丼吉日式吉列豬排專門店 (彩星集團大廈) (已結業)

好耐都冇黎過食，今日同同事食farewell飯，呢間靜靜地環境亦好舒適~吉列豬扒、海蝦、生蠔定食一直都keep到水準，最重要係豬扒仲好滑，無炸過火。蠔亦新鮮唔會有腥味， 而且仲好juicy~吉列豬柳生蠔定食吉列豬柳就比吉列豬扒差d啦, 有d過熟，反而個飯好好食，蛋又滑汁又夠多，想唔食哂d飯都唔得呀!整體黎講，伴碟的椰菜絲爽口清甜，配上柚子汁好開胃~雖然食到好飽，但係西瓜好爽甜，大家都忍唔住食哂4片呀!

買單6百幾2個炸物餐係咪要有d要求：豬扒炸得冇the one個間咁好食，有筋，未夠鬆化鮮嫩多汁。大蝦極好，又大隻又新鮮，咬落唔乾，一股鮮味湧出。反而the one果間就又乾又霉，仲要細細隻。總結愚見，去the one就食豬扒，去彩星就食蝦，其他分店就未食過。

差唔多一個月就會去Tonkichi 食一次炸蝦炸豬柳，所以一定會買佢啲現金卷，之後就可以大約83折嘅價錢埋單。今次因為買卷送$400現金卷試食日本空運到港食材嘅特別餐牌，所以一行4人就約好一齊去試。前菜有沙律，魚仔合桃（甜甜地），鮟康魚肝，剌身。第一次食鮟康魚肝，有啲擔心會腥，不過原來幾鮮甜。剌身帶子勁鮮甜、Toro入口即化，一試就知係靚野。令和生蠔，散叫要百幾蚊隻，大大隻，鮮甜飽滿，一試難忘。壽司八件，件件都好新鮮，最正係隻牡丹蝦連蝦頭都炸到好脆，可以食埋。最後個吞拿魚牛油果飯，酸酸甜甜，我食好鍾意，成杯食晒，同行友人就不太喜歡，只食了吞拿魚，口味嘅嘢，人人唔同。不過overall我哋4個人都食得開心滿足。雖然餐廳人手不足，由頭到尾得一位戴眼鏡嘅哥哥滿場飛，不過值得一讚，雖然佢好忙，但佢仍然笑容滿面有禮貌，服務亦殷勤到位👍。

呢到嘅吉豬真係無得輸。。上次買coupon有張omakase 400蚊，店員嗰時講有2個set揀。。兩個人用咗呢張400蚊只需補百幾蚊。。。咁我咪認為5百幾係2人價錢，咁抵咪打去bk囉，點知話9月已經full哂，咁咪10月，8月bk到10月，真係期待終於到呢一日。。入到餐廳安排入座卡位，之後上餐。。。點解會係咁我地唔洗一個鍾就食完。。。好似食定食咁到埋單先知原來5百幾係一個人價錢，減咗張現金劵都要補返9百幾蚊。。咁嘅價錢真係唔抵囉！呢到都係只可以食返吉列

儘管友人極力推薦，但一直覺得，只不過是炸豬扒，為何需要這個價錢，直到試過才知道，確實物有所值。炸衣鬆脆不會太厚，豬扒鮮嫩多汁，賣相吸引，食落亦不覺油膩，加上酸甜可口的秘製醬汁，稱得上絕配。伴碟的椰菜絲爽口清甜，亦可免費添加，店員亦會耐心地介紹每款醬汁的區別和食法，個人比較喜歡紫菜汁，但柚子豉油亦不錯，各有特色。餐後店員還會送上爽甜的西瓜，整餐下來，非常滿足，雖然剛剛食完，但已忍不住和友人商量下次何時再來。

儘管友人極力推薦，但一直覺得，只不過是炸豬扒，為何需要這個價錢，直到試過才知道，確實物有所值。炸衣鬆脆不會太厚，豬扒鮮嫩多汁，賣相吸引，食落亦不覺油膩，加上酸甜可口的秘製醬汁，稱得上絕配。伴碟的椰菜絲爽口清甜，亦可免費添加，店員亦會耐心地介紹每款醬汁的區別和食法，個人比較喜歡紫菜汁，但柚子豉油也不錯，各有特色。餐後還有爽甜的西瓜，整餐下來，非常滿足，雖然剛剛食過，但已忍不住和友人商量下次何時再來。

有朋友送咗張coupon俾我賀我生日咁就膽粗粗試吓師傅發板嘅日本菜佢已經set好晒啲菜，仲連埋兩張筆記。店員交帶我哋跟師傅建議嘅次序去食。睇得出日本人對食嘢都好有研究！每一款食材都有佢獨有嘅故事都係來自日本最頂級嘅食材！一句講晒係好味嘅！隔離枱係講日語嘅客人有啲覺得好似去咗日本！

