九井壽司 (已結業)

今日去mega box 行街行到攰攰哋當然要搵地方坐下醫下肚啦，行到九樓見到有新幹線列車入去試下啦，全部自己係屏幕點餐之後由列車送到小朋友一定會覺得好好玩，非常經濟低食我地食咗好多野先三百幾元，喜歡打卡嘅朋友更加like有好多打卡位又坐得舒適味付螺肉，雜菜沙律，鹽燒雞翼，金菇牛肉卷，花之戀，雜錦魚切刺身魚生丼，九州御前牛肉湯烏冬，海鹽燒油甘魚鮫，特別推薦海鹽燒油甘魚鮫~非常甘香好味又好大個，九州御前牛肩胛烏冬～烏冬好滑好彈牙😋

喺九龍灣睇完戲，附近揾食，見呢間評價唔錯，就試下啦，8點幾都要等位，佢sell親子餐廳，同埋有列車送餐，好多家長帶小朋友去。有d似日本既壽司店，係用pad黎自助落單，每4碟就有抽獎1次，不過我地抽左3次都冇中獎，現場都冇聽人話中😅d野唔算上得好快，同1 lot叫有時食完一碟要等好耐先再有得食。 整體食物不過不失，大多數壽司都係魚凍飯少少暖，好怪。 d魚算幾大舊，起碼帶子唔會片到勁薄先。 d軍艦suppose即整，但紫菜好明顯唔夠新鮮，淋既，味道亦麻麻，望上去都冇咩光澤個刺身丼幾抵食，刺身種類同份量都幾多，仲有唔少金箔tim，睇上去都好吸引。炸魷魚嗰d就普普通通啦，熱既，份量都唔算少。呢度食物種類唔算好多，揀左4-5款已經冇野想再食，味道就一般般，但見佢係做親子主題，有d玩具圖書嗰d, 應該係一個賣點黎既。

這間新幹線列車壽司店最近已變了我的新竉兒，一有空便來吃，過足壽司癮。餐廳提供免費玩具和圖書借閱服務，十分貼心，是少有的親子日式餐廳。餐廳環境舒適寬敞，除了吧台也有沙發卡位，各自擺有平板電腦作點餐之用。下午茶時段推出多款特價定食，十分抵食！角切魚生丼定食附送味噌湯和沙律相當豐富，魚生丼份量不少，有三文魚、吞拿魚、劍魚、油甘魚等多款刺身，肉質新鮮嫩滑，還加有魚籽、青瓜粒等增添口感。三文魚壽司新鮮肥美，脂肪均勻。三文魚腩壽司肉質更是嫩滑非常，魚油豐滿，啖啖滋味。火炙三文魚壽司輕輕炙燒後魚肉仍能保持嫩滑，滿滿魚油配以沙律醬加添美味。酥脆軟殼蟹手卷大有質素，軟殼蟹炸得十分香脆，啖啖肉又富蟹膏，相當美味。三文魚加州卷也有水準，嫩滑的長長三文魚片包著以玉子、青瓜等作餡料的飯卷，口感十分豐富。赤蝦壽司非常彈牙爽口，鮮味十足。黑松露赤蝦壽司更加有濃郁黑松露味道，與鮮甜蝦味完美融合。蟹肉蟹膏軍艦以鮮甜的蟹肉配搭綿密甘香的蟹膏，滋味爆燈。

前幾日書枱櫈腳爛咗，今日諗住去megabox 嘅買返張新嘅櫈，順便喺埋呢度食嘢，見到呢度有九井壽司，醒起之前喺同朋友食過次，覺得好抵又好味，所以就再次幫襯😆🧀火炙芝士蟹棒壽司 $22🧀火炙芝士鰻魚壽司 $27之前都聽過好多人話必試呢款火炙芝士壽司，睇個賣相都好吸引，所以今次特別點左兩款蟹棒同鰻魚壽司，經過火槍燒炙後，芝士已經半溶，配埋蟹棒同鰻魚，真係好夾而且有特色。🦀皇帝蟹棒壽司 $20🐟三文魚腩壽司 $20呢度嘅三文魚油脂豐腴，魚肉鮮嫩，而且魚生同皇帝蟹棒份量十足，真材實料，值返呢個價，食完之後有衝動再嗌多啲添😋🦐珍寶赤蝦壽司 $48最矚目嘅莫過於係珍寶赤蝦，足足係有隻碟咁長，蝦肉厚嫩，又唔會好腥味，應該係我食過最好食嘅生蝦之一，真心可以試吓，嗌完之後唔會後悔！🦐脆脆天婦羅 $32天婦羅送到上嚟嘅時候仲係熱辣辣，應該係真係即炸，食落去脆到好似薯片咁樣，點埋側邊嘅醬，就又甜又脆又香👍炸雞軟骨 $32不得不讚下呢度嘅雞軟骨鹹度適中，同樣都係熱辣辣，越食越上癮😋❤️九州御前牛肩胛烏冬 $68食咗咁多熟食同埋壽司，到最尾忍唔住嗌個烏冬，呢度嘅烏冬一啲都唔差過其他拉麵店，牛肉厚嫩，牛香味充斥口腔

