丼吉日式吉列豬排專門店 (彩星集團大廈) (已結業)

聽唔少人講丼吉係香港數一數二既吉列豬扒專門店🤨，今日專登黎試下，的確無講錯🥳！喺Apple樓上既彩星大廈分店，座位以卡座為主，好寬敞，部份卡座仲有一層紗幕蓋住，私癮度十足。-特選進口生蠔 $188生蠔肥美飽滿，爽口結實，蠔味濃郁帶淡淡海水味💦，魚籽更突出蠔既鮮甜，亦可以配西柚醋汁，酸酸甜甜又係另一種味道！不過因為生蠔夠新鮮，我覺得唔需要配醬汁已經好好食🤤，最令我驚喜係生蠔裙邊好爽口彈牙，極推薦。-點餐後就會送上芝麻比你磨，磨完可以加豬扒汁，可以令到豬扒充滿芝麻香🥰。-鹿兒島特等厚切豚肉定食 $308每日限量發售，因為每隻鹿兒島䐁入面，只係做到四份厚切既里肌肉架咋，加上仲要係鹿兒島䐁，更加珍貴🥺！．炸粉薄，夠乾身，咬入口個下真係’’索索’’聲，入口好酥脆🤩！厚切豚肉肉質彈牙，帶少少肉汁，一啲都唔柴，中間仲有少少油脂令到成塊吉列豚肉更香口👍🏻。-吉列深海大蝦伴牛肉定食 $348深海大蝦超巨型🦐，大蝦爽口彈牙啖啖肉，炸粉唔會同隻蝦分離，仲有他他醬幫手提鮮，好惹味👏🏻。牛肉粒牛味濃，油脂味好香口，如果份量再多啲就好啦🤪！！-每個定食都有麵豉湯、漬物、飯同椰菜絲，飯同椰菜絲仲可以任添😈。麵豉湯濃

丼吉的炸物是我們百吃不厭的, 暫時還未在香港找到比這兒更好吃的炸豬扒。所以在特別的日子, 我們倆個都想再回味一下炸物的邪惡滋味, 特別訂回第一次吃的地方, 尖沙咀彩星中心。除了愛這兒的環境較靜氣氛更好外, 不知道是心理作用還是幾次的幸運, 總覺得這店的椰菜絲最清甜, 豬扒炸得最脆口。每次來到其實頗煩惱, 因為款款吉列炸物都很好吃, 心多多的我總是比較那個套餐最多款最合心意。今次...還是點我們最愛那兩款吉列炸物吧!!磨完芝麻後, 前菜和湯也很快送上。今天的前菜剛好是我愛吃的中華沙律及味付螺肉。味道略帶咸辣很惹味, 溫度也是剛好帶少少凍,  是很開胃的涼菜。 店員將我們點的吉列炸大蝦餐及鹿兒島特等厚切豚肉定食放在一起,  並很貼心地放在枱中央, 方便我倆開心SHARE。鹿兒島特等厚切豚肉真是很好吃, 令人一吃難忘!入口十分鬆化，富有甜美的肉汁。肉質幼嫩完全不"鞋口", 容易咀嚼一點也不會黏牙。豚肉帶點脂肪但感覺爽口, 而且炸得酥脆一點也不會覺油膩, 加入即磨芝麻和燒汁簡直是完美配搭!! 豐膄得令人吃不停口。5隻吉列大蝦均炸得外脆內軟, 麵包糠中包着大大隻的虎蝦, 爽彈結實, 富有蝦的鮮甜

久聞丼吉日式吉列豬排專門店既大名，據稱係被譽為最好食既日式吉列豬扒，今次終於約到好友嚟陪我食。位於尖沙咀高級商廈彩星集團大廈，環境一流，每枱均有簾幕遮隔，私隱度高，服務員態度亦有禮。選好食物後，先送上非常好玩，一人一套既放上大量白芝麻既擂棍同擂鉢，搗爛芝麻後香味撲鼻，主要係用嚟撈上豬扒汁食吉列豬扒時用的。先到既炸軟殼蟹，炸得酥脆係腥味，沾上天婦羅汁非常好味。另雞泡魚干燒得非常淋，味道濃郁，極品小食。特上刺身拼盤，刺身水準不錯，帶子，蝦超級鮮甜，三文魚，油甘魚都係厚切，鮮甜無比，八爪魚最驚喜又彈牙。到主角上場，依度既吉列類套餐份量頗大，我地選了一客吉列大蝦豬扒定食，足足有三隻又大又長既炸蝦，炸得非常香脆，豬扒外脆內軟，肉嫩多汁，外層炸漿没有分離癡實豬扒，加上厚切既質感，十分出色，不愧為鎮店招牌款式。套餐仲有飯，麵豉湯，海帶，醃蘿蔔配菜最後送上既西瓜十分爽甜，完美既句號

