九十番地居酒屋

营业中

休息中

九十番地居酒屋👻尖沙咀搵好野食個陣見到君怡酒店開咗新居酒屋鍾意試新野既我又點可以錯過個位置都幾好又坐得舒服下次都可以帶朋友再黎😙.🔅壽喜燒牛肉鍋HKD 208天氣凍食返啲暖笠笠最正佢個壽喜燒湯底甜甜地啲牛肉雖然唔係入口即溶但係都牛味十足蔬菜份量都幾多仲有兩隻生蛋牛肉添夠晒滑好味😛🔅雜錦天婦羅HKD 138天婦羅都炸得幾好表面層炸衣幾薄又夠脆仲有三隻我最鍾意食嘅蝦個茄子都炸得好Juicy🔅吞拿魚腩蓉小卷 HKD 78幾Creamy嘅吞拿魚腩蓉食幾嚿都已經好滿足🔅帆立貝裙邊HKD 58呢個帆立貝裙邊調咗味都幾唔錯前菜嚟講好開胃而且都仲幾有鮮味添🔅燒五花腩 雞肉 鮮冬菇仲揀咗幾串串燒最出色一定係五花腩燒到啲油脂迫晒出嚟好香又夠嫩🤤.整體黎講:出色食材 服務夠好😚.🎈 九十番地居酒屋 (尖沙咀)尖沙咀金巴利道28號君怡酒店1樓

今次再同朋友來慶祝生日叫左大既刺身拼盤 有七款 $398鮮味十足 仲可以試到咁多款刺身胡麻魚生米紙卷 $68 味道清新有口感串燒叫左厚燒牛舌又香又juice $68大蔥雞肉$32牛肋肉$48薄牛肩$38全部都燒得岩岩好 可口惹味送酒真一流最後仲叫左加洲反卷$78同三文魚腩油甘魚腩壽司$44生日仲有個生日甜品打卡朋友超開心完美的一餐加上地點方便 環境又舒服 最重要係唔會俾人趕走

.聽講尖沙咀君怡酒店新開咗間性價比頗高嘅居酒屋果然❗️見到人頭湧湧，係幾抵食既🥰.🌟本鮪大拖羅、中拖羅大拖羅同中拖羅都分別有兩塊由中拖羅食起厚切拖羅啖啖肉 肉質鮮美新鮮大拖羅入口即溶真係🈵🈵的油脂感.🌟鹽燒吞拿魚下顎 呢個真係不得了吞拿魚下顎份量超大有兩隻大手掌咁巨型燒過嘅吞拿魚魚皮超香又爽脆而且啖啖都係魚肉 油脂又分布平均加少少檸檬汁更加惹味真係好正🤍🤍.🌟串燒 居酒屋就係食住串燒飲住啤酒㗎啦串燒全部燒得啱啱好，加少少鹽就已足夠惹味特別推介餐廳的自家製免治雞軟骨棒做到好似飯團嘅模樣雞肉同雞軟骨比例恰到好處加埋金黃色嘅月見汁軟腍腍加卜卜聲的咬口好味🥰.🌟壽喜燒牛肉鍋壽喜燒材料連醬汁都已準備妥當有四大片牛肉🥩 牛味濃郁燒到八成熟左右再加上攪拌好的蘭王蛋一齊食簡直係人間一大享受其實食到最尾已經好飽但都真係好味，所以忍唔住食晒.🌟廚師發辦壽司 x 5️⃣🍣 全部都好新鮮而且唔會太多飯👍🏿 .唔好以為咁就完仲有飲品同甜品呀食咁多嘢每人都係$500左右有日式居酒屋嘅熱鬧又坐得幾舒服，真心唔錯.@hkhibiki📍尖沙咀金巴利道28號君怡酒店1樓