復活節假期將到，襯平日嚟行下「姨媽傢俬」，帶小朋友嚟Mega Box食佢最愛嘅火車壽司。最愛食「枝豆」頭盆叫返碟食下先。下午茶時段有「雜錦壽司盛」乜都有d, 加埋拉麵份量好足夠👍🏻 「鹿兒島醬燒豬軟骨」配埋蜜瓜味波子汽水，係完美嘅配搭。必點「鹽燒雞翼」小朋友至愛😍「日本牡丹蝦刺身」果然人氣No.1, 大大隻好甜美，食得出好新鮮👍🏻餐廳環境乾淨衛生，坐得好舒適呀。今餐大滿足，埋單嗰陣，店員仲有個公仔送比小朋友添，又食又拎...小朋友嚷著星期日爸爸放假要帶埋佢再嚟食🤗

真係太耐無食迴轉壽司了。唔食元氣，又唔想去壽司郎排長龍。係九龍灣嘅九井壽司都係一個唔錯嘅選擇。而佢其中一個特色係用新幹線壽司列車送餐，即叫即送，點對點。係疫情下，真係一個安全衛生嘅選擇。另外對呢間店印象好深刻嘅一點係個服務超級好！點左一個拉麵，然後d店員好主動咁黎問使唔使比兩個碗仔比我同我個frd share。d多餘嘅碗碟都收拾得好快。太貼心！我同朋友都食得好開心，點左超多野食。我揀幾個share啦 👅鰻魚卷 ($38) ❣入口即融！鰻魚無咩骨，加上醬好好味。唔使鼓油wasabi都食到個鮮味 👅火炙鹽鵝肝壽司 ($28) 👍🏻👍🏻👍🏻同朋友上次黎食都有點呢個。我今次一見到碟野就同佢講：食呢個就落地獄噶🥲然後比佢笑我上次都係咁講。完全係guilty pleasure😐鍾意佢嘅肥美多汁，內臟都做得好鮮嫩 👅炭燒味酥雞泡魚干 ($32) 👍🏻👍🏻👍🏻點佢係因為未食過覺得好特別。成碟野好大碟，唔知係咪有半個雞泡魚呢？味道同魷魚絲差唔多。質感硬身，感覺好啱送酒飲 👅特色香蔥吞拿魚碎 ($20) 👍🏻👍🏻👍🏻其實入口即融嘅食物真係好好味🤣呢個又係其中一個例子。好鍾意佢將吞拿魚整成茸。 👅海膽花之戀

今日黎MegaBox有兩樣嘢要做，1要黎宜家傢俬買嘢，2要黎九井壽司體驗下新幹線😍😍。落單簡單，iPad點餐就得，餐牌分類做得幾好，容易搵到想要的食物。鹿兒島醬燒豬軟骨烏冬主食叫左個豬軟骨烏冬，賣相不錯，而且好大碗，配料都好多，豬軟骨煲到好入味而且夠淋，入口即溶。味道不錯👍燒鯖魚每次食日本嘢都必點嘅食物，都冇令我失望，夠大條，而且魚肉冇乜骨，淋上醬汁更有風味。三文魚加州卷卷物揀左三文魚加州卷，表面有沙律醬，食落開胃，而且食材相當新鮮，下次會再試。三文魚腩壽司&三文魚刺身三文魚刺身好厚好大塊！食落都新鮮，大大塊魚生入口真係好滿足。🥰炸雞軟骨雞軟骨係即叫即炸，上枱時熱辣辣，炸到卜卜脆又唔油。兩個人都係食左三百蚊左右，抵食食材新鮮而且坐得舒服😌。

去Megabox行街街，食呢間壽司店😊入到去見到餐廳對小朋友非常好！有圖書借睇亦有免費玩具！帶小朋友來一定好開心😃餐廳用電子點餐器叫完野食會由輸送帶送上！日本的感覺返哂黎！-炸雞軟骨。即叫即炸脆卜卜！粒粒都香口🤤-軟殼蟹手卷。軟殼蟹好新鮮而且配返青瓜同埋沙律一齊食！-吞拿魚沙律軍艦。有時食壽司唔一定要食魚生，試吓呢個都唔錯-火炙芝士蟹棒壽司🍣蟹棒配上芝士嘅口感再加上面層再燒一燒！正🤤-火炙三文魚壽司，肉質新鮮的口感-滑蛋吉列白豚定食。份量好大而且豬扒好多！肉質唔會因為炸左而覺得乾身！定食仲有配味增湯同埋沙律！ 超抵食

