九記海鮮小廚

营业中

休息中

這裏已成為小弟吃小菜晚飯的新飯堂了...最近一星期去了兩趟。當然其中最重要的原因是離家較近，原本是要去九龍居的，但要是太夜的話，去到土記紅蘋果街市那一邊就真的辛苦了太座，而且這裏的小菜勝在大件夾抵食，九叔的招呼也是好得沒話說的。成為自己的新飯堂，是有理由的...差不多每次去九叔都推介我們吃蒸蒜蓉蝦，記得第一次去時試，蝦夠新鮮，最重要是蒜蓉真的夠多，吃完後嗰口真的臭得過份。好在我們兩口子都是蒜蓉魔怪，旁人看見，為之惻目是次吃到的蝦比上次更出色，除爽甜兼彈牙之外，還有大量的膏；蒜蓉及葱花舖滿整個碟，但小弟及太座依舊將之一掃光，實在是太誇張了第二次偕多一位老友前往，再試試其蒜蓉粉絲蒸扇貝。扇貝肉夠厚，同樣的新鮮，同樣的多蒜，同樣的出色...普通小菜水準是遠不及海鮮類的。炆鯇魚煲份量雖夠，但味調得太鹹，且鯇魚經走油後鮮味全失，失色...不過，一碟冬菇土魷蒸肉餅又做得不錯。料足，肉餅質感軟滑，只有用半肥瘦刴才有如斯效果，而且味調得沒有想像的鹹，送飯之極品也....每人六七十大洋，吃得捧着肚子出來，抵食之至....

友人奇雲高達兄相約陵兄在土瓜灣交收,順便叫小弟一起晚飯.三個人在美景街的"九記"開餐.在土瓜灣吃鑊氣小炒,數到七喜,九龍居,新三興等等,但在偉恆昌近海邊的一帶,又只得九記,難怪平日晚上,也一樣爆場.先喝著冰凍青島再點菜,先來個豉汁蒸鱔,豉汁濃惹,但安於本份,不會搶去白鱔的鮮味.而白鱔經過豉汁提點之後,鮮味更出.接著的薑荵爆田雞,上桌時仍"沙沙聲",熱氣逼人.薑荵的辛辣,有助僻去田雞的腥味,兼令到田雞肉更加惹味.不知是否如前文鴨記祥興的即殺,但這煲田雞,肉質又嫩兼帶爽.來吃小炒,一定要些椒鹽菜式,九肚拼鮮魷,同上次外賣的經驗一樣,外層不厚,口感鬆花.九肚嬌嫩鮮魷爽口,佐酒佳品.這夜有聖子,理所當然要個豉椒炒聖子,聖子不是King size,只能用豉椒炒,聖子肉質漲卜,吃落爽甜,而個豉汁就極為惹味.最後才加的鯪魚球,再來白飯,用鯪魚球點送飯?當然是用跟上的蜆介醬,都說這個蜆介醬並不是人人受到,其味如嘔吐物的味道,個性極強烈,愛它就會愛到死,不好此味者就極為抗拒,沒有中間位.我們三個也是吃得之人,用來撈飯吃,簡直吃到不知其味.

尋晚四個人去食, 四樣野, $198 only, 仲要飽到食唔落, 真係very good.一黎豉椒聖子, 都好多肉食, 唔係淨係得D殼, 我地連D洋蔥青椒全碟食晒, 好惹味!之後黎左薑蔥田雞, 都係啖啖肉, 生熟arm arm 好, 唔會太生唔敢食, 太熟好鬼un.再黎咸魚雞粒豆腐煲, 雞粒豆腐都好滑, 不過咸魚略嫌少左D.最後炒個蒜茸豆苗, 小小un, 不過都未去到有渣.最後一提就係呢道D碟頭都幾大碟, 賣相都唔會話好好, 但正因為賣相唔太好, 反而D野食會好味D. 同埋都唔算勁多油. 老闆同伙記都幾好笑容. 抵讚!

住在此區多年,也是近兩年才會到美景街一帶找吃.街中的人氣福建小吃老好清香,光顧比較多,在對面的九記,就從未去過.土瓜灣有名的小炒店,名字也會有個數目字在內,如"七"喜,新"三"興,還有這間同賣牛腩的九記,一點關係也沒有的"九"記.打包些小炒送酒睇碟,一定要香口行先,椒鹽九肚魚,再要個椒鹽鮮魷拼蜆介鯪魚球.大廚未煮之前走出來說個九肚魚打包後盡快吃,否則就變淋不好吃了.)拿回家中,未及開瓶積.丹尼爾,已經打開外賣盒,嘗其九肚魚.炸得香脆,肉質嫩滑.雖然比之前在蟹增盞吃過的略略不及,但已經很不錯.再打開盒鯪魚球拼鮮魷,即刻嚇呆咁多,點食得晒呀?!)其鯪魚球,沒有同區的九龍居做得大大粒,細細粒反而容易食.充滿魚味,口感彈牙,再送濃烈的蜆介醬,再一口充滿燒柴味的威士忌,味道很夾.椒鹽鮮魷的粉漿不厚,外層香脆,鮮魷新鮮爽口,非急凍之咬橡筋之貨.幾管齊下,套戲未到三份一,已吃清光....