成日去尖沙咀嘅我，最近發現咗君怡酒店入面有間新開嘅居酒屋，真係一試愛上！入門口已經充滿日式氣氛，掛滿咗燈籠，仲有隻巨大嘅招財貓迎接你，好有Feel！ 松葉蟹肉三色杯 🦀一上枱已經超吸睛，松葉蟹肉同埋三文魚籽放係隻水晶杯入面！蟹肉新鮮鮮甜，加埋外形飽既滿三文魚籽，口感層次分明，輕輕鬆鬆就食哂～ 師傅發辦壽司（5件）🍣每件都好有誠意！魚生新鮮，拖羅油脂豐富，飯細細舊唔怕太飽肚 串燒 🍢（大蔥雞肉 / 菠蘿 / 雞翼 / 秋葵）必點菠蘿串燒，菠蘿表面以焦糖燒過，甜甜酸酸，仲有少少燒焦嘅香味。雞翼又嫩滑又juicy，外脆內嫩亦都幾好食 壽喜燒牛肉鍋 🍲天冷必食！壽喜燒湯底香甜濃郁，牛肉有足足一大碟，吸哂湯汁嘅精華，配埋啲蔬菜，食完暖哂個胃山口縣瓦片牛肉蕎麥麵 🍜呢個都好正，我都係第一次食！蕎麥麵個底輕輕煎過變得脆身，而且用瓦片上碟有助保留麵既溫度，配埋牛肉點埋的汁一齊食，食完一啖又一啖 飲品 🍹：熱情果乳酸梳打，野梅梳打 refreshing level 💯 唔會太甜成杯飲落去好爽口甜品 🍨： 水鏡餅 🥮水晶餅好靚，清甜又唔膩 綠茶雪糕 🍵🍦抹茶味道濃郁，簡單但好滿足總結 🌟：呢間居酒屋每款菜

響居酒屋已搬遷至尖沙咀君怡酒店一樓，現正試業中。酒店環境更佳，門口有巨型招財貓迎賓。居酒屋食物種類繁多，看得有點眼花撩亂，幸好有侍應介紹，就每樣各點一些。牛油果軟殼蟹沙律軟殼蟹新鮮即炸，牛油果軟滑，沙律菜微酸爽脆，十分開胃。辣味三文魚小卷三文魚小卷辣味不少，作為前菜刺激胃口。漬物拼盤 漬物拼盤有蒜頭漬、牛蒡漬、八爪魚、帶子裙邊及蟹肉明太子，擺盤精緻，每款漬物味道均不俗。蜜糖芥末雞皮餃子雞皮餃子非常薄脆，熱辣辣新鮮炸起，十分美味。雞翼 五花腩 青椒仔雞翼簡單以鹽燒，外皮香脆，內裡肉質嫩滑。 五花腩燒過後亳不油膩，肉味非常香濃。青椒仔微辣爽口。山口縣瓦片牛肉蕎麥麵 綠色蕎麥麵先煎過，再沾過用蕎麥麵汁，入口微暖的感覺很特別，瓦片牛肉軟嫩腍滑。

今日接老公放工想食日本料理，於是找到近期試業中的九十番地居酒屋。居酒屋應有盡有，可以一次過滿足多個慾望。油甘魚及甘蝦刺身兩款都十分鮮甜，油甘魚厚切 ，連頭甘蝦又甜又有黏性，口感好。鐵火卷，新鮮包的紫菜爽脆，吞拿魚鮮味又沒有筋，非常好吃。天婦羅拼盤有三雙大蝦，一件南瓜，一件茄子，一件冬菇，一件蕃薯，全部都炸得出色。炸皮爽脆得來又薄，不會厚得有粉感。薩摩雞肉軟骨丸，甜甜的雞肉丸咬咬下會感到輕微的辣，加上一粒粒軟骨整個真得太過癮，一口接一口很快就清了。串燒點了薄牛肩，牛味濃但肉質很不錯。青椒仔加些少木魚碎很配合。雞皮脆脆的很適合送酒。雞腎味道同爽脆都一流。京蔥雞肉串的雞肉大大粒，加上京蔥配搭又是一道佳作。整體所有食物水準都很高，食得滿意。見到有台日本人飲得興起，玩得開心，連日本人都會來，證明真的是日本水準。