今日同個同事路經九龍灣見客，見完客已經到咗lunch hour，平時去開Megabox都知道呢度好多食肆林立，今日好想食日本嘢，行咗一陣見到一間叫做九井壽司鋪頭，就決定去試下去到門口再望入去，好似自己置身於個火車頭咁，呢度嘅裝修好Kawaii， 感覺自己置身於火車其中一卡車上，環境舒適乾淨。呢度每個位都有平版電腦點餐，方便快捷又user friendly講完裝修當然要講返重點食物啦，食物方面，依度有好多唔同既選擇：壽司、拉麵、烏冬、日本小食、魚生丼、炸物及午市套餐等等，應有盡有。每一樣食物都由高速火車送到面前小弟今日比較想食壽司，叫咗幾款壽司同軍艦，分別有三文魚、赤貝、北寄貝、油甘魚、赤蝦、手握飯加上新鮮既魚生，鮮甜美味北貝沙律軍艦，芥辣八爪魚壽司，剛剛包好上碟，紫菜仲喺脆脆地嘅狀態，一口size放落口，味道濃郁又鮮美，味蕾大滿足另外仲叫左兩款炸物，吉列牛肉薯餅同吉列炸蠔，兩樣炸物都炸得剛剛好，唔乾又唔油膩，香脆可口見到肚仲有位，最後點多碗泡菜叉燒拉麵食飽去，香濃豬骨湯底配上彈牙拉麵，叉燒肥瘦適中，當作飽肚之選一流。整體嚟講水準都唔錯，價錢亦算合理，下次會再去幫襯

帶小朋友出街食飯, 小啲童趣都真係搞唔掂餐安樂茶飯(媽媽嘅共鳴😛). 喺MegaBox 9樓原來有間新幹線🚄主題壽司店, 店内一碟碟壽司係用新幹線火車極速地送到ga! 小朋友超鐘意, 除此之外更有各樣for小朋友嘅玩意, 用Pad order好方便.🚅濃芝士軟殼蟹卷 (HKD38)睇返部pad真係ok多壽司揀, 價錢都算抵食. Li個軟殼蟹卷新鮮炸起再包, 芝士上面仲有一啖芝士蟹籽, 夠哂芝味.🚅日式芝士年糕 (HKD28)必食item想必係芝士年糕***超好味****, 軟糯年糕x軟心芝士無得輸.🚅吉列南瓜薯餅 (HKD20)南瓜比例豐富嘅薯餅, 口感好滑, 炸粉漿又唔太厚, 小朋友超鐘意.🚅海膽魷魚軍艦 (HKD26)新鮮! 魷魚short short聲口感好爽, 海膽份量睇得到嘅明顯, 紫菜都係脆嘅.🚅赤蝦壽司 (HKD25)由於赤蝦非常肥美, 我地encore左.🚅㩒㩒下又嗌左好幾碟剌身壽司食, 最鐘意係包住軍艦脆脆紫菜, 壽司上嘅魚生係足料嘅(推介劍魚腩壽司, 芝士蟹籽軍艦, 海膽魷魚軍艦), 炸物水準Good尤其必食軟糯到有d過分嘅芝士年糕. 整體ok抵食, 大人小朋友都食

三文魚海膽丼定食 $88三文魚片片都好肥美，夠厚身，而且份量都好多😆。海膽都新鮮，色澤好靚。兩者加埋wasabi再撈飯一流👍。本身望落碗飯有啲細，但最後都飽到就食唔落🙊。雜錦刺身丼定食 $78啱晒唔知食乜好嘅人，每款刺身都有啲，蛋有炙燒味唔係好甜，刺身幾新鮮，八爪魚好彈牙。芝士軟殼蟹卷 $38軟殼蟹炸到好香脆，芝士微微燒過好香🤤🤤南瓜薯餅 $20炸到金黃香脆🤤，入面係軟綿綿既南瓜蓉，甜甜地，充滿南瓜味。美中不足既係入面可以加啲南瓜粒，增添口感。芝士年糕 $28年糕好軟煙煙韌韌，一咬開芝士多到湧出黎，芝士味濃郁好流心。士多啤梨雪糕 $12跟餐價$12好抵食，真係有士多啤梨粒，味道唔會好假似藥水味，味道自然好fresh.