其實食過好多次！每次都係一家人來食！每次都會訂定卡位，有個簾係到擋住！我地每次都會點twin tonkatsu，有豬扒同豬柳！炸豬扒同豬柳都炸得非常好！唔會好油膩～就算放左一段時間都依然好脆口！磨芝麻部分親力親為非常好玩！豬扒汁加上芝麻非常香！椰菜絲既配汁有柚子同紫菜汁！兩種都非常不錯！而且菜同飯係無限refill❣️食菜都可以食到飽😂服務態度一向都好好！只係冷氣太凍～關細左都非常凍！整體來講，水準一直都保持得好好，所以先會令我地一家食左咁多年！

呢間野我食過幾次，但都好耐冇黎過。見今日晏晝幾得閒，就突登去左尖沙咀既呢間分店食飯。呢棟大廈有好多高級日本餐廳，但呢間都好受歡迎，因為我地12點幾黎到都差唔多滿座。黎到呢到梗係要食炸豬排啦，晏晝食仲抵過夜晚添🤓呢到首先會俾兜芝麻你自己磨，我覺得幾得意，好少餐廳會咁做，仲自己想磨幾碎就幾碎～然後可以淋d豬排汁落去芝麻碎到，陣間就點豬排食。想講個定食真係幾豐富，塊豬排係超厚，跟住又配麵豉湯、白飯、同椰菜。白飯同椰菜仲可以任加，真係幾抵食😋😋 呢到環境又好，我地坐左係卡位到仲真係好似包廂咁，私隱到幾高。想食吉列豬排既真係可以一試！

近排又氣又熱又焗，真係出街耐啲都中暑。好彩朋友去完旅行買咗成箱西瓜返黎做手信，真係多謝佢。為咗報答佢嘅心意就請佢食返餐當係回禮。因為大家都都意食豬扒，所以今晚就放開肚皮吃個飽。呢度必點係招牌厚切吉列豬扒定食，選用鹿兒島特選豚肉，足足有180g咁大塊，食完真係十分滿足。朋友就點咗滑蛋吉列雞扒定食，另外再額外點咗個刺身拼盤(竹)及甜品一齊SHARE食。刺身有三文魚／帶子／拖羅。新鮮又肥美，最緊係好厚切，雖然係小食但絕對係誠意之作。等緊豬扒上枱前，店員先遞上一碗芝麻俾我地調配醬汁。跟住指示，邊磨邊聞住烘焙過嘅芝麻香，真係令人十分期待接住落黎嘅吉列豬扒。旁邊嘅醬汁分別係：自家製豬扒醬汁／紫菜醬及柚子汁，三款都各有特色，當中最鐘意係紫菜醬，味道均衡又帶香。而豬扒醬就需要混合磨碎芝麻先發揮最佳風味。吉列豬扒上枱，真係過我地塊面。哈哈。成吋厚嘅豚肉表面炸得好乾身，但內裡依然保持濕潤鬆軟，所有嘅肉筋位都打到無晒咁。入口清楚品嚐到豚肉本身嘅甘甜味，再沾上些許芝麻豬扒醬，回味無窮。再配埋軟熟珍珠米，真係羨慕日本人可以日日都食到咁好味嘅料理。吉列雞扒同樣出色，因為下半部係蛋漿及洋蔥燒汁，以食時半乾半濕咁無咁

回想起多年前初與男友約會時，特別喜歡四處覓食， 丼吉是我們鐘愛的其中一家食店，好久沒去了今天想起正好去回味一下~XD尖沙咀店是第一次去，高貴的和式裝潢很有格調， 挑高樓底加上寬敞座位很有空間感， 還有獨立卡位更具隱密感。甫入座已奉上熱茶， 茶具跟食器都很有日式風味呢！先點了八爪魚芥辣毛茄， 八爪魚粒粒彈牙， 毛茄口感滑滑的， 清涼微辣非常開胃。各式吉列多得令人花多眼亂， 最後還是點了兩客吉列定食， 分別是吉列神戶牛肉薯蓉伴大蝦， 跟特上吉列海鮮， 兩份定食一起上桌再加上漬物、珍珠米飯和麵鼓湯， 陣容非常鼎盛XD 吉列神戶牛肉薯蓉伴大蝦定食， 沖著吉列神戶牛肉薯蓉而點， 神戶牛肉蠻多的沒有令人失望， 肉質也保持嚼勁而不過火， 蠻不錯！特上吉列海鮮定食可豐富了， 有大蝦、帶子、生蠔跟蟹肉薯蓉， 喜歡海鮮的話必點！作為吉列專門店， 丼吉的吉列都能炸得外脆內嫩， 既有香脆口感， 又能保持食材本身的質感， 特別是吉列生蠔炸出半熟程度， 蠔身仍然香軟又帶蠔汁非常出色！定食會配自由添加的飯和菜絲， 白飯用上珍珠米很香軟， 菜絲清爽解膩， 會讓人忍