收工同朋友搵咗間居酒屋食吓嘢傾吓偈😄呢間居酒屋嘅菜式都好多選擇👍首先叫咗兩款吞拿魚Sashimi ，中拖羅同大拖羅各 2片 ，兩款刺身都好新鮮，特別係大拖羅簡直就得入口就油脂溶化晒😆之後叫咗幾款串燒牛肋肉 大蔥雞肉 鹽燒牛舌 燒日本五花腩 每款串燒都燒得好靚，特別係鹽燒牛舌，除咗好厚切之外仲好嫩滑！問一問個staff,原來係師傅特別揀咗牛舌心去整，超級高質👍👍壽司omakase 5款𩶘魚 吞拿魚背 油甘魚池魚 右口魚邊 壽司飯調味岩岩好，今次咁多件最鐘意吞拿魚背同右口魚邊 😋最近亦都好想食Sukiyaki，就叫左個壽喜燒牛肉鍋！首先牛肉好靚，有四大塊！每人仲跟左隻生雞蛋點牛肉食😄另外staff推介左一款新菜式，山口縣瓦片牛肉蕎麥麵。係熱食嘅沾麵式蕎麥麵，成個口感都好surprise，好好食😆一般食開熱嘅蕎麥麵都覺得麻麻哋，但呢個佢首先將蕎麥麵炒咗先，加上紫菜碎同牛肉再加埋個醬汁，熱熱地意外地好好食😆嘢飲方面叫咗兩杯乳酸梳打，青蘋果乳酸梳打同熱情果乳酸梳打，都幾唔錯❤️最後仲叫左芝麻雪糕，芝麻味好濃郁，呢餐食得好滿足😋

最近知道君怡酒店引入咗一間日本居酒屋，所以特登去食吓。餐廳環境好有日本嘅特色，一入門口便見到有色彩繽紛嘅燈籠掛喺門前，係一個打卡嘅好地方。叫咗兩杯飲品青蘋果乳酸梳打紅莓梳打梳打味道清爽，酸酸甜甜，好開胃。三文魚籽三色盒杯三文魚籽好鮮甜加埋鮮蟹肉同豆腐鮮味十足用一個好似首飾盒咁嘅盒仔裝住，好有特色。師傅發辦壽司刺身十分新鮮，鮮味十足。店員好貼心咁提醒我哋由最淡味嘅魚生壽司食到濃味嘅壽司之後我哋叫咗幾串串燒試吓有鮮冬菇，牛肋肉，白鱔同埋雞腎鮮冬菇好Juicy白鱔肉厚彈牙雞腎都幾爽口牛肋肉都充滿牛味壽喜燒牛肉鍋食到一半，店員就將一個Gas爐放上枱面再送上壽喜燒牛肉鍋 壽喜燒鍋大大份，入面有好多配料，有粉絲、娃娃菜，唔同嘅菇等等，好豐富。壽喜燒鍋調味適中，好好味。牛肉好大碟，牛味濃郁，肉質鮮嫩。店員仲會送上每人一隻生雞蛋，作為壽喜燒嘅醬料，雞蛋蛋味濃，充滿蛋香。響最近涼浸浸嘅天氣，食返個熱辣辣嘅壽喜燒鍋，好享受。最有驚喜嘅係山口縣瓦片牛肉蕎麥麵瓦片蕎麥麵是將抹茶蕎麥麵和牛肉、蛋絲等配料，放在瓦片上的蕎麥麵料理。店員話個瓦片係特登喺日本引入的，蕎麥麵經過簡單嘅煎煮，熱辣辣，有少少焦香。之後將蕎麥

