九記牛腩

营业中

休息中

呢間長期有好多大陸人排嘅舖頭，不過而家大陸人冇黎就少咗人食。平時未開鋪已經好多人排。所以依家有陣時經過見冇人排都會直接入去食。位置仍然坐得非常逼。叫左牛筋腩咖哩伊麵，呢度嘅牛腩可能冇叫淨腩嘅D就會麻麻，牛腩咬開後好嚡；牛筋就ok啦，但係一咬就碎曬；不過呢度嘅伊麵係有味高質而且碗湯細細碗應該真係精華，好多人真係會飲曬，我覺得呢個亦都係九記做得好嘅地方。可惜牛腩就可能真係要叫淨腩先至好食，不過淨係叫碗牛腩麵都已經七八十蚊。當然依家牛價貴可能真係要咁上下價錢，但係如果想食平啲都應該有其他差不多的選擇。

This is THE beef brisket noodles. On a normal day, expect queues but today was a rainy day and there was hardly someone around tea time. The bright, updated decoration might make you think it lacks history but the faces can’t hide it. It has stood the test of time and you just need to try the noodles to taste.I don’t bother with anything else but the signature beef brisket. Quick service, petite portions that leave craving for more. This is boutique style. Tip: for an extra kick, add the spicy s

一入到去啲阿叔阿伯個態度都好唔歡迎，然後啲位好迫好窄，食物選擇少，本身想嗌牛腩河粉，點知冇河粉，然後嗌咗個牛腩粗麵，上到嚟就好似圖片咁，冇咩食欲。🤭我習慣第一啖飲湯先，一試到個湯底鹹到不得了，然後個粗麵本身都有味，鹹上加鹹，因為我冇嗌嘢飲，我就問可唔可以俾杯水我呀？啲麵有啲鹹，重點嚟喇，佢話啲面本身就有味啦，你唔食得鹹咪嗌米粉囉，你想要水呀？加一杯$15💰聽到我真係激死，未聽過話要一杯水都要加錢？然後我就食咗幾舊肉嗱嗱聲走啦，啲面根本食唔落啦，唔會再食呢間第二次。😤😐

小店細細地，但都坐到好多枱，所以會迫d，但有麵檔氣氛，疫情少遊客，所以好快排完隊入座，同時大多數食客都係熟客，大家都好快食完好快離座。我都遇左搭枱，但無諗住係角位張枱都要坐5個人，真係食唔到，大家手撞手，好彩有2位突然離座，最後4個人一枱，我都快快食完離座，免得阻住下一位，食到有少少壓力。上湯牛腩米粉 $60雖然碗仔細細，但份量都夠，牛腩有5-6件，入口鬆化夠腍，唔痴牙，牛味都重，可謂當日2pm 賣哂河粉，只好揀米粉，都吸到上湯同牛味，但個人覺得牛腩河夾d，上湯濃而不油，微咸鮮甜帶牛味，好飲過撈粗個碗湯。蠔油牛腩撈粗麵 $86牛腩都有5-6件，味道一樣咁好，但撈麵的湯太咸，反而上湯麵的湯更好飲且不咸，撈麵唔會好乾，加蠔油撈來食，初頭味道都幾好，但好快越食越咸，飲湯更加咸，最尾個d粗麵食落去，直頭咸到苦，已經慢慢撈少少蠔油，唔係一次過撈哂。最後太咸，用友人d上湯洗洗d菜先食，救反個味蕾。

記得以前跟老公拍拖常常來吃，這是拍拖的味道。後來慢慢人太多，每次來也要排長龍，也試過很多次泊不到車而要轉頭走人。今天趁一個人午餐，打算走走路，一個人來碰碰運氣，尋找遺失的味道。不多人，不用等，不用排。簡單一碗麵，獨特的咖喱汁味，軟綿綿的伊麵底，香濃的牛筋腩，尋回了遺失的好味道。略嫌牛腩有點碎，但想一想，可能因為要燉到咁淋就難免會碎一點。真矛盾！又想有咬口，又想可以淋淋咁吸滿咖喱的味道…叫人點取捨喎😜

全港最好食嘅牛腩河之一九記牛腩河 相信冇乜人未聽過佢個名 今日舊地重遊 令人懷念相信有跟開本人食評的朋友都應該知道本人前世同牛有仇 而偏偏九記牛腩又真係好美味首先佢哋個湯底濃而不膩 飲完唔會口乾 河粉軟硬適中 頗彈牙 有口感 至於主角清湯腩 入口有咬口但並唔韌 因為本人並唔鍾意食牛筋 所以佢嘅質感非常啱我胃口 咬落就有濃濃嘅牛肉汁於口內四溢 而且可能佢哋係順紋切 所以可以好有趙口 以及牛腩份量適中 可以餸完成碗河粉始終今時今日嘅消費水平偏高 但要$60食碗牛腩河始終略嫌偏貴 如果可以將價格向下微調會更受歡迎

之前去過幾次去食其他食店，家人一直嚷着要食九記牛腩，昨天終於在晚市時段去光顧。平日的晚上六時多，人流不多，順利入座。三人行，已經沒有河粉供應。各自叫了牛腩伊麵、牛腩粗麵，及後家人忍唔住追加了一份咖喱牛腩伊麵。咁嘅情況，唔使講，都知道一定係好食啦！牛腩鬆軟可口，伊麵不是太油，棉質甘香可口，粗麵沒有鹼水味，咖喱味濃香，湯底清香濃郁，店員告訴我們他們只選用了牛做湯底。（因為有一些其他小店，會加了豬骨做湯底的，由於我自己不食豬肉，所以對此多作特別查詢）喜愛清淡的我，略嫌偏鹹。食後還是有一點口乾，不知有沒有請「師傅到」。不太喜愛蔥花的我，對他們在麵上加的蔥花，感覺是靈魂的所在！$60-$65一碗，份量十足！地方整體乾淨企理，只收現金，沒有免費茶水供應，飲品也不便宜，凍檸茶$26。營業時間為12點至晚間10點左右，星期日及公眾假期休息。應該都是上了岸的小店，舊有的味道，還是需要多珍惜，有機會總要去多幾次！