由讀書時候到現在都很喜歡這間店鋪，十幾年現在分店愈開愈多。今晚又走到尖沙咀倒不如回味這回憶。「丼吉」尖沙咀店一共有兩間分店。人流比較少，莫過於來到廣東道100號彩星集團大廈10樓。其實地點相當方便位於APPLE STORE隔鄰，你會覺得是一所商業大廈內。電梯上到五樓的位置，一出會見到兒時的卡通—忍者龜？看來有一點的恐怖，之後再轉電梯到十樓便到目的地。入內的地方相當寬敞而且大多以卡位為主，並有一層紗蓋著私隱度高。餐牌上的大多以炸物定食為主、更有刺身、壽司、小食、單點、甜品或飲品等。旁邊會有柚子汁、豬扒汁、紫菜汁等，此店的米飯及蔬菜是可以無限量追加，大食量的朋友前來也不怕。特上豬扒豬柳定食 $438 及 吉列大蝦生蠔定食 $292兩者一同上桌相當吸晴，有一種澎湃的感覺。特上的豬扒及豬柳來自鹿兒島，前者炸豬扒鮮嫩多汁，而且味道濃郁，厚切豬扒脂肪不會太多帶有甘香美味。後者豬柳相對地軟身入口即溶，炸到金黃色沒有半點抗拒的理由。最後連同伴勻的芝麻醬汁與飯粒同吃，大滿足當個個來「丼吉」都會以吃豬為名，但其實吉列大蝦及生蠔也同樣地出色。特別喜歡此店的大蝦是相當巨型，而且帶有蝦肉口感配上沙律醬，相當滋味

今日終於食到，我想食好耐好耐嘅炸吉列豬扒專門店喇！好耐之前，我朋友已經同我講。過話呢間炸豬扒店，係全香港No.1.最好食！今日係我升職嘅大日子，所以我朋友就帶咗我嚟呢度，真係超級興奮。餐牌上全部都係吉列嘅食物，你又唔知想揀乜好，有吉列豬扒，豬柳，炸蝦，生蠔，帶子，牛肉薯餅等等。而且仲有刺身，前菜和甜品可以選擇。吉利神戶牛肉薯餅伴大蝦定食 $278鹿兒島特等豚肉定食 $278由於係同朋友一齊分享，我哋就叫左服務員放上同一隻碟，氣派更加非凡啊！兩個大嘅炸物放埋一齊，見到即刻令人好興奮。炸物炸至超靚嘅金黃色，而且麵包糠都全部豎立起來，望落就知脆到不得了！難怪我朋友話係全香港最好食嘅吉列炸物店。食之前，首先要自己先磨芝麻，然後放入芝麻醬。呢個過程已經令我好興奮，亦都係好正宗嘅吉列豬扒食法。我哋叫左貴少少嘅鹿兒島豬扒，而唔係普通嘅豬扒。鹿兒島豬扒俾人稱為世界上頂級嘅豬肉，因為係好鮮嫩多汁，而且味道天然濃郁，雖然食唔到數量限定嘅厚切，但係依個無限定既豬扒一樣好厚切，而且見到脂肪同牛肉分明，咬落去好甘香，超好食！另一個大蝦，就果然超大隻！三大隻既蝦，脆得非常誇張，可以沾啲沙律醬，食完一隻之後，我已經

之前同朋友去過沙田嘅分店，今日就嚟咗尖沙咀呢到呢~因為喺樓上鋪，所以鋪面都好大，有好多枱呢，不過夜晚出街食飯都喺打定電話book定枱啦~今次我哋點咗特上刺身盛合，帶子好鮮甜，而三文魚都比平時嘅日本餐廳厚身。嚟到吉列專門店，緊喺唔少得食吉列嘅嘢食啦~店員上菜嘅時候都介紹咗唔同嘅醬汁，要先磨芝麻之後再落豬扒汁，而碟上嘅椰菜絲就可以沾紫菜汁同柚子汁。吉列薯蓉同吉列豬扒定食都熱辣辣，好正呀！平時炸嘅食物都會覺得好油，食完一兩嚿就停手，而今日嘅豬扒炸到外脆內嫩，我同朋友都好鐘意呀~我哋仲叫咗白桃梳打，今餐食得好豐富呀！