隱世就唔一定偏僻嘅，呢間居酒屋係君悅酒店一樓，即係美麗華商場那條街，非常方便。🌟金磚豆腐（$38）外脆內軟😋🌟牛油果軟殼蟹沙律（$88）估唔到咁大碟，賣相好吸引😍😍牛油果幾多，軟殼蟹有3-4件，雜菜沙律爽脆👍🏻🌟香味燒牛肉（$78）洋蔥炒惹味，牛肉好香牛味😋👍🏻鐵板上，有誠意！🌟師傅發辦壽司五件（$158）魚好鮮，有啲入口即化；海膽鮮甜，正👍🏻🌟串燒雞皮（$36/2串）、雞軟骨（$32/2串）、牛舌（$68/1串）朋友激讚燒雞皮，話係食過最好食的，唔燶但好鬆脆😋😋😋雞軟骨都脆卜卜，牛舌都好厚肉👍🏻👍🏻環境幾靚幾舒適，食物質素也很不錯，價錢合理。服務一流，侍應很勤給我們添茶，上菜也給我們介紹一下👍🏻

星期五同男朋友去尖沙咀食居酒屋，無意見到君怡酒店入面有間居酒屋，感覺幾好，於是就決定入去試吓。果然冇失望，環境真係好似日本居酒屋咁，燈光昏暗、氣氛好輕鬆，令人一入到就想放鬆享受。蟹肉味噌帶子炒飯蟹肉同帶子的材料非常足夠，炒飯粒粒分明，味道濃郁，真係好好味！每一口都可以感受到鮮甜的蟹肉，真係一試成主顧。薑酒煮蠔蠔好大粒，湯汁濃郁，入口即溶，味道真係一試難忘，配上薑酒更加提升了整體風味，簡直係美味到爆！串燒雞翼，串燒薄牛肩，串燒五花腩非常好味，雞翼外脆內嫩，牛肩肉質鮮嫩，而五花腩更係肥而不膩，啖啖肉香！吞拿魚腩蓉小卷同汁煮日本茄子都好出色，小卷鮮味十足，而日本茄子更係吸收咗汁，味道一流，完美收尾。總體來講，呢間居酒屋真係值得一試，食物質素高，氣氛又靚，仲有咁多好味嘅選擇，肯定會再回來！

今日去了尖沙咀同朋友食居酒屋。朋友帶左我去君怡酒店1樓。”九十番地居酒屋“門口有好大個招財貓🐱我們點了本鮪中拖羅（2切）$118本鮪大拖羅（2切）$148肥美的吞拿魚腩🤣😂好鮮甜，好肥美😍。師傳發辦壽司（5點）$158鯛魚、白只、玉子等......好新鮮甜，好好味！🤣😂😝😝自家製免治雞軟骨棒$42鮮冬菇串$18大蔥雞肉串$32五花腩串$28全部串燒味道都不錯👍🏻👍🏻味噌蠔鍋$228有8隻肥美的蠔，有魚餅、娃娃菜、菠菜、金菇、本菇、粉絲等......好多料好豐富。山口縣瓦片牛肉蕎麥麵$138😂🤣用真的瓦片上菜，蕎麥麵底煎得脆脆的，牛肉腍滑好香，炒得好好味。日式雪糕$28(芝麻）好濃的芝麻味！青蘋果乳酸梳打$48熱情果乳酸梳打$48

成日都經過尖沙咀君怡酒店，但就冇正式入過去食野，今次同朋友黎到酒店入面新開九十番地居酒屋一試，食物幾樣都好高質，服務亦好好👍🏼三文魚籽蟹膏豆腐，三文魚籽吱吱口感十足🧡蟹膏豆腐軟滑，陣陣蟹膏味滲出。汁煮梅貝即榮螺，醬汁香甜入味，榮螺充滿嚼勁🐚呢度卷物種類頗多，同朋友就揀咗松葉蟹肉壽司🦀同埋鐵火小卷。松葉蟹肉壽司一絲絲蟹肉好清甜🤍鐵火小卷裡面系拖羅，油脂豐富，入口即溶。夏蜜柑銀鱈魚🐟好大份！魚皮同魚肉油香亦十分豐富，魚肉每一片都好大片，魚肉嫩滑清甜，沾上沙律醬更美味💛有埋夏蜜柑組合好特別🍊清新解膩。牛肉牛蒡天婦羅烏冬🐮🍤好耐冇食牛蒡，外皮香脆，牛蒡口感實在，魚素主義朋友亦表示滿意。牛肉油脂分佈均勻，牛肉味香濃。

