樣口味的丸子，咬落好有好芝麻香味很配。👍🏻😋

尖沙咀嘅台式飲品真係多到你唔信!每一條街都起碼有三四間,競爭都幾大㗎今次試吓丸茶手作，見佢自己整既珍珠所以想一試!!本身想是黑芝麻珍珠但係竟然今日冇喎所以唯有叫紫薯珍珠啦，望落去係幾好睇既，珍珠都超級彈牙但係佢竟然一啲紫薯味都冇完全好失望😩😩而茉香綠茶就出奇地濃郁嘅茶味，上面嗰啲奶蓋真係好夾而且芝士好重，我個人超級鍾意❤️❤️推推推加6蚊都抵啊👻我哋先買咗一杯然之後玩佢隔離嗰個遊戲，㩒到接近10秒就可以有八折!!我好幸運中咗，我朋友有福了🤪

記得第一次初嘗桂花珍珠台飲，有種甜絲絲，清新的小確幸🥰...桂花珍珠晶瑩，見到每粒珍珠有桂花。桂花珍珠奶綠毫無違和感，出奇地令人一試難忘。如果茶都有桂花會係點呢？個人覺得桂花香氣更濃會更加好。桂花寓意「美好」、「吉祥」。唔通我係因為花語才試？非也～也許我被他柔和香氣所吸引...味道因人而異，以上係小妹的小小分享

今期流行黑糖珍珠奶，開到成巷成市，梗有一間喺咗近🤣🤣今日經過呢間鋪，但見價錢都係2X元，比起咩咩堂同咩咩堂嚟講算平啲，所以就買杯試下😋Drink Menu 其實都有幾多選擇，今次試咗個黑糖珍珠撞奶，本來想講要少甜嘅，但店員講糖粉已經早調較喺啲珍珠度所以無得少甜大約等咗幾分鐘，撞奶已完成，急不可待試一啖，好彩都唔係好甜，但黑糖味不是突出，奶味都幾濃，珍珠Q彈有咬口，但同咩咩堂係差少少，果然係一分錢一分貨

黑糖珍珠奶茶開到成行成市，有啲仲要瘋狂到排好耐隊先有得飲我一向最唔鍾意排隊，所以完全冇試過啲出名嘅珍珠奶茶咁岩今晚行尖沙咀，見到哩間鋪頭冇咩人排隊，一於試吓傳說中嘅黑糖珍珠奶茶先唔記得咗少甜嘅關係，真係好甜呀！呢間珍珠奶茶店有嗰特色就係佢啲芋圓係自己親手整，我一邊飲住珍珠奶茶，一邊透過廚窗望住整啲芋圓，下次要嗌下啲芋圓嘅飲品。。。

今日諗住shopping 吓，所以單拖食lunch,可能食完幾濃味ge日式咖喱飯，心血來潮想飲杯野清清陣咖哩味。呢間飲品店好熟口面，除咗尖沙嘴應該係其他地方見過，我一入門口就見到promo緊桂花珍珠ge飲品！貴為＂奶精＂ge我想飮吓茶（畢竟係想refresh吓去咗咖哩味)，所以點咗杯鐵觀音拿鐵配珍花珍珠。桂花珠珍好彈牙QQ，而且桂花味好清香。咬開粒珍珠係真係有桂花碎，所以「感覺」上無咁假。佢ge茶其實都可以，算幾香，但奈何太甜了，咁當然我本身係無特別order少甜，因為咁先可以試到間店Set ge標準，所以經此一試，下次應該會要求半糖。佢仲有幾款唔同ge珍珠，有機會都可以再試吓！

同朋友經過 覺得價錢唔貴就入去試下裝修望落都唔錯 簡單大方有好些人喺入面但唔使點排隊基本上珍奶類只要有得揀芋香我就一定揀芋香芝麻珍珠同紫薯珍珠 兩種之間我猶豫咗一陣最後都係揀咗紫薯 因為感覺同芋香奶茶會夾少少一飲落去 感覺奶茶普普通通既無特別好飲又無特別難飲 就係溝奶粉果隻味至於個紫薯珍珠呢......煙煙unun 口感係適中ge但就唔係好食到個紫薯味咁我都唔知點形容個味反正我係有少少後悔覺得如果係叫芝麻珍珠可能會好d整體來說 而家珍奶店開到每幾步就有一間Lie間我諗都係飲一次就算～

丸茶手作已經唔係第一次飲，成日都有keep住幫襯。除咗希望佢個奶茶茶底可以厚身啲之外，其他質素都唔錯。尤其是佢個手作珍珠。我好欣賞。好欣賞佢呢度嘅理念係將飲品同珍珠係可以自由配搭！一直都好想有呢種可以自由配搭珍珠嘅珍珠奶茶店佢就做到。除咗鍾意飲奶茶之外我亦都好鍾意飲鮮茶純茶，嗰種茶香嘅香濃真係好難抵擋。我就揀咗頂級茉香綠茶要左大杯，雖然都知如果揀櫻花珍珠會同茉香綠茶唔係好配，但係依家唔係咁多分店，所以一出街經過就想把握機會試咗一直夢寐以求都想試嘅櫻花🌸珍珠先，所以就諗住揀櫻花珍珠啦。點知去到店員就話未有。就話唔係延續我嘅黑仔運呀嘛😭我就問店員係遲啲先有定係冇？佢係話要遲啲先有。咁我話要幾耐？佢話要半個鐘。咁都太耐啦，都行完街諗住買杯嘢飲解渴之餘就邊行邊飲就走。咁暫時同櫻花珍珠無緣，就唯有再等下次啦😢😢所以就加咗同佢配搭返嘅黑糖珍珠啦，之後期待已久飲佢地既茉香綠茶🍵真係冇令我失望！因為佢係名副其實，真係幾有好香濃嘅茉香味亦都有好會回甘既綠茶味。我飲過好多其他茶飲店嘅茉香綠茶🍵好多都係名不副實，一係就冇茉香味一係就綠茶味唔出，總之夾起上嚟就唔係兩樣茶品結合嗰回事，總之就冇純茶嗰種香。但呢度