自從轉咗公司，好耐都無平日去過Mega Box了，六點幾望住一批批放工的人隊，我就逆流而上咁，去了Mega Box的德國寶買野。之後見到九井壽司，以前都食過幾次，開業了好幾年，呢間最啱同小朋友去，因為裝修到火車咁，又有兒童餐！有一排無去食過，好懷念呀！龍蝦沙律壽司勁多龍蝦肉！北寄貝鮮甜，象拔蚌爽口，三文魚小卷一向都係抵食之選！主食就點了個迷你丼，有幾款選擇，我點了帶子加海膽，其實都似叫了兩款壽司的感覺，咁要自己屈指一算睇下單點定丼吸引d另外朋友點了豬軟骨烏冬，烏冬份量唔少，都幾彈牙，食完一定夠飽！豬軟骨炆到很淋 ！軟殼蟹手卷唔錯，軟殼蟹很脆，份量佔了手卷的一半另外再點了北奇貝加洲卷，內裡有切碎的北寄貝，外面的蟹子好新鮮，一咬即爆！記得如果一次點4份，會有個迷你版抽獎，可惜我抽唔中星期一唔使點等位，慢慢食，感受舒服！

等到勁都長埋，終於有得夜晚堂食！之前經過九井壽司見到個新幹線設計已經心郁郁想食，所以難得可以夜晚堂食就放工去試下。.坐低無耐隔離就見到架列車經過，原來連送餐盤都係新幹線造型🤣落單輕鬆用ipad就得☺️三文魚同油甘魚刺身真係超級驚艷！！！好新鮮、好大塊、勁厚！咬落口感超正超滿足，係香港真係好少食到咁厚切嘅新鮮魚生，再黎食嘅話一定要再嗌！🥰🥰🥰小食嗌咗個邪惡日式芝士年糕😝外脆內暖，咬開係暖笠笠嘅流心芝士，鍾意食芝士嘅一定唔可以錯過。壽司選擇都唔少，整體質素唔錯食材夠新鮮，有鮮味每碟擺盤都好工整，靚靚仔仔🥰食完凍嘢想暖下胃，所以最後點咗個鹿兒島豬軟骨拉麵埋尾🤣豬軟骨好入味，拉麵個口感都夠彈牙以唔係專做拉麵嘅舖頭黎講有8/10分😆整體黎講，全店最推薦一定係魚生🌟🌟🌟以咁嘅價錢食到咁嘅質素嘅魚生，絕對物有所值🔥

今日去了MegaBox，行完IKEA想食light啲，所以揀咗刺身飯。門口睇，鋪面看似乾淨企理，價錢還可以所以便進去了。但食完真的很「伏」！性價比超低！雜錦刺身丼 ：油甘魚太乾身了，乾到肉質也爛了，海膽也不太新鮮，青瓜乾到硬了，其餘的刺身還可以吧。三文魚子海膽丼 ：三文魚子超級不新鮮筷子一碰便爆，青瓜乾身好像放了一星期，海膽新鮮程度一般。此外，我們還吃了其他刺身和壽司，但也不太新鮮。跟OpenRice上的點讚評分差太遠了！太差了！Disclaimer: all the above are personal opinion only!

呢排都多去MegaBox行吓唔同嘅嘢傢俬電器舖，行行吓肚餓就去搵嘢食。誤打誤撞去咗九井壽司🍣。見門口裝修得好可愛，係用日本新幹線火車設計🚄見到大門口，四處牆壁，座位，就連收銀處都加入左新幹線元素。坐低入去用iPad點餐，午飯時間去有定食或者散叫壽司，原來每次只可以點四款食物，夠四款食物可以有抽獎一次。第一次我哋就抽到一盒qoo飲品。好運呢？！點左嘢食之後要等一下，因為所有食物都係即叫即做，確保新鮮，而且製作好後會由小火車🚄親自送到，好得意😎，成個過程只係10秒度。食物方面，價性比非常高。就算係散叫壽司都唔貴，一碟兩件三文魚腩壽司都係$20，超抵又好食我哋encore總共叫咗三碟。三文魚油脂紋理都算平均，入口即溶，好柔軟，充滿魚油味。另外叫左，油甘魚壽司 $22，吞拿魚壽司 $22，劍魚腩壽司 $25。都係好新鮮，價錢都係$30以下，抵抵抵三文魚刺身盛 $68 有麵豉湯，有沙律，有一小碗烏冬，三件三文魚刺身加四件壽司。老公叫左冬日限定壽喜燒牛肉鍋 $78，一人煲都好夠飽，湯底好鮮甜撈飯最岩，而入面除咗牛肉之外，仲加了很多配菜，冬菇，金菇，菜等，煲下已經入晒味，非常惹味。只可惜而家嘅疫情中