返到家附近，已差唔多晚上十時。飯又未食，跟太太建議再嚟，太座自從上次食過呢度後，印象大大改觀，於是欣然前往...都未坐暖落張櫈到，友善嘅老闆又再度推介: "今日蝦同扇貝得wor"...正在盤算之際，老闆忽然道: "不如嚟個雙併la"。哈哈，反正從未試過咁樣雙併法，就試試佢，再加個菜心炒牛肉就應該"夠脾"。根據上次嘅經驗，真係食凸有餘，如果唔係睇怕飽到發惡夢都似....菜心即炒即上，熱到烟霧彌漫(睇張相就知la)。尚算新鮮，但似乎炒得過咗少少火，老咗少少；牛肉當然係梳打牛，不食也罷...蒜蓉蒸蝦加扇貝落咗極多葱及蒜蓉，極惹味，太座食得極高興(因佢係garlic monster )；蝦跟扇貝都尚新鮮。始終嚟呢度都係要叫一兩味海鮮先得，有保證ma，普通小菜佢哋嘅水準始終係麻麻...越夜越精彩。隔籬數枱不斷大聲飲酒猜枚，嚇得太座大皺眉頭...食完馬上逃之夭夭....

跟太座撑枱腳。太太工作得有D累，唔想行咁遠，去得多老好清香又太單調，過嚟對面嘅呢度試吓都不妨...店子不大，好街坊格局。正望住寫滿牆上嘅餐牌之際，忽然殺出一個狀似老細嘅物體，笑笑口道: "使乜諗吖，椒鹽鮮魷正吖..."，OK...老細推介一定冇走雞，反正有一排冇食過...太座推介嘅係醬爆白鱔球，又好啫...再加個金銀蛋莧菜，點知老細又嚟料: "莧菜唔當造wor...白菜仔la...仲正"...哈哈...又係wor，都入秋嘞，食乜鬼莧菜呢?望見隔籬枱嘅酥炸鯪魚球，嘩...睇怕一碟都有成二十粒，一嚇....叫咗成三碟嘢，食得晒乎?唔緊要，老細話: "食唔晒唔好徙，俾個盒俾你攞番去la..."果然不出所料，鮮魷份量多到漏，難得亦夠新鮮，肉爽亦夠彈牙，脆漿亦唔算過厚，新鮮滾熱辣炸起，送酒嘅最佳朋友...白鱔球就唔得嘞...最弊嘅係D白鱔又係走過油，食落感覺跟個鮮魷一樣，好熱氣，連阿老細行過見到都話: "嘩...咁熱氣ar ?" ... 而且呢個白鱔嘅炸粉就太厚la，食到層粉多過嚿鱔，失敗...始終呢D小店嘅師傅都習慣將D食材先走油，唉...冇辦法...白菜仔又係超巨size，皮蛋及鹹蛋片份量超

今日小學同學突然打黎叫去食飯"我地有五個人....最後大家去左九記試下叫左五個餸由於唔係我點菜,D菜名可能唔太岩,,^^椒鹽骨- 其實係豬扒,不過都幾好..因為啖啖肉八珍豆腐煲- 唔錯,好多野...豆豉凌魚炒生菜- 呢個好味!大大碟,好抵食.. 我食左半碟,不如果果可以少D油就仲好咕嚕肉- 呢個朋友想食,我就覺得好COMMON唔知咩炒聖子- D聖子唔錯,都食得過仲有叫左5個飯,2罐ZERO 最後埋單..$239好抵... 我仲諗住要300起碼"雖然間鋪係舊左d~不過都冇見到有小動作"如果去食,七點左右就要去到"過多陣就會無位~

對上一次幫趁已是四,五年前的事,還記那次的小菜水準不是太好,因為實在太多油了,所以自此以後也沒有再光顧.今晚相約了朋友,她提議到九記食飯,說這裡很抵食,又試下多年後的九記是石有所改善.三人行, 叫了椒絲腐乳通菜,黑椒牛仔骨同蜆芥鯪魚球.三者的水準都不錯,而且改善了多油的方式,點到即止.未到七時半已經開始要排隊入座,看來都有不少的捧場客.服務方面是有的,雖然人手不多,但起碼笑面迎人,即叫即到為你服務.連兩個白飯,埋單$127.

我去親都會食蒜蓉蒸蝦椒鹽骨其他都好食而且唔係好貴4個人食都係200左右!

呢度幾乎係我屋企o既飯堂；當媽媽冇時間煮飯，我地通常都拉隊o黎開飯，貪佢夠平又抵食，而且樣樣o野都熱辣辣，夠鑊氣。尋晚一行十一人，o黎呢度食飯叫o左：1. 蒜蓉蒸蝦：D蝦太細隻，開邊蒸已經冇乜肉地。2. 生炒骨：好骨，冇乜肉食。3. 炒通菜：二＋蚊一大碟，抵食。4. 豉汁炒蜆：大大碟幾抵食，不過D蜆有沙。5. 蜆介鯪魚球：好大粒。6. 涼瓜牛肉：太飽冇食到。7. 蒸魚頭韻：超級鮮甜，正！8. 咸菜蚊豬肚：冇乜糊椒味，咸菜同豬肚都好味道。9. 豉汁蒸鵝腸：有D辣辣地，鵝腸滑滑，濃味。10. 椒鹽鮮尤：好香，尤魚唔"un"，正！食o左咁多o野埋單都係四百幾蚊，抵！

一句講哂,夠鑊氣,底食