經過尖沙咀君怡酒店，望入去見到有新開嘅居酒屋，仲係喺新張試業期間～就心血來潮試吓！本鮪中拖羅、本鮪大拖羅望落新鮮，咬落都冇筋壽喜燒牛肉鍋有四大片牛肉，壽喜燒汁味濃郁山口縣瓦片牛肉蕎麥麵有特色，瓷器係用真瓦片製成，蕎麥麵咬落有少少脆口師傅發辦壽司（5點）有蜜柑鯛、池魚、鰤平魚、蟹膏豆腐、右口魚邊，都幾新鮮串燒方面，我哋嗌咗五花腩、大蔥雞肉、薄牛肩、冬菇，都幾有驚喜，調味唔錯，特別係薄牛肩👍🏻最後嘅甜品嗌咗芝麻雪糕，奶香味同黑芝麻味都好濃郁🥰

九十番地居酒屋 (尖沙咀)尖沙咀新開的居酒屋，🤗寛敝又整潔。同朋友仔食飯傾計好愉快。朋友唔食生野，好在熟食選擇有好多，💁🏻‍♀️鍋物、串燒、小食、沙律，麵應有盡有。壽喜燒牛肉鍋 $208好鍾意食壽喜燒牛肉鍋，👍🏻待應好貼心，會先𢳂起一碗，亦可以幫忙燒牛肉。有四大片牛肉，🐮牛肉肉質軟滑帶點油脂香，肉味好足，沾埋雞蛋，好正。牛舌 $68燒得岩岩好，好柔嫩。😗內面仲帶點粉粉，好有肉汁。雞翼2隻 $32簡簡單單正正常常的鹽味雞翼。白鱔 $68厚實帶點肉汁，加檸檬汁去一去魚味會更好食。蜜糖芥末雞皮餃子(4隻) $42呢個小食必點，外面乾身又脆，😋裏面嘅餃子餡好好食。蜜糖芥茉醬吃畫龍點睛。金磚豆腐 $38細細粒豆腐味幾濃，表層有七味粉，微微辣。自家製泡菜 $38爽脆，冇韓式泡菜咁濃味，爽辣爽辣咁，可惜份量偏少😛。

九十番地居酒屋一間日式居酒屋剛進駐於酒店內,餐廳位於九龍尖沙咀金巴利道28號君怡酒店1樓,餐廳裝修簡約,設計用日式居酒屋概念,餐廳門口擺設咗一隻巨型招財貓,窗邊擺有好多不同種類嘅酒樽,設有清酒櫃,餐廳主打日式居酒屋,服務業招呼殷勤有禮。2人套餐刺身本鮪拖羅,有四件配有日式醬油和芥末,本鮪拖羅肥美鮮甜,入口即溶。壽司有海膽豆腐壽司,金鯛壽司,思念魚壽司,中拖壽司,右口魚壽司,各款壽司新鮮甜美。串燒有鮮冬菇串,五花腩串,雞腎串,牛舌串,鮮冬菇味濃,五花腩有油香味,雞腎爽口美味,牛舌有牛味。壽喜燒牛肉鍋牛肉鍋配料有豆腐,大蔥,娃娃菜,金菇菜,粉絲,鮮冬菇,洋蔥,紅蘿蔔,材料豐富,牛肉肥瘦分佈均勻,食落嫩滑有牛味。山口縣瓦片牛肉蕎麥麵蕎麥麵用瓦片盛載著上桌,配料有辣紅蘿蔔蓉,紫菜,蛋絲,檸檬和香蔥,配有醬汁,牛肉和蕎麥麵與醬汁撈勻食更美味。甜品黑糖抹茶蕨餅蕨餅是日式品甜之一,蕨餅本身無味,用黑糖和抺茶與蕨餅製作成甜品,微甜有口感。飲品熱情果乳酸梳化和青蘋果乳酸梳打。