首先真喺俾張Coupon 吸引咗去但真係唔好味 好失望呢間野冇服務可言 人手十分不足 而且係做豬扒嘅再做壽司其實生熟同場 真係十分容易令人感染Coupon有2個set 我都喺點2個 set B1.打電話訂枱 打咗2次都冇人覆 每一次都係要留言 但最弊 張券一定要兩日前預訂 2.個set既壽司上刺身喺暖的 完全喺室溫 所以唔好味3.刺身好差 吞拿魚有筋 4.成件事唔喺享受 續樣上 一堆壽司set放哂上枱 趕到好似去左元氣叫set A setB咁 總括嚟講 元氣咁難食都好味過佢 如果有優惠券 真係覺得唔使浪費時間去食 因為價錢同實際 不符合

我唔係一個養生嘅人，但平時都好少食吉列嘅野，覺得好厚粉，炸到個皮又硬，加上我唔係太好豬扒😂😂頂多間唔中先會食下吉列蠔🤭但呢間餐廳打破左我對吉列呢類食物嘅偏見🤣🤣·吉列雞扒配熱烏冬($158)我對豬扒仍然抱有偏見，好驚一咬就係又硬又實又鞋，所以揀左雞扒😌我本身都幾中意食雞扒🤤望落吉列雞扒同吉列豬扒都真係幾相似，手掌咁大塊，大過我手掌少少啦😂咬落去一啲都唔厚粉😳仲炸得好脆，雞扒都好鬆軟😍·烏冬都好彈牙，雖然吉列有少少熱氣，但我係唔會將佢扔落啲烏冬湯度整淋佢架😆唔脆嘅吉列就唔係吉列啦🥺放肆一次唔緊要啦🙂雖然我每次食肥仔野都係咁講🥲

朋友介紹到尖沙咀一間吉列炸物專門店吃飯，餐廳座位屏風較高私隱度很高，店員很有禮貌為我們介紹餐牌的食品，店員介紹一支名叫初綠的清酒，入口很純，沒有介紹錯。我們首先點了一些冷盤，生蠔及刺身拼盤（非常新鮮），然後根據店員介紹我們再點了一些吉列炸物，有吉列豬柳、吉列豬扒、吉列蠔及吉列大蝦，吉列食物的炸醬很薄，顏色金黃、入口鬆脆，入面的豬扒豬枊仍然很鬆軟及juicy，生蠔及蝦味道鮮甜。吃完全部吉列炸物，點了一客甜品柚子雪糕，味道十分清新。能留在香港的吉列食品專門店不多，Tonkichi 算是比較出色之一。

日式炸豬扒在香港落戶十年有多，能屹立多年的店舖，沒有幾家。近月吃過某過江龍，質素之參差令人大吃一驚。帶著陰影，男友一開始帶我來到とん吉，也抱著懷疑的心態儘管一試。這家とん吉，位於廣東道apple店的一側，餐廳環境舒適，私隱度也十足。除了最馳名的吉列豚肉以外，亦有多款吉列食品可選擇。有別於一般售賣吉列豚肉的店舖，這裡更有多款前菜、小食和刺身，更有不少酒品，看著也覺得吸引。點了一個特上吉列豬扒豬柳定食(二人前/$438)，定食當然附上可以任意添加的椰菜和白飯，亦有不少前菜和麵豉湯。醬料方方面，除了基本的豬扒汁配白芝麻，更有黃芥末和海鹽，想吃什麼口味的吉列豚肉也可以。另外的紫菜汁和西柚汁，是用來配椰菜的。椰菜非常新鮮，本身有種清甜的味道，十分可口。豬扒和豬柳都是意料之外的好吃，熱騰騰的，表層炸得香脆，內裡肉質鮮嫩。比較之下，豬柳較為可口，更軟嫩多汁。兩個人搶著吃，又添飯又添椰菜，很快就吃光。一般的店舖吃吉列豚肉，也都是配綠茶、汽水，這裡卻有不少酒品。清酒款式，主打「初綠」這個品牌。點了一個初綠品鑒($98)，有三款品牌的清酒，包括純米酒、生原酒和純米大吟釀，各有特色。

仲有兩個禮拜先飛，我個心已經好想食日本野，尤其是炸豬扒😋！於是我孖埋best friend黎食返餐止下痕先～🔆黎親呢度我哋必叫嘅二人前，皆因有我地最鍾意食嘅炸豬扒同豬柳🐷！炸物水準媲美新宿，一夾落去嘅聲音，就感受到Crunchy鬆鬆嘅脆炸外皮。兩個部位係完全唔同架！炸豬扒肉質纖維較鬆散，咬落去Juicy得來又夠腍；炸豬柳肉質纖維比較緊密，口感近乎豆腐，入口即溶。🔆炸豬扒汁都要講究㗎，磨碎少少芝麻，再加豬扒汁，減緊肥都難以抗拒。生菜絲同埋白飯都係任添，生菜絲點解要添呢？咪就係因為佢嘅紫菜沙律汁同柚子汁，加入兩種沙律汁，令到普通爽口嘅生菜絲，都變成食到停唔到口嘅沙律🥗！🔆除咗鍾意呢度嘅炸豬扒之外，我都好鍾意呢度嘅迷你刺身，首先梗係因為佢夠新鮮，其次係佢款式多、份量足、更包括海膽同油甘魚，呢個組合確係抵嘅！🔆仲有呀，加$98嘅自選3款前菜三點盛，都係抵食推介～當中嘅薯仔沙律，真係唔識就笨，正宗日式味道，薯仔以外仲混有爽口配料，口感味道一流！🍉食到飽飽滯滯，每位仲有西瓜做飯後果。環境私密度高，又近Harbour City，鍾意靜靜傾計食飯就最岩。