第一個食評 揀選呢個餐廳作為我既起點環境：禮拜六去 人唔太多 好清靜 適合細聲講大聲品嚐美食🥰衛生：唯一扣分係木筷子似係重用 俾我感覺冇咁乾淨 就咁睇都好乾淨 所以為環保出一分力係岩既💪🏻服務態度：頂呱呱👍🏻有禮貌 善待客人食物等候期間 客人唔會悶場 親自將白芝麻”中”碎 你會聞到好香既芝麻味 再加上甜鹹味醬汁 食雞扒/豬扒就點佢前菜炸蝦頭：炸到好脆 脆到直接食哂落肚都得 香口 食落去面身係有啲粉層 不油膩口感 並且仲有少少膏係入面 啜一啖😚正😆泡菜：日式餐廳既泡菜 不抱任何期望 但正常味道 沒有好壞之分 會唔會轉醃蘿蔔好啲🤔？口感清新啲🤗沙律：我好鐘意食呢款沙律 雖然可能其他地方都有 薯同蟹柳絲等溝埋整成 好味主食 雞扒 三文魚 鰻魚既二人套餐（$199+1）椰菜：切絲得好靚 好爽口好新鮮 而且免費任添無限次 白飯都係架！好味 可以自己加汁 有西柚/紫菜 我鐘意西柚 酸酸甜甜 清新啲😋漬物：純粹喚醒你味蕾？😂味噌湯：唔會太鹹 除左豆腐 入面仲有蜆肉做料雞扒厚身 乾身冇肉汁 “鞋”身 口感一般三文魚所有炸物既表皮都係炸得好鬆口 食落口係好清脆既”shopshop”聲 所以先話係細聲講大

今日下午放假，約左阿媽去尖沙咀食吉列豬扒飯。叫左兩個午餐加2隻蠔，1個吉列豬扒飯、1個吉列蝦烏冬。個烏冬好滑而且夠煙靭，好正，而炸豬扒夠鬆軟，個炸蝦都好大隻，飯後仲有西瓜做甜品👍🏼😋。

今午六人食，六個餐，加埋蒸蛋好滿足喔。吉列豬，吉列鰻魚，吉列和牛，吉列蠔，吉列蝦，呢餐好豐富，大家食到好飽但我食左吉列豬同埋吉列鰻魚，真的好好味，雖然好貴呢餐但都開心可試倒好味既吉列

早前有個朋友食完, 佢話用係尖沙咀Tonkichi 可以用$198 食個2人餐, 我心諗係真唔係啊. 以前係銅鑼灣食過, 差唔多成$300 一個人, 今次居然$198, 仲要係2人餐. 跟住我打去問原來係星期日至四先有, 仲要預先Book 位. 最後訂左25/4, 順便同女友慶祝10週年. 第一次去廣東道Tonkichi, 都幾難搵, 原來係Apple 隔離, 搭電梯去到5樓再轉電梯.一上到去排晒隊, 睇黎好多人都係食2人餐. 雖然訂左位, 但係都等左15mins左右. 2人餐有兩款,我地選左豬扒, 豬柳同蠔食物一上枱, 我地都嚇一跳, 雖然賣$198, 但係份量冇少到, 又係白飯&菜無限refill. 真係好抵.我地2個人係食唔晒, 埋單$198 加一同去茶餐廳食差唔多.  

今日沒帶2個女出尖沙咀，可以好好找家餐廳吃飯。想起很久沒去過廣東道的吉列專門店，先上OP找找，看看是否「健在」😅 一打開就看到午市7折優惠。立即動心兼動身前往。在記憶中，上一次來此分店時，它位置是在地庫。來到大廈大堂，找不到地庫帶食堂⋯ 原來已搬到10/F; 這表示的有多年沒過來🤣職員領我們到窗邊的卡位，可以看到窗外的廣東道街景⋯ 2個人來2人世界一下，多好😉選擇困難症的我，想了很久，還是點2人前的豬柳豬排定食好了！這裡可能真的是即叫即做，等了快半小時，食物才送到；急不及待咬了一口豬柳，味道比上一次在元朗分店吃的好很多！夠冧且有肉味，外層鬆脆，肉質有層次👍🏻👍🏻👍🏻 之後再咬一口豬排，這次⋯ 竟然是豬排比豬柳更冧，入口即化的感覺⋯ 是我喜歡的帶點脂肪的豬排；香鬆軟juicy😋喜歡來吉列專門店的其中一個原因，是這裡可以任添任食白飯跟椰菜絲。我個人喜歡軟飯，喜歡日本米，在家吃的都是珍珠米。這裡的白飯，總讓我添上幾碗！太合我心意！正是日本米的軟黏口感🥰下次再有7折的話，一定會再去