✨上湯牛腩伊麵牛腩較瘦 肉質較柴黐牙伊麵 麵質幾好 唔會過腍湯略鹹 食完會好口渴唔知係咪疫情關係 星期六中午都唔需要等位近年好少食九記 因為唔係平但食物一次比一次差環境服務普通 今次之後未必會再去

九記出名既就係咖喱牛筋腩伊麵，於是同朋友一人一碗，本身好肚餓，都擔心唔夠飽，點知一黎到…嘩…多到咁！好足料 ！啲餸真係好多，食餸都夠飽。咖喱味好香，好入味，不過感覺有啲油。

我同同事都係牛腩迷，終於專登山長水遠走來食上環九記牛腩，我既心情又高漲又期待，去到現場叫左一碗上湯牛腩河，加淨湯。我同事叫左咖哩牛腩撈加凍檸茶，過左數分鐘食物到啦，目測碗牛腩河粉碗既size比起淨湯碗大小小，以一個正常男人來計，依個份量一定唔夠食既，好事不宜遲，試下碗上湯牛腩河先，第一啖就試下牛腩湯底係淡而無味，略帶小小鹹，再試埋牛腩，噢，味道一般，而且唔夠諗及好韌，河粉份糧不足，4至5啖食完，再試埋碗淨上湯，上湯味只有味精味同鹹味，完全大打拆扣，連我咁鐘意飲湯既都頂唔住，基本沒可能會食飽，不能接受。我再試下同事既咖哩牛腩伊麵，咖哩味淡而且咖哩好稀，咖哩牛腩同伊麵都都只可以講用來維持生命。總括來講，我同同事都比負評，sorry,係劣評先岩，你問我仲來唔來食？以咁既價錢同食物，我只可以講沒下次。

慕名而來到這裏是牛腩，我叫了牛筋牛腩撈伊麵就要80多元，加上一杯奶茶一共要110多元。咖喱汁美味，牛筋也炆得很軟，伊麵也彈牙，但是牛腩就有點兒柴，加上價錢有點兒貴。此外奶茶也一般，沒有特別之處，應該不會再來了。

响香港咁耐聽九記牛腩好耐,但都未試過終於試咗次(其實本身想去水記,但去到先知星期六日唔開,所以最後去咗九記😅)嗌咗個咖哩牛筋腩粗麵(俾同行朋友話5識食,黎九記梗係吃清湯腩好似佢咁樣😂)但鍾意重口味,所以就要咖哩湯底比想像中大碗,湯底算濃郁厚身,最欣賞嗰粗麵,彈牙冇鹼水味,索哂D咖哩湯,正牛腩就普通啦,但好多舊..同行朋友話:你碗梗係多牛腩,5靚嗰D部份用黎整咖哩㗎嘛~我就對牛腩、爽腩、崩沙腩冇乜研究覺得成碗野好味就係咁膚淺呢碗咖哩麵冇記錯好似$60, 可以接受價錢味道覺得都5錯嘅,但又未到要專登去食嘅程度...(可能我5係吃清湯腩,5知有乜驚為天人嘅味道..)

九記不嬲都出名多人食，但近年無以前咁癲大排長龍。今次同朋友晏晝5點食，無乜人。嗌左咖哩牛筋腩粗麵，凍奶茶，凍咸柑橘，埋單$117。點解河粉成日都賣曬既，有無咁搶手呀🥲其實呢到有最低消費每人$60, 即係一碗麵既價錢。雖然我地嗌得1碗麵，但加2杯野飲所以都ok!

1.上湯牛腩米 $60牛腩超級軟林，比左6、7舊😋湯底偏鹹，米粉質感正常，份量吾係好多，整體高質吾錯，但價錢偏貴🤣值得一提既係飲落吾似味精湯，飲完都吾會好鹼，吾錯喔 （評價：6.9/10）2.咖喱牛筋腩伊面 $65咖喱汁超濃郁，香辣惹味，用黎撈麵一流，而且超級掛汁😋個汁好好味，牛筋牛腩都十分軟林，份量都多，整體好味推介，我覺得呢個值得番兜 （評價：7.2/10）💡個環境同服務吾算好好，我覺得如果經過中環，就可以黎試試，吾洗特登黎食

由90年代大排檔開始 幫趁多年 當年嘅牛腩同埋湯底真超班。 然後多年無去 因水準下降驚人 價錢卻拾级跳 由街坊食堂 搖身变成遊客打咭点。今午路過 午飯時問1：30pm 都唔使排隊 故且去懷舊一吓 食碗腩伊。賣相仍不錯 先飲啖湯 有水準 伊麪都夠冧 但主角牛腩就 乾、柴、無肉味。難食情度 超哂標。盛惠$65大元。呢度D招呼 咁多年都出哂名差啦 今天依然故我！今時今日 清湯腩選擇多的是 咁嘅食物水準，服务態度和離地高价錢 真係祝佢好運。 對佢雖然仍有D情意结，支持佢起家嘅街坊，尤其當年最捧場嘅的士大佬 真係回頭太難！