位於尖沙咀的 丼吉日式吉列豬排專門店，是間屹立香港十多年的高質日本料理店。餐廳烹調出來的吉列料理，堪稱人間極品，吃過一次後必定愛上。早前終於一嚐，「食過翻尋味」，今天又來光顧啦。呈上豬扒前，客人可自行磨芝麻，調製豬扒醬汁，為大餐做好準備哦。「極上之豚」鹿兒島特等厚切豚肉定食 $308吉列大蝦伴生蠔定食 $298主角們登埸啦! 兩個定食同時呈上，視覺效果非常驚人呢! 吉列炸物，做得依舊完美無瑕! 有著漂亮迷人的金黃色，炸漿厚薄適中，麵包糠炸至針針豎起，酥脆至極。巨型炸物絲毫不油膩，放涼後酥脆度沒減，獲得食評界評為最高質吉列店，當之无愧!數量限定的 極上之豚，果然比一般的豚肉好吃得多唷。特等厚切豚，份量厚重大片，肉質纖細易嚼，幼軟鬆軟，豚脂甘香，沾上芝麻豬扒醬很好吃哦。巨型吉列炸蝦，氣勢非凡，蝦肉爽囗爽彈，鮮香濃味，一次過吃三隻才滿足呀。吉列炸蠔同樣美味，外脆內軟，蠔肉多汁鮮美，每種食材也烹製完美。只要點選定食，便可仼食日本米飯和生菜沙律，米飯圓潤甘香，沙律菜爽脆新鮮，每次我都會追加兩次哦。西瓜汁 $38/杯整體而言，食物質素毫無挑剔之處，我夠膽說: 我吃一千次也不會膩哦!哈哈

吉列食物好像很簡單，炸一炸便可以了。但從來愈簡單的東西就愈需要有高級的技術。外面要炸得鬆脆，內裡要熟透又不可太老太乾。首先來了個自選三小食，三個小食也不用百元，抵。叫了秋葵八爪魚，醋蕃茄及薯仔沙律。醋蕃茄甜甜酸酸，非常開胃，吃下去似日本蕃茄，正。薯仔沙律口感十足，薯仔容加上薯仔粒，味道又好。我們亦叫了一個豬肉味噌湯，點點肉味再加上足夠濃郁的味噌湯，又不會太咸又好味，正。主菜是吉烈豬排，豬柳，大蝦二人餐。豬排有些油份，有些筋腱，口感十足，是到來必點之選。豬柳會比較淋身，水份會比較充足，不喜歡咬口的朋友就會選擇這個。大蝦肉食非常彈牙，不像一隻死蝦。豬排配上芝麻豬排醬，大蝦就配上酸酸他他醬。還有的是任加的椰菜絲，應該是日本椰菜吧，比平常吃的更甜更有水份。配上柚子醋及紫菜醋更是開胃。飯我就加了滑蛋汁，另到吃炸豬排時不會那麼乾身，正。

係香港要食到正既炸豬扒好多時會黎丼吉！食過好幾次，每次都係咁高質尖沙咀彩星分店係第一次黎，環境比其他分店寬敞同坐得更舒適我地2個人叫左2個set：吉列大蝦伴帶子定食$308鹿兒島特等厚切豚肉定食$308店員會上先芝麻比你磨，聞到芝麻香都開始肚餓啦~無耐主菜既炸物都到，仲好貼心將2份餐放埋一齊方便我地share店員建議先食帶子~2隻帶子有我拳頭一半大！好新鮮好好食！吉列大蝦亦都大大隻好鮮甜，大口咬下係會食到蝦肉爽口彈牙既口感，同沙津醬好相配鹿兒島厚切豚肉係肉眼可見既鮮嫩多汁肥瘦均等肉質一d都唔會鞋口，又炸得酥脆唔油膩加埋芝麻豬扒汁咁食每一啖都係幸福~依度既椰菜絲係可以無限添加架！每次都要encore無論係就咁食定加上特調醬汁都係非常清甜爽口到目前為止不論係漬物麵豉湯主菜白飯都係好滿意~唯一敗筆係今日既西瓜不太新鮮><好彩之後既甜品又挽回分數~綠茶雪糕$38綠茶味道雖不算太濃但都可接受，底下既紅豆唔會太甜唔會搶左綠茶既味道食完之後我地都話下次要再黎食！