行過加連威老道見到依間丸茶門面幾靚，而且又無人排隊，就入去望望咩環境入到去有店員正炒緊黑芝麻，炒得好香，但係是為明天製作而凖備，宜家無得試依個黑芝麻珍珠，唯有試佢地其他口味既珍珠啦就即管試試，我自己叫桂花珍珠奶茶，我女友要咗杯黑糖珍珠奶茶等咗15分鐘左右，我杯桂花珍珠奶茶先整好，女友嗰杯就黎錯咗凍既，又要等佢地整過杯熱既黎好喇，黎整哂，開飲嘩！我杯係奶水，無茶味既奶水，奶味唔濃又無茶味，唯獨係桂花珍珠有桂花味女友嗰杯，佢飲咗兩啖就丟咗，仲問我點解會行入去...浪費哂d錢

路經口渴，咁啱經過呢間野就打算入去買杯茶飲。入到去落單「唔該要杯熱的中size白毫烏龍茶，無糖。」落單的小姐聽畢後第一個問題「你要中定大size？」我已經反一反眼「中的唔該。」第二個問題再問「使唔使少糖？」我已經有啲唔耐煩「唔要糖。」結果佢再問「使唔使少冰或者走冰？」我真係好想問佢其實有冇聽我落單講咩？定係我太孤陋寡聞唔知熱飲都有冰？所以我只好問佢一句「熱飲應該冇冰既！？」千辛萬苦落完單等了又等杯野終於攪掂，但杯茶連暖都不如！！！我要杯熱茶真係冇諗過會拎到杯暖過室溫少少的茶？！結果又要叫佢幫我加番熱，終於有得飲，但杯茶腥到呢…又冇茶味，我都唔知自己飲緊杯乜野，我真係從來未飲過咁難飲的白毫烏龍茶！呢間野絕對絕對冇下次！！

自從黑糖珍珠鮮奶由台灣引入真係可以話係風靡左香港珍珠奶茶界當年HIT爆既珍珠奶茶鋪頭又開到成行成市了繼試過老虎堂、幸福堂、鹿角巷等呢啲熱門鋪頭咁岩經過丸茶手作就試下佢個黑糖珍珠鮮奶同其他鋪頭一樣都係要成$30一杯不過呢個價錢已經唔會令香港人震驚大家都會寧願用$30買杯珍珠奶茶而唔係去買個M記當一餐先講下佢既外觀其實個樣都OK既 係有D黑糖紋咁但當然如果係想同其他鋪頭比就相對較為失色第一啖飲落去係心諗:我飲緊咩?????甜到爆炸!!!!!D奶就好似係旺仔牛奶咁咁既然奶已經冇得指望就咬下佢D珍珠係點樣冇咩咬口 同埋都係偏硬 同我想理中好食既黑糖珍珠係完全唔同呢杯嘢飲其實係不可一不可再

有朋友仔知道我鐘意飲黑糖珍珠鮮奶，佢話呢間好飲，咁就去試下喇。呢間一開鋪既時候都飲過佢d野，個次主打每日有唔同味道珍珠，係台灣人黎到香港開鋪，飲過佢既抹茶，但係覺得好粉，唔太好飲，所以對於佢既印象都麻麻地。未搖勻既時候都見到有黑糖掛杯，樣係正常既，先飲第一啖，黑糖珍珠唔夠熱，都無軟身個種感覺，但黑糖味都算香，之後搖勻飲多幾啖，黑糖味完全消失，只係知道自己飲緊奶同咬緊珍珠，FAIL🤷‍♂️真係唔抵飲

是日係尖沙咀準備返歸之前，打算買杯珍珠奶茶，岩好諗起丸茶手作就決定一試。今日買嘅時候人唔算多，見到牌上寫有桂花珍珠，比較特別就揀佢。排隊期間都見到呢間攞左16-17年度類似最佳奶茶的獎項，又聽到都幾多人揀桂花珍珠，心諗應該唔會伏喇。點知……唔知係咪太多人叫，d珍珠係未完全熟，咬落唔煙癮，亦無任何桂花味，甜味都無。杯奶茶叫左少甜，無茶味奶味，同水差唔多。22蚊杯，完全唔值。經過呢次，我諗唔會再試呢間。

係尖沙咀食完飯，諗起呢頭開左最愛珍珠選擇既丸·茶，就行左去買！買左個 蜂蜜檸檬紅茶 加芒果寒天珍珠😇好fresh好清新蜂蜜好足料 但係唔會太甜 Feel到係潤的平時我咩都嗌微甜嘅我，總會覺得原味嘅飲料一定好甜，但係呢個並唔會芒果寒天珍珠 有好香嘅芒果味質感亦好彈q 好好咬好好味芒果寒天珍珠加上咁清新嘅蜂蜜檸檬紅茶非常配合😊丸茶嘅特別之處，就係佢仲有另外三四種唔同味嘅珍珠，可以配合你揀嘅唔同飲品，相得益彰。例如有桂花味非常清新，配合水果茶一流！仲有芝麻珍珠，櫻花珍珠等等⋯⋯有排你試呀🙈下次試第二隻飲品再分享 ^_^

食完飯後路過，試左芝麻珍珠配檸檬綠茶，珍珠都係即做，入口好香芝麻味，好滿意呀。好可惜飲到最後啲珍珠吸哂啲檸檬綠茶，無哂原本啲芝麻味，變到好酸好難食，曬左啲珍珠。